ສໍານັກຂ່າວສານປະເທດລາວ, ວິທະຍຸກະຈາຍສຽງແຫ່ງຊາດລາວ, ໂທລະພາບແຫ່ງຊາດລາວ, ໜັງສືພິມພາສາຕ່າງປະເທດ, ໜັງສືພິມປະຊາຊົນ, ສູນກາງສະຫະພັນກໍາມະບານລາວ, ກົມໂຄສະນາອົບຮົມ ກະຊວງປ້ອງກັນປະເທດ, ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງບໍ່ແກ້ວ, ແຂວງອຸດົມໄຊ, ແຂວງຫຼວງພະບາງ, ແຂວງບໍລິຄໍາໄຊ, ແຂວງສາລະວັນ, ແຂວງເຊກອງ ແລະ ແຂວງອັດຕະປື.
ພິທີເປີດຊຸດຝຶກອົບຮົມດັ່ງກ່າວ ໄດ້ຈັດຂຶ້ນໃນວັນທີ 17 ກັນຍາ ນີ້ ທີ່ສະຖາບັນສື່ມວນຊົນ ແລະ ໂຄສະນາ ນະຄອນຫຼວງຮ່າໂນ້ຍ ສສ ຫວຽດນາມ ໂດຍການເຂົ້າຮ່ວມຂອງທ່ານ ຮວາງ ວັນ ເຫງ້ຍ ຫົວໜ້າກົມຮ່ວມມືສາກົນສະຖາບັນການເມືອງແຫ່ງຊາດໂຮ່ຈິມິນ, ທ່ານ ຟ້າມມິງເຊີນ ຫົວໜ້າສະຖາບັນສື່ມວນຊົນ ແລະ ໂຄສະນາ ສສ ຫວຽດນາມ, ທ່ານ ວັນເພງ ໄພຍະມາດ ເລຂາເອກ ຕາງໜ້າສະຖານເອກອັກຄະລັດຖະທູດແຫ່ງ ສປປ ລາວ ປະຈໍາ ສສ ຫວຽດນາມ ພ້ອມດ້ວຍຄູ-ອາຈານ ແລະ ນັກສຳມະນາກອນເຂົ້າຮ່ວມ.
ຈຸດປະສົງກໍເພື່ອສ້າງຄວາມເຂັ້ມແຂງໃຫ້ພະນັກງານຫຼັກແຫຼ່ງ ໃນຂົງເຂດສື່ມວນຊົນລາວ ໃນວຽກງານຄຸ້ມຄອງສື່ ໂດຍຈະເນັ້ນໜັກບັນຫາໃໝ່ໆ ທີ່ສຳຄັນໃນສະພາບປັດຈຸບັນຊຶ່ງນອກຈາກຮຽນທິດສະດີແລ້ວ ຍັງຈະໄດ້ລົງພາກປະຕິບັດຕົວຈິງ ແລະ ໄປເຄື່ອນໄຫວທັດສະນາສຶກສາ, ແລກປ່ຽນບົດຮຽນຢູ່ບັນດາສຳນັກງານ ຂອງສື່ມວນຊົນຢູ່ນະຄອນຫຼວງຮ່າໂນ້ຍ ແລະ ບາງທ້ອງຖິ່ນຂອງ ສສ ຫວຽດນາມ ຕື່ມອີກ.
ທ່ານ ຟ້າມ ມິງ ເຊີນ ໄດ້ກ່າວວ່າ: ການຝຶກອົບຮົມວຽກງານຄຸ້ມຄອງສື່ມວນຊົນ ໃຫ້ພະນັກງານຫຼັກແຫຼ່ງຂອງສື່ມວນຊົນລາວ ແມ່ນວຽກງານໜຶ່ງທີ່ສຳຄັນທີ່ສຸດທາງດ້ານການເມືອງຂອງສະຖາບັນສື່ມວນຊົນ ແລະ ໂຄສະນາ ຫວຽດນາມ ທັງນີ້ກໍເພື່ອສ້າງຄວາມເຂັ້ມແຂງໃນການເປັນຜູ້ນຳ ແລະ ພະນັກງານນຳພາຄຸ້ມຄອງສື່ມວນຊົນ ຂອງລາວໃນຕໍ່ໜ້າຊຶ່ງນັບແຕ່ປີ 2012 ມາຮອດປັດຈຸບັນ, ສະຖາບັນໄດ້ສຳເລັດການຈັດຝຶກອົບຮົມໃຫ້ຜູ້ບໍລິຫານ ແລະ ພະນັກງານຄຸ້ມຄອງສື່ມວນຊົນລາວ 7 ຊຸດ ໂດຍມີຜູ້ທີ່ຮຽນຈົບຫຼັກສູດຝຶກອົບຮົມທັງໝົດ 147 ຄົນ.
ຄໍາເຫັນ