ພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ແຂວງຄໍາມ່ວນ ໄດ້ຈັດກອງປະຊຸມສະຫຼຸບຂະບວນການແຂ່ງຂັນ-ຍ້ອງຍໍພາຍໃຕ້ຄໍາຂວັນ “ ຮັກຊາດ ແລະ ພັດທະນາ ” ປະຈໍາປີ 2023 ແລະ ສືບຕໍ່ເປີດຂະບວນການປີ 2024 ໄດ້ຈັດຂຶ້ນໃນວັນທີ 15 ພຶດສະພາ 2024 ຢູ່ທີ່ຫ້ອງປະຊຸມຂອງພະແນກ ( ຖວທ ) ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ບຸນມີ ພິມມະສອນ ຮອງເລຂາພັກແຂວງ ປະທານສະພາປະຊາຊົນແຂວງຄໍາມ່ວນ , ທ່ານ ໄຊສົມບູນ ສຸວັນດາລາ ກໍາມະການພັກແຂວງ ຫົວໜ້າພະແນກ ຖວທ ແຂວງເປັນປະທານກ່າວເປີດກອງປະຊຸມ , ມີບັນດາທ່ານໃນຄະນະພະແນກ , ແຂກຖືກເຊີນ , ຄະນະຂະແໜງ , ຄະນະກອງວິຊາການພ້ອມດ້ວຍພະນັກງານວິຊາການພາຍໃນພະແນກເຂົ້າຮ່ວມ .
ທ່ານ ສົມສັກດາ ແກ້ວມະນີ ຮອງຫົວໜ້າພະແນກ ຖວທ ແຂວງໄດ້ຜ່ານບົດສະຫຼຸບການເຄື່ອນໄຫວຂະບວນການແຂ່ງຂັນຍ້ອງຍໍຮັກຊາດ ແລະ ພັດທະນາປະຈໍາປີ 2023 ໂດຍໄດ້ຍົກໃຫ້ເຫັນຜົນງານການເຄື່ອນໄຫວທີ່ພົ້ນເດັ່ນຂອງແຕ່ລະຂະແໜງການປິ່ນອ້ອມພະແນກໃນໄລຍະ 1 ປີຜ່ານ
ມາຕະຫຼອດເຖິງບັນຫາສິ່ງທ້າທາຍຕ່າງໆທີ່ຈະຕ້ອງໄດ້ສືບຕໍ່ປັບປຸງແກ້ໄຂໃຫ້ດີຂຶ້ນ .
ທ່ານ ຄູນມີ ແສນປັນຍາ ໄດ້ຕາງໜ້າໃຫ້ແກ່ຂະແໜງແຂ່ງຂັນ-ຍ້ອງຍໍ ພະແນກພາຍໃນແຂວງຂຶ້ນຜ່ານຂໍ້ຕົກລົງຂອງທ່ານເຈົ້າແຂວງວ່າດ້ວຍການອະນຸມັດຍ້ອງຍໍບຸກຄົນທີ່ມີຜົນງານດີເດັ່ນໃນການເຄື່ອນໄຫວວຽກງານໃນໄລຍະ 1 ປີຜ່ານມາຈໍານວນ 74 ທ່ານ,ຍິງ 32 ທ່ານ , ໃນນີ້ຍ້ອງຍໍຂັ້ນແຂວງຈໍານວນ 72 ທ່ານ,ຍິງ 30 ທ່ານ , ຂັ້ນພະແນກຈໍານວນ 2 ທ່ານ,ຍິງ 1 ທ່ານ , ໃຫ້ກຽດມອບໂດຍທ່ານ ທ່ານ ບຸນມີ ພິມມະສອນ .ໃນພິທີດັ່ງກ່າວຍັງໄດ້ຜ່ານແຜນການເຄື່ອນໄຫວເປີດຂະບວນການແຂ່ງຂັນ-ຍ້ອງຍໍຮັກຊາກ ແລະ ພັດທະນາປະຈໍາປີ 2024 . ຈາກນັ້ນບັນດາຄະນະນໍາຂະແໜງການກໍ່ໄດ້ຈັບມືແຂ່ງຂັນ ເພື່ອພ້ອມກັນຈັດຕັ້ງປະຕິບັດຂະບວນການແຂ່ງຂັນ-ຍ້ອງຍໍໃນປີຕໍ່ໄປ .
ໃນໂອກາດດັ່ງກ່າວທ່ານ ບຸນມີ ພິມມະສອນ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວຈັດຕັ້ງປະຕິບັດວຽກງານໃນໄລຍະ 1 ປີຜ່ານມາພ້ອມທັງໃຫ້ມີການໂອ້ລົມ ແລະ ໃຫ້ທິດຊີ້ນໍາແກ່ຄະນະນໍາຂອງພະແນກ ຖວທ ແຂວງຕະຫຼອດເຖິງພະນັກງານວິຊາການທີ່ເຂົ້າຮ່ວມຊຶ່ງທ່ານໄດ້ຍົກໃຫ້ເຫັນບັນຫາເປັນຕົ້ນແມ່ນສະພາບການຂອງໂລກ ແລະ ພາກພື້ນທີ່ມີການຜັນແປໄປຢ່າງສະລັບສັບຊ້ອນ ແລະ ມີຄວາມຫຍຸ້ງຍາກ , ທ້າທາຍທີ່ສົ່ງຜົນກະທົບທັງທາງກົງ ແລະ ທາງອ້ອມຕໍ່ປະເທດລາວເຮົາເວົ້າລວມ,ເວົ້າສະເພາະແຂວງຄໍາມ່ວນ . ນອກຈາກນັ້ນຍັງໄດ້ເນັ້ນໜັກໃຫ້ເອົາໃຈໃສ່ຕໍ່ວຽກງານຈຸດສຸມຂອງພະແນກ ຖວທ ແຂວງທີ່ຕິດພັນກັບກອງປະຊຸມໃຫຍ່ອົງຄະນະພັກແຂວງ ແລະ ຂະບວນການແຂ່ງຂັນ-ຍ້ອງຍໍຮັກຊາດ ແລະ ພັດທະນາເປັນຕົ້ນວຽກງານ ຖວທ .
(ຂ່າວ-ພາບ : ແດງສະຫວັດ ແສນພານິດ) .
ທ່ານ ສົມສັກດາ ແກ້ວມະນີ ຮອງຫົວໜ້າພະແນກ ຖວທ ແຂວງໄດ້ຜ່ານບົດສະຫຼຸບການເຄື່ອນໄຫວຂະບວນການແຂ່ງຂັນຍ້ອງຍໍຮັກຊາດ ແລະ ພັດທະນາປະຈໍາປີ 2023 ໂດຍໄດ້ຍົກໃຫ້ເຫັນຜົນງານການເຄື່ອນໄຫວທີ່ພົ້ນເດັ່ນຂອງແຕ່ລະຂະແໜງການປິ່ນອ້ອມພະແນກໃນໄລຍະ 1 ປີຜ່ານ
ມາຕະຫຼອດເຖິງບັນຫາສິ່ງທ້າທາຍຕ່າງໆທີ່ຈະຕ້ອງໄດ້ສືບຕໍ່ປັບປຸງແກ້ໄຂໃຫ້ດີຂຶ້ນ .
ທ່ານ ຄູນມີ ແສນປັນຍາ ໄດ້ຕາງໜ້າໃຫ້ແກ່ຂະແໜງແຂ່ງຂັນ-ຍ້ອງຍໍ ພະແນກພາຍໃນແຂວງຂຶ້ນຜ່ານຂໍ້ຕົກລົງຂອງທ່ານເຈົ້າແຂວງວ່າດ້ວຍການອະນຸມັດຍ້ອງຍໍບຸກຄົນທີ່ມີຜົນງານດີເດັ່ນໃນການເຄື່ອນໄຫວວຽກງານໃນໄລຍະ 1 ປີຜ່ານມາຈໍານວນ 74 ທ່ານ,ຍິງ 32 ທ່ານ , ໃນນີ້ຍ້ອງຍໍຂັ້ນແຂວງຈໍານວນ 72 ທ່ານ,ຍິງ 30 ທ່ານ , ຂັ້ນພະແນກຈໍານວນ 2 ທ່ານ,ຍິງ 1 ທ່ານ , ໃຫ້ກຽດມອບໂດຍທ່ານ ທ່ານ ບຸນມີ ພິມມະສອນ .ໃນພິທີດັ່ງກ່າວຍັງໄດ້ຜ່ານແຜນການເຄື່ອນໄຫວເປີດຂະບວນການແຂ່ງຂັນ-ຍ້ອງຍໍຮັກຊາກ ແລະ ພັດທະນາປະຈໍາປີ 2024 . ຈາກນັ້ນບັນດາຄະນະນໍາຂະແໜງການກໍ່ໄດ້ຈັບມືແຂ່ງຂັນ ເພື່ອພ້ອມກັນຈັດຕັ້ງປະຕິບັດຂະບວນການແຂ່ງຂັນ-ຍ້ອງຍໍໃນປີຕໍ່ໄປ .
ໃນໂອກາດດັ່ງກ່າວທ່ານ ບຸນມີ ພິມມະສອນ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວຈັດຕັ້ງປະຕິບັດວຽກງານໃນໄລຍະ 1 ປີຜ່ານມາພ້ອມທັງໃຫ້ມີການໂອ້ລົມ ແລະ ໃຫ້ທິດຊີ້ນໍາແກ່ຄະນະນໍາຂອງພະແນກ ຖວທ ແຂວງຕະຫຼອດເຖິງພະນັກງານວິຊາການທີ່ເຂົ້າຮ່ວມຊຶ່ງທ່ານໄດ້ຍົກໃຫ້ເຫັນບັນຫາເປັນຕົ້ນແມ່ນສະພາບການຂອງໂລກ ແລະ ພາກພື້ນທີ່ມີການຜັນແປໄປຢ່າງສະລັບສັບຊ້ອນ ແລະ ມີຄວາມຫຍຸ້ງຍາກ , ທ້າທາຍທີ່ສົ່ງຜົນກະທົບທັງທາງກົງ ແລະ ທາງອ້ອມຕໍ່ປະເທດລາວເຮົາເວົ້າລວມ,ເວົ້າສະເພາະແຂວງຄໍາມ່ວນ . ນອກຈາກນັ້ນຍັງໄດ້ເນັ້ນໜັກໃຫ້ເອົາໃຈໃສ່ຕໍ່ວຽກງານຈຸດສຸມຂອງພະແນກ ຖວທ ແຂວງທີ່ຕິດພັນກັບກອງປະຊຸມໃຫຍ່ອົງຄະນະພັກແຂວງ ແລະ ຂະບວນການແຂ່ງຂັນ-ຍ້ອງຍໍຮັກຊາດ ແລະ ພັດທະນາເປັນຕົ້ນວຽກງານ ຖວທ .
(ຂ່າວ-ພາບ : ແດງສະຫວັດ ແສນພານິດ) .
ຄໍາເຫັນ