ກອງປະຊຸມສະຫຼູບວຽກງານການເງິນ ປະຈຳປີ 2023 ແລະ ທິດທາງແຜນການ 2024 ຂອງພະແນກການເງິນແຂວງອຸດົມໄຊ ໄດ້ຈັດຂຶ້ນໃນວັນທີ 21 ກຸມພາ 2024 ນີ້ ທີ່ສະໂມສອນແຂວງ ໂດຍການເປັນປະທານຂອງທ່ານ ສຸລິຍາ ສຸພິທັກ ຫົວໜ້າພະແນກການເງິນແຂວງ, ມີຄະນະນຳຈາກພະແນກການ, ອົງການ, ການນຳ 7 ເມືອງ, ພະນັກງານຂະແໜງການເງິນອ້ອມຂ້າງແຂວງເຂົ້າຮ່ວມ.
ກອງປະຊຸມຄັ້ງນີ້, ເພື່ອສະຫຼູບຕີລາຄາການຈັດຕັ້ງປະຕິບັດວຽກງານຂະແໜງການເງິນໃນທົ່ວແຂວງອຸດົມໄຊ ໄລຍະ 2023 ຜ່ານມາ. ດ້ານດີ-ຜົນງານ, ດ້ານອ່ອນ-ຂໍ້ຄົງຄ້າງ ແລະ ວິທີແກ້ໄຂໃນຕໍ່ໜ້າ. ຕະຫຼອດໄລຍະ1 ປີ ຜ່ານມາ ໄດ້ສຸມໃສ່ຈັດຕັ້ງປະຕິບັດມາດຕະການທາງດ້ານລາຍຮັບ ແລະ ລາຍຈ່າຍທີ່ສະພາປະຊາຊົນແຂວງຮັບຮອງເອົາດ້ວຍຄວາມເອົາໃຈໃສ່ໂດຍສະເພາະແມ່ນສຸມໃສ່ນໍາພາ-ຊີ້ນໍາ ຜັນຂະຫຍາຍບັນດາແນວທາງນະໂຍບາຍ, ມະຕິ, ຄໍາສັ່ງ ແລະ ກົດໝາຍຂອງລັດຢ່າງເຂັ້ມງວດ; ສ້າງຂະແໜງການເງິນໃຫ້ມີການພັດທະນາເຂັ້ມແຂງໜັກແໜ້ນ ໄປຕາມທິດທັນສະໄໝ ຕອບສະໜອງຄວາມຮຽກຮ້ອງຕ້ອງການຂອງການພັດທະນາເສດຖະກິດ-ສັງຄົມໃນໄລຍະໃໝ່ຕິດພັນກັບສອງວາລະແຫ່ງຊາດ; ສ້າງສະຖຽນລະພາບເສດຖະກິດມະຫາພາກໃຫ້ໝັ້ນທ່ຽງ ຄຸ້ມຄອງງົບປະມານໃຫ້ສົມຄູ່ກັບການຂະຫຍາຍຕົວທາງດ້ານເສດຖະກີດ, ສ້າງຄວາມເຂັ້ມແຂງຕາມທິດສາມສ້າງຂອງຂະແໜງການເງິນ, ຍົກສູງຄຸ້ມຄອງ ແລະ ບໍລິຫານລັດດ້ວຍກົດໝາຍໃຫ້ໂລ່ງລ່ຽນ ແລະ ວ່ອງໄວ ມີຄວາມທັນສະໄໝ, ເພີ່ມທະວີກົນໄກການປະສານງານກັບຂະແໜງການໃຫ້ມີຄວາມໜັກແໜ້ນກົມກຽວ, ຍົກສູງຄວາມເປັນເຈົ້າການຂອງທຸກພາກສ່ວນໃຫ້ມີສ່ວນຮ່ວມໃນການປະຕິບັດພັນທະພາສີ-ອາກອນ, ນະໂຍບາຍປະຍັດ ແລະ ຕ້ານການຟຸມເຟືອຍທາງດ້ານລາຍຈ່າຍ, ແກ້ໄຂຂອດອຸດຕັນ, ຂອດຄົງຄ້າງຂອງການຕົກເຮ່ຍເສຍຫາຍຂອງລາຍຮັບ ແລະ ການຮົ່ວໄຫຼທາງດ້ານລາຍຈ່າຍ ແລະ ພະຍາຍາມແກ້ໄຂຜົນການກວດສອບໃຫ້ຂາດຕົວໂດຍໄວ.
ກອງປະຊຸມໄດ້ລົງເລິກສະຫຼຸບຕີລາຄາການເຄື່ອນໄຫວລາຍຮັບ-ລາຍຈ່າຍ ງົບປະມານຂອງຂະແໜງການເງິນ ປະຈໍາປີ 2023 ທີ່ຜ່ານມາ ຕີລາຄາບັນຫາ, ສາເຫດໃນຕົວ ແລະ ນອກຕົວ, ຄວາມຮັບຜິດຊອບ, ມາດຕະການແກ້ໄຂ.ພ້ອມດຽວກັນນີ້ ຍັງໄດ້ຄົ້ນຄວ້າທິດທາງວຽກງານຈຸດສຸມ ແລະ ມາດຕະການລາຍຮັບ-ລາຍຈ່າຍ ປະຈໍາປີ 2024 ດ້ວຍຄວາມເປັນເອກະພາບສູງ ເພື່ອນໍາໄປຈັດຕັ້ງປະຕິບັດໃຫ້ມີຄຸນນະພາບ. ຮັບຟັງການສະຫຼຸບລາຍງານວຽກງານການເງິນ ປີ 2023 ແລະ ທິດທາງປີ 2024, ລາຍງານວຽກງານວິຊາສະເພາະວຽກງານການເງິນງົບປະມານ, ພາສີ, ສ່ວຍສາອາກອນ, ຊັບສິນ, ຄັງເງິນ ພ້ອມລົງເລິກຄໍາເຫັນຂອງບັນດາພະແນກການ, ອົງການອ້ອມຂ້າງແຂວງ ແລະ ເມືອງ ຕື່ມອີກ.
(ຂ່າວ: ແສງອາທິດ)
ກອງປະຊຸມຄັ້ງນີ້, ເພື່ອສະຫຼູບຕີລາຄາການຈັດຕັ້ງປະຕິບັດວຽກງານຂະແໜງການເງິນໃນທົ່ວແຂວງອຸດົມໄຊ ໄລຍະ 2023 ຜ່ານມາ. ດ້ານດີ-ຜົນງານ, ດ້ານອ່ອນ-ຂໍ້ຄົງຄ້າງ ແລະ ວິທີແກ້ໄຂໃນຕໍ່ໜ້າ. ຕະຫຼອດໄລຍະ1 ປີ ຜ່ານມາ ໄດ້ສຸມໃສ່ຈັດຕັ້ງປະຕິບັດມາດຕະການທາງດ້ານລາຍຮັບ ແລະ ລາຍຈ່າຍທີ່ສະພາປະຊາຊົນແຂວງຮັບຮອງເອົາດ້ວຍຄວາມເອົາໃຈໃສ່ໂດຍສະເພາະແມ່ນສຸມໃສ່ນໍາພາ-ຊີ້ນໍາ ຜັນຂະຫຍາຍບັນດາແນວທາງນະໂຍບາຍ, ມະຕິ, ຄໍາສັ່ງ ແລະ ກົດໝາຍຂອງລັດຢ່າງເຂັ້ມງວດ; ສ້າງຂະແໜງການເງິນໃຫ້ມີການພັດທະນາເຂັ້ມແຂງໜັກແໜ້ນ ໄປຕາມທິດທັນສະໄໝ ຕອບສະໜອງຄວາມຮຽກຮ້ອງຕ້ອງການຂອງການພັດທະນາເສດຖະກິດ-ສັງຄົມໃນໄລຍະໃໝ່ຕິດພັນກັບສອງວາລະແຫ່ງຊາດ; ສ້າງສະຖຽນລະພາບເສດຖະກິດມະຫາພາກໃຫ້ໝັ້ນທ່ຽງ ຄຸ້ມຄອງງົບປະມານໃຫ້ສົມຄູ່ກັບການຂະຫຍາຍຕົວທາງດ້ານເສດຖະກີດ, ສ້າງຄວາມເຂັ້ມແຂງຕາມທິດສາມສ້າງຂອງຂະແໜງການເງິນ, ຍົກສູງຄຸ້ມຄອງ ແລະ ບໍລິຫານລັດດ້ວຍກົດໝາຍໃຫ້ໂລ່ງລ່ຽນ ແລະ ວ່ອງໄວ ມີຄວາມທັນສະໄໝ, ເພີ່ມທະວີກົນໄກການປະສານງານກັບຂະແໜງການໃຫ້ມີຄວາມໜັກແໜ້ນກົມກຽວ, ຍົກສູງຄວາມເປັນເຈົ້າການຂອງທຸກພາກສ່ວນໃຫ້ມີສ່ວນຮ່ວມໃນການປະຕິບັດພັນທະພາສີ-ອາກອນ, ນະໂຍບາຍປະຍັດ ແລະ ຕ້ານການຟຸມເຟືອຍທາງດ້ານລາຍຈ່າຍ, ແກ້ໄຂຂອດອຸດຕັນ, ຂອດຄົງຄ້າງຂອງການຕົກເຮ່ຍເສຍຫາຍຂອງລາຍຮັບ ແລະ ການຮົ່ວໄຫຼທາງດ້ານລາຍຈ່າຍ ແລະ ພະຍາຍາມແກ້ໄຂຜົນການກວດສອບໃຫ້ຂາດຕົວໂດຍໄວ.
ກອງປະຊຸມໄດ້ລົງເລິກສະຫຼຸບຕີລາຄາການເຄື່ອນໄຫວລາຍຮັບ-ລາຍຈ່າຍ ງົບປະມານຂອງຂະແໜງການເງິນ ປະຈໍາປີ 2023 ທີ່ຜ່ານມາ ຕີລາຄາບັນຫາ, ສາເຫດໃນຕົວ ແລະ ນອກຕົວ, ຄວາມຮັບຜິດຊອບ, ມາດຕະການແກ້ໄຂ.ພ້ອມດຽວກັນນີ້ ຍັງໄດ້ຄົ້ນຄວ້າທິດທາງວຽກງານຈຸດສຸມ ແລະ ມາດຕະການລາຍຮັບ-ລາຍຈ່າຍ ປະຈໍາປີ 2024 ດ້ວຍຄວາມເປັນເອກະພາບສູງ ເພື່ອນໍາໄປຈັດຕັ້ງປະຕິບັດໃຫ້ມີຄຸນນະພາບ. ຮັບຟັງການສະຫຼຸບລາຍງານວຽກງານການເງິນ ປີ 2023 ແລະ ທິດທາງປີ 2024, ລາຍງານວຽກງານວິຊາສະເພາະວຽກງານການເງິນງົບປະມານ, ພາສີ, ສ່ວຍສາອາກອນ, ຊັບສິນ, ຄັງເງິນ ພ້ອມລົງເລິກຄໍາເຫັນຂອງບັນດາພະແນກການ, ອົງການອ້ອມຂ້າງແຂວງ ແລະ ເມືອງ ຕື່ມອີກ.
(ຂ່າວ: ແສງອາທິດ)
ຄໍາເຫັນ