ພະແນກຍຸຕິທໍາແຂວງ ຄໍາມ່ວນສະຫຼຸບການຈັດຕັ້ງປະຕິບັດວຽກງານແຂ່ງຂັນ-ຍ້ອງຍໍ

ທ່ານ ລໍາພອນ ສີອັກສອນ ຮອງຫົວໜ້າພະແນກຍຸຕິທໍາແຂວງ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານແຂ່ງຂັນ-ຍ້ອງຍໍພາຍໃຕ້ຄໍາຂວັນ “ຮັກຊາດ ແລະ ພັດທະນາ”. ໃນປີຜ່ານມາໄດ້ເປີດຂະບວນການແຂ່ງຂັນຢູ່ຂັ້ນຕົນໃນຂໍ້ແຂ່ງຂັນ 5 ຂໍ້ຄື: ແຂ່ງຂັນປະຕິບັດແບບແຜນວິທີເຮັດວຽກທີ່ດີມີເຕັກນິກ ແລະ ວິທະຍາສາດ, ແຂ່ງຂັນປະຕິບັດລະບຽບກົດໝາຍຢ່າງເຂັ້ມງວດ, ແຂ່ງຂັນປະຕິບັດວຽກງານວິຊາສະເພາະ, ແຂ່ງຂັນປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ, ແຂ່ງຂັນປະຕິບັດວຽກງານວັດທະນະທຳ-ສັງຄົມ (ການສ້າງຂະບວນການ). ພ້ອມນັ້ນຍັງໄດ້ຕີລາຄາດ້ານດີ, ດ້ານອ່ອນ-ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້, ທັງນີ້ ກໍເພື່ອນໍາມາປັບປຸງແກ້ໄຂໃນປີຕໍ່ໄປໃຫ້ໄດ້ຮັບໝາກຜົນດີຂຶ້ນກວ່າເກົ່າໂດຍອີງໃສ່ຕົວຊີ້ວັດທີ່ວ່າ: ເຮັດໃຫ້ດີ, ເຮັດໃຫ້ໄວ ແລະ ເຮັດໃຫ້ຖືກລະບຽບກົດໝາຍ. ນອກນັ້ນຍັງໄດ້ວາງຈຸດປະສົງ-ຄາດໝາຍ ແລະ ເນື້ອໃນວຽກງານຈຸດສຸມແຕ່ລະດ້ານເພື່ອຈັດຕັ້ງປະຕິບັດໃນປີ 2025 ຕໍ່ໄປ.

ໃນພິທີໄດ້ຜ່ານຂໍ້ຕົກລົງຂັ້ນແຂວງ ແລະ ຂັ້ນພະແນກ ໃນການຈັດຕັ້ງປະຕິບັດວຽກງານຕົວຈິງສາມາດປະເມີນຜົນຂອງຂະບວນການແຂ່ງຂັນແຕ່ລະໄລຍະຄື: ພະນັກງານ-ລັດຖະກອນ ທີ່ມີຜົນງານດີເດັ່ນ ຄື: ປະເພດ 1 ມີ 36 ຄົນ ຍິງ 15 ຄົນ ແລະ ປະເພດ II ຂັ້ນພະແນກຍ້ອງຍໍມີ 8 ຄົນ ຍິງ 2 ຄົນ. ໃຫ້ກຽດມອບໃບຍ້ອງປະເພດ 1 ໂດຍທ່ານ ຄໍາສອນ ແລະ ມອບໃບຍ້ອງຍໍປະເພດ 2 ໂດຍທ່ານ ນວນຕາ ແກ້ວນະວົງ. ຫຼັງຈາກນັ້ນ, ກໍໄດ້ຈັບມືແຂ່ງຂັນເພື່ອພ້ອມກັນຈັດຕັ້ງປະຕິບັດວຽກງານໃນປີຕໍ່ໜ້າໃຫ້ໄດ້ຮັບຜົນດີ ພ້ອມທັງຮັບຟັງການມີຄໍາເຫັນໂອ້ລົມຈາກຄະນະນໍາຂອງແຂວງ .

(ຂ່າວ-ພາບ: ແດງສະຫວັດ ແສນພານິດ)