 |
ທ່ານ ແກ້ວວົງທອງ ກົມມະແສງ ຮັກສາການເຈົ້າເມືອງປາກກະດິງ ກ່າວວ່າ: ການເຜີຍແຜ່ເອກະສານ ຄັ້ງນີ້, ຖືເປັນວຽກໜຶ່ງທີ່ມີຄວາມສຳຄັນຫຼາຍຕໍ່ການນໍາໃຊ້ເຕັກໂນໂລຊີ ແລະ ການສື່ສານ ເພື່ອສ້າງຄວາມຮູ້, ຄວາມເຂົ້າໃຈ ແລະ ເພີ່ມທັກສະໃຫ້ແກ່ພະນັກງານນໍາພາ-ບໍລິຫານຄຸ້ມຄອງ, ພະນັກງານວິຊາການ ຂະແໜງເຕັກໂນໂລຊີ ແລະ ການສື່ສານ ແລະ ຂະແໜງການອື່ນທີ່ຕິດພັນ.
ທ່ານ ວັດທະນາ ໄຊຍະແສງ ໄດ້ເຜີຍແຜ່ວິໃສທັດ, ຍຸດທະສາດ ແລະ ແຜນພັດທະນາເສດຖະກິດດິຈິຕອນແຫ່ງຊາດ ເພື່ອຮັບປະກັນການຈັດຕັ້ງປະຕິບັດວິໃສທັດ ການພັດທະນາເສດຖະກິດດິຈິຕອນແຫ່ງຊາດ ໄລຍະ 5 ປີ, 10 ປີ ແລະ 20 ປີ (2021-2040) ໃຫ້ມີປະສິດທິພາບ ແລະ ມີປະສິດທິຜົນ.
ທ່ານ ສັກປະເສີດ ໄຊຊະນະສີ ຮອງຫົວໜ້າພະແນກ ຮອງຫົວໜ້າພະແນກເຕັກໂນໂລຊີ ແລະ ການສື່ສານແຂວງ ໄດ້ເຜີຍແຜ່ດຳລັດ ວ່າດ້ວຍການບໍລິຫານ ແລະ ບໍລິການລັດ ແບບດິຈິຕອນ. ແມ່ນການນຳໃຊ້ເຕັກໂນໂລຊີດີຈິຕອນ ເຂົ້າໃນການບໍລິຫານ ແລະ ການບໍລິການລັດ ເພື່ອເພີ່ມປະສິດທິພາບຂອງວຽກງານໃຫ້ມີຄວາມສະດວກ, ທັນສະໄໝ, ວ່ອງໄວ, ປະຢັດ ແລະ ຮັບປະກັນຄວາມປອດໄພ, ເຮັດໃຫ້ການບໍລິການລັດ ສູ່ປະຊາຊົນໄດ້ຢ່າງທົ່ວເຖີງ. ນອກນັ້ນ, ຍັງເຜີຍແຜ່່ເອກະສານ ວ່າດ້ວຍການກຳນົດສິ່ງຂອງເກືອດຫ້າມໃນການບໍລິການໄປສະນີ, ເຜີຍແຜ່ ເອກະສານການນຳໃຊ້ສື່ສັງຄົມອອນລາຍໃຫ້ມີຄວາມປອດໄພ ແລະ ເອກະສານອື່ນໆ.
(ຂ່າວ: ແສງທອງ)
ຄໍາເຫັນ