ໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້ວ່າ:ຜົນງານອັນຍິ່ງໃຫຍ່ຂອງແນວລາວສ້າງຊາດໃນຕະຫຼອດໄລຍະ 74 ປີທີ່ຜ່ານມາ ແມ່ນຜົນງານທີ່ມະຫັດສະຈັນຍິ່ງໃຫຍ່ ທີ່ໄດ້ເສຍສະຫຼະທຸກສິ່ງທຸກຢ່າງ ເພື່ອຍາດເອົາປະເທດຊາດ ແລະ ຄວາມເປັນອິດສະຫຼະພາບມາໃຫ້ປວງຊົນລາວທັງຊາດ ຊຶ່ງຜົນງານດັ່ງກ່າວໄດ້ຈາລຶກໄວ້ຢູ່ໃນຄວາມຊົງຈຳຂອງປະຊາຊົນລາວບັນດາເຜົ່າຢ່າງບໍ່ມີວັນຫຼົງລືມໄດ້.
ທ່ານນາງສີພະຈັນ ນັນທະວົງສາກ່າວໃຫ້ຮູ້ອີກວ່າ: ໃນວັນທີ 6-9 ມັງກອນ 1956 ທີ່ບ້ານເລີຍຕາແສງເມືອງພູນ,ເມືອງໂສຍ ແຂວງຫົວພັນ ແນວລາວອິດສະຫຼະໄດ້ເປີດກອງປະຊຸມໃຫຍ່ຂຶ້ນ ໂດຍມີຜູ້ແທນເຂົ້າຮ່ວມທັງໝົດ150 ທ່ານ, ຜູ້ແທນສົມບູນ 138 ທ່ານ ຊຶ່ງເປັນຕົວແທນໃຫ້ອົງການພັກ, ອົງການປົກຄອງ, ປະຊາຊົນບັນດາເຜົ່າ ແລະ ຜູ້ຊົງຄຸນວຸດທິທີ່ຮັກຊາດ. ໃນກອງປະຊຸມຄັ້ງນີ້ໄດ້ຕົກລົງປ່ຽນຊື່ແນວລາວອິດສະຫຼະ ມາເປັນແນວລາວຮັກຊາດ ແລະ ປ່ຽນຊື່ໜັງສືພິມແນວລາວອິດສະຫຼະມາເປັນໜັງສືພິມລາວຮັກຊາດ ກອງປະຊຸມໄດ້ຮັບຮອງເອົາການແຕ່ງຕັ້ງຄະນະກໍາມະການສູນກາງແນວລາວຮັກຊາດ,ໃນນັ້ນ. ແຕ່ງຕັ້ງສະເດັດເຈົ້າສຸພານຸວົງ ເປັນປະທານສູນກາງແນວລາວຮັກຊາດ, ໃນໄລຍະ 1954-1958 ໃນຂະບວນທີ່ຝ່າຍປະເທດລາວກໍາລັງປະຕິບັດຕາມສັນຍາເຊີແນວຢ່າງເຂັ້ມງວດຢູ່ນັ້ນ, ຈັກກະພັດອາເມຣິກາ ແລະ ພວກລູກມືໄດ້ທໍາລາຍສັນຍາດັ່ງກ່າວຢ່າງເປີດແປນ ແລະ ເຂົ້າມາຮຸກຮານລາວຢ່າງບັງອາດເພື່ອເອົາລາວເປັນຫົວເມືອງຂຶ້ນແບບໃໝ່ ແລະ ເປີດຖານທັບ, ພວກມັນໄດ້ປັບປຸງນະໂຍບາຍບິດເບືອນສັນຍາເຊີແນວ, ບຸກໂຈມຕີ 2 ແຂວງເຕົ້າໂຮມຂອງຝ່າຍປະເທດລາວ, ປາບປາມນັກຕໍ່ສູ້ເກົ່າຢູ່ 10 ແຂວງຂອງລາວ ແລະ ພວກມັນໄດ້ດໍາເນີນນະໂຍບາຍຕ້ານການປະຕິວັດລາວດ້ວຍຫຼາຍຮູບແບບ.
ປີ 1959-1962 ໃນໄລຍະນີ້ພວກຈັກກະພັດອາເມຣິກາ ໄດ້ເພີ່ມທະວີກົນອຸບາຍຮຸກຮານປະເທດລາວຢ່າງເປີດແປນ ພວກມັນປິດລ້ອມກອງພັນທີໜຶ່ງຂອງຝ່າຍປະເທດລາວ ທີ່ຕັ້ງຢູ່ຊຽງເງິນ ແຂວງຫຼວງພະບາງ, ກອງພັນທີສອງຕັ້ງຢູ່ທົ່ງໄຫຫີນ ແຂວງຊຽງຂວາງ, ຈັບກຸ່ມຄຸມຄັງບັນດາຜູ້ນໍາຂອງພັກ ແລະ ແນວລາວຮັກຊາດ, ອອກຄໍາສັ່ງປິດໂຮງພິມໜັງສືພິມແນວລາວຮັກຊາດ, ອອກຄໍາສັ່ງເປີດບັ້ນກວດລ້າງຢູ່ຫົວພັນ,ຊຽງຂວາງ, ຜົ້ງສາລີ, ຫຼວງພະບາງ ແລະ ຄໍາມ່ວນເພື່ອທໍາລາຍຮາກຖານການປະຕິວັດລາວ. ຈາກນັ້ນ. ທ້າຍປີ 1961 ພວກມັນເປີດບຸກຕີເອົາເຂດປົດປ່ອຍພາກເໜືອບຽດຢືດເອົາຫຼວງນໍ້າທາ ແຕ່ມາຮອດເດືອນພຶດສະພາ 1962 ກໍາລັງປະຕິວັດລາວສາມາດຢືດເອົາຫຼວງນໍ້າທາໄດ້ຄືນ ແລະ ສືບຕໍ່ປົດປ່ອຍເມືອງຕ່າງໆທົ່ວແຂວງ, ໄຊຊະນະບັ້ນຮົບຫຼວງນໍ້າທາໄດ້ກາຍເປັນໄຊຊະນະທີ່ມີຄວາມໝາຍສໍາຄັນຂອງການປະຕິວັດລາວ,ຂະບວນການປະຕິວັດລາວໄດ້ຮັບໄຊຊະນະຢ່າງຕໍ່ເນື່ອງລຽນຕິດ ໂດຍສະເພາະບັ້ນຮົບຢູ່ຫຼວງນໍ້າທາ ພວກມັນໄດ້ໃຊ້ກໍາລັງທະການເຖິງ 56ພັນຄົນ ຍັງບໍ່ນັບທະຫານເລວຮັບຈ້າງໄທ, ທະຫານຮຸ່ນໄຊງ່ອນ, ທະຫານຈຽງໄຄເຊັກ, ທະຫານຟີລິບປິນທີ່ສົ່ງເຂົ້າມາຕື່ມອີກ. ວັນທີ 12 ມິຖຸນາ 1962 ໄດ້ສ້າງຕັ້ງລັດຖະບານປະສົມ 3 ຝ່າຍທີ່ຄັງໄຂ ຍ້ອນຖືກປະລາໄຊຢ່າງໜັກໜ່ວງລຽນຕິດ ຈັກກະພັດອາເມຣິກາຈຶ່ງຍອມເຊັນສັນຍາເຊີແນວຄັ້ງທີ 2 ກ່ຽວກັບລາວໃນຄັ້ງວັນທີ 27 ກໍລະກົດ 1962.
ປີ 1963-1968 ແມ່ນໄລຍະສົງຄາມພິເສດຂອງອາເມຣິກາໄດ້ປະລາໄຊລົງ ແລະ ກໍ່ສ້າງເຂດປົດປ່ອຍໃຫ້ເປັນລັດໜຶ່ງ. ໄລຍະນີ້ເລີ່ມເຂົ້າສູ່ຕົ້ນປີ 1963 ຈັກກະພັດອາເມຣິກາໄດ້ທໍາລາຍມ້າງເພລັດຖະບານປະສົມສາມຝ່າຍກໍ່ອາດຊະຍາກໍາລອບສັງຫານທ່ານກິນິນ ພົນເສນາ ລັດຖະມົນຕີກະຊວງການຕ່າງປະເທດຂອງລັດຖະບານປະສົມ 3 ຝ່າຍ, ພ້ອມກັນນັ້ນ, ພວກມັນເລີ່ມບຸກຕີບຽດຢືດເຂົ້າຕົວເມືອງຊຽງຂວາງ,ວັງວຽງ, ທ່າໂທມ ແລະ ເມືອງງານ ພວກມັນເພີ່ມທະວີນະໂຍບາຍກວດລ້າງ, ປາບປາມກໍາລັງປະຕິວັດລາວເພື່ອທໍາລາຍສັນຍາເຊີແນວຄັ້ງທີ 2 ແລະ ສັນຍາ 3 ຝ່າຍໂດຍການກໍ່ສົງຄາມພິເສດຂຶ້ນຢູ່ລາວ ຊຶ່ງພວກມັນໄດ້ເພີ່ມງົບປະມານຕື່ມ 150 ລ້ານໂດລາເຂົ້າໃນການປັບປຸງກໍາລັງ, ອາວຸດ ແລະ ທະຫານຂອງມັນ.
ສໍາລັບປີ 1969-1973 ຈັກກະພັດອາເມຣິກາໄດ້ດໍາເນີນນະໂຍບາຍອັນທີ່ເອີ້ນວ່າ: ສົງຄາມພິເສດເພີ່ມທະວີຢູ່ລາວ, ສໍາລັບຢູ່ຫວຽດນາມເຮັດໃຫ້ສົງຄາມເປັນຂອງຄົນຫວຽດນາມ ແລະ ເປີດກວ້າງສົງຄາມໄປສູ່ກໍາປູເຈຍ; ນັ້ນເປັນທິດສະດີນິກເຊິນເພື່ອບໍ່ໃຫ້ການປະຕິວັດ 3 ປະເທດຊ່ວຍເຫຼືອກັນໄດ້, 1973-1975 ແມ່ນຢຸດຕິການໃຊ້ການທະຫານ ແລະ ລຸກຮືຂຶ້ນພາບດຽວເພື່ອຢືດອໍານາດການປົກຄອງທົ່ວປະເທດ ໂດຍນໍາໃຊ້ 3 ບາດຄ້ອນຍຸດທະສາດ, ລາວໄດ້ມີ 3ເຂດຄື: ເຂດປົດປ່ອຍກວມ4/5 ຂອງທົ່ວປະເທດ, ເຂດກວດກາຊົ່ວຄາວຂອງຝ່າຍວຽງຈັນ ແລະ ເຂດເປັນກາງ; ຈາກຈຸດພິເສດນັ້ນ, ພັກໄດ້ກໍານົດທິດທາງໜ້າທີ່ລວມຄື: ເພີ່ມທະວີຄວາມສາມັກຄີຂອງປະຊາຊົນ, ສາມັກຄີສາກົນ, ເພີ່ມທະວີກອງກໍາລັງປະຕິວັດໃນທຸກດ້ານ, ເດັດດ່ຽວປົກປັກຮັກສາແລະ ກໍ່ສ້າງເຂດປົດປ່ອຍໃຫ້ເປັນລັດໜຶ່ງ; ວັນທີ 3 ເມສາ 1974 ບັນດາຜູ້ນໍາພັກ ແລະ ແນວລາວຮັກຊາດໄດ້ເດີນທາງເຂົ້າໄປໃນນະຄອນຫຼວງວຽງຈັນທ່າມກາງການຕ້ອນຮັບອັນອົບອຸ່ນ ແລະ ຟົດຟື້ນຂອງຊາວນະຄອນຫຼວງວຽງຈັນ.
ຜົນງານອັນມະຫັດສະຈັນຂອງແນວລາວຮັກຊາດ ແມ່ນສາມາດເປີດກວ້າງແນວໂຮມແຫ່ງຊາດຢ່າງກວ້າງຂວາງໃນທົ່ວປະເທດ, ທັງຮ່ວມສຳພັນສູ້ຮົບກັບຫວຽດນາມ ແລະ ກຳປູເຈຍ, ຍາດແຍ່ງການຊ່ວຍເຫຼືອສະໜັບສະໜູນຈາກສາກົນ ເປັນຕົ້ນບັນດາປະເທດສັງຄົມນິຍົມ, ດຳເນີນການຕໍ່ສູ້ຕ້ານລັດທິລ່າເມືອງຂຶ້ນແບບໃໝ່ ແລະ ລູກແຫຼ່ງຕີນມືຂອງພວກເຂົາ, ທັງຮ່ວມສຳພັນກັບກຳລັງເປັນກາງຮັກຊາດ, ທັງຕໍ່ສູ້ດ້ວຍອາວຸດສົມທົບກັບການຕໍ່ສູ້ດ້ວຍການເມືອງ, ກົດໝາຍ ແລະ ການຕ່າງປະເທດ, ທັງຕໍ່ສູ້ປິດລັບສົມທົບກັບການຕໍ່ສູ້ເປີດເຜີຍ, ທັງຕໍ່ສູ້ທັງເຈລະຈາ ແລະ ລວມລາວເຖິງ3 ຄັ້ງ, ຕີຊະນະສັດຕູເທື່ອລະກ້າວ, ເທື່ອລະບັ້ນຮົບກ້າວຂຶ້ນຍາດເອົາໄຊຊະນະຢ່າງສົມບູນດ້ວຍການໂຄ່ນລົ້ມອຳນາດການປົກຄອງລ່າເມືອງຂຶ້ນແບບໃໝ່ ແລະ ລະບອບສັກດີນາຢ່າງສິ້ນເຊີງ ແລະ ສະຖາປະນາ ສປປ ລາວຂຶ້ນໃນວັນທີ 2 ທັນວາ 1975ພາປະເທດຊາດກ້າວເດີນຕາມເສັ້ນທາງ ສັນຕິພາບເອກະລາດປະຊາທິປະໄຕເອກະພາບ ແລະ ວັດທະນາຖາວອນ.
ຄໍາເຫັນ