ໄດ້ຖະແຫຼງຂ່າວຜົນສຳເລັດກອງປະຊຸມໂຕະມົນ ປະຈຳປີ 2024ໃນວັນທີ 14ພະຈິກນີ້ທີ່ຫໍປະຊຸມແຫ່ງຊາດວ່າ:ກອງປະຊຸມໂຕະມົນ ປະຈໍາປີ 2024 ໄດ້ເອກະພາບກັນສືບຕໍ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ສໍາລັບປີ 2025 ຕິດພັນກັບ ສອງວາລະແຫ່ງຊາດ ໃຫ້ສໍາເລັດຕາມຄາດໝາຍທີ່ສະພາແຫ່ງຊາດໄດ້ຮັບຮອງແລະ ຮຽກຮ້ອງໃຫ້ທຸກພາກສ່ວນເພີ່ມຄວາມເອົາໃຈໃສ່ໃນການຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ສຳລັບປີ 2025ພ້ອມທັງໃຫ້ຄວາມໝາຍໝັ້ນເພື່ອສະໜັບສະໜູນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X,ສືບຕໍ່ເຊື່ອມສານບັນດາເປົ້າໝາຍການພັດທະນາແບບຍືນຍົງ ແລະ ການຫຼຸດພົ້ນອອກຈາກສະຖານະພາບຄວາມດ້ອຍພັດທະນາເຂົ້າໃນແຜນພັດທະນາເສດຖະກິດ-ສັງຄົມ ແຫ່ງຊາດ ແລະ ສູ້ຊົນ ເພື່ອບັນລຸເປົ້າໝາຍພັດທະນາແບບຍືນຍົງແລະການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ ໃນປີ 2026 ດ້ວຍການສຸມທຶນຮອນທີ່ມີ ເພື່ອສຸມໃສ່ການພັດທະນາຊັບພະຍາກອນມະນຸດທີ່ຮັບປະກັນຄຸນນະພາບ, ເພີ່ມທະວີການຄຸ້ມຄອງເສດຖະກິດ-ສັງຄົມ ດ້ວຍກົດໝາຍຢ່າງເຂັ້ມງວດ, ພະຍາ ຍາມທຸກຄວາມສາມາດເພື່ອຫຼຸດຜ່ອນຄວາມແຕກໂຕນ ຂອງການພັດທະນາ ລະຫວ່າງ ຕົວເມືອງ ແລະ ຊົນນະບົດ, ລຶບລ້າງການໃຊ້ຄວາມຮຸນແຮງຕໍ່ແມ່ຍິງແລະເດັກນ້ອຍ ແລະ ເພື່ອແກ້ໄຂຄວາມທຸກຍາກ ແລະສ້າງຂີດຄວາມສາມາດໃນການແຂ່ງຂັນຂອງພາກທຸລະກິດພາຍໃນດ້ວຍການສ້າງສະພາບແວດລ້ອມການດໍາເນີນທຸລະກິດທີ່ເອື້ອອໍານວຍໃຫ້ດີຂຶ້ນ,ຍົກລະດັບການກະກຽມຄວາມພ້ອມດ້ານຕ່າງໆໃນການຮັບມືກັບໄພພິບັດທາງທໍາມະຊາດ,ພາຍໃຕ້ການຍົກລະດັບການສ້າງຄວາມເຂັ້ມແຂງໃຫ້ແກ່ການຈັດຕັ້ງປະຕິບັດວຽກງານປ້ອງກັນ ແລະ ຄວບຄຸມໄພພິບັດ, ການປັບປຸງລະບົບການເຕືອນໄພລ່ວງໜ້າ, ການແລກປ່ຽນຂໍ້ມູນ-ຂ່າວສານການເຕືອນໄພແລະຮັບມືຮ່ວມກັນລະຫວ່າງປະເທດເພື່ອນມິດທີ່ມີຊາຍແດນຕິດຈອດກັນ, ການສຶກສາຄວາມສ່ຽງ ແລະ ການສ້າງແຜນຫຼຸດຜ່ອນຄວາມສ່ຽງໄພພິບັດແລະ ເອົາໃຈໃສ່ໃຫ້ຄວາມຊ່ວຍເຫຼືອແກ່ຊຸມຊົນທີ່ມີຄວາມສ່ຽງສູງ,ສືບຕໍ່ເອົາໃຈໃສ່ຈັດຕັ້ງປະຕິບັດຜົນການທົບທວນແຜນດຳເນີນງານຖະແຫຼງການວຽງຈັນວ່າດ້ວຍການເປັນຄູ່ຮ່ວມ ເພື່ອການພັດທະນາທີ່ມີປະສິດທິພາບ ແລະ ປະສິດທິຜົນສູງ,ສືບຕໍ່ເອົາໃຈໃສ່ພ້ອມກະກຽມຄວາມພ້ອມໃນການຈັດກອງປະຊຸມໂຕະມົນ ລະດັບສູງ ໃນປີ 2025 ທີ່ຈະມາເຖິງນີ້ ໃຫ້ເປັນເວທີລະດັບສູງໃນການປືກສາຫາລືແລະໃຫ້ການຢັ້ງຢືນຮັບຮອງຈາກບັນດາປະເທດເພື່ອນມິດ, ຄູ່ຮ່ວມພັດທະນາ, ບັນດາອົງການຈັດຕັ້ງສາກົນແລະທົ່ວສັງຄົມ ໃນການສະໜັບສະໜູນທຶນຮອນ ທາງດ້ານການເງິນ ແລະວິຊາການ ເພື່ອຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X ແລະບັນລຸເປົ້າໝາຍການພັດທະນາແບບຍືນຍົງ ຂອງ ສປປ ລາວ.ສັງລວມແລ້ວ ໃນປີ 2025 ພວກເຮົາຈະມີແຜນວຽກຫຼາຍຢ່າງທີ່ຈະສືບຕໍ່ຈັດຕັ້ງປະຕິບັດ, ໃນນີ້ ການກະກຽມຄວາມພ້ອມໃນການຈັດກອງປະຊຸມໂຕະມົນ ລະດັບສູງໃນປີ 2025 ແລະ ກອງປະຊຸມປີ່ນອ້ອມ ວຽກງານຕ່າງໆທີ່ເປັນພັນທະຕໍ່ເພື່ອນມິດສາກົນໃນລະດັບສອງຝ່າຍ ແລະ ຫຼາຍຝ່າຍ ຊຶ່ງໜ້າວຽກດັ່ງກ່າວນັ້ນບໍ່ສາມາດຈັດຕັ້ງປະຕິບັດໄດ້ໂດຍ ສປປ ລາວເອງຝ່າຍດຽວເທົ່ານັ້ນ ແຕ່ຕ້ອງໄດ້ມີການເຂົ້າຮ່ວມຢ່າງເອົາຈິງເອົາຈັງຂອງທຸກພາກສ່ວນ, ໂດຍສະເພາະການເຂົ້າຮ່ວມຢ່າງສະເໝີຕົ້ນສະເໝີປາຍ ຂອງປະເທດເພື່ອນມິດສາກົນ, ຄູ່ຮ່ວມພັດທະນາແລະ ບັນດາອົງການຈັດຕັ້ງສາກົນຕ່າງໆກໍຄື ທົ່ວສັງຄົມ.
ທ່ານກ່າວຕື່ມວ່າ:ຜົນສໍາເລັດຂອງກອງປະຊຸມໂຕະມົນ 2024 ໃນຄັ້ງນີ້, ກະຊວງແຜນການ ແລະ ການລົງທຶນ ໃນນາມຜູ້ປະຈໍາການຄະນະຊີ້ນຳລະດັບຊາດ ເພື່ອຂະບວນການໂຕະມົນຈະສົມທົບກັບພາກສ່ວນກ່ຽວຂ້ອງສັງລວມ ແລະລາຍງານ ລັດຖະບານ ເພື່ອມີທິດຊີ້ນໍາ ແລະເປັນບ່ອນອີງໃຫ້ທຸກພາກສ່ວນຈັດຕັ້ງປະຕິບັດຕາມພາລະບົດບາດແລະສິດໜ້າທີ່ຂອງຕົນ. ສະນັ້ນ ຈຶ່ງຮຽກຮ້ອງໃຫ້ບັນດາກະຊວງ, ອົງການກ່ຽວຂ້ອງ ຢູ່ຂັ້ນສູນກາງແລະອົງການປົກຄອງທ້ອງຖິ່ນ, ບັນດາຄູ່ຮ່ວມພັດທະນາ, ພາກເອກະຊົນ ແລະອົງການຈັດຕັ້ງທາງສັງຄົມສືບຕໍ່ຍົກສູງຄວາມຮັບຜິດຊອບ, ຄວາມເປັນເຈົ້າການ ພ້ອມທັງເພີ່ມທະວີການປະສານສົມທົບຊຶ່ງກັນແລະກັນ ຢ່າງກົມກຽວ ເພື່ອຜັນຂະຫຍາຍ ແລະຈັດຕັ້ງປະຕິບັດຕົວຈິງໃຫ້ມີປະສິດທິຜົນ, ທັງນີ້ກໍເພື່ອສືບຕໍ່ປະກອບສ່ວນຊຸກຍູ້ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດປະຈຳປີ 2025 ຕິດພັນກັບສອງວາລະແຫ່ງຊາດ, ວາລະການພັດທະນາ 2030 ແລະພັນທະສາກົນຕ່າງໆທີ່ສປປ ລາວ ເປັນພາຄີ ໃຫ້ບັນລຸຕາມຄາດໝາຍທີ່ໄດ້ວາງໄວ້.
(ຂ່າວ-ພາບ:ສຳນານ)
ຄໍາເຫັນ