ເປີດເຜີຍໂຕເລກທາງດ້ານເສດຖະກິດ ທັງດັດຊະນີລາຄາຜູ້ບໍລິໂພກ (CPI)

ພື້ນຖານເສດຖະກິດ ຍີ່ປຸ່ນ ຍັງປະສົບກັບບັນຫາໃນຟື້ນຕົວ

09:45 22/10/2024

ຂ່າວສານຫວຽດນາມລາຍງານວ່າ: ເມື່ອບໍ່ດົນມານີ້, ຍີ່ປຸ່ນ ໄດ້ມີການເປີດເຜີຍໂຕເລກທາງດ້ານເສດຖະກິດ ທັງດັດຊະນີລາຄາຜູ້ບໍລິໂພກ (CPI)

ທີ່ແມ່ນມາດຖານຂອງອັດຕາເງິນເຟີ້ ຫຼື ເງິນຟືດ ແລະ ໂຕເລກການສົ່ງອອກ ຊຶ່ງສະທ້ອນເຖິງບັນຍາກາດເສດຖະກິດຂອງຍີ່ປຸ່ນໃນເວລານີ້ຍັງບໍ່ສົດໃສເທົ່າທີ່ຄວນ.

ຂ່າວລະບຸວ່າ: ອັດຕາເງິນເຟີ້ພື້ນຖານໃນເດືອນກັນຍາຂອງ ຍີ່ປຸ່ນ ຢູ່ທີ່ລະດັບ 2,4% ຫຼຸດລົງເມື່ອທຽບໃສ່ກັບເດືອນກ່ອນໜ້ານີ້ ເນື່ອງຈາກການອຸດໜູນດ້ານພະລັງງານຂອງລັດຖະບານ ແຕ່ອັດຕາເງິນເຟີ້, ບໍ່ລວມລາຄາພະລັງງານຍັງຄົງທີ່, ຄວາມກົດດັນດ້ານລາຄາທີ່ແຜ່ຂະຫຍາຍຢ່າງຕໍ່ເນື່ອງນີ້ສາມາດເປີດທາງໃຫ້ທະນາຄານແຫ່ງຍີ່ປຸ່ນ (BOJ) ອາດຈະພິຈາລະນາເພີ່ມອັດຕາດອກເບ້ຍຕື່ມອີກ.

ແຕ່ອັດຕາເງິນເຟີ້ໃນຂະແໜງການບໍລິການຍັງຊ້າລົງ, ເຮັດໃຫ້ທະນາຄານແຫ່ງ ຍີ່ປຸ່ນ ຕັ້ງຄຳຖາມວ່າ ການເຕີບໂຕຢ່າງແຂງແຮງຂອງຄ່າຈ້າງຈະສະໜັບສະໜູນການບໍລິໂພກ ແລະ ຮັກສາອັດຕາເງິນເຟີ້ແບບຍືນຍົງຢູ່ປະມານ 2% ໄດ້ຫຼືບໍ່.

ໃນປີນີ້, ຍີ່ປຸ່ນ ໄດ້ມີການປັບເພີ່ມຄ່າຈ້າງຄັ້ງໃຫຍ່ ແຕ່ຕົ້ນທຶນແຮງງານທີ່ເພີ່ມຂຶ້ນໄດ້ສົ່ງຜ່ານໄປສູ່ລາຄາຜູ້ບໍລິໂພກໃນລະດັບປານກາງເທົ່ານັ້ນ ໂດຍອັດຕາເງິນເຟີ້ການບໍລິການເພີ່ມຂຶ້ນ 1,3% ໃນເດືອນກັນຍາ ຜ່ານມາຊຶ່ງຫຼຸດລົງຈາກເດືອນສິງຫາ ທີ່ເພີ່ມຂຶ້ນ 1,4%.

ດັດຊະນີລາຄາຜູ້ບໍລິໂພກພື້ນຖານ ຊຶ່ງນັບລວມລາຄານ້ຳມັນແຕ່ບໍ່ນັບລວມລາຄາອາຫານສົດໃນເດືອນກັນຍາຜ່ານມາ ເພີ່ມຂຶ້ນ 2,4% ເມື່ອທຽບໃສ່ກັບປີກ່ອນໜ້ານີ້ ສູງກວ່າຄ່າກາງ 2,3% ທີ່ຕະຫຼາດຄາດຄະເນໄວ້ພຽງເລັກໜ້ອຍ ແລະ ຫຼຸດລົງຈາກອັດຕາເດືອນສິງຫາທີ່ເພີ່ມຂຶ້ນ 2,8% ການຫຼຸດຊ້າລົງນີ້ສ່ວນໃຫຍ່ເປັນຜົນມາຈາກມາດຕະການການຄວບຄຸມລາຄາແກັສ ແລະ ຄ່າໄຟຟ້າຊົ່ວຄາວ ແລະ ຈະມີຜົນກະທົບຕໍ່ອັດຕາເງິນເຟີ້ຕໍ່ໄປອີກໃນບໍ່ເທົ່າໃດເດືອນຂ້າງໜ້າ.

ຄໍາເຫັນ

ຂ່າວຕ່າງປະເທດ

ເຂົ້າໃຈອຸດົມການເພື່ອປະຊາຊົນທີ່ບໍ່ເຄີຍປ່ຽນແປງຂອງພັກກອມມູນິດຈີນຈາກ “ຜ້າຫົ່ມເຄິ່ງຜືນ”

28/10/2026 13:47

ປີນີ້ແມ່ນປີຄົບຮອບ 90 ປີ ແຫ່ງໄຊຊະນະຂອງການເດີນທັບທາງໄກຂອງກອງທັບແດງກຳມະກອນ ແລະ ຊາວນາຈີນ. ການເດີນທັບທາງໄກອັນຍິ່ງໃຫຍ່ໄດ້ຂ້າມຜ່ານແມ່ນ້ຳໝື່ນສາຍ ແລະ ພູຜາຫຼາຍພັນໜ່ວຍຄັ້ງນີ້ບໍ່ພຽງແຕ່ແມ່ນເລື່ອງມະຫັດສະຈັນໃນປະຫວັດສາດທາງການທະຫານເທົ່ານັ້ນ, ຫາກຍັງເປັນກຳລັງທາງຈິດໃຈທີ່ສາມາດຂ້າມຜ່ານຊາຍແດນ ແລະ ເຊີດຊູກຳລັງໃຈຂອງຄົນທັງຫຼາຍອີກດ້ວຍ. ເລື່ອງ “ຜ້າຫົ່ມເຄິ່ງຜືນ” ຂອງບ້ານຊ່າໂຈ່ວ ແຂວງຫູໜານ ບໍ່ໄດ້ກ່ຽວພັນກັບແປວໄຟສົງຄາມທີ່ດຸເດືອດ, ແຕ່ພັດໄດ້ເປີດເຜີຍຄຳຕອບທີ່ບໍ່ເຄີຍປ່ຽນແປງຂອງພັກກອມມູນິດຈີນໃຫ້ແກ່ໂລກດ້ວຍຄວາມອົບອຸ່ນທີ່ບໍລິສຸດທີ່ສຸດ, ນັ້ນຄື: ຮັກແພງປະຊາຊົນທີ່ສຸດ.

ຄວາມເຊື່ອໝັ້ນຂອງຜູ້ບໍລິໂພກ ສ ເກົາຫຼີ ຫຼຸດລົງໃນເດືອນຕຸລາ

28/10/2026 12:44

ຂ່າວຕ່າງປະເທດລາຍງານວ່າ: ທະນາຄານກາງ ສ ເກົາຫຼີ (BOK) ໄດ້ເປີດເຜີຍໃນວັນທີ 27 ຕຸລາ ຜ່ານມາວ່າ, ຄວາມເຊື່ອໝັ້ນຂອງຜູ້ບໍລິໂພກ ສ ເກົາຫຼີ ຫຼຸດລົງໃນເດືອນຕຸລາ, ໂດຍໄດ້ຮັບຜົນກະທົບຈາກການຫຼຸດລົງຂອງຕະຫຼາດຫຼັກຊັບ ແລະ ຄວາມກັງວົນກ່ຽວກັບຄວາມເຄັ່ງຕຶງໃນຕາເວັນອອກກາງ.

ສິງກະໂປ ເປີດໂຄງການພັດທະນາຜູ້ຊ່ຽວຊານດ້ານພະລັງງານນິວເຄລຍ

28/10/2026 12:44

ສຳນັກຂ່າວສານຊິນຮວາລາຍງານໃນວັນທີ 26 ຕຸລາ ຜ່ານມາວ່າ: ກະຊວງພະລັງງານ, ການຄ້າ - ອຸດສາຫະກຳ ແລະ ອົງການຄຸ້ມຄອງຕະຫຼາດພະລັງງານ (EMA) ສິງກະໂປ ໄດ້ປະກາດໂຄງການພັດທະນາຊັບພະຍາກອນມະນຸດ 3 ໂຄງການ ເພື່ອພັດທະນາຜູ້ຊ່ຽວຊານດ້ານພະລັງງານນິວເຄລຍ, ໃນຂະນະທີ່ລັດຖະບານກໍາລັງປະເມີນຄວາມເປັນໄປໄດ້ຂອງການນຳໃຊ້ເຕັກໂນໂລຊີນິວເຄລຍທີ່ກ້າວໜ້າສຳລັບການຜະລິດໄຟຟ້າ ຊຶ່ງແຜນການພັດທະນາຊັບພະຍາກອນມະນຸດນີ້ຍັງຈະຊ່ວຍສະໜັບສະໜູນການກະກຽມຄວາມພ້ອມສຳລັບການທົບທວນໂຄງສ້າງພື້ນຖານພະລັງງານນິວເຄລຍຂອງອົງການພະລັງງານປະລະມານູສາກົນ (IAEA) ຊຶ່ງມີກຳນົດຈັດຂຶ້ນໃນປີ 2027.

4 ປະເທດເຫັນດີສືບຕໍ່ເຈລະຈາດ້ານສັນຕິພາບ ແລະ ຄວາມໝັ້ນຄົງໃນພາກພື້ນອາຊີຕາເວັນຕົກ

28/10/2026 12:43

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 26 ຕຸລາ ຜ່ານມາ, ອີຣານ, ຊາອຸດິດ ອາຣັບບີ, ຕຸຣາເຄຍ ແລະ ປາກິສຖານໄດ້ຈັດກອງປະຊຸມຄວາມໝັ້ນຄົງຢູ່ນະຄອນຫຼວງເຕເຮຣານ ປະເທດອີຣານ ພ້ອມທັງບັນລຸຄວາມຮັບຮູ້ທີ່ເປັນເອກະພາບກັນວ່າ: ຈະສືບຕໍ່ດຳເນີນການເຈລະຈາ ເພື່ອເພີ່ມທະວີການຮ່ວມມືດ້ານສັນຕິພາບ ແລະ ຄວາມໝັ້ນຄົງໃນພາກພື້ນອາຊີຕາເວັນຕົກ.

ອິນໂດເນເຊຍ ສົ່ງລົດເມອົກຊີເຈນຊ່ວຍປະຊາຊົນຮັບມືກັບຄວັນໄຟໄໝ້ປ່າທີ່ຮ້າຍແຮງ

28/10/2026 12:42

ຂ່າວຕ່າງປະເທດລາຍງານໃນວັນທີ 27 ຕຸລາ ຜ່ານມາວ່າ: ເຈົ້າໜ້າທີ່ອິນໂດເນເຊຍໄດ້ນຳໃຊ້ລົດເມທີ່ຕິດຕັ້ງຖັງອົກຊີເຈນເພື່ອໃຫ້ບໍລິການແກ່ປະຊາຊົນໃນເມືອງປາລັງກາຣາຍາ ເທິງເກາະບໍນຽວ, ຫຼັງຈາກການເພີ່ມຂຶ້ນຂອງຄົນເຈັບພະຍາດທາງເດີນຫາຍໃຈທີ່ເກີດຈາກຄວັນໄຟໄໝ້ປ່າ, ໃນຂະນະທີ່ສະຖານະການໄຟໄໝ້ປ່າບໍ່ມີສັນຍານວ່າຈະຫຼຸດລົງ.

ກຳລັງຕິດຕັ້ງໄຟຟ້າພະລັງງານລົມ ແລະ ແສງຕາເວັນຂອງຈີນ ບັນລຸລື່ນ 2 ຕື້ກິໂລວັດ

28/10/2026 12:41

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 27 ຕຸລາ ຜ່ານມາວ່າ: ອົງການພະລັງງານແຫ່ງຊາດຈີນປະກາດໃນວັນທີ 26 ຕຸລາ ຜ່ານມາວ່າ, ນັບມາຮອດທ້າຍເດືອນກັນຍາປີນີ້, ກຳລັງຕິດຕັ້ງໄຟຟ້າພະລັງງານລົມ ແລະ ພະລັງງານແສງຕາເວັນຂອງຈີນບັນລຸເຖິງ 2.01 ຕື້ກິໂລວັດ. ໃນນັ້ນ, ກໍາລັງຕິດຕັ້ງໄຟຟ້າພະລັງງານແສງຕາເວັນມີເຖິງ 1.31 ຕື້ກິໂລວັດ, ເພີ່ມຂຶ້ນ 16.5% ເມື່ອທຽບໃສ່ໄລຍະດຽວກັນຂອງປີກາຍ; ຂະນະທີ່ກຳລັງຕິດຕັ້ງໄຟຟ້າພະລັງງານລົມມີເຖິງ 700 ລ້ານກິໂລວັດ, ເພີ່ມຂຶ້ນ 20.4%.

ຫວຽດນາມ ສົ່ງອອກ - ນໍາເຂົ້າສິນຄ້າ ໃກ້ຈະບັນລຸ 1,000 ຕື້ໂດລາ

28/10/2026 12:40

ວິທະຍຸກະຈາຍສຽງຫວຽດນາມ ລາຍງານໃນວັນທີ 27 ຕຸລາ ຜ່ານມາວ່າ: ນັບຮອດວັນທີ 15 ຕຸລາ, ຍອດວົງເງິນສົ່ງອອກ - ນໍາເຂົ້າ ສິນຄ້າຂອງ ຫວຽດນາມ ບັນລຸ 945 ຕື້ກວ່າໂດລາ, ເພີ່ມຂຶ້ນຫຼາຍກວ່າ 31% ເມື່ອທຽບກັບໄລຍະດຽວກັນຂອງປີ 2025. ຫວຽດນາມ ຍັງຂາດພຽງປະມານ 55 ຕື້ໂດລາ ເທົ່ານັ້ນຈະບັນລຸໄດ້ເປົ້າໝາຍ 1.000 ຕື້ໂດລາ.

ໜຶ່ງໃນສາມຄົວເຮືອນ ຂອງອົສຕຣາລີປະເຊີນກັບຄວາມບໍ່ໝັ້ນຄົງດ້ານອາຫານ

27/10/2026 13:45

ສຳນັກຂ່າວສານຊິນຮວາ ລາຍງານໃນວັນທີ 26 ຕຸລາ ຜ່ານມາວ່າ: ບົດລາຍງານໃໝ່ຈາກ Foodbank Australia ຊຶ່ງເປັນອົງການທີ່ບໍ່ຂຶ້ນກັບລັດຖະບານຂອງອົສຕຣາລີ ເປີດເຜີຍວ່າ, ປະມານໜຶ່ງສ່ວນສາມ ຫຼື 33% ຂອງຄົວເຮືອນອົສຕຣາລີປະສົບກັບຄວາມບໍ່ໝັ້ນຄົງດ້ານອາຫານໃນ 12 ເດືອນຜ່ານມາ ຊຶ່ງເພີ່ມຂຶ້ນຈາກ 32.5% ໃນປີ 2024 ແລະ 32.8% ໃນປີ 2025. ໂດຍຄອບຄົວທີ່ມີລູກແມ່ນກຸ່ມທີ່ໄດ້ຮັບຜົນກະທົບຮ້າຍແຮງທີ່ສຸດ.

ຈີນ ສ້າງເມືອງ ແລະ ແຂວງແຮກສ່ຽວ 3,196 ຄູ່ກັບ 153 ປະເທດ

27/10/2026 13:32

ວິທະຍຸ, ໂທລະພາບສູນກາງຈີນ (CMG) ລາຍງານຫວ່າງມໍ່ໆມານີ້ວ່າ: ສະມາຄົມມິດຕະພາບກັບຕ່າງປະເທດຂອງປະຊາຊົນຈີນໄດ້ລາຍງານໃຫ້ຮູ້ວ່າ, ຈີນໄດ້ສ້າງເມືອງ ແລະ ແຂວງແຮກສ່ຽວ 3,196 ຄູ່ກັບ 153 ປະເທດໃນໂລກ.

ສິງກະໂປ - ຊາອຸດິດ ອາຣັບບີ ຮ່ວມມືກັນສ້າງຕັ້ງສະຖານທີ່ເກັບມ້ຽນນ້ຳມັນດິບໃນສິງກະໂປ

27/10/2026 12:38

ສຳນັກຂ່າວສານຊິນຮວາລາຍງານໃນວັນທີ 26 ຕຸລາ ຜ່ານມາວ່າ: ກະຊວງພະລັງງານ, ການຄ້າ ແລະ ອຸດສາຫະກຳສິງກະໂປ ກັບ ກະຊວງພະລັງງານຂອງ ຊາອຸດິດ ອາຣັບບີ ໄດ້ປະກາດແຜນການຮ່ວມກັນເພື່ອສ້າງຕັ້ງສະຖານທີ່ເກັບຮັກສານ້ຳມັນດິບຂອງຊາອຸດິດ ອາຣັບບີ ໃນຖ້ຳໃຕ້ດິນ Jurong ຂອງສິງກະໂປ ໃນລະຫວ່າງເດືອນກໍລະກົດ ຫາ ເດືອນທັນວາ 2027. ຫຼັງຈາກມີການລົງນາມໃນບົດບັນທຶກຄວາມເຂົ້າໃຈລະຫວ່າງ ບໍລິສັດ Saudi Aramco ບໍລິສັດນ້ຳມັນແຫ່ງຊາດຊາອຸດິດ ອາຣັບບີ, ອົງການກຳກັບດູແລຕະຫຼາດພະລັງງານຂອງສິງກະໂປ ແລະ ບໍລິສັດ JTC. ການເຈລະຈາລະອຽດຄາດວ່າຈະສຳເລັດໃນເດືອນຂ້າງໜ້າ.

ເພີ່ມເຕີມ