ປີ 2024 ແຂວງສະຫວັນນະເຂດປະຕິບັດວິໄນສະມາຊິກພັກ ແລະ ອາຍັດລົດໃຫຍ່ຫຼາຍຄັນ

ປີ 2024 ແຂວງສະຫວັນນະເຂດປະຕິບັດວິໄນສະມາຊິກພັກ ແລະ ອາຍັດລົດໃຫຍ່ຫຼາຍຄັນ

ປີ 2024 ແຂວງສະຫວັນນະເຂດປະຕິບັດວິໄນສະມາຊິກພັກ ແລະ ອາຍັດລົດໃຫຍ່ຫຼາຍຄັນ
ໃນວັນທີ 14 ພຶດສະພານີ້ ທີ່ສະໂມສອນຫ້ອງວ່າການແຂວງສະຫວັນນະເຂດ, ທ່ານ ຄໍາພັນ ພົມມະທັດ ກໍາມະການກົມການເມືອງສູນກາງພັກ ເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ຫົວໜ້າຕ້ານການສໍ້ລາດບັງຫຼວງສູນກາງ, ທ່ານ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ເປັນປະທານຮ່ວມກອງປະຊຸມສະຫຼູບວຽກງານກວດກາ ທົ່ວແຂວງປະຈໍາປີ 2024.

ໃນກອງປະຊຸມ, ທ່ານ ລໍາທອງ ຂອບສີລາວົງ ກໍາມະການປະຈໍາພັກແຂວງ ປະທານຄະນະກວດກາພັກແຂວງ ປະທານອົງການກວດກາແຂວງ ຫົວໜ້າຕ້ານການສໍ້ລາດບັງຫຼວງຂັ້ນແຂວງ ໄດ້ຜ່ານບົດສະຫຼຸບຕີລາຄາການເຄື່ອນໄຫວວຽກງານກວດກາ ປະຈຳປີ 2024 ໂດຍຍົກໃຫ້ເຫັນ ດ້ານດີ ແລະ ຜົນສຳເລັດໃນການເຄື່ອນໄຫວວຽກງານກວດກາ. ປັດຈຸບັນ ທົ່ວແຂວງປະກອບມີ 14 ອົງຄະນະພັກເມືອງ, 1 ນະຄອນ ແລະ 2 ຄະນະພັກກອງບັນຊາການປກຊ-ປກສແຂວງ, ມີ 22 ຄະນະພັກຮາກຖານ, 22 ໜ່ວຍພັກຮາກຖານອ້ອມຂ້າງແຂວງ; ຊຶ່ງໄດ້ດຳເນີນຊີວິດການເມືອງທ້າຍສະໄໝ ແລະ ດຳເນີນກອງປະຊຸມໃຫຍ່ຄະນະພັກຮາກຖານ, ໜ່ວຍພັກຮາກຖານອ້ອມຂ້າງແຂວງທີ່ຄົບວາລະກອງປະຊຸມສຳເລັດ 6 ຄະນະພັກຮາກຖານ ແລະ 2 ໜ່ວຍພັກ; ບົ່ງຕົວແຕ່ງຕັ້ງ 1 ຄະນະພັກຮາກຖານ, 1 ໜ່ວຍພັກຮາກຖານ. ພ້ອມກັນນັ້ນ, ໄດ້ເຂົ້າຮ່ວມຕິດຕາມດຳເນີນຊີວິດການເມືອງທ້າຍສະໄໝຂອງໜ່ວຍພັກຂຶ້ນກັບຄະນະພັກຮາກຖານມີ 38 ໜ່ວຍພັກ, ໄດ້ເຂົ້າຮ່ວມປະເມີນສັງລວມການສ້າງແຜນກຳນົດພະນັກງານນຳພາຄຸ້ມຄອງຂອງຄະນະບໍລິຫານງານພັກແຂວງ 14 ຕົວເມືອງ, 1 ນະຄອນ.

ໃນປີ 2024 ຜ່ານມາຄະນະພັກແຕ່ລະຂັ້ນໄດ້ເອົາໃຈໃສ່ເດັດດ່ຽວປະຕິບັດວິໄນຕໍ່ສະມາຊິກພັກລວມທັງໝົດ 69 ສະຫາຍ ຍິງ 12 ສະຫາຍ. ໃນນີ້, ປະຕິບັດຂັ້ນກ່າວເຕືອນມີ 13 ສະຫາຍ ຍິງ 2 ສະຫາຍ; ຂັ້ນຕິຕຽນ 15 ສະຫາຍ ຍິງ 9 ສະຫາຍ, ໂຈະຮ່ວມຊີວິດພັກ 28 ສະຫາຍ ຍິງ 1 ສະຫາຍ, ລຶບຊື່ອອກຈາກພັກ 17 ສະຫາຍ, ປົດຕໍາແໜ່ງພາຍໃນພັກ 1 ສະຫາຍ.

ສຳລັບວຽກງານກວດກາປົກກະຕິ, ກວດກາຕາມຄຳສັ່ງ ແລະ ກວດກາກະທັນຫັນ, ສຳເລັດກວດກາລາຍຮັບ-ລາຍຈ່າຍ, ການນຳໃຊ້ ແລະ ການຄຸ້ມຄອງເງິນກອງທຶນທາງ. ຜົນການກວດກາແມ່ນລວມທັງໝົດ 70 ສັນຍາ; ຕິດຕາມກວດກາໂຄງການລົງທຶນຂອງລັດເລີ່ມແຕ່ຫົວທີປະຈຳປີ 2023 ຕາມແຜນທີ່ກະກຽມມີທັງໝົດ 9 ໂຄງການ; ກວດກາເອກະສານໂຄງການແກ້ໄຂສຸກເສີນຈາກໄພພິບັດທຳມະຊາດເລີ່ມແຕ່ປີ 2012-2021 ເພື່ອສະເໜີສະພາປະຊາຊົນແຂວງຮັບຮອງເອົາເຂົ້າແຜນການລົງທຶນຂອງລັດປະຈຳປີ 2025 ມີທັງໝົດ 42 ໂຄງການມູນຄ່າ 78.39 ຕື້ກີບ.

ນອກນີ້, ຍັງໄດ້ຍັງຮ່ວມກັບຄະນະກຳມະການຈາກສູນກາງດຳເນີນການກວດກາເຂດເສດຖະກິດພິເສດສະຫວັນນະເຂດ, ຊຶ່ງສາມສົ່ງຄືນໃຫ້ລັດຕາມຈຳນວນເສຍຫາຍຈຳນວນມາດກວດພົບເຫັນມີຫຼາຍບັນຫາ ແລະ ສະເໜີໃຫ້ປັບປຸງແກ້ໄຂມີ 16 ບັນຫາ ແລະ ໄດ້ມອບເງິນເຂົ້າງົບປະມານລັດມູນຄ່າ 3 ຕື້ກວ່າກີບ; ກວດກາການນຳເຂົ້າ ແລະ ເສຍພາສີລົດແຕ່ປີ 2019-2023 ຮ່ວມກັບກວດກາສູນກາງໄດ້ອາຍັດພາຫານະປະເພດລົດໃຫຍ່ຈໍານວນ 13 ຄັນ.

ຜ່ານການດຳເນີນການກວດກາສືບສວນ-ສອບສວນແມ່ນສົ່ງຄືນຜູ້ປະກອບການ 9 ຄັນ. ໃນນີ້, ລົດ 2 ຄັນມີເອກະສານຖືກຕ້ອງ, 7 ຄັນໄດ້ເສຍພາສີເພີ່ມມູນຄ່າ 3 ຕື້ກວ່າກີບ ແລະ ສ່ວນລົດ 4 ຄັນແມ່ນດຳເນີນການສອບສວນປະກອບສຳນວນສົ່ງໄອຍະການແຂວງສົ່ງຟ້ອງໃຫ້ສານຮິບເປັນຂອງລັດ ແລະ ຄະນະສະເພາະກິດຂັ້ນແຂວງໄດ້ອາຍັດພາຫານະທີ່ລັກລອບເຄື່ອນຍ້າຍຖ່ານດໍາ ແລະ ໄມ້ໄດ້ທັງໝົດ 77 ຄັນ, ໄດ້ປັບໃໝພາຫານະ 75 ຄັນ ແລະ ຖ່ານດໍາລວມເປັນເງິນທັງໝົດ 2.32 ຕື້ກີບ, ສ່ວນອີກ 2 ຄັນແມ່ນສືບຕໍ່ດໍາເນີນການແກ້ໄຂຕາມລະບຽບການ.

ພ້ອມກັນນັ້ນ, ໄດ້ຕິດຕາມກວດກາບັນດາໂຄງການລົງທຶນຂອງລັດເລີ່ມແຕ່ຫົວທີປະຈໍາປີ 2024 ມີທັງໝົດ 16 ໂຄງການມູນຄ່າລວມໂຄງການສະພາຮັບຮອງທັງໝົດ 68 ຕື້ກວ່າກີບ. ໃນນີ້, 12 ໂຄງການພະແນກການເປັນເຈົ້າຂອງໂຄງການ ແລະ ມີ 4 ໂຄງການມູນຄ່າ 5 ຕື້ກີບ ລົງມາເມືອງເປັນເຈົ້າຂອງໂຄງການ. ຜ່ານການດໍາເນີນຕິດຕາມກວດກາເຫັນວ່າມີ 1 ໂຄງການຍັງບໍ່ທັນໄດ້ຮັບການຈັດຕັ້ງປະຕິບັດ.

ຄຽງຄູ່ກັນນີ້, ໄດ້ຕິດຕາມກວດກາການຈັດຕັ້ງປະຕິບັດການແກ້ໄຂຜົນການກວດກາຕາມຜົນການກວດສອບ ຕາມມະຕິສະພາປະຊາຊົນແຂວງ ສະບັບເລກທີ 04/ສພຂ.ສຂ, ລົງວັນທີ 10 ມັງກອນ 2024 ແລະ ບັນຫາທີ່ໄດ້ຮັບການແກ້ໄຂແລ້ວ ມີ 15 ບັນຫາ, ບັນຫາທີ່ໄດ້ຮັບການແກ້ໄຂແຕ່ບໍ່ຂາດຕົວ ມີ 13 ບັນຫາຕ້ອງສືບຕໍ່ແກ້ໄຂ.

ໂອກາດນີ, ທ່ານ ຄໍາພັນ ພົມມະທັດ ໄດ້ຊົມເຊີຍຕໍ່ຄະນະພັກແຂວງສະຫວັນນະເຂດ ກໍຄືຄະນະກວດກາພັກ-ລັດແຂວງທີ່ໄດ້ເປັນເຈົາການຈັດຕັງປະຕິບັດໜ້າວຽກສໍາຄັນຕາມພາລະບົດບາດໜ້າທີ່ ແລະ ເປັນເຈົ້າການໃນການຈັດຕັ້ງປະຕິບັດໜ້າທີ່ວິຊາສະເພາະໃນການລະເມີດລະບຽບກົດໝາຍ ແຕ່ກໍຮ່ວມກັນແກ້ໄຂໄດ້ໄວສົມຄວນ ສາມາດຕີຖອຍປາກົດການຫໍ້ທໍ້ທີ່ເປັນຫາງສັງຄົມ.

(ແຫຼ່ງຂ່າວ: ແຂວງສະຫວັນນະເຂດ)

ຄໍາເຫັນ

ຂ່າວວັດທະນະທຳ-ສັງຄົມ

ເຈົ້າແຂວງສະຫວັນນະເຂດ ຢ້ຽມຢາມ ແລະ ມອບເຄື່ອງຊ່ວຍເຫຼືອໃຫ້ແກ່ປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມ

ເຈົ້າແຂວງສະຫວັນນະເຂດ ຢ້ຽມຢາມ ແລະ ມອບເຄື່ອງຊ່ວຍເຫຼືອໃຫ້ແກ່ປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມ

ໃນວັນທີ 17 ມິຖຸນາຜ່ານມານີ້, ທ່ານ ບຸນໂຈມ ອຸບົນປະເສີດ ເຈົ້າແຂວງ ສະຫວັນນະເຂດ ປະທານຄະນະກຳມະການຄຸ້ມຄອງໄພພິບັດຂັ້ນແຂວງ ພ້ອມດ້ວຍຄະນະ ໄດ້ລົງຢ້ຽມຢາມ ແລະ ມອບເຄື່ອງຊ່ວຍເຫຼືອບັນເທົາທຸກໃຫ້ແກ່ພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພພິບັດນ້ຳຖ້ວມຈາກອິດທິພົນຂອງລົມພາຍຸ (ວຸທິບ) ຢູ່ບ້ານເມືອງໂຮງ ເມືອງຊົນນະບູລີ. ໂດຍການຕ້ອນຮັບຂອງທ່ານ ສຸກສາຄອນ ໂພທິລາດ ເຈົ້າເມືອງຊົນນະບູລີ ພ້ອມດ້ວຍຄະນະ ແລະ ພໍ່ແມ່ປະຊາຊົນ.
ສຳເລັດການຄັດເລືອກ ນັກອອກແບບໜຸ່ມນ້ອຍ ປະຈໍາປີ 2025

ສຳເລັດການຄັດເລືອກ ນັກອອກແບບໜຸ່ມນ້ອຍ ປະຈໍາປີ 2025

ເມື່ອຕົ້ນເດືອນມິຖຸນານີ້, ສະມາຄົມຫັດຖະກໍາລາວ, ລາວແຟຊັ້ນວີກ, ໂຮງແຮມສຸພັດຕາ ໄດ້ສຳເລັດການຈັດງານ ລາວແຟຊັ້ນວີກ 2025 ພາຍໃຕ້ໂຄງການສົ່ງເສີມນັກອອກແບບໜຸ່ມນ້ອຍຂອງລາວເພື່ອສົ່ງເສີມຜ້າລາວໃຫ້ເຂົ້າສູ່ຕະຫຼາດແຟຊັ້ນສາກົນ ແລະ ສຳເລັດການຄັດເລືອກເອົາ 5 ນັກອອກແບບໜຸ່ມນ້ອຍລາວ ຊຶ່ງຈະໄດ້ມີໂອກາດໄປສຶກສາ ແລະ ຝຶກອົບຮົມ ໃນບັນດາສະຖາບັນແຟຊັ້ນທີ່ມີຊື່ສຽງຂອງໂລກ.
ເມືອງບໍ່ແຕນ ປາຖະກະຖາວັນແພດລາວ ຄົບຮອບ 60 ປີ

ເມືອງບໍ່ແຕນ ປາຖະກະຖາວັນແພດລາວ ຄົບຮອບ 60 ປີ

ໃນວັນທີ 18 ມີຖຸນານີ້ ຢູ່ທີ່ສະໂມສອນເມືອງບໍ່ແຕນ ແຂວງໄຊຍະບູລີ ໄດ້ຈັດພິທີປາຖະກະຖາວັນແພດລາວ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງແພດລາວ ຄົບຮອບ 60 ປີ, ໂດຍການເຂົ້າຮ່ວມຂອງທ່ານ ຄຳພັນ ພັນທະວົງ ຮອງເລຂາພັກເມືອງ ປະທານກວດກາພັກເມືອງ.
ຄປຊລ ສະຫຼຸບວຽກງານການເຄື່ອນໄຫວປະຈຳປີ 2024

ຄປຊລ ສະຫຼຸບວຽກງານການເຄື່ອນໄຫວປະຈຳປີ 2024

ກອງປະຊຸມສະຫຼຸບວຽກງານການເຄື່ອນໄຫວປະຈຳປີ 2024 ແລະ ທິດທາງປີ 2025 ຂອງຄະນະທີ່ປຶກສາດ້ານເສດຖະກິດຊາວໜຸ່ມລາວ (ຄປຊລ) ໄດ້ຈັດຂຶ້ນໃນວັນທີ 13 ມິຖຸນາ ຜ່ານມານີ້ ທີ່ຫ້ອງປະຊຸມສູນກິດຈະກຳຊາວໜຸ່ມ ແລະ ເຍົາວະຊົນ ເປັນກຽດເຂົ້າຮ່ວມມີ ທ່ານ ທອງລີ ສີສຸລິດ ຮອງປະທານສູນກາງຊາວໜຸ່ມປະຊາຊົນ ປະຕິວັດລາວ (ສຊປລ), ທ່ານ ວິໄລສານ ພົມມີໄຊ ປະທານຄະນະທີ່ປຶກສາດ້ານເສດຖະກິດຊາວໜຸ່ມລາວ, ມີບັນດາຄະນະ ພ້ອມດ້ວຍສະມາຊິກ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ກຊສ ສະຫຼຸບການຈັດຕັ້ງປະຕິບັດວຽກງານຮອບດ້ານ ແລະ ປະກາດການແຕ່ງຕັ້ງ

ກຊສ ສະຫຼຸບການຈັດຕັ້ງປະຕິບັດວຽກງານຮອບດ້ານ ແລະ ປະກາດການແຕ່ງຕັ້ງ

ກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານ ຂອງກະຊວງຊັບພະຍາກອນທໍາມະຊາດ ແລະ ສິ່ງແວກລ້ອມ (ກຊສ) ໄລຍະປີ 2021-2025 ແລະ ປະການການແຕ່ງຕັ້ງຮອງລັດຖະມົນຕີ ຂຶ້ນໃນວັນທີ 16 ມິຖຸນາ ຜ່ານມາ ທີ່ ກຊສ ໂດຍການເປັນປະທານຂອງ ທ່ານ ນາງ ບຸນຄໍາ ວໍລະຈິດ ກຳມະການສູນກາງພັກ ເລຂາຄະນະພັກ ລັດຖະມົນຕີ ກຊສ ມີບັນດາຄະນະພັກ-ຄະນະນໍາ ແລະ ສະມາຊິກພັກ-ພະນັກງານພາຍໃນ ກຊສ ເຂົ້າຮ່ວມ.
ໄຊສົມບູນ ເຜີຍແຜ່ວຽກງານຄຸ້ມຄອງລັດຖະກອນຂອງ ສປປ ລາວ ຮອດປີ 2030

ໄຊສົມບູນ ເຜີຍແຜ່ວຽກງານຄຸ້ມຄອງລັດຖະກອນຂອງ ສປປ ລາວ ຮອດປີ 2030

ກົມຄຸ້ມຄອງລັດຖະກອນ ກະຊວງພາຍໃນ ຮ່ວມກັບ ພະແນກພາຍໃນ ແຂວງໄຊສົມບູນ ຈັດກອງປະຊຸມ ເຜີຍແຜ່ວຽກງານຄຸ້ມຄອງລັດຖະກອນຂອງ ສປປ ລາວ ຮອດປີ 2030 ຂຶ້ນໃນ ລະຫວ່າງ ວັນທີ 16-18 ມິຖຸນາ 2025 ນີ້ ທີສະໂມສອນໃຫຍ່ເມືອງອະນຸວົງ ໂດຍການເປັນປະທານຂອງ ທ່ານ ຄຳກອງ ລາວລີ ຫົວໜ້າກົມຄຸ້ມຄອງລັດຖະກອນ ກະຊວງພາຍໃນ ພ້ອມດ້ວຍຫົວໜ້າ-ຮອງຫົວໜ້າພະແນກການອ້ອມຂ້າງແຂວງ ແລະ ເມືອງເຂົ້າຮ່ວມ.
ຝຶກອົບຮົມກຽມຄວາມພ້ອມປັບຕົວຕໍ່ສະພາບອາກາດ ແລະ ສຸຂະພາບ

ຝຶກອົບຮົມກຽມຄວາມພ້ອມປັບຕົວຕໍ່ສະພາບອາກາດ ແລະ ສຸຂະພາບ

ໃນວັນທີ 16 ຜ່ານມານີ້ ຢູ່ທີ່ສະໂມສອນ ເມືອງທຸລະຄົມ ແຂວງວຽງຈັນ ໄດ້ຈັດກອງປະຊຸມຝຶກອົບຮົມກຽມຄວາມພ້ອມປັບຕົວຕໍ່ສະພາບອາກາດ ແລະ ສຸຂະພາບ, ໂດຍການເປັນປະທານຂອງ ທ່ານ ພູວົງ ມະນິສິດ ປະທານກຸ່ມຄໍາພູວົງ ປະທານມູນນິທິຮ່ວມໃຈພັດທະນະລາວ, ທ່ານ ພູທອນ ເມືອງປາກ ທີ່ປຶກສາມູນນິທິຮ່ວມໃຈພັດທະນາລາວ ຜູ້ຊີ້ນໍາໂຄງການ.
ເຈົ້າແຂວງຈໍາປາສັກ​ ເຄື່ອນໄຫວຊຸກຍູ້ການກໍ່ສ້າງທາງເບຕົງ​ ຢູ່ບ້ານໂພນໄຊ

ເຈົ້າແຂວງຈໍາປາສັກ​ ເຄື່ອນໄຫວຊຸກຍູ້ການກໍ່ສ້າງທາງເບຕົງ​ ຢູ່ບ້ານໂພນໄຊ

ວັນທີ​ 16 ມິຖຸນາ​ຜ່ານມາ,​ ທ່ານ​ ອາລຸນໄຊ​ ສູນນະລາດ​ ເຈົ້າແຂວງ​ຈໍາປາສັກ​ ພ້ອມດ້ວຍ​ຄະນະ ໄດ້ເຄື່ອນໄຫວຕິດຕາມຊຸກຍູ້ການສ້ອມແປງ, ກໍ່ສ້າງທາງເບຕົົງ 2​ ເສັ້ນ​ ຢູ່ບ້ານພັດທະນາໂພນໄຊ ນະຄອນປາກເຊ​ ໂດຍມີການນໍາບໍລິສັດຜູ້ຮັບເໝົາການກໍ່ສ້າງ,​ ອົງການປົກຄອງບ້ານ​ພັດທະນາໂພນໄຊ​ ເຂົ້າຮ່ວມ.​ ທັງນີ້,​ ກໍເພື່ອເປັນການຊຸກຍູ້ໃຫ້ການກໍ່ສ້າງເສັ້ນທາງເບຕົງ​ດັ່ງກ່າວ ມີຜົນສໍາເລັດ,​ ຕອບສະໜອງໃຫ້ແກ່ການສັນຈອນໄປ​ - ມາ ມີຄວາມສະດວກ​ ທັງປະກອບສ່ວນໃຫ້ນະຄອນປາກເຊ​ ມີຄວາມເປັນລະບຽບຮຽບຮ້ອຍສະອາດຈົບງາມ.
5 ປີ ເມືອງດາກຈຶງ ຕ້ອງການທຶນເພື່ອພັດທະນາພື້ນຖານໂຄງລ່າງ 340 ຕື້ກວ່າກີບ

5 ປີ ເມືອງດາກຈຶງ ຕ້ອງການທຶນເພື່ອພັດທະນາພື້ນຖານໂຄງລ່າງ 340 ຕື້ກວ່າກີບ

ໃນ 5 ປີຕໍ່ໜ້າ (2025-2029) ເມືອງດາກຈຶງ ແຂວງເຊກອງ ມີຄວາມຕ້ອງການທຶນເພື່ອພັດທະນາພື້ນຖານໂຄງລ່າງ ຍູ້ແຮງການພັດທະນາເສດຖະກິດ ແລະ ແກ້ໄຂຄວາມທຸກຍາກຂອງປະຊາຊົນ ທັງໝົດ 342 ຕື້ກີບ. ໃນນີ້, ການລົງທຶນຂອງລັດ 55 ຕື້ກີບ, ທຶນຊ່ວຍເຫຼືອລ້າ ແລະ ກູ້ຢືມ 154 ຕື້ກີບ, ທຶນສິນເຊື່ອທະນາຄານ 74.06 ຕື້ກີບ, ທຶນພັດທະນາທ້ອງຖິ່ນ 45 ຕື້ກີບ, ບ້ວງເງິນເກີນແຜນ 10 ຕື້ກີບ ແລະ ທຶນຊຸມຊົນປະກອບສ່ວນ 2.5 ຕື້ກີບ.
ເຂື່ອນໄຟຟ້າ ຫ້ວຍລຳພັນຕອນລຸ່ມຈໍາໜ່າຍພະລັງງານໄຟຟ້າໄດ້ 204,919,077 kWh

ເຂື່ອນໄຟຟ້າ ຫ້ວຍລຳພັນຕອນລຸ່ມຈໍາໜ່າຍພະລັງງານໄຟຟ້າໄດ້ 204,919,077 kWh

ທ່ານ ສະນິດ ໄຊຍະສິດ ຜູ້ອໍານວຍການບໍລິສັດ ຫ້ວຍລໍາພັນ ພາວເວີ ຈໍາກັດ ໃຫ້ສໍາພາດວ່າ: ການຜະລິດພະລັງງານໄຟຟ້າ ຂອງເຂື່ອນໄຟຟ້າຫ້ວຍລຳພັນຕອນລຸ່ມຜ່ານມາ ແຕ່ມື້ເລີ່ມຕົ້ນຮອດປັດຈຸບັນ ແມ່ນຜະລິດຕາມແຜນການທີ່ວາງໄວ້ ແລະ ຜະລິດຕາມປະລິມານນໍ້າໄຫຼເຂົ້າອ່າງຕົວຈິງໃນແຕ່ລະໄລຍະ, ການຂຶ້ນແຜນການຜະລິດ
ເພີ່ມເຕີມ