ປີຜ່ານມາ ຈຳນວນການຂາຍລົດ EV ໃນອົສຕຣາລີ ບັນລຸ 149%

15:39 19/03/2024

ຂ່າວຕ່າງປະເທດລາຍງານ ເມື່ອບໍ່ດົນມານີ້, ສະພາຍານພາຫະນະໄຟຟ້າຂອງອົສຕຣາລີໄດ້ເປີດເຜີຍບົດລາຍງານອຸດສາຫະກຳຍານພາຫະນະໄຟຟ້າປະຈຳປີ 2023 ໂດຍລະບຸວ່າ: ຈຳນວນຈຳໜ່າຍຍານພາຫະນະໄຟຟ້າໃນອົສຕຣາລີເພີ່ມຂຶ້ນຫຼາຍກວ່າ 2 ເທົ່າໃນປີ 2023.
ບົດລາຍງານລະບຸວ່າ: ຈຳນວນຈຳໜ່າຍຍານພາຫະນະໄຟຟ້າຂອງອົສຕຣາລີ ໃນປີ 2023 ລວມມີ 98.346 ຄັນ ເພີ່ມຂຶ້ນ 149,9% ຈາກ 39.353 ຄັນໃນປີ 2022 ແລະ ຄິດເປັນ 8,45% ຂອງຍອດຈຳໜ່າຍລົດໃຫຍ່ໃໝ່ທັງໝົດ ຊຶ່ງເພີ່ມຂຶ້ນຈາກ 3,81% ໃນປີ 2022. ທ່ານ ເບຢາດ ຈາຟາຣີ ຜູ້ບໍລິຫານລະດັບສູງຂອງສະພາຍານພາຫະນະໄຟຟ້າຂອງອົສຕຣາລີ ກ່າວວ່າ: ຕະຫຼາດຍານພາຫະນະໄຟຟ້າຂອງອົສຕຣາລີມີທ່າອ່ຽງຂະຫຍາຍຕົວ 30%-50% ຕໍ່ປີ ໂດຍອົສຕຣາລີ ມີການຈັດຈຳໜ່າຍຍານພາຫະນະໄຟຟ້າໃນປີ 2023 ລວມ 90 ລຸ້ນ ຊຶ່ງເພີ່ມຂຶ້ນຈາກ 70 ລຸ້ນໃນປີ 2022.
ບົດລາຍງານລະບຸວ່າ: ຍານພາຫະນະໄຟຟ້າຂອງເທສລາ ລຸ້ນໂມເດວ ວາຍ (Model Y) ໄດ້ຮັບຄວາມນິຍົມຫຼາຍທີ່ສຸດໃນອົສຕຣາລີ ຮອງລົງມາແມ່ນລຸ້ນ Model 3 ແລະ Atto 3 ຂອງ BYD ໂດຍທັງສາມລຸ້ນນີ້ມີຈຳນວນຈຳໜ່າຍລວມກັນຫຼາຍກວ່າ 50.000 ຄັນ.

ຄໍາເຫັນ

ຂ່າວຕ່າງປະເທດ

ອິນເດຍ ເປີດການປະມູນປຸ໋ຍຢູເຣຍ ນຳເຂົ້າ 2.5 ລ້ານໂຕນ

08/04/2026 15:13

ຂ່າວຕ່າງປະເທດລາຍງານ ໃນວັນທີ 7 ເມສາ ຜ່ານມາວ່າ: ເຈົ້າໜ້າທີ່ລັດຖະບານອິນເດຍໄດ້ເປີດເຜີຍການປະມູນລະດັບໂລກເພື່ອນຳເຂົ້າປຸ໋ຍຢູເຣຍ ຈຳນວນ 2.5 ລ້ານໂຕນ ທ່າມກາງບັນຫາການສະໜອງທີ່ຢຸດສະງັກເພາະສະຖານະການໃນຕາເວັນອອກກາງ. ໂດຍ ບໍລິສັດ Indian Potash Limited ຂອງລັດ ໄດ້ເປີດການປະມູນ ຊຶ່ງຈະສິ້ນສຸດໃນວັນທີ 15 ເມສານີ້.

IMF ອາດຈະຫຼຸດການຄາດຄະເນເສດຖະກິດໂລກ

08/04/2026 15:07

ຂ່າວຕ່າງປະເທດລາຍງານ ໃນວັນທີ 7 ເມສາ ຜ່ານມາວ່າ: ທ່ານນາງ ຄຣິສຕາລີນາ ຈໍເຈຍວາ ຜູ້ອຳນວຍການໃຫຍ່ຂອງກອງທຶນການເງິນສາກົນ (IMF) ໄດ້ເປີດເຜີຍວ່າ: ສົງຄາມໃນຕາເວັນອອກກາງຈະສົ່ງຜົນໃຫ້ອັດຕາເງິນເຟີ້ສູງຂຶ້ນ ແລະ ເຮັດໃຫ້ການເຕີບໂຕຂອງເສດຖະກິດໂລກຊ້າລົງ. ທ່ານກ່າວຕື່ມວ່າ: ເຖິງແມ່ນວ່າຂໍ້ຂັດແຍ່ງຈະໄດ້ຮັບການແກ້ໄຂຢ່າງວ່ອງໄວ, ແຕ່ IMF ຍັງຈະພິຈາລະນາຫຼຸດການຄາດຄະເນການເຕີບໂຕທາງເສດຖະກິດ ແລະ ຍົກລະດັບການຄາດຄະເນອັດຕາເງິນເຟີ້.

ກຳປູເຈຍ ປະກາດໃຊ້ກົດໝາຍ ປາບປາມການຫຼອກລວງທາງໂທລະຄົມ ແລະ ອິນເຕີເນັດ

08/04/2026 11:13

ຂ່າວສານຊີອາໄອລາຍງານວ່າ: ໃນວັນທີ 6 ເມສາຜ່ານມານີ້, ທ່ານ ຮຸນແຊນ ຮັກສາການແທນພະມະຫາກະສັດແຫ່ງຣາຊະອານາຈັກກຳປູເຈຍໄດ້ລົງນາມໃນລັດຖະດຳລັດ ເພື່ອປະກາດໃຊ້ກົດໝາຍວ່າດ້ວຍການຕ້ານການຫຼອກລວງທາງໂທລະຄົມ ແລະ ອິນເຕີເນັດ ຊຶ່ງມີຜົນບັງຄັບໃຊ້ໃນທັນທີ.

ຈີນ ຮຽກຮ້ອງການປະຕິຮູບອົງການສະຫະປະຊາຊາດຈະໃຫ້ຄວາມສຳຄັນຕໍ່ປະເທດກຳລັງພັດທະນາ

08/04/2026 11:12

ຂ່າວສານຊີອາໄອລາຍງານວ່າ: ໃນວັນທີ 6 ເມສາ ຜ່ານມາ, ໃນເວລາເຂົ້າຮ່ວມກອງປະຊຸມແຈ້ງສະພາບການປະຕິບັດຂໍ້ລິເລີ່ມການປະຕິຮູບ ຄົບຮອບ 80 ປີຂອງການສ້າງຕັ້ງອົງການສະຫະປະຊາຊາຊາດ ຫຼື UN80 ຂອງສະມັດຊາໃຫຍ່ອົງການສະຫະປະຊາຊາດ, ທ່ານ ຊຸ່ນເຫຼີຍ ຮອງຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດ ຢືນຢັນວ່າ: ຈີນຄອງຄອຍການປະຕິຮູບຈະໃຫ້ຄວາມສຳຄັນຢ່າງເຕັມທີ່ຕໍ່ຄວາມກັງວົນຂອງປະເທດກຳລັງພັດທະນາ, ເຕົ້າໂຮມຄວາມຮັບຮູ້ເປັນເອກະພາບກັນຂອງປະເທດສະມາຊິກທຸກຖ້ວນໜ້າ ເພື່ອເຮັດໃຫ້ໝາກຜົນຂອງການປະຕິຮູບສາມາດຜ່ານຜ່າການທົດສອບທາງປະຫວັດສາດໄດ້.

ພູເຂົາໄຟດູໂຄໂນ ໃນອິນໂດເນເຊຍ ລະເບີດ 4 ຄັ້ງໃນມື້ດຽວ

08/04/2026 11:04

ຂ່າວຕ່າງປະເທດລາຍງານໃນວັນທີ 7 ເມສາ ຜ່ານມາວ່າ: ສູນຫຼຸດຜ່ອນໄພພິບັດທາງພູເຂົາໄຟ ແລະ ທໍລະນີວິທະຍາຂອງອິນໂດເນເຊຍລາຍງານວ່າ, ພູເຂົາໄຟດູໂຄໂນ ໃນແຂວງມາລູກູເໜືອ ຂອງອິນໂດເນເຊຍໄດ້ລະເບີດຂຶ້ນ 4 ຄັ້ງໃນວັນ 7 ເມສາ ຜ່ານມາ ໂດຍພົ່ນຂີ້ເທົ່າໜາຂຶ້ນສູ່ທ້ອງຟ້າ.

ທ່ານ ເລມິງຮຶງ ໄດ້ຮັບເລືອກຕັ້ງດຳລົງຕຳແໜ່ງເປັນນາຍົກລັດຖະມົນຕີຫວຽດນາມ

08/04/2026 09:56

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນບ່າຍວັນທີ 7 ເມສາ ຜ່ານມາ ຢູ່ນະຄອນຫຼວງຮ່າໂນ້ຍ, ບັນດາສະມາຊິກສະພາແຫ່ງຊາດໄດ້ເຂົ້າຮ່ວມການລົງຄະແນນສຽງໃຫ້ສັດຕະຍາບັນ, ສະພາແຫ່ງຊາດຊຸດທີ XVI ຮັບຮອງເອົາມະຕິເລືອກຕັ້ງນາຍົກລັດຖະມົນຕີແຫ່ງ ສາທາລະນະລັດ ສັງຄົມນິຍົມ ຫວຽດນາມ ອາຍຸການ 2026 – 2031 ສໍາລັບທ່ານ ເລມິງຮຶງ ກຳມະການກົມການເມືອງ ເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງ ສະມາຊິກສະພາແຫ່ງຊາດຊຸດທີ XVI.

ລາຄານໍ້າມັນເຊື້ອໄຟເພີ່ມຂຶ້ນສູງ ສ້າງຄວາມກົນດັນຕໍ່ອຸດສາຫະກຳທ່ອງທ່ຽວມາເລເຊຍ

07/04/2026 15:50

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທ່ານ ສຣີ ເຄເນສ ມິເຊວ ປະທານສະຫະພັນທ່ອງທ່ຽວມາເລເຊຍ ໄດ້ເປີດເຜີຍວ່າ: ຂະແໜງການທ່ອງທ່ຽວຂອງມາເລເຊຍກຳລັງປະເຊີນກັບແຮງກົດດັນດ້ານຄ່າໃຊ້ຈ່າຍໃນການດຳເນີນງານທີ່ເພີ່ມຂຶ້ນຍ້ອນລາຄານໍ້າມັນເຊື້ອໄຟທີ່ເພີ່ມສູງຂຶ້ນ ຊຶ່ງເປັນຜົນສະທ້ອນຂອງຄວາມເຄັ່ງຕຶງໃນຕາເວັນອອກກາງ. ໂດຍສ້າງຜົນກະທົບທີ່ແຜ່ລາມໄປທົ່ວອຸດສາຫະກຳ.

ຄາດຄະເນການເຕີບໂຕເສດຖະກິດອາຊຽນ ແລະ ຈີນ ຍີ່ປຸ່ນ ສ ເກົາຫຼີ ໃນປີ 2026

07/04/2026 13:41

ຂ່າວສານຊີອາໄອລາຍງານວ່າ: ໃນວັນທີ 6 ເມສາຜ່ານມາ, ຫ້ອງການຄົ້ນຄວ້າເສດຖະກິດມະຫາພາກຂອງອາຊຽນ ແລະ ຈີນ, ຍີ່ປຸ່ນ, ສ ເກົາຫຼີ ໄດ້ເປີດເຜີຍບົດລາຍງານຄາດຄະເນເສດຖະກິດຂອງພາກພື້ນອາຊຽນ ແລະ ຈີນ, ຍີ່ປຸ່ນ, ສ ເກົາຫຼີ ປີ 2026 ໂດຍຄາດຄະເນວ່າ: ຈັງຫວະການເຕີບໂຕຂອງເສດຖະກິດໃນພາກພື້ນອາຊຽນ ແລະ ຈີນ, ຍີ່ປຸ່ນ, ສ ເກົາຫຼີ ໃນປີ 2026 ແລະ 2027 ແມ່ນ 4%. ບົດລາຍງານລະບຸວ່າ: ການປະທະກັນຢູ່ຕາເວັນອອກກາງໄດ້ຮຸນແຮງຂຶ້ນຢ່າງຕໍ່ເນື່ອງ ແລະ ການສະໜອງດ້ານພະລັງງານທົ່ວໂລກຖືກຜົນກະທົບ ຈະເຮັດໃຫ້ຈັງຫວະການເຕີບໂຕຂອງເສດຖະກິດໃນພາກພື້ນມີຄວາມສ່ຽງຫຼຸດຕ່ຳລົງຫຼາຍຂຶ້ນ.

WHO ລະດົມທຶນ ສະໜັບສະໜູນລະບົບສາທາລະນະສຸກໃນ 5 ປະເທດຕາເວັນອອກກາງ

07/04/2026 13:40

ຂ່າວຕ່າງປະເທດລາຍງານໃນວັນທີ 4 ເມສາ ຜ່ານມາວ່າ: ທ່ານ ເທດຣອສ ອັດຮາໂນມ ເກເບຣເຢຊຸສ ຜູ້ອໍານວຍການໃຫຍ່ຂອງອົງການອະນາໄມໂລກ (WHO) ໄດ້ລະບຸຜ່ານສື່ສັງຄົມອອນລາຍວ່າ: ລະບົບສາທາລະນະສຸກຂອງ 5 ປະເທດທີ່ໄດ້ຮັບຜົນກະທົບຈາກຂໍ້ຂັດແຍ່ງໃນຕາເວັນອອກກາງຄື: ລີບັງ, ອີຣານ, ອີຣັກ, ຊີຣີ ແລະ ຊອກດານີ ຈຳເປັນຕ້ອງໄດ້ຮັບການສະໜັບສະໜູນຢ່າງຮີບດ່ວນ.

OPEC+ ກຽມເພີ່ມການຜະລິດນ້ຳມັນໃນເດືອນພຶດສະພາ

07/04/2026 11:27

ຂ່າວຕ່າງປະເທດລາຍງານໃນວັນທີ 6 ເມສາ ຜ່ານມາວ່າ: ອົງການບັນດາປະເທດຜູ້ສົ່ງອອກນ້ຳມັນ ແລະ ພັນທະມິດ ຫຼື OPEC+ ໄດ້ຕົກລົງກັນໃນວັນທີ 5 ເມສາ ຜ່ານມາ, ເພື່ອເພີ່ມການຜະລິດນໍ້າມັນດິບ 206,000 ບາເຣວຕໍ່ມື້ໃນເດືອນພຶດສະພາ.

ເພີ່ມເຕີມ