ກອງປະຊຸມລາຍງານຖອດຖອນບົດຮຽນການຈັດຕັ້ງປະຕິບັດໂຄງການ ແລະ ປິດໂຄງການສົ່ງເສີມກະສິກໍາ, ລ້ຽງສັດ ແລະ ປະມົງເຂດພູພຽງນາກາຍໄດ້ຈັດຂຶ້ນເມື່ອບໍ່ດົນຜ່ານມາ ທີ່ຫ້ອງປະຊຸມຂອງພະແນກກະສິກໍາ ແລະ ປ່າໄມ້ແຂວງຄໍາມ່ວນໂດຍການເປັນປະທານຮ່ວມຂອງທ່ານ ສຸກັນ ອິນທະນູຮັກ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງຄໍາມ່ວນ, ທ່ານ ຟຣັງຊົວ ຊາວີເອີ ດູປຸດສ໌ ຜູ້ຕາງໜ້າອົງການຝຣັ່ງເພື່ອການພັດທະນາປະຈຳ ສປປ ລາວ, ມີບັນດາທ່ານຜູ້ແທນຈາກສູນກາງ, ແຂວງ, ເມືອງ, ຈາກອົງການ ແລະ ສະຖາບັນເຂົ້າຮ່ວມ .
ໃນກອງປະຊຸມ, ທ່ານ ສຸກັນ ອິນທະນູຮັກ ແລະ ທ່ານ ຝຣັ່ງຊົວ ຊາເວຍ ດູໂປດສ ໄດ້ຜັດປ່ຽນກັນມີຄໍາຄິດເຫັນກ່າວເປີດກອງປະຊຸມວ່າ: ຈຸດປະສົງຂອງກອງປະຊຸມໄດ້ລາຍງານຜົນຖອດຖອນບົດຮຽນການຈັດຕັ້ງປະຕິບັດກິດຈະ ກຳຂອງໂຄງການໃນໄລຍະຜ່ານມາ ແລະ ປິດໂຄງການເພື່ອໃຫ້ທຸກພາກສ່ວນທີ່ກ່ຽວຂ້ອງຮັບຮູ້ - ເຂົ້າໃຈໄປໃນທິດທາງດຽວກັນ ໃນການຈັດຕັ້ງປະຕິບັດບັນດາກິດຈະກໍາໂຄງການ ໃຫ້ເດີນແມ່ນແລ່ນສະດວກ ແລະ ຖືກຕ້ອງສອດຄ່ອງຕາມລະບຽບຫຼັກການຂອງຜູ້ໃຫ້ທຶນ ແລະ ນະໂຍບາຍທາງດ້ານການພັດທະນາເສດຖະກິດ-ສັງຄົມຂອງແຂວງ.
ທ່ານ ເຂັມທອງ ເທບພະກັນ ຜູ້ບໍລິຫານໂຄງການສົ່ງເສີມກະສິກໍາ, ລ້ຽງສັດ ແລະ ການປະມົງເຂດພູພຽງນາກາຍ (NP-LAF) ໄດ້ລາຍງານວ່າ: ໂຄງການຖືກຈັດຕັ້ງປະຕິບັດໃນ 10 ບ້ານຂອງເມືອງນາກາຍ (16 ກຸ່ມບ້ານ) ຂອງແຂວງຄໍາມ່ວນ ໂດຍມີເປົ້າໝາຍ 2.200 ຄົວເຮືອນທີ່ມີປະຊາກອນທັງໝົດ 10.300 ຄົນທີ່ມາຈາກຊົນເຜົ່າທີ່ແຕກຕ່າງກັນ, ໃນນັ້ນ 51% ເປັນເພດຍິງ, ໂຄງການມີ 2 ຈຸດປະສົງຄື : 1. ສະໜັບສະໜູນການພັດທະນາກິດຈະກໍາກະສິກໍາ, ລ້ຽງສັດ ແລະ ການປະມົງໂດຍໃຫ້ການຊ່ວຍເຫຼືອທາງດ້ານເຕັກນິກ ແລະ ສະຖາບັນໃຫ້ແກ່ບັນດາຜູ້ຜະລິດທີ່ມີຄວາມສົນໃຈເພື່ອກໍາຈັດບັນດາສິ່ງກີດຂວາງດ້ານການຜະລິດ ແລະ ການຕະຫຼາດ, 2. ສ້າງຄວາມເຂັ້ມແຂງໃຫ້ແກ່ບຸກຄະລາກອນຂອງເມືອງໂດຍການໃຫ້ການສະໜັບສະໜູນທາງດ້ານເຕັກນິກ, ກິດຈະກໍາກະສິກໍາ ແລະ ການປະມົງໄລຍະຍາວ. ໂຄງການ NP-LAF ຈັດເປັນ 5 ອົງປະກອບຫຼັກຄື: ການພັດທະນາ ແລະ ການຈັດສັນທີ່ດິນຄືນໃໝ່, ການສະໜັບສະໜູນດ້ານກະສິກໍາ ແລະ ການລ້ຽງສັດ, ການພັດທະນາຊົນລະປະທານ, ການຄຸ້ມຄອງການປະມົງ, ການສ້າງຄວາມອາດສາມາດ ແລະ ການເກັບກ່ຽວປະສົບການ. ສ່ວນການຈັດຕັ້ງປະຕິບັດໂຄງການແມ່ນມີໄລຍະເວລາ 5 ປີ, ລວມມີງົບປະມານທັງໝົດ 3,03 ຕື້ກີບດ້ວຍທຶນສົມທົບຂອງສາມສະຖາບັນຄື: ອົງການຝຣັ່ງເພື່ອການພັດທະນາ (AFD) ຈໍານວນ 1.500.000 ຢູໂຣ, ບໍລິສັດຜະລິດໄຟຟ້ານ້ຳເທີນ 2 (NT2PC) ຈໍານວນ 1.500.000 ຢູໂຣ ແລະ ລັດຖະບານລາວ 29.000 ຢູໂຣ ໂດຍມີຄູ່ຮ່ວມງານໂຄງການຄືພະແນກກະສິກໍາ - ປ່າໄມ້ແຂວງຄໍາມ່ວນ ແລະ ຫ້ອງການກະສິກໍາ - ປ່າໄມ້ເມືອງນາກາຍໂດຍການຊ່ວຍເຫຼືອດ້ານວິຊາການຈາກ IRAM ແລະ CCL. ພ້ອມນັ້ນບັນດາພາກສ່ວນທີ່ກ່ຽວຂ້ອງອື່ນໆຍັງໄດ້ມີການປະກອບຄໍາຄິດເຫັນ ແລະ ສົນທະນາແລກປ່ຽນບົດຮຽນຮ່ວມ.
(ຂ່າວ-ພາບ: ແດງສະຫວັດ ແສນພານິດ).
ໃນກອງປະຊຸມ, ທ່ານ ສຸກັນ ອິນທະນູຮັກ ແລະ ທ່ານ ຝຣັ່ງຊົວ ຊາເວຍ ດູໂປດສ ໄດ້ຜັດປ່ຽນກັນມີຄໍາຄິດເຫັນກ່າວເປີດກອງປະຊຸມວ່າ: ຈຸດປະສົງຂອງກອງປະຊຸມໄດ້ລາຍງານຜົນຖອດຖອນບົດຮຽນການຈັດຕັ້ງປະຕິບັດກິດຈະ ກຳຂອງໂຄງການໃນໄລຍະຜ່ານມາ ແລະ ປິດໂຄງການເພື່ອໃຫ້ທຸກພາກສ່ວນທີ່ກ່ຽວຂ້ອງຮັບຮູ້ - ເຂົ້າໃຈໄປໃນທິດທາງດຽວກັນ ໃນການຈັດຕັ້ງປະຕິບັດບັນດາກິດຈະກໍາໂຄງການ ໃຫ້ເດີນແມ່ນແລ່ນສະດວກ ແລະ ຖືກຕ້ອງສອດຄ່ອງຕາມລະບຽບຫຼັກການຂອງຜູ້ໃຫ້ທຶນ ແລະ ນະໂຍບາຍທາງດ້ານການພັດທະນາເສດຖະກິດ-ສັງຄົມຂອງແຂວງ.
ທ່ານ ເຂັມທອງ ເທບພະກັນ ຜູ້ບໍລິຫານໂຄງການສົ່ງເສີມກະສິກໍາ, ລ້ຽງສັດ ແລະ ການປະມົງເຂດພູພຽງນາກາຍ (NP-LAF) ໄດ້ລາຍງານວ່າ: ໂຄງການຖືກຈັດຕັ້ງປະຕິບັດໃນ 10 ບ້ານຂອງເມືອງນາກາຍ (16 ກຸ່ມບ້ານ) ຂອງແຂວງຄໍາມ່ວນ ໂດຍມີເປົ້າໝາຍ 2.200 ຄົວເຮືອນທີ່ມີປະຊາກອນທັງໝົດ 10.300 ຄົນທີ່ມາຈາກຊົນເຜົ່າທີ່ແຕກຕ່າງກັນ, ໃນນັ້ນ 51% ເປັນເພດຍິງ, ໂຄງການມີ 2 ຈຸດປະສົງຄື : 1. ສະໜັບສະໜູນການພັດທະນາກິດຈະກໍາກະສິກໍາ, ລ້ຽງສັດ ແລະ ການປະມົງໂດຍໃຫ້ການຊ່ວຍເຫຼືອທາງດ້ານເຕັກນິກ ແລະ ສະຖາບັນໃຫ້ແກ່ບັນດາຜູ້ຜະລິດທີ່ມີຄວາມສົນໃຈເພື່ອກໍາຈັດບັນດາສິ່ງກີດຂວາງດ້ານການຜະລິດ ແລະ ການຕະຫຼາດ, 2. ສ້າງຄວາມເຂັ້ມແຂງໃຫ້ແກ່ບຸກຄະລາກອນຂອງເມືອງໂດຍການໃຫ້ການສະໜັບສະໜູນທາງດ້ານເຕັກນິກ, ກິດຈະກໍາກະສິກໍາ ແລະ ການປະມົງໄລຍະຍາວ. ໂຄງການ NP-LAF ຈັດເປັນ 5 ອົງປະກອບຫຼັກຄື: ການພັດທະນາ ແລະ ການຈັດສັນທີ່ດິນຄືນໃໝ່, ການສະໜັບສະໜູນດ້ານກະສິກໍາ ແລະ ການລ້ຽງສັດ, ການພັດທະນາຊົນລະປະທານ, ການຄຸ້ມຄອງການປະມົງ, ການສ້າງຄວາມອາດສາມາດ ແລະ ການເກັບກ່ຽວປະສົບການ. ສ່ວນການຈັດຕັ້ງປະຕິບັດໂຄງການແມ່ນມີໄລຍະເວລາ 5 ປີ, ລວມມີງົບປະມານທັງໝົດ 3,03 ຕື້ກີບດ້ວຍທຶນສົມທົບຂອງສາມສະຖາບັນຄື: ອົງການຝຣັ່ງເພື່ອການພັດທະນາ (AFD) ຈໍານວນ 1.500.000 ຢູໂຣ, ບໍລິສັດຜະລິດໄຟຟ້ານ້ຳເທີນ 2 (NT2PC) ຈໍານວນ 1.500.000 ຢູໂຣ ແລະ ລັດຖະບານລາວ 29.000 ຢູໂຣ ໂດຍມີຄູ່ຮ່ວມງານໂຄງການຄືພະແນກກະສິກໍາ - ປ່າໄມ້ແຂວງຄໍາມ່ວນ ແລະ ຫ້ອງການກະສິກໍາ - ປ່າໄມ້ເມືອງນາກາຍໂດຍການຊ່ວຍເຫຼືອດ້ານວິຊາການຈາກ IRAM ແລະ CCL. ພ້ອມນັ້ນບັນດາພາກສ່ວນທີ່ກ່ຽວຂ້ອງອື່ນໆຍັງໄດ້ມີການປະກອບຄໍາຄິດເຫັນ ແລະ ສົນທະນາແລກປ່ຽນບົດຮຽນຮ່ວມ.
(ຂ່າວ-ພາບ: ແດງສະຫວັດ ແສນພານິດ).
ຄໍາເຫັນ