ລະດັບໂລກຢູ່ນະຄອນຫຼວງເຊອູນ. ນີ້ແມ່ນສ່ວນໜຶ່ງຂອງຄວາມພະຍາຍາມຂອງລັດຖະບານ ສ ເກົາຫຼີ ເພື່ອນຳປະເທດຈັດຢູ່ໃນ 3 ອັນດັບທຳອິດຂອງໂລກ ໃນການພັດທະນາ AI.
ຂ່າວລະບຸວ່າ: ກະຊວງວິທະຍາສາດ ແລະ ເຕັກໂນໂລຊີຂໍ້ມູນຂ່າວສານ ສ ເກົາຫຼີຄາດວ່າ, ສ ເກົາຫຼີ ຈະຕ້ອງລົງທຶນເຖິງ 94,6 ຕື້ວອນ (ສະກຸນເງິນ ສ ເກົາຫຼີ) ເຂົ້າໃນຫ້ອງທົດລອງ AI ແຫ່ງຊາດນັບແຕ່ນີ້ຮອດປີ 2028, ເພື່ອສ້າງພື້ນຖານໃຫ້ອົງການນີ້ນຳພາການຄົ້ນຄວ້າ AI ແລະ ບັນດາໂຄງການທີ່ ສ ເກົາຫຼີ ປະສານງານກັບຄູ່ຮ່ວມມືທົ່ວໂລກ, ພັດທະນາຄວາມສາມາດດ້ານ AI ແລະ ສ້າງລະບົບນິເວດເຊື່ອມຕໍ່ອຸດສາຫະກຳ AI.
ບັນດານັກວິທະຍາສາດຈາກ ສ ເກົາຫຼີ, ອາເມຣິກາ, ການາດາ, ຝຣັ່ງ ແລະ ຫຼາຍປະເທດຄາດວ່າຈະດໍາເນີນໂຄງການຄົ້ນຄວ້າ AI ຮ່ວມກັນຢູ່ຫ້ອງທົດລອງນີ້, ໃນນັ້ນລວມມີທັງການຄົ້ນຄວ້າກ່ຽວກັບການຂະຫຍາຍໂຄງຂ່າຍປະສາດທຽມ ແລະ ຫຸ່ນຍົນ.
ທ່ານ ຢູ ຊາງ ອີມລັດຖະມົນຕີກະຊວງວິທະຍາສາດ ແລະ ເຕັກໂນໂລຊີຂໍ້ມູນຂ່າວສານຂອງສ ເກົາຫຼີ ກ່າວວ່າ: ການສ້າງຕັ້ງ ແລະ ດຳເນີນການປະດິດສ້າງຂອງຫ້ອງທົດລອງ AI ແຫ່ງຊາດຈະເປັນຂີດໝາຍສຳຄັນໃໝ່ໃນການພັດທະນາ AI ຂອງປະເທດ.
ຄໍາເຫັນ