ສ ເກົາຫຼີ ສຸມໃສ່ລົງທຶນດ້ານເຕັກໂນໂລຊີ ເພື່ອກາຍເປັນປະເທດ AI ແຖວໜ້າໂລກ

ແລະ ພາກເອກະຊົນເພື່ອຊຸກຍູ້ຄວາມສາມາດດ້ານປັນຍາປະດິດ (AI) ຂອງປະເທດ, ແນໃສ່ຍົກສູງທີ່ຕັ້ງຂອງດິນແດນກິມຈິໃນຂົງເຂດ AI ທົ່ວໂລກ.
ຂ່າວລະບຸວ່າ: ໃນພິທີແຕ່ງຕັ້ງຄະນະກຳມະການ AI ຂອງປະທານາທິບໍດີ, ທ່ານ ຢຸນ ຊອກ ຢອນ ໄດ້ກ່າວເຖິງຄວາມມຸ່ງມາດປາຖະໜາຂອງຕົນເພື່ອໃຫ້ ສ ເກົາຫຼີ ກາຍເປັນໜຶ່ງໃນສາມປະເທດນຳໜ້າໃນໂລກດ້ານ AI. ທ່ານເນັ້ນໜັກວ່າ: ປັດຈຸບັນ AI ພວມກຳນົດຂີດຄວາມສາມາດຂອງປະເທດ ແລະ ການເຕີບໂຕດ້ານເສດຖະກິດ, ກາຍເປັນປັດໄຈສຳຄັນໃນດ້ານເສດຖະກິດ ແລະ ຄວາມໝັ້ນຄົງ, ບັນດາປະເທດໃຫຍ່ພວມລົງທຶນພັດທະນາເຕັກໂນໂລຊີ AI ແລະ ພະຍາຍາມຍາດແຍ່ງເອົາການແຂ່ງຂັນໃນເວທີດີຈີຕອນ. ຄະນະກຳມະການຊຸດໃໝ່ທີ່ປະກອບດ້ວຍຜູ້ຊ່ຽວຊານ, ເຈົ້າໜ້າທີ່ລັດຖະບານ ແລະ ບັນດາຜູ້ຊ່ວຍປະທານາທິບໍດີ 30 ຄົນ ຈະສົມທົບກັນຄົ້ນຄວ້າ ແລະ ພັດທະນາ AI ແລະ ຊີ້ນຳວິໄສທັດເພື່ອເສີມຂະຫຍາຍທ່າທີຂອງປະເທດໃນຂົງເຂດນີ້.
ທ່ານ ຢຸນ ຊອກ ຢອນ ຍັງໃຫ້ຮູ້ວ່າ: ສ ເກົາຫຼີ ຈະສ້າງຕັ້ງສູນຄອມພິວເຕີ AI ລະດັບຊາດ ໂດຍຜ່ານການລົງທຶນຂອງພາກລັດ-ເອກະຊົນ, ຊຸກຍູ້ການຫັນປ່ຽນ AI ໃນບັນດາອຸດສາຫະກຳ ແລະ ສັງຄົມແລະ ຊຸກຍູ້ການລົງທຶນຈາກພາກເອກະຊົນໃຫ້ຫຼາຍກວ່າເກົ່າສຳລັບໂຄງການ AI.
ເດືອນເມສາຜ່ານມາ, ລັດຖະບານ ສ ເກົາຫຼີ ໄດ້ເລີ່ມດຳເນີນການລິເລີ່ມ AI - Semiconductor Chip Initiative ໂດຍມີແຜນການລົງທຶນ 9,4 ລ້ານຕື້ວອນ (ປະມານ 6,9 ຕື້ໂດລາ) ເພື່ອພັດທະນາຊິບ AI, ພ້ອມທັງໄດ້ສ້າງກອງທຶນ 1,4 ລ້ານຕື້ວອນ ເພື່ອສະໜັບສະໜູນການພັດທະນາຂອງບໍລິສັດຊິບ AI.