ສະຫະພັນແຮງງານແຂວງກວາງນາມ ເຂົ້າພົບປະ ເຈົ້າແຂວງເຊກອງ

ບໍລິສັດ ລາວຄາຍຢວນບໍ່ແຮ່ ຈໍາກັດ ໄດ້ຈັດພິທີມອບ-ຮັບປຸ໋ຍສູດປະສົມຄຸນນະພາບດີ ຈຳນວນ 27 ໂຕນ ລວມມູນຄ່າ 900 ລ້ານກີບ ໃຫ້ແກ່ປະຊາຊົນ 7 ບ້ານໃນເຂດໂຄງການ ເພື່ອສະໜັບສະໜູນການຜະລິດກະສິກຳໃນລະດູຝົນ ແລະ ຊ່ວຍຍົກຄຸນນະພາບຜົນຜະລິດໃຫ້ສູງຂຶ້ນ.

ມະຫາວິທະຍາໄລແຫ່ງຊາດ (ມຊ) ຮ່ວມກັບພະແນກສຶກສາເຂດປົກຄອງຕົນເອງຊົນເຜົ່າຈວ້າງກວາງຊີ ສປ ຈີນ ໄດ້ເປີດງານວາງສະແດງການສຶກສາສາກົນ “ຮຽນຕໍ່ກວາງຊີ” 2026 ຂຶ້ນຢ່າງເປັນທາງການ ໃນວັນທີ 3 ມິຖຸນານີ້ ທີ່ສະໂມສອນໃຫຍ່ ມຊ ໂດຍເປັນກຽດເຂົ້າຮ່ວມຂອງ ທ່ານ ໄກສອນ ເພັງໂສພາ ຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະ ກິລາ (ສສກ), ທ່ານ ເດຊານຸລາດ ແສນດວງເດດ ຜູ້ອໍານວຍການໃຫຍ່ ມຊ, ທ່ານ ຫວູຈິນຊາງ ຮອງຫົວໜ້າພະແນກສຶກສາເຂດປົກຄອງຕົນເອງຊົນເຜົ່າຈວ້າງກວາງຊີ, ທ່ານ ເຕີງລີ້ສຽງ ທີ່ປຶກສາທູດ ຜູ້ຊີ້ນໍາສຶກສາ-ວັດທະນະທໍາສະຖານເອກອັກຄະລັດຖະທູດຈີນ ປະຈໍາ ສປປ ລາວ, ມີຄູ-ອາຈານ, ນັກສຶກສາ, ແຂກຖືກເຊີນສອງຝ່າຍລາວ-ຈີນເຂົ້າຮ່ວມ.

ໃນໂອກາດທີ່ ຄະນະຜູ້ແທນພັກ ປປ ລາວ ນຳໂດຍ ທ່ານ ບຸນເຫຼືອ ພັນດານຸວົງ ກຳມະການສູນກາງພັກ, ຫົວໜ້າ ຄະນະພົວພັນຕ່າງປະເທດສູນກາງພັກ ເດີນທາງໄປເຂົ້າຮ່ວມກອງປະຊຸມສາກົນ ຄັ້ງທີ 2 ໃນຫົວຂໍ້: “ອະທິປະໄຕແຫ່ງລັດ ແລະ ຫຼັກການພົວພັນສາກົນ ໃນສະພາບການຂອງໂລກຫຼາຍຂົ້ວອຳນາດ ແລະ ຄວາມຫຼາກຫຼາຍ ໃນສະຕະວັດທີ 21" (State Sovereignty and Principles of International Relations in the Context of Multipolarity and Diversity in the 21" Century) ທີ່ ເມືອງ ເບຣັດສທ໌ ສ ເບລາຣຸດຊີ ແຕ່ວັນທີ 27-30 ພຶດສະພາ 2026.

ໂດຍໄດ້ຮັບຄຳເຊີນຈາກປະເທດຫວຽດນາມ ໃນລະຫວ່າງວັນທີ 22-28 ພຶດສະພາ ຜ່ານມາ, ທ່ານ ດວງມີໄຊ ລີໄກຢາ ສິລະປິນແຫ່ງຊາດ, ນັກປະພັນເພງ ຂອງ ສປປ ລາວ ພ້ອມດ້ວຍ ທ່ານ ເອົາຫວຽດຮຶງ ຫົວໜ້າອຳນວຍການສູນວັດທະນະທໍາຫວຽດນາມ ປະຈໍາ ລາວ, ທ່ານ ເຫງວນແທ່ງຮຸຍ ຫົວໜ້າຫ້ອງການປະຈຳສະຖານທູດຫວຽດນາມ ປະຈໍາ ສປປ ລາວ ໄດ້ເດີນທາງໄປຢ້ຽມຢາມບັນດາຮ່ອງຮອຍໃນບັ້ນຮົບເກົ່າ.

ຄະນະໂຄສະນາອົບຮົມສູນກາງພັກ (ຄອສພ) ຮ່ວມກັບ ວິທະຍຸໂທລະພາບສູນກາງຈີນ (CMG), ຈັດງານສາຍສາລະຄະດີເລື່ອງ: "ຄວາມຜູກພັນດ້ານວັດທະນະທຳຂອງ ທ່ານ ສີ ຈິ້ນຜິງ", ໃນວັນທີ 2 ມິຖຸນານີ້ ທີ່ ຄອສພ ໂດຍການເຂົ້າຮ່ວມ ຂອງສະຫາຍ ວັນສີ ກົວມົວ ກໍາມະການສູນກາງພັກ ຮອງຫົວໜ້າ ຄອສພ, ​ທ່ານ ສົມ​ສະ​ຫວາດ ເລັ່ງ​ສະ​ຫວັດ ອະ​ດີດ​ຮອງ​ນາ​ຍົກ​ລັດ​ຖະ​ມົນ​ຕີ ​ລາວ, ທ່ານ ຫວາງ​ຊ້າງ ອຸປະທູດຊົ່ວຄາວ ສະຖານທູດຈີນປະຈຳ ລາວ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໃນວັນທີ 2 ມິຖຸນານີ້ ທີ່ກະຊວງສຶກສາທິການ ແລະ ກິລາ (ສສກ), ທ່ານ ນາງ ດາລາວອນ ກິດຕິພັນ ຮອງລັດຖະມົນຕີກະຊວງ ສສກ ໄດ້ໃຫ້ກຽດຕ້ອນຮັບການເຂົ້າຢ້ຽມພົບປະຂອງທ່ານ ເຫວີຍ ຫາຍຈິ້ນ ເລຂາທິ ການ ຄະນະກຳມະການພັກ ວິທະຍາໄລວິຊາຊີບເມືອງຫຼິວໂຈວ ສປ ຈີນ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ, ມີຫົວໜ້າກົມ-ຮອງກົມ ແລະ ຄະນະຮັບຜິດຊອບວຽກງານກ່ຽວຂ້ອງເຂົ້າຮ່ວມ.

ເມື່ອບໍ່ດົນມານີ້ ທີ່ ກະຊວງການຕ່າງປະເທດ, ທ່ານ ໄມທອງ ທໍາມະວົງສາ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານ ນາງ ຊີມາ ເມວໂຮຕຣາ(Seema Malhotra MP) ຮອງລັດຖະມົນຕີກະຊວງການຕ່າງປະເທດ, ຜູ້ຮັບຜິດຊອບວຽກງານອິນໂດ-ປາຊີຟິກ ແລະ ວຽກງານຄວາມເທົ່າທຽມ ແຫ່ງ ສະຫະຣາຊະອານາຈັກ ອັງກິດ ແລະ ອຽກລັງເໜືອ ພ້ອ​ມ​ດ້ວຍ​ຄະ​ນະ ໃນໂອກາດ​ເດີນທາງມາຢ້ຽມຢາມເຮັດວຽກຢ່າງເປັນທາງການ ຢູ່ ສປປ ລາວ ເພື່ອສືບຕໍ່​ເສີມ​ຂະ​ຫຍາຍ​​ສາຍ​ພົ​ວ​ພັນ ແລະ ການ​ຮ່ວມ​ມືລະຫວ່າງ​ສອງ​ປະ​ເທດ​ໃຫ້ຕໍ່ເນື່ອງ​.​ ໃນ​ໂອ​ກາດ​ດັ່ງ​ກ່າວ, ສອງ​ຝ່າຍ​ໄດ້​ທົບທວນວຽກງານການພົວພັນ ເພື່ອ​ສົ່ງ​ເສີມ​ການ​ຮ່ວມ​ມື​ໃຫ້​ເຂັ້ມ​ແຂງ ແລະ ​ຂະ​ຫຍາຍ​ຕົວ​ຍິ່ງ​ໆຂຶ້ນ​ໃນ​ຕໍ່​ໜ້າລວມ​ທັງ​ໃນ​ຂອບ​ສອງ​ຝ່າຍ ແລະ ຫຼາຍ​ຝ່າຍພ້ອມທັງ​ໄດ້​ແລກ​ປ່ຽນ​ທັດ​ສະ​ນະ ກ່ຽວກັບບັນຫາຕ່າງໆ ທີ່ສອງຝ່າຍ​ມີ​ຄວາມ​ສົນ​ໃ​ຈຮ່ວມ​ກັນ. ໃນ​ໂອ​ກາດ​ດຽວ​ກັນ​, ຊີມາ ເມວໂຮຕຣາ ຍັງໄດ້ພົບປະກັບບາງຂະແໜງການກ່ຽວຂ້ອງ ເພື່ອປຶກສາຫາລືບັນດາໂຄງການຮ່ວມມືເພື່ອການພັດທະນາ ແລະ ທິດທາງຮ່ວມມືໃນອະນາຄົດ. ນອກນັ້ນ, ຍັງໄດ້ຢ້ຽມຢາມອົງການເກັບກູ້ລະເບີດ(MAG) ແລະ ໄດ້ປະກາດສືບຕໍ່ໃຫ້ທຶນຊ່ວຍເຫຼືອໃນສົກປີ 2026-2027.

ວັນທີ 2 ມິຖຸນານີ້, ຄະນະໂຄສະນາອົບຮົມສູນກາງພັກ ປປ ລາວ (ຄອສພ) ຮ່ວມກັບວິທະຍຸໂທລະພາບສູນກາງຈີນ ຫຼື CMG ໄດ້ຈັດພິທີເລີ່ມອອກອາກາດສາລະຄະດີ “ຄວາມຜູກພັນດ້ານວັດທະນະທຳຂອງທ່ານ ສີຈິ້ນຜິງ” ແລະ ສາລະຄະດີອື່ນໆຂອງຈີນພ້ອມຮັບຟັງການອ່ານສານຊົມເຊີຍຂອງທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປປ ລາວ ປະທານປະເທດແຫ່ງ ສປປ ລາວ ຕໍ່ສາລະຄະດີເລື່ອງ “ຄວາມຜູກພັນດ້ານວັດທະນະທຳຂອງທ່ານ ສີຈິ້ນຜິງ”.

ບັນດາປະເທດໃນອະນຸພາກພື້ນແມ່ນ້ຳຂອງ (GMS) ໄດ້ມີບາດກ້າວສໍາຄັນໃນການສົ່ງເສີມລະບົບກະສິອາຫານກະສິກໍາທີ່ຍືນຍົງ ແລະ ທົ່ວເຖິງດ້ວຍການສ້າງຕັ້ງເຄືອຂ່າຍທຸລະກິດກະສິກໍາ GMS ຕາມທີ່ໄດ້ວາງແຜນໄວ້ ຊຶ່ງເປັນເວທີໃໝ່ຂອງພາກພື້ນທີ່ອອກແບບມາເພື່ອເພີ່ມທະວີການມີສ່ວນຮ່ວມຂອງພາກເອກະຊົນ, ຍົກລະດັບການສົນທະນາດ້ານນະໂຍບາຍ ແລະ ເປີດໂອກາດທາງທຸລະກິດຂ້າມຊາຍແດນ.

ກອງປະຊຸມພົບປະແລກປ່ຽນວຽກງານຕົ້ນປີ 2026 ດ່ານກວດຄົນເຂົ້າ-ອອກເມືອງປ້ອງກັນຊາຍແດນບໍ່ຫານ ສປ ຈີນ ແລະ ກອງບັນຊາການ 3 ແຂວງພາກເໜືອ ແຫ່ງ ສປປ ລາວ ຄື: ກອງບັນຊາການ ປກສ ແຂວງຜົ້ງສາລີ, ກອງບັນຊາການ ປກສ ແຂວງຫຼວງນໍ້າທາ ແລະ ກອງບັນຊາການ ປກສ ແຂວງອຸດົມໄຊ ຈັດຂຶ້ນໃນວັນທີ 29 ພຶດສະພາຜ່ານມາ ທີ່ໂຮງແຮມຈິ່ງລານ ເມືອງຫຼ້າ ແຂວງຢູນນານ ສປ ຈີນ, ຝ່າຍຈີນນໍາໂດຍທ່ານ ລີຢຸນເຊິ່ງ ຫົວໜ້າດ່ານກວດຄົນເຂົ້າ-ອອກເມືອງປ້ອງກັນຊາຍແດນບໍ່ຫານ, ຝ່າຍລາວນໍາໂດຍທ່ານ ພັອ ບົວເງິນ ສີທິວົງ ຮອງຫົວໜ້າກອງບັນຊາການ ປກສ ແຂວງຜົ້ງສາລີ, ມີທ່ານ ພັອ ຄໍາແຝງ ວິປະເສີດ ຮອງຫົວໜ້າກອງບັນຊາການ ປກສ ແຂວງຫຼວງນໍ້າທາ ແລະ ທ່ານ ພັທ ທອງສະຫວັນ ປັນຍາຂັນ ຫົວໜ້າຫ້ອງສັນຕິບານ ປກສ ແຂວງອຸດົມໄຊ ພ້ອມຄະນະທັງສອງຝ່າຍເຂົ້າຮ່ວມ.