ສະຫະພັນແຮງງານແຂວງກວາງນາມ ເຂົ້າພົບປະ ເຈົ້າແຂວງເຊກອງ

09:43 10/04/2025

ໂອກາດມາເຄື່ອນໄຫວເຮັດວຽກຢູ່ແຂວງເຊກອງ ຂອງສະຫະພັນແຮງງານແຂວງກວາງນາມ ສສ ຫວຽດນາມ ໃນວັນທີ 9 ເມສາຜ່ານມາ, ທ່ານ ລິວ ວັນເທືອງ ຮອງປະທານສະຫະພັນແຮງງານແຂວງກວາງນາມ ພ້ອມຄະນະ ໄດ້ເຂົ້າພົບປະ ທ່ານ ເຫຼັກໄຫລ ສີວິໄລ ເຈົ້າແຂວງເຊກອງ.

ທ່ານ ລິວ ວັນເທືອງ ໄດ້ລາຍງານໃຫ້ຮູ້ວ່າ: ການມາເຄື່ອນໄຫວເຮັດວຽກຢູ່ແຂວງເຊກອງເທື່ອນີ້ ກໍ່ເພື່ອລົງນາມໃນບົດບັນທຶກຊ່ວຍຈຳ ການຮ່ວມມື ລະຫວ່າງ ສະຫະພັນແຮງງານແຂວງກວາງນາມ ແລະ ສະຫະພັນກຳມະບານແຂວງເຊກອງ ໄລຍະ 2025-2030 ແລະ ກໍຖືເອົາໂອກາດອັນສໍາຄັນ ແລະ ມີຄວາມໝາຍ ທີ່ປະຊາຊົນລາວບັນດາເຜົ່າ ເວົ້າລວມ ເວົ້າສະເພາະ ກໍແມ່ນປະຊາຊົນບັນດາເຜົ່າຊາວແຂວງເຊກອງ ພວມສະເຫຼີມສະຫຼອງວັນບຸນປີໃໝ່ລາວ ພສ 2568 ແລະ ຂໍອວຍພອນໃຫ້ການນໍາແຂວງ ພ້ອມດ້ວຍຊາວແຂວງເຊກອງ ຈົ່ງມີສຸຂະພາບທີ່ເຂັ້ມແຂງ ພ້ອມກັນເດີນໜ້າ ປະຕິບັດຕາມແນວທາງຂອງພັກ-ລັດ ໃນການພັດທະນາ ແລະ ສ້າງສາປະເທດຊາດ ໃຫ້ຈະເລີນກ້າວຂຶ້ນ.

ທ່ານ ເຈົ້າແຂວງເຊກອງ ກໍໄດ້ສະແດງຄວາມຊົມເຊີຍ ມາຍັງສະຫະພັນແຮງງານແຮງງານແຂວງກວາງນາມ ທີ່ໄດ້ເອົາໃຈໃສ່ສືບຕໍ່ສ້າງສາຍພົວພັນຮ່ວມມືກັບສະຫະພັນກຳມະບານແຂວງເຊກອງ ທັງໃນໄລຍະຜ່ານມາ ແລະ ໃນຕໍ່ໜ້າ; ຂໍໃຫ້ສືບຕໍ່ພົວພັນຮ່ວມມື, ຊຸກຍູ້, ໃຫ້ການຊ່ວຍເຫຼືອເຊິ່ງກັນ ແລະ ກັນ; ພ້ອມນີ້ ກໍໃຫ້ພ້ອມກັນຈັດຕັ້ງປະຕິບົດບັນທຶກຊ່ວຍຈຳ ຈາກນີ້ ຮອດປີ 2030 ໃຫ້ສໍາເລັດຜົນຕາມຄາດ ໝາຍ ທີ່ວາງໄວ້.

(ຂ່າວ: ອັດສະວິນ)

ຄໍາເຫັນ

ຂ່າວການຮ່ວມມື

ທູດລາວປະຈຳ ຮົງກາຣີ ສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 50 ປີ

02/12/2025 15:42

ໃນວັນທີ 28 ພະຈິກ 2025, ສະຖານເອກອັກຄະລັດຖະທູດລາວ ປະຈໍາ ຮົງກາຣີ ໄດ້ຈັດພິທີສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 50 ປີ, ທີ່ນະຄອນຫຼວງບູດາເປັດ.

ການນຳຂັ້ນສູງ ສ ກູບາ ສົ່ງສານອວຍພອນວັນຊາດ

02/12/2025 15:39

ວັນທີ 2 ທັນວາ 2025, ສະຫາຍ ມີເກັນ ດີເອັດສ-ກາແນນ ແບຣມູເດັດສ ເລຂາທິການທີ່ໜຶ່ງ ຄະນະກຳມະການສູນກາງພັກກອມມູນິດກູບາ ປະທານປະເທດແຫ່ງ ສາທາ ລະນະລັດ ກູບາ ໄດ້ສົ່ງສານອວຍພອນ ເຖິງ ສະຫາຍ ທອງລຸນສີສຸລິດ ເລຂາທິການໃຫຍ່ພັກປະຊາຊົນປະຕິ ວັດລາວ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຊຶ່ງມີເນື້ອໃນວ່າ: ສະຫາຍທີ່ຮັກແພງ, ເນື່ອງໃນໂອກາດວັນສ້າງຕັ້ງ ສາທາລະນະລັດ ປະຊາທິປະ ໄຕປະຊາຊົນລາວ, ຂ້າພະເຈົ້າຂໍຝາກຄຳອວຍພອນອັນອົບອຸ່ນທີ່ສຸດມາເຖິງສະຫາຍ.

ພະມະຫາກະສັດ ແລະ ປະທານສະພາ ກຳປູເຈຍ ສົ່ງສານອວຍພອນວັນຊາດ

02/12/2025 15:38

ພະມະຫາກະສັດ ໂນໂຣດົມ ສີຫາໂມນີ ແຫ່ງ ຣາຊະອານາຈັກກຳປູເຈຍ ໄດ້ສົ່ງສານອວຍພອນ ເຖິງ ພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຊຶ່ງມີເນື້ອໃນວ່າ: ພະນະທ່ານປະທານປະເທດ ທີ່ນັບຖື, ຂ້າພະເຈົ້າມີຄວາມປິຕິຍິນດີ ສົ່ງຄໍາອວຍພອນອັນປະເສີດ ແລະ ຂໍຊົມເຊີຍຢ່າງສຸດໃຈມາຍັງ ພະນະທ່ານ ພ້ອມດ້ວຍ ປະຊາຊົນລາວ ທຸກທົ່ວໜ້າ ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຫົວໜ້າ ຄອສພ ຕ້ອນຮັບ ຜູ້ແທນຄະນະໂຄສະນາຫວຽດນາມ

02/12/2025 15:34

ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າໂຄສະນາອົບຮົມສູນກາງພັກ (ຄອສພ)ປະທານທິດສະດີສູນກາງພັກ ໄດ້ຕ້ອນຮັບການເຂົ້າພົບປະຢ້ຽມຢາມ ຂອງສະຫາຍ ຈິ້ງ ວັນ ກວຽດ ຄະນະເລຂາທິການສູນກາງພັກ ຫົວໜ້າຄະນະໂຄສະນາສຶກສາ ແລະ ຂົນຂວາຍປະຊາຊົນສູນກາງພັກກອມມູນິດຫວຽດນາມ ພ້ອມຄະນະໃນວັນທີ 1 ທັນວານີ້ທີ່ ຄອສພ, ໃນໂອກາດເດີນທາງມາຢ້ຽມຢາມທາງການ ແລະ ເຂົ້າຮ່ວມພິທີສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ໃນລະຫວ່າງວັນທີ 1-2 ທັນວາ 2025.

ສະຫາຍໂຕເລິມ ພົບປະໂອ້ລົມ ພະນັກງານຫຼັກແຫຼ່ງ, ຄູ-ອາຈານ ແລະ ນັກສຶກສາ ສມປຊ

02/12/2025 14:28

ໃນທ່າມກາງບັນຍາກາດທີ່ເຕັມໄປດ້ວຍຄວາມໝາຍປະຫວັດສາດ ທີ່ທົ່ວພັກ, ທົ່ວລັດ ແລະ ປວງຊົນລາວທັງຊາດ ພວມເບີກບານມ່ວນຊື່ນສະເຫຼີມສະຫຼອງ ວັນສະຖາປະນາ ສປປ ລາວ ຄົບຮອບ 50 ປີ ແລະ ກະກຽມໃຫ້ແກ່ກອງປະຊຸມໃຫຍ່ ຄັ້ງທີ XII ຂອງພັກ, ໃນຕອນບ່າຍຂອງວັນທີ 1 ທັນວາ 2025ນີ້ ສະຫາຍ ໂຕ ເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມພ້ອມດ້ວຍຄະນະຜູ້ແທນຂັ້ນສູງ ໄດ້ເດີນທາງພົບປະໂອ້ລົມ ຢູ່ ສະຖາບັນການເມືອງ ແລະການປົກຄອງແຫ່ງຊາດ (ສມປຊ).

ນາຍົກລັດຖະມົນຕີ ຫວຽດນາມ ມາເຖິງນະຄອນຫຼວງວຽງຈັນ

02/12/2025 12:51

ໃນຕອນເຊົ້າວັນທີ 2 ທັນວານີ້ ທີ່ສະໜາມບິນສາກົນວັດໄຕ, ສະຫາຍ ຟ້າມມິງຈິງນາຍົກລັດຖະມົນຕີແຫ່ງສສຫວຽດນາມ ພ້ອມຄະນະໄດ້ເດີນທາງມາເຖິງ ນະຄອນຫຼວງວຽງຈັນ ເພື່ອຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 2-3 ທັນວານີ້; ການມາເຖິງຄັ້ງນີ້, ໄດ້ຮັບການຕ້ອນຮັບຢ່າງອົບອຸ່ນ ແລະ ສົມກຽດ ໂດຍ ສະຫາຍ ບົວຄົງນາມມະວົງລັດຖະມົນຕີຫົວໜ້າຫ້ອງວ່າການສຳນັກງານນາຍົກລັດຖະມົນຕີ ພ້ອມດ້ວຍຄະນະ.

ບັນດາບໍລິສັດຂອງຈີນເຂົ້າອວຍພອນວັນຊາດແຂວງຊຽງຂວາງ

02/12/2025 08:53

ໃນວັນທີ1ທັນວານີ້ ຢູ່ທີ່ຫ້ອງວ່າການແຂວງຊຽງຂວາງ, ໄດ້ມີບັນດາບໍລິສັດຂອງຈີນ ນຳໂດຍທ່ານ ຫຼີວ ຫວີ ຫວູ(Liu Weiwu) ປະທານບໍລິສັດເວຍຕະເອເລັກໂທຣນິກຈຳກັດ ພ້ອມດ້ວຍບັນດາບໍລິສັດອື່ນໆ ໄດ້ເຂົ້າອວຍພອນການນຳແຂວງຊຽງຂວາງ ເນື່ອງໃນວັນຊາດທີ2ທັນວາ ຄົບຮອບ50ປີ(2ທັນວາ1975-2ທັນວາ2025) ແລະວັນເກີດປະທານ ໄກສອນ ພົມວິຫານ ຄົບຮອບ105ປີ(13ທັນວາ1920-13ທັນວາ2025),ຊຶ່ງທ່ານໄດ້ກ່າວສະແດງ ຄວາມຂອບໃຈມາຍັງການນຳ ກໍຄືປະຊາຊົນບັນດາເຜົ່າຊາວຊຽງຂວາງ ທີ່ໄດ້ເບິ່ງແຍງ ດູແລ ຮ່ວມມື ແລະ ໃຫ້ຄຳແນະນຳນັກທຸລະກິດ ຊາວຄ້າຂາຍ ທີ່ເປັນຄົນຈີນ ມາດຳລົງຊີວິດຢູ່ແຂວງຊຽງຂວາງ ອວນພອນໃຫ້ການນຳ ແລະ ປະຊາຊົນບັນດາເຜົ່າ ຊາວຊຽງຂວາງ ຈົ່ງມີແຕ່ຄວາມຜາສຸກ ມີພາລາໄມສົມບູນ ປະສົບຜົນສຳເລັດໃນການພັດທະນາ ເສດຖະກິດ-ສັງຄົມຂອງຄອບຄົວ ກໍຄືຂອງແຂວງ ມີຄວາມຈະເລີນກ້າວໜ້າຍິ່ງໆຂຶ້ນ.

ຕາງໜ້າບໍລິສັດໂກເອໂກອວຍພອນວັນຊາດ2ທັນວາ

01/12/2025 13:15

ທ່ານພັນເອກພິເສດ ຈູ ຫງ໋ອກ ອານ ຮອງເລຂາຄະນະພັກ ປະທານບໍລິສັດແຮ່ຄຳ ຕາງໜ້າກຸ່ມບໍລິສັດຮ່ວມມືເສດຖະກິດ ທີ່ຂຶ້ນກັບກອງບັນຊາການທະຫານເຂດ4 ສສ ຫວຽດນາມ ພ້ອມດ້ວຍຄະນະ ເຂົ້າອວຍພອນການນຳແຂວງຊຽງຂວາງ ເນື່ອງໃນວັນຊາດທີ2ທັນວາຄົບຮອບ50ປີ(2ທັນວາ1975-2ທັນວາ2025) ແລະ ວັນເກີດປະທານ ໄກສອນ ພົມວິຫານ ຄົບຮອບ105ປີ(13ທັນວາ1920-13ທັນວາ2025) ຢູ່ທີ່ຫ້ອງວ່າການແຂວງ.

ນາຍົກລັດຖະມົນຕີ ສປ ຈີນ ສົ່ງສານອວຍພອນວັນຊາດ ຄົບຮອບ 50 ປີ

01/12/2025 10:56

ສະຫາຍ ຫຼີສຽງ ນາຍົກລັດຖະມົນຕີ ແຫ່ງ ສປ ຈີນ ໄດ້ສົ່ງສານອວຍພອນ ເຖິງ ສະຫາຍ ສອນໄຊ ສີພັນດອນ ນາຍົກລັດຖະມົນຕີແຫ່ງສປປ ລາວ ເຊິ່ງມີເນື້ອໃນວ່າ: ເນື່ອງໃນໂອກາດວັນສະຖາປະນາສາທາລະນະລັດປະຊາທິປະໄຕປະຊາຊົນລາວຄົບຮອບ 50 ປີ, ຂ້າພະເຈົ້າຂໍສະແດງຄວາມຊົມເຊີຍມາຍັງສະຫາຍຢ່າງສຸດໃຈ.

ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເດີນທາງເຖິງນະຄອນຫຼວງວຽງຈັນ

01/12/2025 10:44

ສະຫາຍ ໂຕ ເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຂອງພັກ, ລັດ ແຫ່ງ ສສ ຫວຽດນາມ ໄດ້ເດີນທາງມາເຖິງສະໜາມບິນສາກົນວັດໄຕ, ນະຄອນຫຼວງວຽງວຽງຈັນ ໃນຕອນເຊົ້າວັນທີ 1 ທັນວາ 2025 ໂດຍມີ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກຜູ້ປະຈຳການຄະນະເລຂາທິການສູນກາງພັກຮອງປະທານປະເທດພ້ອມດ້ວຍຄະນະ ໃຫ້ການຕ້ອນຮັບຢ່າງອົບອຸ່ນ ແລະ ສົມກຽດ.

ເພີ່ມເຕີມ