ກອງປະຊຸມສະໄໝສາມັນເທື່ອທີ 8

ສະຫາຍ ເລືອງເກື່ອງ ໄດ້ຮັບແຕ່ງຕັ້ງໃຫ້ດໍາລົງຕໍາແໜ່ງ ປະທານປະເທດ ຫວຽດນາມ ຄົນໃໝ່

10:23 22/10/2024

ອີງຕາມແຫຼ່ງຂ່າວຈາກໜັງສືພິມເຢີນເຢີນ ຫວຽດນາມ, ໃນວັນທີ 21 ຕຸລານີ້ ຢູ່ຮ່າໂນ້ຍ, ກອງປະຊຸມສະໄໝສາມັນເທື່ອທີ 8, ສະພາແຫ່ງຊາດຊຸດທີ XV,

ໄດ້ຕົກລົງແຕ່ງຕັ້ງ ສະຫາຍ ເລືອງເກື່ອງ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ໃຫ້ດໍາລົງຕໍາແໜ່ງເປັນປະທານປະເທດ ຫວຽດນາມ ຄົນໃໝ່.

ຂ່າວລະບຸວ່າ: ໃນພິທີສາບານຕົວຕໍ່ສະພາແຫ່ງຊາດ, ສະຫາຍ ເລືອງເກື່ອງ ກ່າວວ່າ: ພາຍໃຕ້ຄັນທຸງທີ່ສັກກາລະບູຊາຂອງປະເທດຊາດ, ຕໍ່ໜ້າສະພາແຫ່ງຊາດ ແລະ ຜູ້ມີສິດເລືອກຕັ້ງທົ່ວປະເທດ, ຂ້າພະເຈົ້າ ປະທານປະເທດ ແຫ່ງ ສສ ຫວຽດນາມ ຂໍສາບານວ່າ: ເດັດຂາດຊື່ສັດຕໍ່ປະເທດຊາດ, ຕໍ່ປະຊາຊົນ ແລະ ຕໍ່ລັດຖະທໍາມະນູນແຫ່ງ ສສ ຫວຽດນາມ, ອອກແຮງສູ້ຊົນປະຕິບັດໜ້າທີ່ຂອງຕົນ ຊຶ່ງພັກ, ລັດ ແລະ ປະຊາຊົນມອບໝາຍໃຫ້.

ຄໍາເຫັນ

ຂ່າວຕ່າງປະເທດ

ຈຳນວນຄົນເຈັບພະຍາດອີໂບລາໃນກົງໂກ ເກີນ 7,200 ຄົນ

16/09/2026 13:08

ສຳນັກຂ່າວສານຊິນຮວາລາຍງານໃນວັນທີ 15 ກັນຍາ ຜ່ານມາວ່າ: ສາທາລະນະລັດ ປະຊາທິປະໄຕ ກົງໂກ ຫຼືDR Congo ລາຍງານວ່າ, ຈຳນວນຜູ້ຕິດເຊື້ອອີໂບລາທີ່ໄດ້ຮັບການຢືນຢັນໃນ 7 ແຂວງໄດ້ບັນລຸເຖິງ 7,258 ຄົນ, ໂດຍມີຜູ້ເສຍຊີວິດ 3,510 ຄົນ ເມື່ອນັບມາຮອດວັນທີ 13 ກັນຍາ ຜ່ານມາ, ເຮັດໃຫ້ອັດຕາການເສຍຊີວິດໂດຍລວມເພີ່ມຂຶ້ນເປັນ 48.4%.

ອົສຕຣາລີ ມີປະຊາກອນທີ່ເຮັດວຽກຫຼາຍກວ່າໜຶ່ງວຽກ ເຖິງ 1 ລ້ານຄົນ

16/09/2026 12:47

ສຳນັກຂ່າວສານຊິນຮວາລາຍງານໃນວັນທີ 14 ກັນຍາ ຜ່ານມາວ່າ: ສຳນັກງານສະຖິຕິອົສຕຣາລີລາຍງານວ່າ, ຈຳນວນຊາວອົສຕຣາລີທີ່ເຮັດວຽກຫຼາຍກວ່າໜຶ່ງວຽກມີເຖິງ 1 ລ້ານຄົນໃນເດືອນມິຖຸນາ 2026 ຊຶ່ງຄິດເປັນ 6.9% ຂອງຜູ້ມີວຽກເຮັດງານທຳທັງໝົດ ແລະ ເພີ່ມຂຶ້ນ 6.6% ຈາກ 984,200 ຄົນໃນເດືອນມີນາ. ສ່ວນຈຳນວນຜູ້ທີ່ເຮັດວຽກດຽວ ມີ 14.1 ລ້ານຄົນ.

ລາຄານ້ຳມັນກາຊວນ ໃນອາເມຣິກາ ບັນລຸລະດັບສູງສຸດ

16/09/2026 11:36

ສຳນັກຂ່າວສານຊິນຮວາລາຍງານໃນວັນທີ 15 ກັນຍາ ຜ່ານມາວ່າ: ສະມາຄົມລົດຍົນອາເມຣິກາ ລາຍງານວ່າ,ລາຄາສະເລ່ຍຂອງນໍ້າມັນກາຊວນ ທົ່ວສະຫະລັດ ອາເມຣິກາ ໄດ້ບັນລຸລະດັບສູງສຸດແບບບໍ່ເຄີຍມີມາກ່ອນທີ່ 6.05 ໂດລາຕໍ່ກາລອນ ໃນວັນທີ 11 ກັນຍາ ຜ່ານມາ ຊຶ່ງທຳລາຍສະຖິຕິເກົ່າທີ່ 5.90 ໂດລາຕໍ່ກາລອນ ໃນວັນ 7 ກັນຍາ ຜ່ານມາ.

ເດືອນສິງຫາ ຍີ່ປຸ່ນຂາດດຸນການຄ້າຫຼາຍກວ່າ 7 ຕື້ໂດລາ

16/09/2026 11:32

ຂ່າວຕ່າງປະເທດລາຍງານວ່າ: ກະຊວງການເງິນຂອງຍີ່ປຸ່ນໄດ້ເປີດເຜີຍບົດລາຍງານເບື້ອງຕົ້ນໃນວັນທີ 16 ກັນຍາ ນີ້ ວ່າ, ຍີ່ປຸ່ນມີການຂາດດຸນການຄ້າ 1.1 ພັນຕື້ເຢນ (7.1 ຕື້ໂດລາ) ໃນເດືອນສິງຫາ ຊຶ່ງເປັນເດືອນທີ 4 ຕິດຕໍ່ກັນຂອງການຂາດດຸນ. ໂດຍສ່ວນໜຶ່ງແມ່ນຍ້ອນລາຄານ້ຳມັນດິບທີ່ເພີ່ມຂຶ້ນສູງທ່າມກາງຄວາມເຄັ່ງຕຶງທີ່ຍັງດຳເນີນຢູ່ໃນຕາເວັນອອກກາງ.

ເສດຖະກິດຈີນໃນເດືອນສິງຫາ ດຳເນີນຢ່າງໝັ້ນທ່ຽງ

16/09/2026 11:29

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ກົມສະຖິຕິແຫ່ງຊາດຈີນປະກາດໂຕເລກສະຖິຕິໃນວັນທີ 15 ກັນຍາ ຜ່ານມານີ້ ສະແດງໃຫ້ເຫັນວ່າ: ໃນເດືອນສິງຫາປີນີ້, ມູນຄ່າເພີ່ມຂອງວິສາຫະກິດອຸດສາຫະກຳທີ່ມີລາຍຮັບຫຼາຍກວ່າ 20 ລ້ານຢວນຕໍ່ປີ ໄດ້ເພີ່ມຂຶ້ນ 5.2%, ດັດຊະນີການຜະລິດຂອງຂະແໜງການບໍລິການທົ່ວປະເທດເພີ່ມຂຶ້ນ 4.1% ເມື່ອທຽບໃສ່ໄລຍະດຽວກັນຂອງປີກາຍນີ້, ຍອດມູນຄ່າການນຳເຂົ້າ ແລະ ສົ່ງອອກສິນຄ້າ ໄດ້ເພີ່ມຂຶ້ນ 19.8%.

ການສົ່ງອອກ ICT ຂອງ ສ ເກົາຫຼີ ເພີ່ມຂຶ້ນສູ່ລະດັບສູງສຸດໃນເດືອນສິງຫາ

16/09/2026 11:25

ຂ່າວຕ່າງປະເທດລາຍງານໃນວັນທີ 14 ກັນຍາຜ່ານມາວ່າ: ການສົ່ງອອກຜະລິດຕະພັນເຕັກໂນໂລຊີຂໍ້ມູນຂ່າວສານ ແລະ ການສື່ສານ (ICT) ຂອງ ສ ເກົາຫຼີ ໄດ້ເພີ່ມຂຶ້ນສູ່ລະດັບສູງສຸດແບບບໍ່ເຄີຍມີມາກ່ອນໃນເດືອນສິງຫາ, ໂດຍໄດ້ຮັບແຮງຂັບເຄື່ອນຈາກການລົງທຶນໃນດ້ານປັນຍາປະດິດ (AI) ຢ່າງຕໍ່ເນື່ອງທົ່ວໂລກ.

ຫວຽດນາມ ສະໜັບສະໜູນເປົ້າໝາຍມະນຸດສະທຳຂອງສົນທິສັນຍາສາກົນ ລະເບີດລູກຫວ່ານ

16/09/2026 11:19

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 14 ກັນຍາ ຜ່ານມາ, ທ່ານນາງ ຫງວຽນທິຮ່ວາງເວິນ ຮອງລັດຖະມົນຕີກະຊວງການຕ່າງປະເທດ ໄດ້ນຳພາຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມທົບທວນສົນທິສັນຍາວ່າດ້ວຍການຫ້າມລະເບີດລູກຫວ່ານ ຄັ້ງທີ 3 (CCM3) ທີ່ໄດ້ດຳເນີນຢູ່ນະຄອນຫຼວງວຽງຈັນ ປະເທດລາວ (14 – 18 ກັນຍາ) ໃນຖານະເປັນນັກສັງເກດການ.

ບຸນຄຸນຂອງຄູຈະບໍ່ມີວັນລືມຕະຫຼອດການ

14/09/2026 14:50

ໃນວັນທີ 9 ກັນຍາ 2026, ກ່ອນວັນຄູແຫ່ງຊາດຈີນ ວັນທີ 10 ກັນຍາ ຄົບຮອບ 42 ປີໝູນວຽນມາເຖິງ, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນ ໄດ້ຕາງໜ້າໃຫ້ສູນກາງພັກຝາກຄຳອວຍພອນໄຊອັນປະເສີດ ແລະ ຄວາມຢື້ມຢາມຖາມຂ່າວອັນຈິງໃຈເຖິງຄູ-ອາຈານ ແລະ ພະນັກງານຂະແໜງການສຶກສາທົ່ວປະເທດຈີນ. ຕະຫຼອດໄລຍະຜ່ານມາ, ບໍ່ວ່າຈະເຮັດວຽກຢູ່ບ່ອນໃດ, ທ່ານ ສີຈິ້ນຜິງ ລ້ວນແຕ່ຄິດຮອດຄິດເຖິງບັນດາຄູ-ອາຈານທີ່ເຄີຍສິດສອນຕົນເອງ.

ໂລກ ປະເຊີນກັບເດືອນສິງຫາທີ່ຮ້ອນທີ່ສຸດແບບບໍ່ເຄີຍມີມາກ່ອນ

14/09/2026 13:11

ສຳນັກຂ່າວສານຊິນຮວາລາຍງານໃນວັນທີ 13 ກັນຍາ ຜ່ານມາວ່າ: ອົງການອຸຕຸນິຍົມວິທະຍາໂລກ (WMO) ລະບຸວ່າ, ຂໍ້ມູນສະພາບອາກາດຫຼ້າສຸດຊີ້ບອກວ່າເດືອນສິງຫາຜ່ານມາເປັນເດືອນສິງຫາທີ່ຮ້ອນທີ່ສຸດແບບບໍ່ເຄີຍມີມາກ່ອນໃນທົ່ວໂລກ, ໃນຂະນະທີ່ເນັ້ນໜັກວ່າຜົນກະທົບດັ່ງກ່າວໄດ້ຖືກຮັບຮູ້ທົ່ວໂລກ.

ທ່ານ ສີຈິ້ນຜິງ ພົບປະກັບນາຍົກລັດຖະມົນຕີອິນເດຍ

14/09/2026 13:07

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 12 ກັນຍາ ຜ່ານມາ, ທ່ານ ສີຈິ້ນຜິງ ປະທານປະເທດຈີນ ໄດ້ພົບປະກັບ ທ່ານ ນາເຣນດຣາ ໂມດີ ນາຍົກລັດຖະມົນຕີອິນເດຍ ໃນໂອກາດເຂົ້າຮ່ວມກອງປະຊຸມສຸດຍອດບຣິກສ ຄັ້ງທີ 18 ທີ່ນະຄອນຫຼວງນິວແດນລີ ປະເທດອິນເດຍ. ຜູ້ນຳສອງປະເທດໄດ້ແລກປ່ຽນຄວາມເຫັນຢ່າງກົງໄປກົງມາ ແລະ ເລິກເຊິ່ງ ແລະ ບັນລຸຄວາມຮັບຮູ້ທີ່ເປັນເອກະພາບອັນສຳຄັນກ່ຽວກັບຈີນ ແລະ ອິນເດຍ ຄວນກາຍເປັນຄູ່ຮ່ວມມືກັນ.

ເພີ່ມເຕີມ