![ບໍລິສັດສິຣິໄຊກໍ່ສ້າງເຄຫາສະຖານແລະຂົວທາງມອບເງິນ400ລ້ານກີບໃຫ້ແຂວງຄຳມ່ວນ]()
ວັນທີ29ກໍລະກົດ2026ທີ່ຫ້ອງວ່າການແຂວງຄຳມ່ວນ, ທ່ານສາຍສະໝອນນິດທະວົງປະທານບໍລິສັດສິຣິໄຊກໍ່ສ້າງເຄຫາສະຖານແລະຂົວທາງຈຳກັດຜູ້ດຽວໄດ້ມອບເງິນ400ລ້ານກີບໃຫ້ແຂວງຄຳມ່ວນຮັບໂດຍທ່ານໄຊຊະນະໂຄດພູທອນເລຂາພັກແຂວງປະທານສະພາປະຊາຊົນແຂວງຄຳມ່ວນພ້ອມດ້ວຍພາກສ່ວນກ່ຽວຂ້ອງ.
![ຜົ້ງສາລີ ວາງຍຸດທະສາດການແກ້ໄຂຄວາມທຸກຍາກຮອດປີ 2030]()
ໜຶ່ງໃນແຜນພັດທະນາ 5 ປີຄັ້ງທີ X (2026-2030), ແຂວງຜົ້ງສາລີໄດ້ກຳນົດໃຫ້ວຽກງານແກ້ໄຂຄວາມ ທຸກຍາກເປັນພາລະກິດສຳຄັນອັນເປັນຍຸດທະສາດ, ໂດຍມີຄາດໝາຍສຳຄັນຄື ສ້າງຄອບຄົວພົ້ນທຸກ 5,037 ຄອບຄົວ, ບ້ານພົ້ນທຸກ 97 ບ້ານ, ຄອບຄົວພັດທະນາ 4,091 ຄອບຄົວ ແລະ ບ້ານພັດທະນາ 53 ບ້ານ
ເພື່ອບັນລຸຄາດໝາຍດັ່ງກ່າວ, ແຂວງຈະສຸມໃສ່ການເສີມສ້າງຮາກຖານການເມືອງໃຫ້ເຂັ້ມແຂງ, ພັດທະນາພື້ນ ຖານໂຄງລ່າງໃຫ້ເຊື່ອມໂຍງລະຫວ່າງເມືອງ-ບ້ານ ແລະ ພື້ນທີ່ການຜະລິດ, ສ້າງເມືອງພັດທະນາ ແລະ ຈຸດສຸມບ້ານໃຫຍ່ໃຫ້ກາຍເປັນຕົວເມືອງນ້ອຍ, ພ້ອມທັງຊຸກຍູ້ການດຶງດູດການລົງທຶນ ເພື່ອເປັນແຮງຂັບເຄື່ອນໃນການສ້າງວຽກເຮັດງານທຳ, ພັດທະນາຊົນນະບົດ ແລະ ຫຼຸດຜ່ອນຄວາມທຸກຍາກຢ່າງຍືນຍົງ.
![6 ເດືອນຜ່ານມາ ປກສ ເມືອງເງິນ ມີຜົນງານພົ້ນເດັ່ນຫຼາຍດ້ານ]()
ກອງບັນຊາການປ້ອງກັນຄວາມສະຫງົບ (ປກສ) ເມືອງເງິນ ແຂວງໄຊຍະບູລີ ຈັດກອງປະຊຸມສະຫຼຸບວຽກງານປ້ອງກັນຄວາມສະຫງົບປະຈຳ 6 ເດືອນຕົ້ນປີ ແລະ ວາງທິດທາງ 6 ເດືອນທ້າຍປີ 2026 ຂຶ້ນໃນວັນທີ 28 ກໍລະກົດຜ່ານມາ, ທີ່ສະໂມສອນກອງບັນຊາການດັ່ງກ່າວ, ພາຍໃຕ້ການເປັນປະທານຂອງທ່ານ ພັທ ສົມພອນ ພູມມາລີ ກໍາມະການພັກເມືອງ ເລຂາຄະນະພັກຮາກຖານ ຫົວໜ້າກອງບັນຊາການ ປກສ ເມືອງ, ໂດຍການເຂົ້າຮ່ວມເປັນກຽດຂອງທ່ານ ທອງພັນ ສຸກສະຫວັດ ເລຂາຄະນະບໍລິຫານງານພັກເມືອງ ປະທານປ້ອງກັນຊາດ-ປ້ອງກັນຄວາມສະຫງົບເມືອງ, ມີຄະນະພັກ, ຄະນະບັນຊາ, ນາຍຕຳຫຼວດທົ່ວເມືອງເຂົ້າຮ່ວມ.
![ອົງການໄອຍະການປະຊາຊົນແຂວງ ແລະ ຄ້າຍຄຸມຂັງ-ດັດສ້າງ ທົບທວນຄືນການຮ່ວມມື]()
ກອງປະຊຸມທົບທວນຄືນການຮ່ວມມື ກົນໄກປະສານງານ ລະຫວ່າງ ອົງການໄອຍະການປະຊາຊົນແຂວງ ແລະ ຄ້າຍຄຸມຂັງ-ດັດສ້າງ ທີ່ຂຶ້ນກັບ ກອງບັນຊາການປ້ອງກັນຄວາມສະຫງົບ (ປກສ) ແຂວງເຊກອງ ຈັດຂຶ້ນໃນວັນທີ 28 ກໍລະກົດຜ່ານມາ, ທີ່ອົງການໄອຍະການປະຊາຊົນແຂວງ ໂດຍທ່ານ ແຜ່ນວັນທອງ ຈະເລີນເພັດ ຮອງຫົວໜ້າອົງການໄອຍະການປະຊາຊົນແຂວງ, ທ່ານ ພັອ ຮຽມ ໄຊຍະລາດ ຮອງຫົວໜ້າກອງບັນຊາການ ປກສ ແຂວງ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.
![ຍທຂ ປາຖະກະຖາ ແລະ ເຊື່ອມຊຶມເອກະສານວັນສຳຄັນຂອງພັກ-ຂອງຊາດ]()
ພະແນກໂຍທາທິການ ແລະ ຂົນສົ່ງ (ຍທຂ) ແຂວງເຊກອງ ໄດ້ຈັດພິທີປາຖະກະຖາ ແລະ ເຊື່ອມຊຶມເອກະສານວັນສຳຄັນຂອງພັກ-ຂອງຊາດ ເພື່ອສ້າງຄວາມເຂົ້າໃຈຢ່າງເລິກເຊິ່ງໃຫ້ພະນັກງານ-ລັດຖະກອນ, ສະມາຊິກພັກໃນວັນທີ 28 ກໍລະກົດຜ່ານມາ, ໂດຍມີທ່ານ ແກ້ວປະເສີດ ແກ້ວມະນີວົງ ຫົວໜ້າພະແນກ ຍທຂ ແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
![ຊີ້ແຈງການບໍລິການຢູ່ສວນສາທາລະນະແຄມຂອງ ນະຄອນປາກເຊ ເນັ້ນໃຫ້ມີຄວາມປອດໄພ]()
ຈາກກໍລະນີມີຜູ້ນໍາໃຊ້ສື່ສັງຄົມອອນລາຍ ໂດຍສະເພາະແມ່ນຖ່າຍຄລິບລົງເຟສບຸກ ກ່ຽວກັບການບໍລິ ການຢູ່ສວນສາທາລະນະແຄມຂອງ ນະຄອນປາກເຊ ແຂວງຈໍາປາສັກ ເຮັດໃຫ້ສັງຄົມມີຄວາມສັບສົນ ແລະ ເຂົ້າໃຈໄປໃນທາງທີ່ບໍ່ສ້າງສັນ. ດັ່ງນັ້ນ, ໃນວັນທີ 28 ກໍລະກົດຜ່ານມາ, ທ່ານ ສີທົນ ແກ້ວພູວົງ ທີ່ປຶກສາກຸ່ມບໍລິສັດ ຈໍາປາຄໍາ ໃນຖານະຜູ້ຄຸ້ມຄອງ, ປົກປັກຮັກສາ ແລະ ພັດທະນາ ໄດ້ຊີ້ແຈງຜ່ານສື່ມວນຊົນວ່າ: ໂຄງການພັດທະນາຈັດສັນ, ຄຸ້ມຄອງ ແລະ ບູລະນະສວນສາທາລະນະແຄມຂອງ ຢູ່ນະຄອນປາກເຊ ແລະ ເມືອງໂພນທອງ ໄດ້ສຶກສາສຳຫຼວດຄວາມເປັນໄປໄດ້ຂອງໂຄງການໃນເດືອນທັນວາ 2018 ແລະ ໄດ້ເຊັນສັນຍາສໍາປະທານໂຄງການໃນຕົ້ນເດືອນກັນຍາ 2023; ກິດຈະກໍາຕົ້ນຕໍຂອງໂຄງການປະກອບມີ ຕະຫຼາດກາງຄືນ, ຕະຫຼາດຫ້ອງແຖວຖາວອນ, ຮ້ານກາເຟ, ຮ້ານອາຫານ, ຮ້ານຂາຍເຄື່ອງທີ່ລະນຶກ, ໃນນັ້ນ ຕະຫຼາດກາງຄືນ ແລະ ສວນສະໜຸກ ໄດ້ອອກແບບໃຫ້ມີຄວາມທັນສະໄໝ, ສາມາດຮອງຮັບຜູ້ປະກອບການຊື້-ຂາຍ, ສາມາດຈັດຂາຍຍ່ອຍ ຂະໜາດນ້ອຍຕ່າງໆໄດ້ຕາມຄວາມເໝາະສົມ, ໃຫ້ບໍລິການຊື້-ຂາຍ ແຕ່ເວລາ 17 ໂມງ ຫາ 22 ໂມງ. ພ້ອມນີ້, ກໍໄດ້ມີການເກັບມ້ຽນໃຫ້ມີຄວາມສະອາດ ເພື່ອໃຫ້ສາມາດບໍລິການຜູ້ຊື້, ນັກທ່ອງທ່ຽວ ໂດຍເນັ້ນສິນຄ້າທີ່ຜະລິດພາຍໃນແຂວງ ເພື່ອເປັນການສົ່ງເສີມການຜະລິດຂອງປະຊາຊົນ.
![40 ປີແຂວງຜົ້ງສາລີ ໄດ້ຮັບການພັດທະນາເຕີບໃຫຍ່ເຂັ້ມແຂງຢ່າງຕໍ່ເນື່ອງ]()
ຕະຫຼອດໄລຍະ 40 ປີແຫ່ງການຈັດຕັ້ງຜັນຂະຫຍາຍແນວທາງການປ່ຽນແປງໃໝ່ ແລະ ການນຳພາຂອງພັກ ໃນວຽກງານພັດທະນາເສດຖະກິດ-ສັງຄົມຂອງແຂວງຜົ້ງສາລີ, ພາຍໃຕ້ການນຳພາອັນຖືກຕ້ອງ ແລະ ສະ ຫຼາດສ່ອງໃສຂອງພັກປະຊາຊົນ ປະຕິວັດລາວ, ແຂວງຜົ້ງສາລີມີການພັດທະນາເຕີບໃຫຍ່ເຂັ້ມແຂງໃນຫຼາຍດ້ານຢ່າງຕໍ່ເນື່ອງ. ຈາກຈຸດເລີ່ມຕົ້ນທີ່ຍັງປະສົບຄວາມຫຼ້າຫຼັງທາງດ້ານເສດຖະກິດ, ໂຄງລ່າງພື້ນຖານ ແລະ ສະພາບການດຳລົງຊີວິດຂອງປະຊາຊົນ ມາຮອດປັດຈຸບັນແຂວງໄດ້ຄ່ອຍໆ ກ້າວຂຶ້ນສູ່ການພັດທະນາຢ່າງໝັ້ນຄົງມີຈຸດສຸມ ແລະ ຮອບດ້ານ.
![ສະຫາຍ ວັນໄຊ ພອງສະຫວັນ ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງສຳພັນ]()
ໃນວັນທີ 28 ກໍລະກົດນີ້, ສະຫາຍ ວັນໄຊ ພອງສະຫວັນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ, ຫົວໜ້າອົງການຕ້ານການສໍ້ລາດບັງຫຼວງສູນກາງ ພ້ອມດ້ວຍຄະນະ ແລະ ຄະນະນຳຂອງແຂວງຜົ້ງສາລີ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງສຳພັນ ແຂວງຜັ້ງສາລີ.
![ກົມໂຄສະນາຈັດຝຶກອົບຮົມຄວາມຮູ້ພື້ນຖານກ່ຽວກັບການຜະລິດສາລະຄະດີ]()
ໂດຍປະຕິບັດຕາມແຜນພັດທະນາວຽກງານ ຂອງກົມໂຄສະນາ ທີ່ໄດ້ຮັບຮອງເອົາໃນກອງປະຊຸມໃຫຍ່ຄັ້ງທີ IX ຂອງໜ່ວຍພັກ ກໍຄື ປະຕິບັດຕາມແຜນດໍາເນີນງານ ຂອງກົມໂຄສະນາ ປະຈໍາປີ 2026 ເວົ້າລວມ, ເວົ້າສະເພາະ ແມ່ນປະຕິບັດຕາມຂໍ້ຕົກລົງ ຂອງຄະນະໂຄສະນາອົບຮົມສູນກາງພັກ ສະບັບເລກທີ 207/ຄອສພ, ລົງວັນທີ 8 ມິຖຸນາ 2026 ວ່າດ້ວຍການອະນຸມັດໃຫ້ກົມໂຄສະນາ ເປີດຊຸດຝຶກອົບຮົມຄວາມຮູ້ພື້ນຖານການຖ່າຍພາບນິ້ງ, ຖ່າຍວີດີໂອ, ຕັດຕໍ່ວີດີໂອ ແລະ ການຂຽນບົດສາລະຄະດີ ເພື່ອຮັບໃຊ້ເຂົ້າໃນວຽກງານໂຄສະນາແນວທາງແຜນນະໂຍບາຍ ຂອງພັກ, ລະບຽບກົດໝາຍ ຂອງລັດ ໃນຊຸມປີຕໍ່ໜ້າໃຫ້ມີຄວາມຫຼາກຫຼາຍສີສັນ ໃຫ້ແກ່ພະນັກງານພາຍໃນກົມໂຄສະນາ ແລະ ເພື່ອນຮ່ວມງານ.
![ປກສ ເມືອງໄຊເສດຖາ ສຸມໃສ່ແກ້ໄຂປະກົດການຫຍໍ້ທໍ້ໃນສັງຄົມ]()
ໃນ 6 ເດືອນຕົ້ນປີ 2026 ເຈົ້າໜ້າທີ່ກອງບັນຊາການປ້ອງກັນຄວາມສະຫງົບ (ປກສ) ເມືອງໄຊເສດຖາ ແຂວງອັດຕະປື ມີຄະດີອາຍາເກີດຂຶ້ນ 16 ເລື່ອງ, ກັກຜູ້ຖືກຫາໄດ້ 19 ຄົນ ຍິງ 1 ຄົນ, ໃນນັ້ນ, ຄະດີລັກຊັບມີ 3 ເລື່ອງ, ຄະດີປຸ້ນຊັບ 2 ເລື່ອງ, ຄະດີທຳມິດສະຈານ 2 ເລື່ອງ, ຄະດີທໍາຮ້າຍຮ່າງກາຍ 4 ເລື່ອງ, ຄະດີຊຸກເຊື່ອງ ຊື້-ຂາຍຊັບຜິດກົດໝາຍ 2 ເລື່ອງ, ຄະດີທໍາສໍາເລົາເດັກ 1 ເລື່ອງ, ຄະດີເຜີຍ ແຜ່ສິ່ງລາມົກຜ່ານລະບົບຄອມພີວເຕີ 1 ເລື່ອງ, ຄະດີທໍາລາຍເອກະສານກາປະທັບ 1 ເລື່ອງ, ໄດ້ສະຫຼຸບສົ່ງໃຫ້ໄອຍະການ 2 ເລື່ອງ, ຊັດມ້ຽນ 11 ເລື່ອງ ສົ່ງໃຫ້ ປກສ ແຂວງດໍາເນີນ 1 ເລື່ອງ, ພວມດໍາເນີນ 8 ເລື່ອງ, ເກັບກູ້ເຄື່ອງຂອງກາງທີ່ຄົນຮ້າຍລັກໄປສົ່ງຄືນເຈົ້າຂອງມີເງິນ 11,390,000 ກີບ, ຄໍາ 2 ບາດ, ລົດຈັກ 1 ຄັນ, ໂທລະສັບ 4 ໜ່ວຍ, ຄວາຍ 1 ໂຕ, ພ້ອມນັ້ນໄດ້ທັບມ້າງເປົ້າໝາຍຄ້າຂາຍຢາເສບຕິດ ໄດ້ 9 ຄັ້ງ, ກັກຜູ້ຖືກຫາ 11 ຄົນ ຍິງ 3 ຄົນ, ຢຶດຂອງກາງຢາບ້າ 1,201 ເມັດ, ໂທລະສັບ 2 ໜ່ວຍ, ເງິນ 2,100,000 ກີບ, ສ່ວນຄະດີ ແມ່ນມອບໃຫ້ ປກສ ແຂວງ ສືບຕໍ່ດໍາເນີນຄະດີ.
ຄໍາເຫັນ