ໄດ້ປິດລົງໃນວັນທີ 4 ກຸມພາຜ່ານມາ ທີ່ສະໂມສອນກົມໃຫຍ່ພະລາທິການກອງທັບ, ພາຍຫຼັງດໍາເນີນມາເປັນເວລາ 2 ວັນໂດຍການເປັນປະທານຂອງ ສະຫາຍ ພົນໂທ ວົງຄໍາ ພົມມະກອນ ຮອງລັດຖະມົນຕີກະຊວງປ້ອງກັນປະເທດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ພົນໂທ ວົງຄໍາ ພົມມະກອນ ກ່າວວ່າ: ກອງປະຊຸມຄັ້ງນີ້ໄດ້ຕີລາຄາຄືນການຈັດຕັ້ງປະຕິບັດວຽກງານພະລາທິການທົ່ວກອງທັບໃນປີຜ່ານມາ,ຍົກໃຫ້ເຫັນວຽກງານທີ່ພົ້ນເດັ່ນ, ຂໍ້ສະດວກ, ຂໍ້ຫຍຸ້ງຍາກເພື່ອພ້ອມກັນປັບປຸງແກ້ໄຂ, ພ້ອມທັງເອກະພາບຕໍ່ທິດທາງແຜນການໃນປີ 2025. ໃນປີຜ່ານມາ, ຄະນະນໍາກະຊວງປ້ອງກັນປະເທດໄດ້ຊີ້ນໍາ-ຕິດຕາມໝາກຜົນແຫ່ງການຈັດຕັ້ງປະຕິບັດ, ຄາດໝາຍສູ້ຊົນຂອງບັນດາກົມກອງ-ທ້ອງຖິ່ນໃນທົ່ວປະເທດ. ສໍາລັບກອງທັບພວກເຮົາໄດ້ມີຜົນສຳເລັດຫຼາຍດ້ານເປັນຕົ້ນສະເຫຼີມສະຫຼອງ 75 ປີວັນສ້າງຕັ້ງກອງທັບປະຊາຊົນລາວ, ດໍາເນີນກອງປະຊຸມໃຫຍ່3 ຂັ້ນສໍາເລັດຂັ້ນກອງພົນ, ບັນດາໂຮງຮຽນ, ວິທະຍາຄານ, ກົມກອງ ແລະ ກອງບັນຊາການທະຫານຈໍານວນໜຶ່ງ, ປະກາດສ້າງຕັ້ງກອງບັນຊາການທະຫານຊາຍແດນ, ສໍາເລັດການເປັນປະເທດກອງປະຊຸມອາຊຽນ-ອາຊຽນບວກຂົງເຂດປ້ອງກັນຊາດ 16 ກອງປະຊຸມ ແລະ ບັນດາກິດຈະກຳປິ່ນອ້ອມອື່ນໆ ລວມທັງໝົດ 31 ກອງປະຊຸມ, ຮັບປະກັນໃຫ້ປະເທດຊາດມີຄວາມສະຫງົບປອດໄພໃນການດໍາເນີນກອງປະຊຸມອາຊຽນ ແລະ ການພັດທະນາປະເທດຊາດຂອງພວກເຮົາ. ຜົນສໍາເລັດທີ່ຍາດມາໄດ້ນັ້ນແມ່ນໃຫຍ່ຫຼວງ ແລະ ເປັນພື້ນຖານອັນໜັກແໜ້ນໃຫ້ແກ່ການຂະຫຍາຍຕົວ ແລະກ້າວຂຶ້ນຂອງກອງທັບເຮົາ.
ພ້ອມນັ້ນ, ສະຫາຍຮອງລັດຖະມົນຕີກະຊວງປ້ອງກັນປະເທດໄດ້ເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນຕ້ອງຕັ້ງໜ້າເປັນເຈົ້າການຊີ້ນໍາ-ນໍາພາໃນການຄຸ້ມຄອງ, ປົກປັກຮັກສາ ແລະ ນໍາໃຊ້ພາຫະນະ, ວັດຖຸ, ເງິນຄໍາ, ເຄື່ອງນຸ່ງຫົ່ມຕາມລະບອບອັດຕາທີ່ຂັ້ນເທິງກຳນົດ, ຄຸ້ມຄອງ-ນໍາໃຊ້ໂຕເລກງົບປະມານທີ່ໄດ້ແບ່ງປັນໃຫ້ແໜ້ນໜາ ຮັດກຸມ, ນໍາໃຊ້ຖືກຮ່ວງ, ຖືກເປົ້າໝາຍ ແລະ ຖືເອົາການປະຢັດເປັນສໍາຄັນ, ເອົາໃຈໃສ່ຊຸກຍູ້ຂະບວນການຜະລິດແກ້ໄຂຊີວິດການເປັນຢູ່ຂອງກົມກອງໃຫ້ເປັນຂະບວນຟົດຟື້ນ ແລະ ແຂງແຮງ, ໃນນັ້ນສຸມໃສ່ການປູກ-ການລ້ຽງຕາມລະດູການໃຫ້ກາຍເປັນສິນຄ້າເພື່ອສ້າງລາຍຮັບ, ເປັນທ່າແຮງສະໜອງພະລາທິການກັບທີ່ເພື່ອແກ້ໄຂຊີວິດປະຈຳວັນ ແລະ ມີສ່ວນແຮ່ສໍາຮອງໄວ້ໃນກົມກອງ, ເອົາໃຈໃສ່ປັບປຸງກໍ່ສ້າງພະນັກງານວິຊາສະເພາະພະລາທິການ, ທາງດ້ານຈຳນວນ ແລະ ຄຸນນະພາບເປັນຕົ້ນການສຶກສາອົບຮົມທາງດ້ານທັດສະນະການເມືອງຄຸນສົມບັດ,ຄວາມຮູ້-ຄວາມສາມາດ, ຄວາມຊື່ສັດບໍລິສຸດ, ຄວາມໂປ່ງໃສ, ຄວາມຮັບຜິດຊອບແລະ ແບບແຜນວິທີເຮັດວຽກ, ສ້າງໃຫ້ໄດ້ພະນັກງານສາມຮຸ່ນເພື່ອສືບທອດປ່ຽນແທນຢ່າງຕໍ່ເນື່ອງກ້າວຂຶ້ນສູ່ແບບແຜນທັນສະໄໝ. ຂ່າວ-ພາບ: ຄຳອ້າຍ ທອງວັນ
ຄໍາເຫັນ