ໂຄງການຊ່ວຍເຫຼືອເດັກນ້ອຍດ້ອຍໂອກາດ ຢູ່ເມືອງບົວລະພາ ແຂວງຄຳມ່ວນ ໄລຍະ 5 ຈັດຂຶ້ນໃນວັນທີ 12 ທັນວາຜ່ານມາ ທີ່ພະແນກ ສກຂ, ຕາງໜ້າກະຊວງສຶກສາທິການ ແລະ ກິລາລົງນາມໂດຍ ທ່ານ ນາງ ສຸກກະເສີນ ສິດທິເດດ ຫົວໜ້າພະແນກ ສກຂ ແລະ ທ່ານ ບຸນມາ ວຽງປະເສີດ ຜູ້ຈັດການສະມາຄົມຮອຍຍິ້ມເດັກນ້ອຍໂຄງການຊ່ວຍເຫຼືອເດັກນ້ອຍດ້ອຍໂອກາດ, ຮ່ວມເປັນສັກຂີພະຍານຂອງພະແນກການທີ່ກ່ຽວຂ້ອງ.
ໂຄງການດັ່ງກ່າວ, ຈະໄດ້ຈັດຕັ້ງປະຕິບັດຢູ່ 15 ບ້ານຂອງເມືອງບົວລະພາຄື: ບ້ານໂພນ, ທາດ, ນາຫອມ, ນາຈັດ, ທົ່ງຂາມ, ຫຼັງຄັງ, ຜານົບ, ໜອງແສງ, ໜອງໂນ, ດຸ, ວັງມະເນີ, ທົ່ງຊໍາ, ນາເຜົ່າ, ໜອງບົວ ແລະ ບ້ານ ວັງຄົນ (ເຂດຈຸດສຸມຫຼັງຄັງ). ຈຸດປະສົງຂອງໂຄງການ ເພື່ອແນໃສ່ສົ່ງເສີມການເຂົ້າເຖິງການສຶກສາ, ສຸຂະພາບ, ສຸຂະອະນາໄມ ແລະ ໂພຊະນາການແບບຍືນຍົງ. ກິດຈະກໍາຫຼັກຂອງໂຄງການປະກອບມີ: ປັບປຸງສ້ອມແປງໂຮງຮຽນ, ສະໜັບສະໜູນສື່ການຮຽນ-ການສອນອະນຸບານ, ມູນລະປະຖົມ ແລະ ປະຖົມສົມບູນ; ສົ່ງເສີມດ້ານສຸຂະອະນາໄມ ແລະ ໂພຊະນາການ; ສະໜັບສະໜູນ ແລະ ຕິດຕາມການຝຶກອົບຮົມໃຫ້ໄວໜຸ່ມໃນບ້ານເປົ້າໝາຍ; ຝຶກອົບຮົມ ແລະ ສະໜັບສະໜູນການສ້າງລາຍຮັບ. ໄລຍະຈັດຕັ້ງປະຕິບັດໂຄງການເລີ່ມແຕ່ມື້ລົງລາຍເຊັນຈົນຮອດວັນທີ 31 ທັນວາ 2026, ດ້ວຍງົບປະມານທັງໝົດ 106,350 ເອີໂຣ, ໂດຍການສະໜັບສະໜູນທຶນຈາກ ລາວົວເດິລັງຟັງ, ມູນນິທິເຊຊີວບາບີເດີລາເຊ, ມູນນິທິລາມາ, ຮ້ານອາຫານຊັງຟັງເຕຍ, ຊີດີວີລົບເມັນ ວານເດີມານ, ມູນນິທິອາຈີອັງແຊມ, ໂຄດຊັງຟອງເຕຍ, ດຸບໂບຮໍຮີໂຊນ, ອີເອດໂອແອວ ແລະ ຄາຣາແບັງ.
(ຂ່າວ: ມະນີວັນ)
ຄໍາເຫັນ