ສະມາຄົມເມຍການນຳມອບເຄື່ອງໃຫ້ທະຫານ ທີ່ປະຈໍາປ່ອມແນວໜ້າ

ການມອບເຄ່ືອງຄັ້ງນີ້, ສະມາຄົມເມຍການນໍາເມືອງບໍ່ແຕນໄດ້ ມອບເຄື່ອງອຸປະໂພກ ແລະ ບໍລິໂພກໃຫ້ທະຫານກອງພັນ 413, ກອງຮ້ອຍທະຫານຊາຍແດນ 159 ແລະ 160 ທີເຮັດໜ້າທີ່ປະຈຳປ່ອມດ່ານໜ້າ. ເຄື່ອງທີ່ນຳມາມອບໃນຄັ້ງນີ້, ແມ່ນໄດ້ຈາກການປຸກລະດົມ, ການປະກອບສ່ວນຂອງເມຍການນຳ, ນັກທຸລະກິດຜູ້ປະກອບການທັງພາຍໃນ ແລະ ຕ່າງເມືອງ ລວມມູນຄ່າທັງໝົດ 18,342,000 ກີບ. ໃນໂອກາດນີ້, ທ່ານ ບຸນພະລັງ ວິໄລສັກ ໄດ້ໂອ້ລົມຕໍ່ະນະພັກ, ຄະນະບັນຊາຂອງ 3 ກົມກອງດັ່ງກ່າວ, ຊຶ່ງທ່ານໄດ້ຍ້ອງຍໍຊົມເຊີຍຕໍ່ການຈັ້ດຕັ້ງປະຕິບັດໜ້າທີ່ວຽກງານປະຈຳຢູ່ປ່ອມຂອງທະຫານທີ່ເຮັດໜ້າທີປະຈຳປ່ອມແນວໜ້າໃນໄລຍະຜ່ານມາ ແລະ ອວຍພອນໃຫ້ແກ່ນາຍ ແລະ ພົນທະຫານທີ່ເຮັດໜ້າທີ່ເປັນກຳແພງອັນແໜ້ນແກ່ນຂອງຊາດໃນການປົກປັກຮັກສາເຂດນ້ຳແດນດິນທີ່ພັກ-ລັດ ແລະ ປະຊາຊົນກໍຄືປະເທດຊາດມອບໝາຍໃຫ້ຢ່າງເຂັ້ມແຂງ ແລະ ໝັ້ນຄົງ

(ຂ່າວ-ພາບ: ສາຍຄໍາ ບຸນຍາວົງລາຍງານ)