ໃຫ້ກຽດເຂົ້າຮ່ວມຂອງ ສະຫາຍ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນໍ້າທາ, ມີແຂກຖືກເຊີນ ແລະ ຜູ້ແທນສົມບູນ ຈຳນວນ 128 ສະຫາຍ, ຊຶ່ງເປັນຕົວແທນໃຫ້ແກ່ສະມາຊິກຊາວໜຸ່ມຈຳນວນ 24.000 ສະຫາຍ ໃນທົ່ວແຂວງຫຼວງນໍ້າທາ.
ກອງປະຊຸມໄດ້ຮັບຟັງການຜ່ານຮ່າງບົດລາຍງານການເມືອງ 2020-2024 ແລະ ທິດທາງແຜນການ 2025-2029 ຈາກສະຫາຍ ສີງທະລາທອງ ສາຍຫຍ້າທອງ ຮອງເລຂາຄະນະບໍລິຫານງານຊາວໜຸ່ມແຂວງ ແລະ ໃນກອງປະຊຸມໄດ້ຜ່ານແຜນພັດທະນາຊາວໜຸ່ມ ເຍົາວະຊົນຄັ້ງທີ 2, ຄັ້ງທີ 3. ບັນດາຜູ້ແທນເຂົ້າຮ່ວມໄດ້ຄົ້ນຄວ້າ, ປະກອບຄຳຄິດຄຳເຫັນ ແລະ ເຫັນດີເປັນເອກະສັນຮັບຮອງເອົາບົດລາຍງານການເມືອງທັງສອງພາກ, ໄດ້ຕີລາຄາສູງຕໍ່ຜົນງານ ແລະ ໄຊຊະນະຂອງການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ 8, ມະຕິກອງປະຊຸມໃຫຍ່ ຄັ້ງທີ 8 ຂອງອົງຄະນະພັກແຂວງຫຼວງນໍ້າທາ ແລະ ມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງຫຼວງນໍ້າທາ ຄັ້ງທີ 8 ຕະຫຼອດໄລຍະ 5 ປີຜ່ານມາ, ພ້ອມກັນນັ້ນໄດ້ຍົກໃຫ້ເຫັນດ້ານດີ, ດ້ານອ່ອນ ແລະ ຂໍ້ຄົງຄ້າງ ຊຶ່ງຈະໄດ້ສືບຕໍ່ປັບປຸງແກ້ໄຂໃນຕໍ່ໜ້າ, ຊອກໃຫ້ເຫັນສາເຫດດ້ານຕ່າງໆ ແລະ ສະຫຼຸບສັງລວມຖອດຖອນບົດຮຽນໃຫ້ດີຂື້ນກ່ວາເກົ່າ. ຈາກນັ້ນ, ຜູ້ແທນຊາວໜຸ່ມສົມບຸນໄດ້ໃຊ້ສິດປະຊາທິປະໄຕປ່ອນບັດເລືອກຕັ້ງເອົາຄະນະບໍລິຫານງານຊາວໜຸ່ມແຂວງຫຼວງນໍ້ທາຊຸດໃໝ່, ຊຶ່ງມີຜູ້ສະມັກຮັບເລືອກຕັ້ງ 35 ສະຫາຍ ເລືອກເອົາ 31 ສະຫາຍ, ກອງປະຊຸມຄັ້ງປະຖົມມະລືກ ໄດ້ເປັນເອກະສັນກັນເລືອກເອົາຄະນະປະຈຳຊາວໜຸ່ມແຂວງ 9 ສະຫາຍ ແລະ ໄດ້ເປັນເອກະພາບເລືອກເອົາ ສະຫາຍ ນາງ ປານີ ຈິດດາລາ ເປັນເລຂາຄະນະບໍລິຫານງານຊາວໜຸ່ມແຂວງຫຼວງນ້ຳທາຊຸດໃໝ່, ສະຫາຍ ສອນໄຊ ໄຊຍະຄຳ ເປັນຮອງເລຂາ ທັງເປັນປະທານກວດກາ ຄະນະບໍລິຫານງານຊາວໜຸ່ມແຂວງ, ສະຫາຍ ນາງ ຫອມແພງ ພອນໄຊຍະວົງ ແລະ ສະຫາຍ ສີວິໄລ ພົມວິໄລລັດ ເປັນຮອງເລຂາ. ກອງປະຊຸມຍັງໄດ້ຄັດເລືອກເອົາຜູ້ແທນສົມບູນເພື່ອເຂົ້າຮ່ວມກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດຄັ້ງທີ IX ຈຳນວນ 11 ສະຫາຍ; ສຳຮອງ ຈຳນວນ 2 ສະຫາຍ. ກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງຫຼວງນໍ້າທາໃນຄັ້ງນີ້ ໄດ້ຮັບຟັງການຄໍາໂອ້ລົມ, ຕັກເຕືອນ, ຊີ້ທິດເຍືອງທາງຈາກ ສະຫາຍ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນໍ້າທາ ແລະ ສະຫາຍ ທອງລີ ສີສຸລິດ ຮອງເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ.
(ຂ່າວ: ມຸນຕີ)
ຄໍາເຫັນ