ໂດຍການເຂົ້າຮ່ວມຂອງ ທ່ານ ສຸລັງ ພົມມະຈັນ ຮອງຫົວໜ້າພະເເນກສືກສາທິການ ແລະ ກິລາແຂວງ, ທ່ານ ພັທ ສີມອນ ສີປະເສີດ ຮອງຫົວໜ້າຫ້ອງເສນາທິການ ກອງບັນຊາການທະຫານ ເເຂວງ ແລະ ມີພາກສ່ວນທີ່ກ່ຽວຂ້ອງເຂົ້າຮ່ວມ.
ໂອກາດນີ້, ທ່ານ ພັທ ບຸນແພງ ລັດສະໝີ ຫົວໜ້າພະແນກການທະຫານທ້ອງຖິ່ນ ແຂວງໄຊສົມບູນ ໄດ້ຜ່ານບົດສະຫຼຸບການຝຶກອົບຮົມຄັ້ງນີ້ວ່າ: ສໍາມະນາກອນ ໄດ້ຮຽນຮູ້ກ່ຽວກັບກົດໝາຍປ້ອງກັນຊາດ, ເອກະສານບາງບັນຫາພື້ນຖານກ່ຽວກັບການປ້ອງກັນ-ຕ້ານການຫັນປ່ຽນໂດຍສັນຕິກໍກະບົດລຸກຮື້ຂຶ້ນຂອງສັດຕູ, ເອກະສານສົມທົບພັດທະນາເສດຖະກິດ-ສັງຄົມ ຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບໃນໄລຍະໃໝ່, ຄວາມຮູ້ພື້ນຖານກ່ຽວກັບເຫຼົ່າຮົບໃນກອງທັບປະຊາຊົນລາວ, ຄຸນຄ່າສະມັດຕະພາບ, ການປະກອບສ້າງ ແລະ ວິທີປົກປັກຮັກສາ ປືນອາກາແອັມ (ປືນ AKM), ຈັງຫວະພື້ນຖານເລັງຍິງປືນອາກາແອັມ, ລະບຽບງົດງາມຮູບແຖວບຸກຄົນມີປືນປະຈຳ ແລະ ເຄື່ອນທີ່, ຍຸດທະວິທີບຸກຄົນເຄື່ອນຍ້າຍເທິງໜ້າສະໜາມ.
ການຝຶກອົບຮົມໃນຄັ້ງນີ້, ກໍເພື່ອໃຫ້ນັກຮຽນໃນໂຮງຮຽນວິຊາຊີບແຂວງ ໄດ້ຮັບການເຊື່ອມຊຶມບັນດາເອກະສານທີ່ຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ອຮັບໃຊ້ໃຫ້ແກ່ວຽກງານ ປກຊ-ປກສ ໃນສະເພາະໜ້າ ແລະ ຍາວນານ ເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ເພື່ອຍົກສູງຄວາມຮັບຮູ້, ຄວາມເຂົ້າໃຈໃນໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບ ໃນໜ້າທີ່ວຽກງານຂອງຕົນ. ຜ່ານການຝຶກອົບຮົມຕົວຈິງພາກທິດສະດີ ສາມາດຕີລາຄາໄດ້ 80%, ພາກຫັດແອບຂັ້ນເກັ່ງ 6.8%, ຂັ້ນກາງ 35.29% ແລະ ພາກສິນລະປະຍຸດ 77.38%.
(ຂ່າວ: ພຸດທະສອນ ເວດສະວົງ)
ຄໍາເຫັນ