ແລະ ການລາຍງານຂ່າວທີ່ມີຄວາມຮັບຜິດຊອບກ່ຽວກັບຄວາມຮຸນແຮງຕໍ່ແມ່ຍິງ-ເດັກຂຶ້ນໃນວັນທີ 4 ພະຈິກຜ່ານມາທີ່ນະຄອນຫຼວງວຽງຈັນ ໂດຍມີທ່ານ ພຸດທະວັນ ສີສະຫວັດ ທີ່ປຶກສາດ້ານການສື່ສານ ອົງການ UNFPA ພ້ອມດ້ວຍສຳມະນາກອນເຂົ້າຮ່ວມ.
ທ່ານ ພຸດທະວັນ ສີສະຫວັດ ໄດ້ກ່າວວ່າ: ຊຸດຝຶກອົບຮົມຄັ້ງນີ້ຈັດຂຶ້ນແນໃສ່ສ້າງຄວາມເຂັ້ມແຂງໃຫ້ສື່ມວນຊົນກ່ຽວກັບວຽກງານການໃຊ້ຄວາມຮຸນແຮງຕໍ່ແມ່ຍິງ-ເດັກ ເພື່ອປົກປ້ອງສິດຜົນປະໂຫຍດອັນຊອບທຳຂອງແມ່ຍິງລາວບັນດາເຜົ່າ ໂດຍສະເພາະແມ່ນຜູ້ຖືກເຄາະຮ້າຍ ເພື່ອນຳເອົາວຽກງານດັ່ງກ່າວລົງເຜີຍແຜ່ໃຫ້ປະຊາຊົນມີຄວາມຮັບຮູ້, ເຂົ້າໃຈ ແລະ ປ່ຽນແປງພຶດຕິກຳ. ຄວາມຮຸນແຮງບົນພື້ນຖານທາງເພດ ແມ່ນການລະເມີດສິດທິມະນຸດຢ່າງຮຸນແຮງ ຜູ້ຖືກເຄາະຮ້າຍຈາກຄວາມຮຸນແຮງໄດ້ຮັບຜົນກະທົບທາງຮ່າງກາຍເຊັ່ນ: ການບາດເຈັບ, ການຖືພາທີ່ບໍ່ຕ້ອງການ, ການເອົາລູກອອກທີ່ບໍ່ປອດໄພ, ການຕິດພະຍາດຕິດຕໍ່ທາງເພດສໍາພັນ. ບໍ່ພຽງແຕ່ເທົ່ານັ້ນ, ຍັງໄດ້ຮັບຜົນກະທົບທາງດ້ານຈິດໃຈທີ່ອາດຈະຝັງເລິກໃນໃຈໄປຕະຫຼອດຊີວິດ, ຖືກຕໍານິຕິຕຽນ, ຖືກປະຕິບັດທີ່ບໍ່ດີຈາກຊຸມຊົນຂອງເຂົາເຈົ້າ. ໃນທົ່ວໂລກແມ່ຍິງ 1 ໃນ 3 ຄົນ ເຄີຍປະສົບກັບຄວາມຮຸນແຮງຕໍ່ຮ່າງກາຍ ແລະ ທາງເພດໃນຊີວິດ, ຕົ້ນຕໍແມ່ນຈາກຄູ່ຮັກຂອງເຂົາເຈົ້າເອງ.
ສຳລັບໃນ ສປປ ລາວ ໄດ້ຄົ້ນຄວ້າກ່ຽວກັບຄວາມຮຸນແຮງຕໍ່ແມ່ຍິງລະດັບຊາດໃນປີ 2014 ພົບວ່າມີ 1 ໃນ 3 ຂອງແມ່ຍິງທີ່ເຄີຍຢູ່ໃນສາຍສໍາພັນເຄີຍປະສົບກັບຄວາມຮຸນແຮງຕໍ່ຮ່າງກາຍ, ທາງເພດຈາກຄູ່ຮັກຂອງເຂົາເຈົ້າ. ສາເຫດຍ້ອນຄວາມຮຸນແຮງບົນພື້ນຖານທາງເພດຖືກຍອມຮັບ ແລະ ຖືເປັນເລື່ອງປົກກະຕິຈາກທັດສະນະຂອງທັງຍິງ ແລະ ຊາຍ. ຈາກການສໍາຫຼວດດັດສະນີໝາຍສັງຄົມລາວ (LSIS) ພົບວ່າເກືອບ 1 ໃນ 3 ຂອງແມ່ຍິງໃນລາວເຊື່ອວ່າການທີ່ຜູ້ຊາຍຕີເມຍເປັນເລື່ອງທີ່ເຂົ້າໃຈໄດ້. ນອກຈາກນີ້, ປະຊາກອນເພດຍິງຢູ່ແຂວງອັດຕະປື, ອຸດົມໄຊ ແລະ ຜົ້ງສາລີປະສົບກັບຄວາມຮຸນແຮງມີເກືອບ 1 ໃນ 2.
ຊຸດຝຶກອົບຮົມໃນຄັ້ງນີ້, ສຳມະນາກອນໄດ້ຮຽນຮູ້ກ່ຽວກັບລາຍງານເຫດການໃຊ້ຄວາມຮຸນແຮງບົນພື້ນຖານທາງເພດຢ່າງມີຈັນຍາບັນ ຊຶ່ງສາມາດສ້າງຄວາມເຂັ້ມແຂງໃຫ້ຜູ້ລອດຊີວິດຈາກຄວາມຮຸນແຮງໄດ້; ປູກຈິດສໍານຶກໃນຊຸມຊົນກ່ຽວກັບຄວາມຮຸນແຮງບົນພື້ນຖານທາງເພດ ພ້ອມທັງວິທີການປ້ອງກັນ ແລະ ໂຕ້ຕອບຕໍ່ຄວາມຮຸນແຮງ; ສົ່ງເສີມຄວາມສະເໝີພາບທາງເພດ ແລະ ການສ້າງຄວາມເຂັ້ມແຂງໃຫ້ແກ່ແມ່ຍິງປະກອບສ່ວນໃນການຢຸດຕິທຸກຮູບແບບຂອງຄວາມຮຸນແຮງໃນລາວຜ່ານຊ່ອງຕ່າງໆທີ່ເປັນທາງການໂດຍຄຳນຶງເຖິງຈັນຍາບັນຂອງສື່ມວນຊົນໃນການເຜີຍແຜ່ຂໍ້ມູນຂ່າວສານຕ່າງໆ ຈາກນັ້ນຜູ້ເຂົ້າຮ່ວມກໍໄດ້ສົນທະນາ ແລກປ່ຽນຄຳຄິດເຫັນຊຶ່ງກັນ ແລະ ກັນອີກດ້ວຍ.
ຂ່າວ-ພາບ: ຍຸຸພິນທອງ
ຄໍາເຫັນ