 |
ທ່ານ ວີສອນທອງ ແກ້ວວີໄລວັນ ໄດ້ກ່າວວ່າ: ວຽກງານການເງິນເປັນວຽກງານໜຶ່ງທີ່ມີບົດບາດສຳຄັນສອດຫ້ອຍຢູ່ທຸກຂົງເຂດວຽກງານແຕ່ສູນກາງຮອດທ້ອງຖີ່ນ ເປັນປັດໃຈພື້ນຖານທີ່ສະໜັບສະໜູນໃຫ້ແກ່ການເຄື່ອນໄຫວວຽກງານ, ຍ້ອນເຫັນໄດ້ ຄວາມສໍາຄັນຄືແນວນັ້ນ ອົງການໄອຍະການປະຊາຊົນສູງສຸດ ກໍຄືກົມການເງິນ ໄດ້ນໍາເອົາບັນດານິຕິກຳ ທີ່ກ່ຽວຂ້ອງເປັນຕົ້ນແມ່ນນໍາເອົາກົດໝາຍວ່າດ້ວຍງົບປະມານແຫ່ງລັດ, ກົດໝາຍວ່າດ້ວຍການບັນຊີແຫ່ງລັດ, ກົດໝາຍວ່າດ້ວຍການຈັດຊື້-ຈັດຈ້າງດ້ວຍທຶນຂອງລັດ, ດຳລັດ ແລະ ຄໍາສັ່ງທີ່ກ່ຽວຂ້ອງ, ມາຜັນຂະຫຍາຍເປັນນິຕິກຳລຸ່ມກົດໝາຍ ເຊັ່ນ: ຄໍາສັ່ງ, ຄໍາແນະນໍາຂອງຫົວໜ້າອົງການໄອຍະການປະຊາຊົນສູງສຸດ, ຂອງຫົວໜ້າກົມການເງິນ ຈໍານວນໜຶ່ງ ແລະ ສ້າງປື້ມຄູ່ມືວຽກງານບັນຊີ, ຄໍາແນະນໍາການຈັດຕັ້ງປະຕິບັດລາຍຈ່າຍງົບປະມານ, ການສ້າງແຜນ ເພື່ອເປັນພື້ນຖານໃຫ້ແກ່ການປະຕິບັດວຽກງານການເງິນ ຂອງອົງການໄອຍະການປະຊາຊົນແຕ່ລະຂັ້ນ ໃຫ້ມີຄວາມເປັນເອກກະພາບ ໃນການຈັດຕັ້ງປະຕິບັດວຽກງານການເງິນ ຂອງອົງການໄອຍະການປະຊາຊົນແຕ່ລະຂັ້ນ. ການຝຶກອົບຮົມຄັ້ງນີ້, ແມ່ນການຈັດຕັ້ງ ແຜນພັດທະນາວຽກງານໄອຍະການ ໄລຍະ 5 ປີ ທ້າຍສະໄໜ (2021-2025) ເປັນກິດຈະກຳໜຶ່ງໃນໂຄງການ ຍົກລະດັບຄວາມຮູ້ຄວາມສາມາດໃຫ້ແກ່ ພະນັກງານວິຊາການການເງິນໃນທົ່ວປະເທດ. ແນ່ໃສ່ຮັບປະກັນທາງດ້ານຄຸນນະພາບ ຂອງພະນັກງານໃນການປະຕິບັດໜ້າທີ່ການເມືອງໃຫ້ສູງຂຶ້ນ.
(ພາບ-ຂ່າວ: ແສງຄຳ ສາລີວັນ)
ຄໍາເຫັນ