ຄະນະນັກຄົ້ນຄວ້າພົບວ່າ: ສານເຄມີເຫຼົ່ານີ້ເອີ້ນວ່າ:phthalatesມີສ່ວນກ່ຽວຂ້ອງກັບການເສຍຊີວິດຂອງຜູ້ຄົນທົ່ວໂລກ ຫຼາຍກວ່າ 350,000ຄົນ ໃນປີ 2018 ຊຶ່ງປະມານ 75% ແມ່ນຢູ່ໃນອາຊີ, ຕາເວັນອອກກາງແລະປາຊີຟິກ, ສະທ້ອນໃຫ້ເຫັນເຖິງຄວາມກັງວົນກ່ຽວກັບປະລິມານການແຜ່ກະຈາຍຂອງພາສຕິກໃນປະເທດກໍາລັງພັດທະນາ.
ໜັງສືພິມ Washington Post ລາຍງານວ່າ:ຄະນະນັກຄົ້ນຄວ້າຍອມຮັບວ່າການສຳຜັດກັບ phthalate ແມ່ນເປັນປັດໃຈທີ່ພາໃຫ້ເກີດຄວາມສ່ຽງອື່ນໆ ເຊັ່ນ: ໂລກຕຸ້ຍ ແລະຄວາມຜິດປົກກະຕິຂອງລະບົບເຜົາຜານ. ແຕ່ຜົນການສຶກສາດັ່ງກ່າວຍັງເປັນຫຼັກຖານອີກອັນໜຶ່ງທີ່ບົ່ງບອກວ່າສານເຄມີທີ່ໃຊ້ໃນພລາສຕິກສ້າງຄວາມສ່ຽງຕໍ່ສຸຂະພາບຢ່າງຮ້າຍແຮງ.
ທັງນີ້, Phthalates ເປັນຊຸດສານເຄມີທີ່ເຂົ້າໄປໃນພາສຕິກເພື່ອເຮັດໃຫ້ພວກມັນມີຄວາມຍືດຫຍຸ່ນຫຼືອ່ອນນຸ້ມຂຶ້ນ ແລະເພີ່ມເຂົ້າໃນໂລຊັນ, ແຊມພູແລະນໍ້າຫອມເພື່ອເກັບຮັກສາກິ່ນຫອມໄວ້ເປັນເວລາດົນນານ. ແຕ່ສານເຄມີນີ້, ທີ່ນັກຄົ້ນຄວ້າບາງຄົນເອີ້ນວ່າ "ສານເຄມີຢູ່ທົ່ວທຸກແຫ່ງ" ໄດ້ເຮັດໃຫ້ເກີດຄວາມກັງວົນຢ່າງກວ້າງຂວາງໃນບັນດານັກວິທະຍາສາດ.
ການສຶກສາທາງລະບາດວິທະຍາຫຼາຍສະບັບລະບຸວ່າ: phthalates ມີສ່ວນພົວພັນກັບບັນຫາການຈະເລີນພັນຂອງຜູ້ຊາຍ, ພະຍາດຫົວໃຈ, ໂລກຕຸ້ຍ ແລະໂຣກສະມາທິສັ້ນ. ໂດຍ ສະຫະລັດ ອາເມຣິກາ ອະນຸຍາດໃຫ້phthalates 9 ຊະນິດໃຊ້ໃນການຫຸ້ມຫໍ່ອາຫານໄດ້.
ຄໍາເຫັນ