ປະຈຳ 4 ເມືອງເໜືອ (ເມືອງຊຽງຮ່ອນ, ເມືອງຫົງສາ, ເມືອງເງິນ ແລະ ເມືອງຄອບ) ໂດຍການເປັນປະທານຂອງ ທ່ານ ສົມມະນາ ປິ່ນທິບ ປະທານຄະນະກຳມາທິການຍຸດຕິທຳ ແລະ ປກສ-ປກຊ ສະພາປະຊາຊົນແຂວງໄຊຍະບູລີ, ມີທ່ານ ແສງອາທິດ ລາວເບຼຍຢາທໍ່ ວ່າການເຈົ້າເມືອງໆຊຽງຮ່ອນ ພ້ອມທີມງານສະພາປະຊາຊົນແຂວງເຂົ້າຮ່ວມ.
ຊຸດຝຶກອົບຮົມໃນຄັ້ງນີ້, ທ່ານ ສົມມະນາ ປິ່ນທິບ ໄດ້ນໍາສະເໜີກ່ຽວກັບການແກ້ໄຂຄໍາຮ້ອງທຸກ ຊຶ່ງປະກອບມີ 3 ຫົວຂໍ້ໃຫຍ່ຄື: ຄຳສະເໜີ, ຄຳຮ້ອງຟ້ອງ ແລະ ຄຳຮ້ອງຂໍຄວາມເປັນທຳ. ຈາກນັ້ນຜູ້ເຂົ້າຮ່ວມກໍໄດ້ພ້ອມກັນຄົ້ນຄວ້າ ປະກອບຄຳຄິດຄຳເຫັນຕໍ່ກັບການແກ້ໄຂຄຳຮ້ອງທຸກ ເປັນຕົ້ນແມ່ນ: ປະເພດ, ການແກ້ໄຂ, ເນື້ອໃນ, ພາກສ່ວນພິຈາລະນາ, ການກໍານົດເວລາການພິຈາລະນາ ແລະ ຂັ້ນຕອນການພິຈາລະນາຂອງ ຄໍາສະເໜີ, ຄໍາຮ້ອງຟ້ອງ ແລະ ຄໍາຮ້ອງຂໍຄວາມເປັນທໍາ.
ຈຸດປະສົງໃນການຈັດຝຶກອົບຮົມຄັ້ງນີ້ ເພື່ອໃຫ້ຜູ້ເຂົ້າຮ່ວມໄດ້ຮັບຮູ້ກ່ຽວກັບການແກ້ຂຄຳຮ້ອງທຸກ ທີ່ນຳສະເໜີຜ່ານເອກກະສານ ຂອງບຸກຄົນ, ນິຕິບຸກຄົນ ຫຼື ການຈັດຕັ້ງໃດໜຶ່ງທີ່ໄດ້ຍື່ນຕໍ່ອົງການກ່ຽວຂ້ອງ ເພື່ອໃຫ້ກວດກາ, ພິຈາລະນາ ແລະ ແກ້ໄຂ ກ່ຽວກັບການກະທຳ ຂອງບຸກຄົນ ຫຼື ການຕົກລົງຂອງນິຕິບຸກຄົນ ຫຼື ການຈັດຕັ້ງອື່ນໆ ທີ່ຕົນເຫັນວ່າ ເປັນການລະເມີດກົດໝາຍ, ບໍ່ໄດ້ຮັບຄວາມຍຸຕິທຳ, ກໍຄວາມເສຍຫາຍໃຫ້ແກ່ຜົນປະໂຫຍດຂອງລັດ, ລວມໝູ່ ຫຼື ສິດ ແລະ ຜົນປະໂຫຍດອັນຊອບທຳຂອງຕົນ.
(ແຫຼ່ງຂ່າວ: ຖວທເມືອງຊຽງຮ່ອນ)
ຄໍາເຫັນ