ທ່ານ ສຸກສະຫວາດ ສີສຸກ ຜູ້ຈັດການທົ່ວໄປສະຖານີຂົນສົ່ງໂດຍສານສາຍທາງໄກສາຍໃຕ້-ສາຍຕ່າງປະ ເທດໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ໃນວັນທີ 9 ເມສານີ້ ທີ່ສະຖານີລົດເມໂດຍສານສາຍໃຕ້ວ່າ: ປັດຈຸບັນທາງສະຖານີໄດ້ກະກຽມຄວາມພ້ອມໃຫ້ບໍລິການຜູ້ໂດຍສານ ທີ່ຈະເດີນທາງກັບຄືນພູມລໍາເນົາໃນໄລຍະບຸນປີໃໝ່ລາວ ພ.ສ 2567 ໃນໄລຍະວັນທີ 10-13 ເມສາ 2024 ທາງສະຖານີໄດ້ກຽມຄວາມພ້ອມ 100% ບໍ່ວ່າຈະເປັນທາງດ້ານບຸກຄະລາກອນ, ພາຫະນະ, ການກວດກາເຕັກນິກ, ການຈັດສັນຄວາມເປັນລະບຽບຮຽບຮ້ອຍໃນໄລ ຍະທີ່ມີປະຊາຊົນເຂົ້າມາໃຊ້ບໍລິການ ແລະ ອື່ນໆ. ສໍາລັບລົດທີ່ໃຫ້ບໍລິການມີ 60 ຄັນຕໍ່ມື້ເພື່ອຮອງຮັບຜູ້ໂດຍສານເພີ່ມຂຶ້ນ ທາງສະຖານີໄດ້ເພີ່ມລົດ 15 ຄັນຕໍ່ມື້ເພື່ອບໍ່ໃຫ້ຜູ້ໂດຍສານອັ່ງອໍ ພ້ອມດຽວກັນນັ້ນ ກໍຝາກເຖິງຜູ້ໂດຍສານທີ່ລັດຂຶ້ນລົດແມ່ນໃຫ້ເລືອກລົດຂຶ້ນ ຖ້າເຫັນວ່າລົດເຕັມແມ່ນໃຫ້ລໍຖ້າຂຶ້ນຄັນຕໍ່ໄປ ເພາະສະຖານີເຮົາປ່ອຍລົດອອກລະເລ່ຍ 15-30 ນາທີຕໍ່ຄັນ.
ທ່ານກ່າວໃຫ້ຮູ້ຕື່ມອີກວ່າ: ທາງສະຖານີໄດ້ກຽມລົດເມຮອງຮັບຜູ້ໂດຍສານທີ່ຈະກັບບ້ານ ນັບແຕ່ຕອນແລງຂອງວັນທີ 10 ເມສາ 2024 ເປັນຕົ້ນໄປ ໂດຍເພີ່ມລົດ 15 ຄັນຕໍ່ມື້ ຊຶ່ງໄດ້ມີການເພີ່ມຈໍານວນລົດຂຶ້ນຫຼາຍຄັນຈາກປົກກະຕິ 60 ຄັນຕໍ່ມື້ ເພື່ອຮອງຮັບບໍ່ໃຫ້ຜູ້ໂດຍສານຕົກຄ້າງໃນໄລຍະບຸນປີໃໝ່ລາວ ໂດຍສະເພາະບັນດາແຂວງພາກໃຕ້. ສໍາລັບຜູ້ໂດຍສານທີ່ຈະເດີນທາງກັບບ້ານ, ທ່ານ ສຸກສະຫວາດ ສີສຸກ ຝາກແນະນໍາເພີ່ມຕື່ມ ຕໍ່ຜູ້ໂດຍ ສານເວລາມາຊື້ປີ້ແລ້ວໃຫ້ກວດກາປີ້ໃຫ້ລະອຽດປ້າຍລົດ ເວລາອອກ ເພາະລົດທໍາມະດາ ເວລາຂາຍປີ້ເຕັມແລ້ວລົດຈະອອກຈາກສະຖານີເລີຍ ຊຶ່ງພະນັກງານຈະຕິດປ້າຍລົດເຕັມແລ້ວອອກເລີຍຢູ່ບ່ອນຂາຍປີ້. ສະນັ້ນ, ຝາກໃຫ້ຜູ້ ໂດຍສານກວດປີ້, ທະບຽນລົດ, ວັນທີ່, ຖ້າເວລາບໍ່ມີໃນປີ້ໝາຍຄວາມວ່າລົດເຕັມແລ້ວອອກເລີຍ. ສ່ວນລົດວີໄອພີ ຜູ້ໂດຍສານສາມາດມາຊື້ປີ້ໄດ້ລ່ວງໜ້າກໍໄດ້ (ໃນໄລຍະເທດສະການທາງບໍລິສັດໄດ້ງົດການໂທຈອງປີ້).
ດັ່ງນັ້ນ, ຈຶ່ງຝາກເຖິງຜູ້ໂດຍສານທີ່ລັດຂຶ້ນລົດຕາມທາງ ລົດຄັນໃດທີ່ເຕັມ, ແອອັດເກີນໄປຢາກໃຫ້ເລືອກຂຶ້ນ ແລະ ລໍຖ້າຂຶ້ນຄັນຕໍ່ໄປ ເພາະວ່າລົດໄດ້ປ່ອຍອອກຈາກສະຖານີທຸກໆ 15-30 ນາທີ, ໃນດ້ານການຮັກສາຄວາມປອດໄພ ແລະ ກວດກາເຕັກນິກຂອງລົດ ໂດຍທາງສະຖານີໄດ້ປະສານຫາເຈົ້າໜ້າທີ່ຕໍາຫຼວດຈະລາຈອນ ພະແນກໂຄສະນາເພື່ອລົງມາເຜີຍແຜ່ຄວາມປອດໄພໃຫ້ກັບບັນດາເຈົ້າຂອງລົດ, ພະນັກງານຂັບລົດ, ຜູ້ໃຫ້ບໍລິການເທິງລົດ (ແອັດລົດ) ໃຫ້ຮັບຮູ້ເພີ່ມຂຶ້ນເພື່ອໃຫ້ມີສະຕິກ່ຽວກັບການຂັບຂີ່ໃຫ້ມີຄວາມລະມັດລະວັງເພີ່ມຂຶ້ນ.
ຂ່າວ: ຍຸພິນທອງ
ທ່ານກ່າວໃຫ້ຮູ້ຕື່ມອີກວ່າ: ທາງສະຖານີໄດ້ກຽມລົດເມຮອງຮັບຜູ້ໂດຍສານທີ່ຈະກັບບ້ານ ນັບແຕ່ຕອນແລງຂອງວັນທີ 10 ເມສາ 2024 ເປັນຕົ້ນໄປ ໂດຍເພີ່ມລົດ 15 ຄັນຕໍ່ມື້ ຊຶ່ງໄດ້ມີການເພີ່ມຈໍານວນລົດຂຶ້ນຫຼາຍຄັນຈາກປົກກະຕິ 60 ຄັນຕໍ່ມື້ ເພື່ອຮອງຮັບບໍ່ໃຫ້ຜູ້ໂດຍສານຕົກຄ້າງໃນໄລຍະບຸນປີໃໝ່ລາວ ໂດຍສະເພາະບັນດາແຂວງພາກໃຕ້. ສໍາລັບຜູ້ໂດຍສານທີ່ຈະເດີນທາງກັບບ້ານ, ທ່ານ ສຸກສະຫວາດ ສີສຸກ ຝາກແນະນໍາເພີ່ມຕື່ມ ຕໍ່ຜູ້ໂດຍ ສານເວລາມາຊື້ປີ້ແລ້ວໃຫ້ກວດກາປີ້ໃຫ້ລະອຽດປ້າຍລົດ ເວລາອອກ ເພາະລົດທໍາມະດາ ເວລາຂາຍປີ້ເຕັມແລ້ວລົດຈະອອກຈາກສະຖານີເລີຍ ຊຶ່ງພະນັກງານຈະຕິດປ້າຍລົດເຕັມແລ້ວອອກເລີຍຢູ່ບ່ອນຂາຍປີ້. ສະນັ້ນ, ຝາກໃຫ້ຜູ້ ໂດຍສານກວດປີ້, ທະບຽນລົດ, ວັນທີ່, ຖ້າເວລາບໍ່ມີໃນປີ້ໝາຍຄວາມວ່າລົດເຕັມແລ້ວອອກເລີຍ. ສ່ວນລົດວີໄອພີ ຜູ້ໂດຍສານສາມາດມາຊື້ປີ້ໄດ້ລ່ວງໜ້າກໍໄດ້ (ໃນໄລຍະເທດສະການທາງບໍລິສັດໄດ້ງົດການໂທຈອງປີ້).
ດັ່ງນັ້ນ, ຈຶ່ງຝາກເຖິງຜູ້ໂດຍສານທີ່ລັດຂຶ້ນລົດຕາມທາງ ລົດຄັນໃດທີ່ເຕັມ, ແອອັດເກີນໄປຢາກໃຫ້ເລືອກຂຶ້ນ ແລະ ລໍຖ້າຂຶ້ນຄັນຕໍ່ໄປ ເພາະວ່າລົດໄດ້ປ່ອຍອອກຈາກສະຖານີທຸກໆ 15-30 ນາທີ, ໃນດ້ານການຮັກສາຄວາມປອດໄພ ແລະ ກວດກາເຕັກນິກຂອງລົດ ໂດຍທາງສະຖານີໄດ້ປະສານຫາເຈົ້າໜ້າທີ່ຕໍາຫຼວດຈະລາຈອນ ພະແນກໂຄສະນາເພື່ອລົງມາເຜີຍແຜ່ຄວາມປອດໄພໃຫ້ກັບບັນດາເຈົ້າຂອງລົດ, ພະນັກງານຂັບລົດ, ຜູ້ໃຫ້ບໍລິການເທິງລົດ (ແອັດລົດ) ໃຫ້ຮັບຮູ້ເພີ່ມຂຶ້ນເພື່ອໃຫ້ມີສະຕິກ່ຽວກັບການຂັບຂີ່ໃຫ້ມີຄວາມລະມັດລະວັງເພີ່ມຂຶ້ນ.
ຂ່າວ: ຍຸພິນທອງ
ຄໍາເຫັນ