ລັດຖະມົນຕີກະຊວງກະສິກຳ ແລະປ່າໄມ້ ໃນໂອກາດທີ່ທ່ານລັດຖະມົນຕີໄດ້ລົງມາເຄື່ອນໄຫວວຽກງານ ແລະເຂົ້າຮ່ວມການປະກາດການຈັດຕັ້ງຂອງພະແນກກະສິກຳ ແລະປ່າໄມ້ແຂວງສະຫວັນນະເຂດ.
ຈຸດປະສົງຂອງການລົງມາເຮັດວຽກຢູ່ແຂວງສະຫວັນນະເຂດໃນຄັ້ງນີ້, ທ່ານ ລິນຄຳ ດວງສະຫວັນ ໄດ້ຂໍທິດຊີ້ນຳຈາກທ່ານເຈົ້າແຂວງສະຫວັນນະເຂດ ໃນການຈັດຕັ້ງປະຕິບັດວຽກງານຮອບດ້ານທີ່ນອນໃນຂົງເຂດກະສິກຳ ແລະປ່າໄມ້ພາຍໃນແຂວງ. ໃນໂອກາດນີ້, ທ່ານເຈົ້າແຂວງສະຫວັນນະເຂດ ໄດ້ໃຫ້ທິດຊີ້ນຳໃນບາງຈຸດທີ່ຮີບດ່ວນໃນການປັບປຸງ-ສົ່ງເສີມການຜະລິດເປັນສິນຄ້າຂອງປະຊາຊົນ, ຊຶ່ງບັັນຫາສຳຄັນແມ່ນການຜະລິດແນວພັນພືດ, ແນວພັນສັດ ເປັນຕົ້ນແມ່ນແນວພັນເຂົ້າ ແລະແນວພັນປາທີ່ກຳລັງເປັນທີ່ຕ້ອງການຂອງຊາວກະສິກອນ ເພາະວ່າໃນປັດຈຸບັນນີ້, ສິນຄ້າກະສິກຳໄດ້ມີກຳລັງການຜະລິດທີ່ເພີ່ມຂຶ້ນຕາມຄວາມຕ້ອງການຂອງຕະຫຼາດ ແຕ່ພັດຍັງຂາດແນວພັນທີ່ດີເພື່ອຍົກສະມັດຕະພາບຜົນຜະລິດໃຫ້ສູງຂຶ້ນ. ທ່ານເຈົ້າແຂວງໄດ້ຍົກຕົວຢ່າງການໄປທັດສະນະສຶກສາ ແລະຢ້ຽມຢາມສູນຜະລິດເຂົ້າທີ່ໃຫ້ສະມັດຕະພາບສູງຢູ່ ສສ ຫວຽດນາມໃນໄລຍະຜ່ານມາ ຢາກໃຫ້ນຳມາຖອດຖອນບົດຮຽນຢູ່ແຂວງພວກເຮົາ. ນອກນັ້ນ ທ່ານເຈົ້າແຂວງໄດ້ຍົກໃຫ້ເຫັນເຖິງການຜະລິດແນວພັນປາ(ຢາກໃຫ້ຜະລິດລູກປາພາຍໃນປະເທດຂອງພວກເຮົາເອງ) ຊຶ່ງມີຄວາມຕ້ອງການສູງຈາກຜູ້ປະກອບການລ້ຽງປາໃນກະຊັງ ແລະການລ້ຽງປາໃນຄອບຄົວໃນປັດຈຸບັນນີ້ ໂດຍສະເພາະກຸ່ມລ້ຽງປາໃນກະຊັງແມ່ນນຳເຂົ້າລູກປາຈາກປະເທດໄທເປັນຈຳນວນຫຼາຍໃນແຕ່ລະປີ,
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ