ຂ່າວຕ່າງປະເທດລາຍງານໃນວັນທີ 21 ພຶດສະພາ ຜ່ານມາວ່າ: ຊາອຸເດຍ ແອລາຍ (Saudia Airlines)ສາຍການບິນລະດັບຊາດຂອງ ຊາອຸດິດ ອາຣັບບີ ປະກາດຂໍ້ຕົກລົງຊື້ເຮືອບິນແອບັສ ຈຳນວນ 105 ລຳ ໂດຍສະເພາະລຸ້ນແອບັສ ເອ320 ນີໂອ (A320neo) ແລະ ເອ321 ນີໂອ (A321neo).
ສາຍການບິນດັ່ງກ່າວ ໄດ້ປະກາດຂໍ້ຕົກລົງໃນກອງປະຊຸມເວທີການບິນເພື່ອອະນາຄົດ (Future Aviation Forum)ທີ່ນະຄອນຫຼວງຣີຢາດ ໂດຍຂໍ້ຕົກລົງນີ້ມີຈຸດປະສົງເພື່ອຂະຫຍາຍ ແລະ ປັບປຸງການບິນໃຫ້ທັນສະໄໝ ແລະ ເພີ່ມການເຊື່ອມຕໍ່ທາງອາກາດກັບປະເທດຕ່າງໆທົ່ວໂລກ.
ທ່ານ ອິບຣາຮິມ ອັລ-ໂອມາຣ ຜູ້ອຳນວຍການທົ່ວໄປຂອງຊາອຸເດຍ ກຣຸບ (Saudia Group) ກ່າວວ່າ: ຊາອຸເດຍ ຕ້ອງການຕອບສະໜອງຄວາມຕ້ອງການທີ່ເພີ່ມຂຶ້ນ, ໃນຂະນະທີ່ຄວາມກ້າວໜ້າຂອງແຜນລິເລີ່ມວິໄສທັດຂອງຊາອຸດິດ ອາຣັບບີ ປີ 2030 ກຳລັງດຶງດູດຜູ້ມາຢ້ຽມຢາມ, ນັກທ່ອງທ່ຽວ, ຜູ້ປະກອບການ ແລະ ຜູ້ສະແຫວງບຸນເພີ່ມຫຼາຍຂຶ້ນໃນແຕ່ລະປີ.
ທ່ານ ຊາເລ ອັລ-ຈັສເຊີ ລັດຖະມົນຕີກະຊວງຄົມມະນາຄົມ ແລະ ການຂົນສົ່ງຂອງ ຊາອຸດິດ ອາຣັບບີ ກ່າວວ່າ: ກິດຈະກຳ ແລະ ຂໍ້ຕົກລົງຂອງການປະຊຸມດັ່ງກ່າວຈະມີບົດບາດສຳຄັນໃນການເສີມຂະຫຍາຍຄວາມພະຍາຍາມທີ່ຈະຕອບສະໜອງຕໍ່ຄວາມທ້າທາຍໃໝ່ໃນພາກສ່ວນການບິນ.
ທ່ານ ຊາເລ ອັລ - ຈັສເຊີ ຍັງກ່າວເຖິງການຈັດຕັ້ງສາຍການບິນຣີຢາດ ແອ (Riyadh Air) ຊຶ່ງຈະເຊື່ອມຕໍ່ນະຄອນຫຼວງຣີຢາດ ກັບຈຸດໝາຍລະຫວ່າງປະເທດຫຼາຍກວ່າ 100 ແຫ່ງ ລວມທັງແຜນການໂຄງການສະໜາມບິນນາໆຊາດຄິງຊັລມານ ໃນຣີຢາດ ຊຶ່ງຈະເພີ່ມຂີດຄວາມສາມາດໃນການຮອງຮັບຜູ້ໂດຍສານທາງອາກາດ ຈຳນວນ 100 ລ້ານຄົນ ພາຍໃນປີ 2030.
ກອງປະຊຸມຈັດໂດຍສຳນັກງານການບິນພົນລະເຮືອນແຫ່ງຊາອຸດິດ ອາຣັບບີ ໂດຍມີລັດຖະມົນຕີ 30 ກວ່າທ່ານ, ຫົວໜ້າໜ່ວຍງານການບິນພົນລະເຮືອນ ແລະ ສາຍການບິນລະຫວ່າງປະເທດ 77 ທ່ານ ຕະຫຼອດຈົນຜູ້ຊ່ຽວຊານ ແລະ ຜູ້ນຳໃຊ້ອຸດສາຫະກຳການບິນຫຼາຍກວ່າ 5.000 ທ່ານ ຈາກ 120 ກວ່າປະເທດເຂົ້າຮ່ວມ.
ສາຍການບິນດັ່ງກ່າວ ໄດ້ປະກາດຂໍ້ຕົກລົງໃນກອງປະຊຸມເວທີການບິນເພື່ອອະນາຄົດ (Future Aviation Forum)ທີ່ນະຄອນຫຼວງຣີຢາດ ໂດຍຂໍ້ຕົກລົງນີ້ມີຈຸດປະສົງເພື່ອຂະຫຍາຍ ແລະ ປັບປຸງການບິນໃຫ້ທັນສະໄໝ ແລະ ເພີ່ມການເຊື່ອມຕໍ່ທາງອາກາດກັບປະເທດຕ່າງໆທົ່ວໂລກ.
ທ່ານ ອິບຣາຮິມ ອັລ-ໂອມາຣ ຜູ້ອຳນວຍການທົ່ວໄປຂອງຊາອຸເດຍ ກຣຸບ (Saudia Group) ກ່າວວ່າ: ຊາອຸເດຍ ຕ້ອງການຕອບສະໜອງຄວາມຕ້ອງການທີ່ເພີ່ມຂຶ້ນ, ໃນຂະນະທີ່ຄວາມກ້າວໜ້າຂອງແຜນລິເລີ່ມວິໄສທັດຂອງຊາອຸດິດ ອາຣັບບີ ປີ 2030 ກຳລັງດຶງດູດຜູ້ມາຢ້ຽມຢາມ, ນັກທ່ອງທ່ຽວ, ຜູ້ປະກອບການ ແລະ ຜູ້ສະແຫວງບຸນເພີ່ມຫຼາຍຂຶ້ນໃນແຕ່ລະປີ.
ທ່ານ ຊາເລ ອັລ-ຈັສເຊີ ລັດຖະມົນຕີກະຊວງຄົມມະນາຄົມ ແລະ ການຂົນສົ່ງຂອງ ຊາອຸດິດ ອາຣັບບີ ກ່າວວ່າ: ກິດຈະກຳ ແລະ ຂໍ້ຕົກລົງຂອງການປະຊຸມດັ່ງກ່າວຈະມີບົດບາດສຳຄັນໃນການເສີມຂະຫຍາຍຄວາມພະຍາຍາມທີ່ຈະຕອບສະໜອງຕໍ່ຄວາມທ້າທາຍໃໝ່ໃນພາກສ່ວນການບິນ.
ທ່ານ ຊາເລ ອັລ - ຈັສເຊີ ຍັງກ່າວເຖິງການຈັດຕັ້ງສາຍການບິນຣີຢາດ ແອ (Riyadh Air) ຊຶ່ງຈະເຊື່ອມຕໍ່ນະຄອນຫຼວງຣີຢາດ ກັບຈຸດໝາຍລະຫວ່າງປະເທດຫຼາຍກວ່າ 100 ແຫ່ງ ລວມທັງແຜນການໂຄງການສະໜາມບິນນາໆຊາດຄິງຊັລມານ ໃນຣີຢາດ ຊຶ່ງຈະເພີ່ມຂີດຄວາມສາມາດໃນການຮອງຮັບຜູ້ໂດຍສານທາງອາກາດ ຈຳນວນ 100 ລ້ານຄົນ ພາຍໃນປີ 2030.
ກອງປະຊຸມຈັດໂດຍສຳນັກງານການບິນພົນລະເຮືອນແຫ່ງຊາອຸດິດ ອາຣັບບີ ໂດຍມີລັດຖະມົນຕີ 30 ກວ່າທ່ານ, ຫົວໜ້າໜ່ວຍງານການບິນພົນລະເຮືອນ ແລະ ສາຍການບິນລະຫວ່າງປະເທດ 77 ທ່ານ ຕະຫຼອດຈົນຜູ້ຊ່ຽວຊານ ແລະ ຜູ້ນຳໃຊ້ອຸດສາຫະກຳການບິນຫຼາຍກວ່າ 5.000 ທ່ານ ຈາກ 120 ກວ່າປະເທດເຂົ້າຮ່ວມ.
ຄໍາເຫັນ