ແລະ ເພດ-ໄວ ນັບທັງຄົນເຊື້ອຊາດລາວຢູ່ຕ່າງປະເທດໃຕ້ຮົ່ມທຸງປະຕິວັດຂອງພັກປະຊາຊົນປະຕິວັດລາວ, ຢຶດໝັ້ນພັນທະພາບກໍາມະກອນ-ຊາວກະສິກອນ, ນັກຮຽນຮູ້ປັນຍາຊົນປະຕິວັດ, ເດັດດ່ຽວໜຽວແໜ້ນສຶກສາອົບຮົມປະຊາຊົນໄປຕາມພັກ ປະກອບສ່ວນເຂົ້າໃນການສ້າງສາພັດທະນາປະເທດຊາດ.
ພາຍຫຼັງປົດປ່ອຍປະເທດຊາດໄດ້ຢ່າງສົມບູນໃນວັນທີ 2 ທັນວາ 1975, ມາຮອດປີ 1979 ໄດ້ມີມະຕິຕົກລົງຂອງກົມການເມືອງສູນກາງພັກປ່ຽນຊື່ “ແນວລາວຮັກຊາດ’’ມາເປັນ “ແນວລາວສ້າງຊາດ”ຮອດປັດຈຸບັນໃນກອງປະຊຸມໃຫຍ່ຄັ້ງທີ IV ຜູ້ແທນແນວລາວສ້າງຊາດທົ່ວປະເທດໄດ້ຈັດຂຶ້ນໃນລະຫວ່າງວັນທີ 16-20 ກຸມພາ 1979 ທີ່ນະຄອນຫຼວງວຽງຈັນ ກອງປະຊຸມຄັ້ງນີ້ໄດ້ແຕ່ງຕັ້ງທ່ານ ສຸພານຸວົງ ເປັນປະທານສູນກາງແນວລາວສ້າງຊາດ ຊຶ່ງມູນເຊື້ອອັນສະຫງ່າອົງອາດທີ່ເປັນພື້ນຖານຂອງແນວລາວສ້າງຊາດມີຄື:
1) ແນວລາວສ້າງຊາດມີມູນເຊື້ອເຕົ້າໂຮມຄວາມສາມັກຄີປະຊາຊົນບັນດາເຜົ່າ, ທຸກຊັ້ນຄົນ, ສາສະໜາ ແລະ ເພດ-ໄວ ນັບທັງຄົນເຊື້ອຊາດລາວຢູ່ຕ່າງປະເທດໃຕ້ຮົ່ມທຸງປະຕິວັດຂອງພັກປະຊາຊົນ ປະຕິວັດລາວ.
2) ແນວລາວສ້າງຊາດໄດ້ຢຶດໝັ້ນພັນທະພາບກໍາມະກອນ-ຊາວກະສິກອນ, ນັກຮຽນຮູ້ປັນຍາຊົນປະຕິວັດ, ເດັດດ່ຽວໜຽວແໜ້ນສຶກສາອົບຮົມປະຊາຊົນໄປຕາມພັກ.
3) ແນວລາວສ້າງຊາດບໍ່ວ່າຍາມໃດກໍ່ຕັ້ງໜ້າປະຕິບັດແນວທາງຍຸດທະສາດ, ຍຸດໂທບາຍ ແລະ ວິທີປະຕິວັດຂອງພັກໃນທຸກໄລຍະຂອງການປະຕິວັດ.
4) ແນວລາວສ້າງຊາດມີມູນເຊື້ອຮ່ວມສໍາພັນທາງການເມືອງ ແລະ ທາງດ້ານການທະຫານກັບກໍາລັງເປັນກາງທີ່ກ້າວໜ້າ ແລະ ຊັ້ນຄົນຕ່າງໆ ນັບທັງຜູ້ຊົງຄຸນວຸດທິ, ເຈົ້າກົກເຈົ້າເຫຼົ່າດ້ວຍການໝູນໃຊ້ຫຼັກການ, ນະໂຍບາຍອັນຖືກຕ້ອງຂອງພັກ ແລະ ຂົນຂວາຍປຸກລະດົມ, ດຶງດູດເອົາກໍາລັງເປັນກາງເຂົ້າຮ່ວມໃນຂະບວນການປະຕິວັດເຮັດໃຫ້ຂະບວນການປະຕິວັດນັບມື້ເຕີບໃຫຍ່ເຂັ້ມແຂງຂຶ້ນຢ່າງບໍ່ຢຸດຢັ້ງ.
5) ແນວລາວສ້າງຊາດມີມູນເຊື້ອສໍາພັນສູ້ຮົບສາມັກຄີພິເສດກັບກອງທັບ ແລະ ປະຊາຊົນຫວຽດນາມປະຕິບັດການຮ່ວມສໍາພັນສາມຊາດລາວ-ຫວຽດນາມ-ກໍາປູເຈຍ ເພື່ອພ້ອມກັນຕີສັດຕູໂຕດຽວ.
6) ແນວລາວສ້າງຊາດມີມູນເຊື້ອເປັນທີ່ປຶກສາ, ແນະນໍາ ແລະ ເປັນບ່ອນອີງໃຫ້ປະຊາຊົນໄດ້ເພິ່ງພາ; ແນວໂຮມເຮັດບົດບາດເປັນຂົວຕໍ່ທີ່ດີລະຫວ່າງມະຫາຊົນກັບພັກ ແລະ ລະຫວ່າງປະຊາຊົນກັບລັດ.
7) ແນວລາວສ້າງຊາດຍັງເປັນແຫຼ່ງກໍາເນີດເຕີບໃຫຍ່, ຝຶກຝົນຫຼໍ່ຫຼອມຖັນແຖວພະນັກງານຮຸ່ນຕ່າງໆຫຼາຍທ່ານໄດ້ກາຍເປັນພະນັກງານຫຼັກແຫຼ່ງຂອງການປະຕິວັດ.
ເພື່ອເສີມຂະຫຍາຍມູນເຊື້ອຂອງແນວລາວສ້າງຊາດສິ່ງສຳຄັນທີ່ຈະຕ້ອງໄດ້ເອົາໃຈໃສ່ຄື:
1. ເພີ່ມທະວີກ້ອນກໍາລັງມະຫາສາມັກຄີທົ່ວປວງຊົນຢ່າງແໜ້ນແຟ້ນກວ່າເກົ່າ ບົນພື້ນຖານຄວາມເປັນເອກະພາບໃນອຸດົມການແຫ່ງການສ້າງປະເທດໃຫ້ຮັ່ງມີເຂັ້ມແຂງ, ປະຊາຊົນຮັ່ງມີຜາສຸກ ສັງຄົມມີປະຊາທິປະໄຕ, ສີວິໄລ ແລະ ຍຸຕິທໍາ; ຖືຄວາມສາມັກຄີເປັນອັນໜຶ່ງອັນດຽວຂອງທົ່ວປວງຊົນເປັນປັດໄຈຕັດສິນການຄົງຕົວ ແລະ ຂະຫຍາຍຕົວຂອງຊາດ.
2. ປຸກລະດົມກໍາລັງແຮງຂອງປະຊາຊົນທຸກເຜົ່າ, ທຸກຊັ້ນຄົນ, ສາສະໜາ ແລະ ເພດ-ໄວເຂົ້າຮ່ວມໃນທຸກຂະບວນການວຽກງານແຫ່ງການພັດທະນາປະເທດຊາດຢ່າງຫ້າວຫັນ ແລະ ມີຜົນສໍາເລັດຢ່າງຈົບງາມ ບົນພື້ນຖານຄວາມຮັກຊາດ, ຈິດໃຈເອກະລາດ, ເປັນເຈົ້າຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.
3. ເພີ່ມທະວີບົດບາດ ແລະ ເຊີດຊູຄວາມສາມາດຂອງການຈັດຕັ້ງແນວລາວສ້າງຊາດ ເພື່ອເຕົ້າໂຮມຄວາມສາມັກຄີ ແລະ ເສີມຂະຫຍາຍສິດເປັນເຈົ້າຂອງປະຊາຊົນບັນດາເຜົ່າ, ສືບຕໍ່ປະຕິບັດພາລະກິດປຽນແປງໃໝ່ ໃຫ້ໄດ້ຮັບຜົນສໍາເລັດໃຫຍ່ຫຼວງກວ່າເກົ່າ, ຮັບປະກັນສະຖຽນລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມ; ພັດທະນາເສດຖະກິດ-ສັງຄົມໃຫ້ຂະຫຍາຍຕົວຢ່າງຕໍ່ເນື່ອງ, ເພີ່ມທະວີຄວາມເຊື່ອໝັ້ນຂອງມະຫາຊົນຕໍ່ການນໍາພາຂອງພັກ ແລະ ອົງການປົກຄອງຂັ້ນຕ່າງໆ.
4. ໂຄສະນາ, ສຶກສາອົບຮົມ, ປຸກລະດົມເສີມຂະຫຍາຍສິດເປັນເຈົ້າຂອງປະຊາຊົນບັນດາເຜົ່າໃນການປະຕິບັດແນວທາງ, ນະໂຍບາຍ, ລັດຖະທໍາມະນູນ, ກົດໝາຍ ແລະ ແຜນພັດທະນາເສດຖະກິດສັງຄົມຂອງຊາດແຕ່ລະໄລຍະ.
5. ຫັນທິດລົງກໍ່ສ້າງແນວໂຮມຂັ້ນເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ, ສ້າງແນວໂຮມຂັ້ນບ້ານໃຫ້ເປັນຫົວໜ່ວຍພັດທະນາ ເປັນບ່ອນຈັດຕັ້ງປະຕິບັດຕົວຈິງໃນທຸກຂົງເຂດວຽກງານຂອງແນວໂຮມ. ພ້ອມກັນນີ້, ອົງການແນວລາວສ້າງຊາດ ແລະ ອົງການພາຄີໃຫ້ສືບຕໍ່ປຸກລະດົມ ແລະ ຊຸກຍູ້ປະຊາຊົນສ້າງປັບປຸງກອງທຶນພັດທະນາຂັ້ນບ້ານໃຫ້ເກີດດອກອອກຜົນ ເພື່ອເປັນມາດຖານຕົວຈິງອັນໜຶ່ງໃນການແກ້ໄຂຄວາມທຸກຍາກ.
6. ສ້າງສາຍພົວພັນມິດຕະພາບກັບບັນດາອົງການຈັດຕັ້ງແນວໂຮມຂອງບັນດາປະເທດເພື່ອນມິດຍຸດທະສາດ, ເປີດກວ້າງການພົວພັນຮ່ວມມືກັບຕ່າງປະເທດ, ພາກພື້ນ ແລະ ສາກົນ; ປະກອບສ່ວນເພີ່ມທະວີສາຍພົວພັນມິດຕະພາບລະຫວ່າງປະຊາຊາດໃນການຮ່ວມມື ແລະ ການພັດທະນາ ລວມທັງການສະໜັບສະໜູນຂະບວນການຕໍ່ສູ້ເພື່ອສັນຕິພາບ ແລະ ຄວາມກ້າວໜ້າທາງສັງຄົມໃນໂລກ.
7. ເສີມຂະຫຍາຍມູນເຊື້ອເປັນບ່ອນສ່ອງແສງມານະຈິດ, ຄວາມມຸ່ງມາດປາຖະໜາ, ເປັນທີ່ປຶກສາ, ໃຫ້ຄໍາແນະນໍາ ແລະ ເປັນບ່ອນໃຫ້ປະຊາຊົນໄດ້ເພິ່ງພາ; ເຮັດບົດບາດເປັນຂົວຕໍ່ທີ່ດີລະຫວ່າງມະຫາຊົນກັບພັກ ແລະ ລະຫວ່າງປະຊາຊົນກັບລັດ; ຜັນຂະຫຍາຍເນື້ອໃນ 4 ຮ່ວມ ແລະ 4 ການຫັນປ່ຽນໃໝ່ຂອງແນວລາວສ້າງຊາດແຕ່ລະຂັ້ນໃຫ້ເຂົ້າສູ່ລວງເລິກ ແລະ ເປັນຮູບປະທໍາຫຼາຍຂຶ້ນ.
ແນວລາວສ້າງຊາດທຸກຂັ້ນ ໄດ້ຢືດຖືຫຼັກການລວມສູນປະຊາທິປະໄຕໃນການເຮັດວຽກ,ມີລະບອບປະຊຸມຄະນະປະຈໍາ, ປະຊຸມສ່ອງແສງອົງການພາຄີເປັນປະຈໍາ, ມີການຮ່ວມສໍາພັນກັບອົງການພາຄີຫຼາຍຂຶ້ນ; ແນວລາວສ້າງຊາດແຕ່ລະຂັ້ນໄດ້ປັບປຸງລະບົບການຈັດຕັ້ງຂອງຕົນໃຫ້ໄປຕາມທິດລວມ ແລະ ແຈ້ງການແນະນໍາສະບັບເລກທີ 34/ຄປຈ, ສນຊ; ຄົ້ນຄວ້າກໍານົດຄໍາຂວັນຂອງແນວລາວສ້າງຊາດຕາມທິດ 4 ເສີມສ້າງ ແລະ ຈັດສໍາມະນາ (ເສີມສ້າງຄວາມສາມັກຄີ, ເສີມສ້າງຄຸນງາມຄວາມດີ, ເສີມສ້າງຄຸນນະທໍາ ແລະ ເສີມສ້າງຄຸນວຸດທິ) ໂດຍມອບໃຫ້ກົມທີ່ກ່ຽວຂ້ອງດໍາເນີນການ; ນໍາໃຊ້ອຸປະກອນທັນສະໄໝເຂົ້າໃນວຽກງານປະຈໍາວັນ, ນໍາໃຊ້ລະບົບການຈະລາຈອນເອກະສານທັນສະໄໝ; ກະກຽມສ້າງແຜນການເປີດບັ້ນແຂ່ງຂັນ-ຍ້ອງຍໍຮັກຊາດ ແລະ ພັດທະນາຂອງສູນກາງແນວລາວສ້າງຊາດແຕ່ປີ 2024-2026;
ຄະນະປະຈໍາສູນກາງແນວລາວສ້າງຊາດ ມີຄວາມພະຍາຍາມສູງໃນການຄົ້ນຄວ້າລິເລີ່ມສ້າງການຫັນປ່ຽນໃນວຽກງານແນວໂຮມ ເປັນຕົ້ນແມ່ນການແກ້ໄຂຄວາມຫຍຸ້ງຍາກດ້ານງົບປະມານ ໂດຍໄດ້ຮັບຮອງມະຕິກ່ຽວກັບການສ້າງລາຍຮັບເພີ່ມຂອງແນວລາວສ້າງຊາດໃນໄລຍະໃໝ່ ໂດຍເລັ່ງໃສ່ສ້າງໂຄງການຮ່ວມມືລະຫວ່າງສູນກາງແນວລາວສ້າງຊາດກັບກໍາມະການ ແລະ ຄູ່ຮ່ວມງານ; ຊຸກຍູ້ໃຫ້ກໍາມະການທີ່ເປັນນັກທຸລະກິດລົງທຶນພັດທະນາທ້ອງຖິ່ນຕ່າງໆຕາມພາລະບົດບາດຂອງຕົນ.
ຄໍາເຫັນ