ສີລັງກາ ຕັ້ງເປົ້າສົ່ງອອກໝາກພ້າວ ບັນລຸ 1.7 ຕື້ໂດລາ ໃນປີ 2025

13:29 23/04/2025

ຂ່າວຕ່າງປະເທດລາຍງານ ໃນວັນທີ 21 ເມສາ ຜ່ານມາ; ສື່ມວນຊົນຂອງສີລັງກາອ້າງອີງການລາຍງານຈາກອົງການພັດທະນາໝາກພ້າວ (CDA) ລະບຸວ່າ:ສີລັງກາຕັ້ງເປົ້າຈະເພີ່ມລາຍຮັບຈາກການສົ່ງອອກໝາກພ້າວເປັນສອງເທົ່າໃນປີນີ້ ລວມຢູ່ທີ່ 1.7 ຕື້ໂດລາ.

ທ່ານ ຈັນດຣາ ຣານາຕາຕັງກາ ປະທານອົງການCDAກ່າວວ່າ:ສີລັງກາມີລາຍຮັບຈາກການສົ່ງອອກໝາກພ້າວໃນປີຜ່ານມາ 854 ລ້ານໂດລາ, ໂດຍສິນຄ້າຈາກໝາກພ້າວທີ່ມີການສົ່ງອອກຕົ້ນຕໍແມ່ນນ້ຳມັນໝາກພ້າວ, ໝາກພ້າວອົບແຫ້ງ, ອະທິຜົງ, ກະທິສູດຫົວກະທິ, ນໍ້າກະທິ, ກາບໝາກພ້າວ, ຖ່ານກຳມັນຕະລັງສີ.

ຢ່າງໃດກໍຕາມ, ທ່ານ ຣານາຕາຕັງກາ ກ່າວວ່າ: ສິ່ງທ້າທາຍທີ່ໃຫຍ່ທີ່ສຸດແມ່ນປະລິມານການຜະລິດໝາກພ້າວທີ່ຫຼຸດລົງ. ເນື່ອງຈາກປະລິມານການຜະລິດຫຼຸດລົງຫຼາຍກວ່າ 30% ຕໍ່ປີໃນເດືອນທັນວາ 2024 ແລະເດືອນມັງກອນ 2025, ແຕ່ຍັງເຊື່ອໝັ້ນວ່າມາດຕະການຂອງລັດຖະບານທີ່ດຳເນີນຢູ່ໃນປັດຈຸບັນຈະຊ່ວຍປັບປຸງການຜະລິດ.

ຄໍາເຫັນ

ຂ່າວຕ່າງປະເທດ

ຄວາມມີສະເໜ່ຂອງຈີນຕໍ່ໂລກເພີ່ມສູງຂຶ້ນ

12/07/2025 09:32

ຫວ່າງມໍ່ໆມານີ້, ຜົນການສຳຫຼວດຄວາມຄິດເຫັນສາກົນສະບັບໜຶ່ງໄດ້ດຶງດູດຄວາມສົນໃຈຢ່າງກວ້າງຂວາງ: ນັບມາຮອດທ້າຍເດືອນພຶດສະພາຜ່ານມາ, ຄວາມມີສະເໜ່ຂອງຈີນຕໍ່ໂລກໄດ້ເພີ່ມຂຶ້ນເປັນ 8,8 ຄະແນນ, ຜົນການສຳຫຼວດຄວາມຄິດເຫັນສາກົນຫຼາຍສະບັບໃນຊຸມປີຜ່ານມາ ລ້ວນແຕ່ໄດ້ເບິ່ງຈີນດ້ວຍທ່າທີທີ່ເປັນມິດ ແລະ ດ້ານດີນັບມື້ນັບຫຼາຍຂຶ້ນ ແລ້ວຄວາມມີສະເໜ່ຂອງຈີນເປັນຄືແນວໃດ?

ທ່ານ ສີຈິ້ນຜິງ ສົ່ງສານຊົມເຊີຍເຖິງກອງປະຊຸມລະດັບລັດຖະມົນຕີການສົນທະນາລະຫວ່າງອະລິຍະທຳໂລກ

11/07/2025 15:30

ວັນທີ 10 ກໍລະກົດນີ້, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ປະທານປະເທດຈີນໄດ້ສົ່ງສານຊົມເຊີຍເຖິງກອງປະຊຸມລະດັບລັດຖະມົນຕີການສົນທະນາລະຫວ່າງອະລິຍະທຳໂລກທີ່ຈັດຂຶ້ນຢູ່ນະຄອນຫຼວງປັກກິ່ງ ປະເທດຈີນໃນມື້ດຽວກັນ.

ບໍລິສັດ ຍີ່ປຸ່ນ ຫຼຸດລາຄາລົດສົ່ງອອກໄປຍັງ ສະຫະລັດ ອາເມຣິກາ

11/07/2025 11:16

ຂ່າວຕ່າງປະເທດລາຍງານວ່າ: ທະນາຄານກາງຍີ່ປຸ່ນ (BOJ) ໄດ້ເປີດເຜີຍໃນວັນທີ 10 ກໍລະກົດ ຜ່ານມາວ່າ: ບໍລິສັດຜະລິດລົດຂອງຍີ່ປຸ່ນ ໄດ້ຫຼຸດລາຄາລົດທີ່ຈະສົ່ງອອກໄປ ສະຫະລັດ ອາເມຣິກາ ໃນອັດຕາທີ່ຫຼາຍທີ່ສຸດແບບບໍ່ເຄີຍມາກ່ອນ ຊຶ່ງເປັນສັນຍານວ່າບໍລິສັດຍີ່ປຸ່ນຍອມເສຍຜົນກຳໄລເພື່ອຮັກສາຄວາມສາມາດໃນການແຂ່ງຂັນ ເນື່ອງຈາກມາດຕະການອັດຕາພາສີຂອງ ທ່ານ ໂດໂນ ທຣໍາ ປະທານາທິບໍດີ ສະຫະລັດ ອາເມຣິກາ ໄດ້ສົ່ງຜົນກະທົບຕໍ່ອຸດສາຫະກຳລົດ.

ສິງກະໂປ ຊ່ວຍເຫຼືອບັນດາວິສາຫະກິດ ປັບຕົວກັບການປ່ຽນແປງຂອງອັດຕາພາສີ

11/07/2025 11:14

ຂ່າວຕ່າງປະເທດລາຍງານ ໃນວັນທີ 10 ກໍລະກົດ ຜ່ານມາວ່າ: ທ່ານ ກັນ ຄິມຢົງ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງການຄ້າ ແລະ ອຸດສາຫະກຳ ສິງກະໂປ ໄດ້ປະກາດແຜນການດຳເນີນໂຄງການທຶນຊ່ວຍເຫຼືອເພື່ອການປັບຕົວທາງທຸລະກິດ (Business Adaptation Grant) ພາຍໃນເດືອນຕຸລາ 2025 ນີ້ ເພື່ອຊ່ວຍໃຫ້ບັນດາວິສາຫະກິດທີ່ມີເງື່ອນໄຂປັບຕົວເຂົ້າກັບການປ່ຽນແປງຂອງອັດຕາພາສີ.

ສັນຍາຍົກເວັ້ນວີຊາ ລະຫວ່າງຈີນ ແລະ ມາເລເຊຍ ຈະມີຜົນບັງຄັບໃຊ້ໃນວັນທີ 17 ກໍລະກົດນີ້

11/07/2025 11:13

ຂ່າວສານຊີອາໄອລາຍງານ ໃນວັນທີ 11 ກໍລະກົດນີ້ວ່າ: ສັນຍາວ່າດ້ວຍການຍົກເວັ້ນວີຊາຕໍ່ຜູ້ຖືໜັງສືຜ່ານແດນທາງລັດຖະການ ແລະ ໜັງສືຜ່ານແດນທົ່ວໄປຂອງກັນ ລະຫວ່າງ ລັດຖະບານສາທາລະນະລັດ ປະຊາຊົນຈີນ ແລະ ລັດຖະບານມາເລເຊຍ ຈະມີຜົນບັງຄັບໃຊ້ເລີ່ມແຕ່ວັນທີ 17 ກໍລະກົດນີ້ເປັນຕົ້ນໄປ.

ຫວຽດນາມ ສະເໜີ 3 ການກຳນົດທິດຈຸດສຸມໃຫ້ແກ່ອາຊຽນ

11/07/2025 11:12

ວິທະຍຸກະຈາຍສຽງຫວຽດນາມລາຍງານວ່າ: ໃນຂອບເຂດບັນດາການເຄື່ອນໄຫວຂອງຄະນະຜູ້ແທນຫວຽດ ນາມ ໃນກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 58 (AMM-58) ທີ່ຈັດຂຶ້ນຫວ່າງມໍ່ໆມານີ້, ທ່ານ ບຸຍແທັງເຊີນ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ຫວຽດນາມ ໄດ້ເຂົ້າຮ່ວມພິທີເປີດ ແລະ ເຂົ້າຮ່ວມກອງປະຊຸມຄົບຄະນະ AMM-58 ຢູ່ສູນກອງປະຊຸມກົວລາລຳເປີ (Kuala Lumpur) ປະເທດມາເລເຊຍ.

ກອງປະຊຸມລະດັບລັດຖະມົນຕີການສົນທະນາລະຫວ່າງອະລິຍະທຳໂລກໄຂຂຶ້ນຢູ່ປັກກິ່ງ

10/07/2025 18:31

ວັນທີ 10 ກໍລະກົດນີ້, ກອງປະຊຸມລະດັບລັດຖະມົນຕີການສົນທະນາລະຫວ່າງອະລິຍະທຳໂລກ ໄດ້ໄຂຂຶ້ນຢູ່ນະຄອນຫຼວງປັກກິ່ງຂອງຈີນ.

ພັກກອມມູນິດຫວຽດນາມ ວາງບາງທິດທາງ ໜ້າທີ່ຕົ້ນຕໍໃນຕໍ່ໜ້າ

10/07/2025 15:30

ພັກກອມມູນິດຫວຽດນາມ ໄດ້ສືບຕໍ່ຢຶດໝັ້ນຢ່າງແນວແນ່ປົກປັກຮັກສາຄວາມເປັນເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນໃນສາຍສຳພັນອັນແໜ້ນແຟ້ນກັບການຮັກສາຄວາມເປັນສັນຕິພາບ, ສະຖຽນລະພາບ ເພື່ອພັດທະນາປະເທດຊາດ. ຢືດໝັ້ນຄວາມເປັນເອກະລາດ, ຄວາມເປັນ ເຈົ້າ; ຮັກສາອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ, ພ້ອມດຽວກັນນັ້ນຕ້ອງການປົກປັກຮັກສາສະພາບແວດລ້ອມສັນຕິພາບ, ຄວາມໝັ້ນຄົງ ແລະ ຂໍ້ສະດວກໃຫ້ແກ່ການພັດທະນາປະເທດຊາດ.

ໄພນ້ຳຖ້ວມຢູ່ລັດເທັກຊັສ ເຮັດໃຫ້ມີຜູ້ເສຍຊີວິດ 111 ຄົນ ແລະ ຫາຍສາບສູນ 172 ຄົນ

10/07/2025 13:38

ຂ່າວສານຊີອາໄອລາຍງານວ່າ: ນັບມາຮອດວັນທີ 8 ກໍລະກົດ ຜ່ານມານີ້, ໄພນ້ຳຖ້ວມທີ່ເກີດຂຶ້ນຢູ່ລັດເທັກຊັສຂອງ ສະຫະລັດ ອາເມຣິກາ ໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍ 111 ຄົນ, ນອກນີ້ຍັງມີຜູ້ຫາຍສາບສູນ 172 ຄົນ.

ອິນໂດເນເຊຍ ລົງນາມຂໍ້ຕົກລົງດ້ານພະລັງງານ - ທັນຍາພືດ ກັບ ສະຫະລັດ ອາເມຣິກາ

10/07/2025 13:37

ຂ່າວຕ່າງປະເທດລາຍງານໃນວັນທີ 9 ກໍລະກົດ ຜ່ານມາວ່າ: ບໍລິສັດນ້ຳມັນແຫ່ງລັດ ແລະ ບໍລິສັດກະສິກຳ ຂອງອິນໂດເນເຊຍ ໄດ້ລົງນາມໃນຂໍ້ຕົກລົງເພື່ອເພີ່ມການຊື້ພະລັງງານ ແລະ ຜະລິດຕະພັນກະສິກຳ ຂອງ ສະຫະລັດ ອາເມລິກາ ເພື່ອຫຼີກເວັ້ນຜົນກະທົບຈາກການປະກາດເກັບພາສີນຳເຂົ້າ 32% ຂອງ ທ່ານ ໂດໂນ ທຣໍາ ປະທານາທິບໍດີ ສະຫະລັດ ອາເມຣິກາ.

ເພີ່ມເຕີມ