ດ້ານວິສາຫະກິດທີ່ເຮັດທຸລະກິດການຜະລິດ, ບໍ່ວ່າຈະຢູ່ຕ່າງປະເທດ ຫຼື ໃນສິງກະໂປ ສາມາດໄດ້ຮັບການສະໜັບສະໜູນດ້ານຄ່າໃຊ້ຈ່າຍ ຊຶ່ງກວມເອົາຄ່າໃຊ້ຈ່າຍໃນການຂົນສົ່ງ ແລະ ການຈັດເກັບສິນຄ້າໃນສາງ.
ທັງນີ້, ການປະກາດດັ່ງກ່າວໄດ້ມີຂຶ້ນໃນການຖະແຫຼງຂ່າວກ່ຽວກັບຄວາມຄືບໜ້າລ້າສຸດຂອງຄະນະປະຕິບັດງານເພື່ອຄວາມເຂັ້ນແຂງທາງເສດຖະກິດຂອງສິງກະໂປ ຊຶ່ງເປັນອົງການທີ່ສ້າງຕັ້ງຂຶ້ນໃນເດືອນເມສາຜ່ານມາ ເພື່ອຊ່ວຍເຫຼືອທຸລະກິດ ແລະ ແຮງງານ ທ່າມກາງຄວາມບໍ່ແນ່ນອນທີ່ເກີດຈາກອັດຕາພາສີຂອງສະຫະລັດ ອາເມຣິກາ.
ນອກຈາກນີ້, ສິງກະໂປຍັງຈະດໍາເນີນມາດຕະການເພີ່ມເຕີມອື່ນໆ, ລວມທັງການຂະຫຍາຍການເຂົ້າເຖິງການບໍລິການໃຫ້ຄໍາປຶກສາດ້ານອາຊີບ ແລະ ການສະໜັບສະໜູນທຶນຊົ່ວຄາວສໍາລັບການຮັບຮອງມາດຕະຖານຊັບພະຍາກອນມະນຸດຂັ້ນພື້ນຖານ.
ທ່ານ ກັນຄິມຢົງ ກ່າວເຕືອນວ່າ: ອັດຕາພາສີຂອງ ສະຫະລັດ ອາເມຣິກາ ຮອບລ້າສຸດນີ້ຈະເຮັດໃຫ້ຄວາມບໍ່ແນ່ນອນລະດັບໂລກ ແລະ ສິ່ງທ້າທາຍຕໍ່ເສດຖະກິດທົ່ວໂລກຍັງຄົງຢູ່ ຊຶ່ງສົ່ງຜົນກະທົບຕໍ່ການຄ້າ ແລະ ການເຕີບໂຕຂອງເສດຖະກິດຕື່ມອີກ.
ຄໍາເຫັນ