ທ່ານປະທານາທິບໍດີ ຕີມໍແລັດສະເຕ, ທ່ານ ກາວກິມຮຸນ ເລຂາທິການໃຫຍ່ອາຊຽນ, ທ່ານສະເຫຼີມໄຊ ກົມມະສິດຮອງນາຍົກລັດຖະມົນຕີລາວ, ພ້ອມກັບເຈົ້າໜ້າທີ່ລັດຖະບານ, ບັນດາເອກອັກຄະລັດຖະທູດ, ອົງການການຕ່າງປະເທດ, ວິສາຫະກິດ, ບັນດານັກຮຽນຮູ້ແຖວໜ້າພາກພື້ນອາຊຽນ, ບັນດາປະເທດຄູ່ຮ່ວມມື ແລະ ສາກົນ ເຂົ້າຮ່ວມເປັນຈຳນວນຫຼາຍ.
ກ່າວຄຳເຫັນເປີດເວທີປາໄສ, ທ່ານ ຟ້າມມິງຈິງ ເນັ້ນໜັກເຖິງການປຶກສາຫາລືກ່ຽວກັບອະນາຄົດ ແລະ ການກຳນົດທິດໃຫ້ແກ່ອະນາຄົດຂອງອາຊຽນພວມກາຍເປັນສິ່ງທີ່ຈຳເປັນ ແລະ ຮີບດ່ວນກວ່າເວລາໃດໝົດ. ໂລກພວມຢືນຢູ່ຕໍ່ໜ້າບັນດາບາດລ້ຽວໃຫຍ່, ຮຽກຮ້ອງອາຊຽນຕ້ອງມີຈິນຕະນາການ, ວິທີການສຳຜັດໃໝ່, ມີລັກສະນະທົ່ວໂລກ, ທົ່ວປວງຊົນ, ຮອບດ້ານ, ເພື່ອຜົນປະໂຫຍດທີ່ຍາວນານ. ດ້ວຍພື້ນຖານແມ່ນອາຊຽນທີ່ມີຄວາມເຫັນດີເຫັນພ້ອມ, ສາມັກຄີ, ບັນດາສິ່ງທ້າທາຍໃນປັດຈຸບັນແມ່ນໂອກາດເພື່ອໃຫ້ອາຊຽນກ້າວກະໂດດຂັ້ນ ແລະ ບືນຕົວຂຶ້ນ.
ປັດຈຸບັນອາຊຽນແມ່ນຂົວເຊື່ອມຕໍ່ຂອງການສົນທະນາ, ການຮ່ວມມືເພື່ອສັນຕິພາບ ແລະ ພັດທະນາໃນພາກພື້ນ, ແມ່ນໃຈກາງຂອງວິວັດການເຊື່ອມຕໍ່ພາກພື້ນ ແລະ ທົ່ວໂລກ. ໃນສະພາບການໃໝ່, ອາຊຽນບໍ່ພຽງແຕ່ຕ້ອງມີຄວາມສາມັກຄີ, ເປັນເອກະພາບ, ຮ່ວມແຮງຮ່ວມໃຈເທົ່ານັ້ນ ຫາກຍັງຕ້ອງມີຈິນຕະນາການບຸກທະລຸ, ຍຸດທະສາດແຫຼມຄົມ, ມີເສັ້ນທາງກ້າວເດີນເປັນໄປໄດ້, ສຸມແຫຼ່ງກຳລັງ ແລະ ມີການກະທຳຢ່າງຂ້ຽວຂາດ.
ຄໍາເຫັນ