ມີຄວາມເຊື່ອໝັ້ນຕໍ່ການນໍາພາຂອງພັກ, ມີສະຕິຕໍ່ກົນອຸບາຍຂອງອິດທິກໍາລັງປໍລະປັກ, ມີສະຕິຕໍ່ການຈັດຕັ້ງ, ມີຄວາມສາມັກຄີຊ່ວຍເຫຼືອຊຶ່ງກັນ ແລະ ກັນ, ຕັ້ງໜ້າເຄື່ອນໄຫວວຽກງານວິຊາສະເພາະຂອງຕົນດ້ວຍຄວາມຮັບຜິດຊອບສູງ; ເອົາໃຈໃສ່ຫັນລົງຊຸກຍູ້ການເຄື່ອນໄຫວວຽກງານສະຫະພັນນັກຮົບເກົ່າຢູ່ທ້ອງຖິ່ນ ຕິດພັນກັບການສຶກສາອົບຮົມການເມືອງ-ແນວຄິດໃຫ້ພະນັກງານ-ລັດຖະກອນ, ສະມາຊິກນັກຮົບເກົ່າໃຫ້ມີຄວາມຫ້າວຫັນໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ແຜນພັດທະນາເສດຖະກິດແຫ່ງຊາດ 5 ປີເທື່ອທີIX ຕິດພັນກັບການຈັດຕັ້ງປະຕິບັດສອງວາລະແຫ່ງຊາດ, ມະຕິກອງປະຊຸມໃຫຍ່ຜູ້ແທນນັກຮົບເກົ່າທົ່ວປະເທດ ຄັ້ງທີ IV ແລະ ນໍາເອົາບັນດາແຜນງານ, ໂຄງການຂອງສນຫລ ມາຜັນຂະຫຍາຍເປັນວຽກອັນລະອຽດ ແລະ ມີຜົນສໍາເລັດແຕ່ລະດ້ານ.
ຄະນະບໍລິຫານງານທຸກຂັ້ນໄດ້ຖືສຳຄັນວຽກງານສຶກສາອົບຮົມການເມືອງ-ນຳພາແນວຄິດຕໍ່ຖັນແຖວພະນັກງານ-ລັດຖະກອນເປັນກົກໂດຍສຸມໃສ່ການຈັດຕັ້ງເຜີຍແຜ່ເຊື່ອມຊຶມກຳແໜ້ນແນວທາງນະໂຍບາຍຂອງພັກ,ກົດໝາຍຂອງລັດ,ມະຕິ, ຄໍາສັ່ງຕ່າງໆ,ຈັດຕັ້ງປາຖະກະຖາວັນສ້າງຕັ້ງ ສນຫລ ຄົບຮອບ 21 ປີຢູ່ບັນດາກະຊວງ, ອົງການຂັ້ນສູນກາງ 25 ຄັ້ງ, ມີຄົນເຂົ້າຮ່ວມ 3.351 ເທື່ອຄົນ, ຈັດຕັ້ງປາຖະກະຖາວັນສໍາຄັນຂອງຊາດໄດ້ 31 ຄັ້ງ, ມີຄົນເຂົ້າຮ່ວມ 3.293 ຄົນ ຍິງ 1.512 ຄົນ, ແຈກຢາຍໜັງສືພິມ-ວາລະສານໃຫ້ສະຫະພັນນັກຮົບເກົ່ານະຄອນຫຼວງແລະ ບັນດາແຂວງທົ່ວປະເທດ, ໜັງສືພິມໄດ້ 5.400 ສະບັບ, ວາລະສານໄດ້ 1.800 ສະບັບ, ແຈກຢາຍໜັງສືພິມຢູ່ ສນຫລໄດ້ 385 ສະບັບ, ວາລະສານ 140 ສະບັບ, ແຈກຢາຍໜັງສືພິມວຽງຈັນໃໝ່ໄດ້ 1.275 ສະບັບ, ປະຊາຊົນໄດ້ 1.785 ສະບັບ, ຂ່າວຄົ້ນຄວ້າໄດ້ 2.295 ສະບັບ, ກອງທັບໄດ້ 1.920 ສະບັບ. ໃນນັ້ນ, ພາຍໃຕ້ການຊີ້ນຳ-ນຳພາຂອງຄະນະບໍລິຫານງານພັກ, ຄະນະປະທານ ສນຫລ, ກົມຈັດຕັ້ງ-ພະນັກງານ ໄດ້ສົມທົບກັບບັນດາກົມ, ຫ້ອງການກໍານົດຕໍາແໜ່ງງານ, ປັບປຸງພາລະບົດບາດ ແລະ ແບບແຜນວິທີເຮັດວຽກຂອງບັນດາກົມຫ້ອງການໄດ້ສຳເລັດແລ້ວຕາມລະດັບຄາດໝາຍ;ສນຫລ ປະກອບມີ3ກົມ, 1ຫ້ອງການ, 18 ພະແນກຂຶ້ນກັບ. ພ້ອມນັ້ນ,ໄດ້ສໍາເລັດໜັງສືຢັ້ງຢືນຮັບຮອງຂໍ້ຕົກລົງວ່າດ້ວຍການຈັດຕັ້ງແລະການເຄື່ອນໄຫວຂອງສະຫະພັນນັກຮົບເກົ່າຂັ້ນແຂວງ 2 ພາກສ່ວນ, ຕິດຕາມ,ຊຸກຍູ້ສະຫະພັນນັກຮົບເກົ່າຂັ້ນທ້ອງຖິ່ນສ້າງມະຕິຕົກລົງວ່າດ້ວຍການຈັດຕັ້ງແລະການເຄື່ອນໄຫວຂອງສະຫະພັນນັກຮົບເກົ່າແຂວງ (ສນຂ)-ສະຫະພັນນັກຮົບເກົ່ານະຄອນຫຼວງວຽງຈັນ (ສນວ),ສະຫະພັນນັກຮົບເກົ່າເມືອງສໍາເລັດ 16 ແຂວງແລະ 59 ເມືອງ, ການກໍານົດຕໍາແໜ່ງງານສໍາເລັດ 4 ແຂວງແລະ 3 ເມືອງ; ດ້ານກົງຈັກການຈັດຕັ້ງຢູ່ສນຂໄດ້ສໍາເລັດການໂຮມຂະແໜງຈາກ 4 ຂະແໜງເຫຼືອ 3 ຂະແໜງຕາມຂໍ້ກໍານົດເລກທີ 15/ສນຫລສໍາເລັດຈໍານວນ 16 ແຂວງ, ສນວຮັກສາໄວ້ 4 ຂະແໜງຄືເກົ່າແລະການໂຮມໜ່ວຍງານຂັ້ນເມືອງຈາກ 4 ໜ່ວຍງານເຫຼືອ 2 ໜ່ວຍງານສໍາເລັດ 136 ເມືອງ.ສໍາລັບການດໍາເນີນກອງປະຊຸມໃຫຍ່ຂອງໜ່ວຍສະຫະພັນນັກຮົບເກົ່າຄັ້ງທີV ໄດ້ສໍາເລັດຈໍານວນ1.616 ໜ່ວຍກວມ92% ຂອງໜ່ວຍສະຫະພັນນັກຮົບເກົ່າທັງໝົດໃນທົ່ວປະເທດ.ໃນນັ້ນ, ໄດ້ສໍາເລັດການຂໍກວດຜ່ານແລະອະນຸມັດຮັບຮອງບັນຊີຈໍານວນພົນ, ຊັ້ນ-ຂັ້ນເງິນເດືອນແລະອຸດໜູນຕ່າງໆຂອງພະນັກງານ-ລັດຖະກອນສນຫລງວດI-IV ປີ 2023 ຈາກກະຊວງພາຍໃນ ມີພະນັກງານບໍານານປະຈໍາການໄດ້ຮັບເງິນ 70% ມີ 12 ທ່ານ, ດັດແກ້ຊັ້ນ-ຂັ້ນເງິນເດືອນຕາມໃບປະກາດ 2 ທ່ານ, ເລື່ອນຊັ້ນ-ຂັ້ນເງິນເດືອນປົກກະຕິິ 57 ທ່ານ ຍິງ 28 ທ່ານ, ເລື່ອນປີການ 96 ທ່ານ ຍິງ 46 ທ່ານ, ເລື່ອນລັດຖະກອນຝຶກງານ 95% ຂຶ້ນເປັນລັດຖະກອນສົມບູນ 2 ທ່ານ, ໄດ້ຮັບອຸດໜູນຕໍາແໜ່ງ 65 ທ່ານ, ອຸດໜູນວິຊາຊີບ 5 ທ່ານ, ອຸດໜູນສະມາຊິກສະພາ 1 ທ່ານແລະ ອຸດໜູນອື່ນໆຕາມລະບຽບການ, ແຈ້ງເພີ່ມລັດຖະກອນໃໝ່ຮັບເງິນເດືອນ 95% ມີ 1 ທ່ານ, ແຈ້ງຫຼຸດລັດຖະກອນລາອອກແລະຍົກຍ້າຍ 3 ທ່ານ, ພະນັກງານທີ່ຮອດອາຍຸກະສຽນຮັບບໍານານສືບຕໍ່ປະຕິບັດໜ້າທີ່ 2 ທ່ານ; ສໍາເລັດການຂໍອະນຸມັດເລື່ອນຊັ້ນໃຫ້ນາຍທະຫານທີ່ປະຈໍາການຢູ່ສະຫະພັນນັກຮົບເກົ່ານໍາກະຊວງປ້ອງກັນປະເທດຈໍານວນ7 ທ່ານ, ຢູ່ຂັ້ນສູນກາງ4 ທ່ານ ຍິງ2 ທ່ານ (ຊັ້ນຮອ 1 ທ່ານ, ພັຕ 1 ທ່ານ, ພັທ 1 ທ່ານ, ພັອ 1 ທ່ານ), ຢູ່ສະຫະພັນນັກຮົບເກົ່າຂັ້ນທ້ອງຖິ່ນ 3 ທ່ານ (ຊັ້ນພັທ); ສໍາເລັດວຽກງານປະເມີນຜົນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນປະຈໍາປີ 2022 ພະນັກງານ-ລັດຖະກອນມີເງື່ອນໄຂເຂົ້າຮ່ວມການປະເມີນທັງໝົດ 95 ທ່ານ ຍິງ 45 ທ່ານ, ຈັດຢູ່ປະເພດດີ 95 ທ່ານ ຍິງ 45 ທ່ານ.
ນອກນັ້ນ,ໄດ້ສໍາເລັດກອງປະຊຸມເປີດຂະບວນການແຂ່ງຂັນ-ຍ້ອງຍໍ, ຮັກຊາດແລະພັດທະນາຢູ່ ສນຫລແຕ່ປີ 2021-2025; ສໍາເລັດການຄົ້ນຄວ້ານໍາສະເໜີມອບໃບຍ້ອງຍໍຂອງປະທານໃຫ້ສນຂ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງສນຫລຄົບຮອບ 20 ປີຈໍານວນ 593 ໃບ, ບຸກຄົນ 556 ໃບແລະ 37 ກົມກອງ; ສະເໜີຍ້ອງຍໍພາກສ່ວນອຸປະຖໍາບັ້ນກອງປະຊຸມຄົບຄະນະບໍລິຫານງານສນຫລສະໄໝທີIV, ຄັ້ງທີ 1 ຈໍານວນ 17 ພາກສ່ວນມີໃບຍ້ອງຍໍປະທານ 12 ໃບແລະໃບສົມມະນາຄຸນ 5 ໃບ ພ້ອມນໍາສະເໜີຂໍອະນຸມັດການຍ້ອງຍໍຜົນງານ 5 ປີ (2019-2024) ນໍາກົມນະໂຍບາຍກົມໃຫຍ່ການເມືອງກອງທັບໃຫ້ນາຍທະຫານທີ່ມາປະຈໍາການຢູ່ສນຫລ 6 ທ່ານເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ; ສໍາເລັດການຄົ້ນຄວ້ານໍາສະເໜີມອບໃບຍ້ອງຍໍ 3 ດີ, 6 ຮັກສາໃຫ້ບຸກຄົນແລະກົມກອງທີ່ໄດ້ຮັບໃບຢັ້ງຢືນ 3 ປີຊ້ອນຈໍານວນ 4 ແຂວງທັງໝົດ 3.118 ໃບ ລວມມີບຸກຄົນ 3.078 ທ່ານ ຍິງ 445 ທ່ານແລະ 40 ກົມກອງ,ໄດ້ສ້າງແຜນການເຄື່ອນໄຫວຂອງກົມຈັດຕັ້ງ-ພະນັກງານໃນໂອກາດສະເຫຼີມສະຫຼອງວັນສ້າງຕັ້ງກອງທັບຄົບຮອບ 75 ປີ (1949-2024).
ຄໍາເຫັນ