ມີທ່ານ ຖະໜອມ ທຳທອງປະທານແນວລາວສ້າງຊາດ ນະຄອນຫຼວງວຽງຈັນ, ພະອາຈານ ພົງສະຫວັນ ອະນຸສິນ ກໍາມະການສູນກາງແນວລາວສ້າງຊາດປະທານມູນນິທິຊ່ວຍເຫຼືອຄົນທຸກຍາກ ສາຂານະຄອນຫຼວງວຽງຈັນ, ທ່ານ ນາງ ແກ້ວມະນີວອນ ພາລິຂັນ ກໍາມະການສູນກາງແນວລາສ້າງຊາດ ທີ່ປຶກສາວຽກງານຂົນຂວາຍປະຊາຊົນ ສນຊ ປະທານສະມາຄົມຄຸນຄ້າລາວ, ທ່ານ ຄຳຫຼ້າ ວິນໄລທອງ ກໍາມະການສູນກາງແນວລາວສ້າງຊາດ, ຫົວໜ້າຄະນະທີ່ປຶກສາວຽກງານຊົນເຜົ່າ ສນຊ, ທ່ານ ສຸລິປັນຍາ ຣາຊສົມບັດ ຫົວໜ້າກົມຈັດຕັ້ງ-ພະນັກງານ ສນຊ ພ້ອມດ້ວຍພາກສ່ວນທີ່ກ່ຽວຂ້ອງໄດ້ລົງຊຸກຍູ້ຕິດຕາມສະພາບນໍ້າຂອງ ຢູ່ລຽບແຄມແມ່ນໍ້າຂອງເຊັ່ນ: ເມືອງສີສັດຕະນາກ, ເມືອງສີໂຄດຕະບອງ ແລະ ເມືອງຫາດຊາຍຟອງ ນະຄອນຫຼວງວຽງຈັນ.

ການລົງຕິດຕາມຄັ້ງນີ້, ທ່ານຮອງປະທານ ສນຊ ຍັງໄດ້ລະດົມວັດຖຸ-ປັດໄຈ ຈາກ ພະອາຈານພົງສະຫວັນ ອະນຸສິນ ໄດ້ປະກອບສ່ວນກະສອບຊາຍ 4.000 ໜ່ວຍ, ມູນຄ່າ 14 ລ້ານ, ສະມາຄົມຄຸນຄ່າລາວປະກອບສ່ວນ ເຂົ້າປາ-ອາຫານ ຈໍານວນ 300 ກ່ອງ ມູນຄ່າ 9 ລ້ານກີບ,ມອບ200 ກ່ອງ ໃຫ້ເຂດຫຼັກ 4 ແລະ 100 ກ່ອງ ມອບຢູ່ເຂດບ້ານ ສິມມະໂນເມືອງຫາດຊາຍຟອງ. ສ່ວນກະສອບຊາຍ 4.000ໜ່ວຍ ມອບໃຫ້ເຈົ້າເມືອງ ຫາດຊາຍຟອງທີ່ຈຸດສິມມະໂນ.

ການລົງຕິດຕາມສະພາບນໍ້າຖ້ວມໃນຄັ້ງນີ້, ສະແດງເຖິງຄວາມເປັນຫ່ວງເປັນໃຍ ຂອງພັກ-ລັດ ກໍຄືຄະນະປະຈໍາສູນກາງແນວລາວສ້າງຊາດ ຕໍ່ກັບຊີວິດການເປັນຢູ່ ແລະ ຄວາມປອດໄພຂອງປະຊາຊົນ ເພື່ອເປັນກຳລັງໃຈໃຫ້ ທຸກພາກສ່ວນທີ່ເປັນກຳລັງແຮງໃນການຕ້ານໄພພິບັດນໍ້າຖ້ວມຢູ່ນະຄອນຫຼວງວຽງຈັນ.

(ຂ່າວ-ພາບ:ສນຊ)