ສະຖາບັນວິທະຍາສາດເສດຖະກິດ ແລະ ສັງຄົມ ແຫ່ງຊາດ(ສວສສຊ)ໄດ້ຈັດກອງປະຊຸມຝຶກອົບຮົມວຽກງານພົວພັນຕ່າງປະເທດຂຶ້ນໃນວັນທີ 14 ມີນານີ້ ທີ່ຫ້ອງປະຊຸມ ຂອງສະຖາບັນດັ່ງກ່າວ, ພາຍໃຕ້ການເປັນປະທານຂອງທ່ານ ນາງ ຂັນລາສີ ແກ້ວບຸນພັນຮອງປະທານສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ, ມີບັນດາທ່ານຫົວໜ້າ ແລະ ຮອງຫົວໜ້າ ຫ້ອງການ, ກົມ, ສະຖາບັນຄົ້ນຄວ້າ ແລະ ສູນ ພາຍໃນ ສວສສຊ ແລະ ວິທະຍາກອນ ຈາກກະຊວງການຕ່າງປະເທດ, ພ້ອມດ້ວຍພະນັກງານ- ລັດຖະກອນ ເຂົ້າຮ່ວມ.
ໃນນັ້ນ, ທ່ານ ວັນດີ ພຸດສະດີຮອງຫົວໜ້າຫ້ອງການກະຊວງການຕ່າງປະເທດ ໄດ້ນໍາສະເໜີກ່ຽວກັບ ນະໂຍບາຍການຕ່າງປະເທດຂອງ ສປປ ລາວ ໃນໄລຍະໃໝ່ ຕາມແນວທາງການຕ່າງປະເທດ ສັນຕິພາບ ເອກະລາດ ມິດຕະພາບ ແລະ ການຮ່ວມມື ຢ່າງສະເໝີຕົ້ນສະເໝີປາຍ ແລະ ປະຕິບັດນະໂຍບາຍ ເປີດກວ້າງການພົວພັນຮ່ວມມືແບບຫຼາຍທິດ, ຫຼາຍຝ່າຍ ແລະ ຫຼາຍຮູບແບບ ຕາມທິດນໍາ “ເພີ່ມມິດຫຼຸດຜ່ອນສັດຕູ” ແລະ ໄດ້ຍົກໃຫ້ເຫັນວຽກງານວິຊາສະເພາະທາງການທູດດ້ານຕ່າງໆ ເປັນຕົ້ນ: ຄວາມຮູ້ພື້ນຖານກ່ຽວກັບພິທີການທູດ, ວຽກງານການພົວພັນຕ່າງປະເທດ ທັງສອງຝ່າຍ ແລະ ຫຼາຍຝ່າຍ, ວຽກງານການທູດທາງດ້ານເສດຖະກິດ, ວັດທະນາທຳ, ສັງຄົມ, ຄຸນສົມບັດສິນທຳປະຕິວັດ ຂອງພະນັກງານການທູດ. ພ້ອມທັງໄດ້ແລກປ່ຽນບົດຮຽນການເຄື່ອນໄຫວວຽກງານການທູດທີ່ຈໍາເປັນຕາມຄວາມຮຽກຮ້ອງຕ້ອງການວຽກງານໃນໄລຍະໃໝ່ ແລະ ວຽກງານອື່ນໆທີ່ຕິດພັນກັບວຽກງານ ພົວພັນຕ່າງປະເທດ ທີ່ມີຄວາມສໍາຄັນ ແລະ ຈຳເປັນ ສຳລັບນັກພົວພັນຕ່າງປະເທດ ແລະ ນັກການທູດ ເພື່ອສາມາດນໍາເອົາບົດຮຽນດັ່ງກ່າວ ໄປຜັນຂະຫຍາຍ ເຂົ້າໃນການເຄື່ອນໄຫວວຽກງານຢູ່ພາຍໃນ ສວສສຊ ໃຫ້ປະສົບຜົນສຳເລັດ ແລະ ສາມາດຍາດໄດ້ຜົນປະໂຫຍດສູງສຸດມາໃຫ້ແກ່ ປະເທດຊາດ.
ໂອກາດດັ່ງກ່າວ, ທ່ານ ນາງ ຂັນລາສີ ແກ້ວບຸນພັນໄດ້ເນັ້ນວ່າ: “ວຽກງານພົວພັນຕ່າງປະເທດ ແລະ ການທູດ” ເປັນດ່ານນຳໜ້າໃນການພົບປະແລກປ່ຽນສາຍສຳພັນກັບເພື່ອນມິດທົ່ວໂລກ, ເປັນວຽກງານໜຶ່ງທີ່ສໍາຄັນ, ສັບຊ້ອນ, ລະອຽດອ່ອນ, ມີວິທະຍາສາດ ແຕ່ເຕັມໄປດ້ວຍຮູບແບບລັກສະນະສິລະປະ, ເພື່ອຮັບປະກັນ ສັນຕິພາບ, ເອກກະລາດ, ມິດຕະພາບ ແລະ ການຮ່ວມມື ແບບຕ່າງຝ່າຍຕ່າງໄດ້ຮັບຜົນປະໂຫຍດ. ຕ້ອງເຊື່ອມຊຶມ ແລະ ຢຶດໝັ້ນ ໃນແນວທາງການຕ່າງປະເທດຂອງ ສປປ ລາວ ເພື່ອນໍາມາໝູນໃຊ້ເຂົ້າໃນວຽກງານຂອງຕົນ ແນໃສ່ຈັດຕັ້ງປະຕິບັດແນວທາງນະໂຍບາຍຂອງພັກ, ລັດ ໃຫ້ປະກົດຜົນເປັນຈິງ, ຕ້ອງຕັ້ງໜ້າຈັດຕັ້ງປະຕິບັດໜ້າທີ່ຂອງຕົນ ເພື່ອເຄື່ອນໄຫວເຜີຍແຜ່ ແຜນພັດທະນາເສດຖະກິດ - ສັງຄົມ ຂອງລັດຖະບານ ແຫ່ງ ສປປ ລາວ ຕໍ່ສາກົນ ແນໃສ່ຍາດແຍ່ງເອົາການຮ່ວມມື, ການຊ່ວຍເຫຼືອ ຈາກຕ່າງປະເທດ ໃຫ້ໄດ້ຫຼາຍທີ່ສຸດເທົ່າທີ່ຈະຫຼາຍໄດ້.
ທ່ານ ນາງ ຂັນລາສີ ແກ້ວບຸນພັນຍັງໄດ້ຮຽກຮ້ອງໃຫ້ບັນດາຜູ້ເຂົ້າຮ່ວມ ຈົ່ງພ້ອມກັນຄົ້ນຄວ້າ ແລະ ແລກປ່ຽນຄຳຄິດຄຳເຫັນຢ່າງກົງໄປກົງມາ ເພື່ອປັບປຸງ ແລະ ຍົກລະດັບວຽກງານດັ່ງກ່າວໃຫ້ມີປະສິດທິພາບດີຂຶ້ນກວ່າ.
(ຂ່າວ: ພອນສຸກ ຄໍາວັນທອງ-ພາບ: ແສງຈັນ)
ໃນນັ້ນ, ທ່ານ ວັນດີ ພຸດສະດີຮອງຫົວໜ້າຫ້ອງການກະຊວງການຕ່າງປະເທດ ໄດ້ນໍາສະເໜີກ່ຽວກັບ ນະໂຍບາຍການຕ່າງປະເທດຂອງ ສປປ ລາວ ໃນໄລຍະໃໝ່ ຕາມແນວທາງການຕ່າງປະເທດ ສັນຕິພາບ ເອກະລາດ ມິດຕະພາບ ແລະ ການຮ່ວມມື ຢ່າງສະເໝີຕົ້ນສະເໝີປາຍ ແລະ ປະຕິບັດນະໂຍບາຍ ເປີດກວ້າງການພົວພັນຮ່ວມມືແບບຫຼາຍທິດ, ຫຼາຍຝ່າຍ ແລະ ຫຼາຍຮູບແບບ ຕາມທິດນໍາ “ເພີ່ມມິດຫຼຸດຜ່ອນສັດຕູ” ແລະ ໄດ້ຍົກໃຫ້ເຫັນວຽກງານວິຊາສະເພາະທາງການທູດດ້ານຕ່າງໆ ເປັນຕົ້ນ: ຄວາມຮູ້ພື້ນຖານກ່ຽວກັບພິທີການທູດ, ວຽກງານການພົວພັນຕ່າງປະເທດ ທັງສອງຝ່າຍ ແລະ ຫຼາຍຝ່າຍ, ວຽກງານການທູດທາງດ້ານເສດຖະກິດ, ວັດທະນາທຳ, ສັງຄົມ, ຄຸນສົມບັດສິນທຳປະຕິວັດ ຂອງພະນັກງານການທູດ. ພ້ອມທັງໄດ້ແລກປ່ຽນບົດຮຽນການເຄື່ອນໄຫວວຽກງານການທູດທີ່ຈໍາເປັນຕາມຄວາມຮຽກຮ້ອງຕ້ອງການວຽກງານໃນໄລຍະໃໝ່ ແລະ ວຽກງານອື່ນໆທີ່ຕິດພັນກັບວຽກງານ ພົວພັນຕ່າງປະເທດ ທີ່ມີຄວາມສໍາຄັນ ແລະ ຈຳເປັນ ສຳລັບນັກພົວພັນຕ່າງປະເທດ ແລະ ນັກການທູດ ເພື່ອສາມາດນໍາເອົາບົດຮຽນດັ່ງກ່າວ ໄປຜັນຂະຫຍາຍ ເຂົ້າໃນການເຄື່ອນໄຫວວຽກງານຢູ່ພາຍໃນ ສວສສຊ ໃຫ້ປະສົບຜົນສຳເລັດ ແລະ ສາມາດຍາດໄດ້ຜົນປະໂຫຍດສູງສຸດມາໃຫ້ແກ່ ປະເທດຊາດ.
ໂອກາດດັ່ງກ່າວ, ທ່ານ ນາງ ຂັນລາສີ ແກ້ວບຸນພັນໄດ້ເນັ້ນວ່າ: “ວຽກງານພົວພັນຕ່າງປະເທດ ແລະ ການທູດ” ເປັນດ່ານນຳໜ້າໃນການພົບປະແລກປ່ຽນສາຍສຳພັນກັບເພື່ອນມິດທົ່ວໂລກ, ເປັນວຽກງານໜຶ່ງທີ່ສໍາຄັນ, ສັບຊ້ອນ, ລະອຽດອ່ອນ, ມີວິທະຍາສາດ ແຕ່ເຕັມໄປດ້ວຍຮູບແບບລັກສະນະສິລະປະ, ເພື່ອຮັບປະກັນ ສັນຕິພາບ, ເອກກະລາດ, ມິດຕະພາບ ແລະ ການຮ່ວມມື ແບບຕ່າງຝ່າຍຕ່າງໄດ້ຮັບຜົນປະໂຫຍດ. ຕ້ອງເຊື່ອມຊຶມ ແລະ ຢຶດໝັ້ນ ໃນແນວທາງການຕ່າງປະເທດຂອງ ສປປ ລາວ ເພື່ອນໍາມາໝູນໃຊ້ເຂົ້າໃນວຽກງານຂອງຕົນ ແນໃສ່ຈັດຕັ້ງປະຕິບັດແນວທາງນະໂຍບາຍຂອງພັກ, ລັດ ໃຫ້ປະກົດຜົນເປັນຈິງ, ຕ້ອງຕັ້ງໜ້າຈັດຕັ້ງປະຕິບັດໜ້າທີ່ຂອງຕົນ ເພື່ອເຄື່ອນໄຫວເຜີຍແຜ່ ແຜນພັດທະນາເສດຖະກິດ - ສັງຄົມ ຂອງລັດຖະບານ ແຫ່ງ ສປປ ລາວ ຕໍ່ສາກົນ ແນໃສ່ຍາດແຍ່ງເອົາການຮ່ວມມື, ການຊ່ວຍເຫຼືອ ຈາກຕ່າງປະເທດ ໃຫ້ໄດ້ຫຼາຍທີ່ສຸດເທົ່າທີ່ຈະຫຼາຍໄດ້.
ທ່ານ ນາງ ຂັນລາສີ ແກ້ວບຸນພັນຍັງໄດ້ຮຽກຮ້ອງໃຫ້ບັນດາຜູ້ເຂົ້າຮ່ວມ ຈົ່ງພ້ອມກັນຄົ້ນຄວ້າ ແລະ ແລກປ່ຽນຄຳຄິດຄຳເຫັນຢ່າງກົງໄປກົງມາ ເພື່ອປັບປຸງ ແລະ ຍົກລະດັບວຽກງານດັ່ງກ່າວໃຫ້ມີປະສິດທິພາບດີຂຶ້ນກວ່າ.
(ຂ່າວ: ພອນສຸກ ຄໍາວັນທອງ-ພາບ: ແສງຈັນ)
ຄໍາເຫັນ