ນຳໃຊ້ພະລັງງານສະອາດເຂົ້າໃນການພັດທະນາອຸດສາຫະກຳ

ສປປ ລາວ ເປັນປະເທດທີ່ມີທ່າແຮງໃນການພັດທະນາພະລັງງານສະອາດ

ສປປ ລາວ ເປັນປະເທດທີ່ມີທ່າແຮງໃນການພັດທະນາພະລັງງານສະອາດ
ໂດຍ: ບຸນອູ້ມ ສປປ ລາວ ມີຄວາມມຸ່ງຫວັງຈະນຳໃຊ້ພະລັງງານສະອາດເຂົ້າໃນການພັດທະນາອຸດສາຫະກຳ, ອຸດສາຫະກຳປຸງແຕ່ງ, ການດໍາລົງຊີວິດ ຊຸກດັນພະລັງງານສະອາດ

ເຂົ້າໃນບັນດາອາຊຽນເພື່ອໃຫ້ບັນລຸເປົ້າໝາຍດຽວກັນຄືການໃຊ້ພະລັງງານສະອາດຮ່ວມກັນ.

ໃນໂອກາດເຂົ້າຮ່ວມກອງປະຊຸມອາຊຽນດ້ານທຸລະກິດພະລັງງານຄັ້ງທີ 24 ທີ່ຈັດຂຶ້ນເມື່ອບໍ່ດົນມານີ້, ທ່ານ ສຸກວິສັນ ຄິນສະໝອນ ຮອງຫົວໜ້າກົມແຜນການ ແລະ ການຮ່ວມມື ກະຊວງພະລັງງານ ແລະ ບໍ່ແຮ່ (MEM) ກ່າວວ່າ: ສປປ ລາວ ເປັນປະເທດເຊື່ອມໂຍງ ແລະ ເຊື່ອມຈອດດ້ານພະລັງງານກັບປະເທດໃກ້ຄຽງ ແລະ ພາກພື້ນ, ສປປ ລາວ ເປັນປະເທດທີ່ມີທ່າແຮງໃນການພັດທະນາດ້ານພະລັງງານສະອາດຢ່າງຫຼວງຫຼາຍ ເປັນຕົ້ນແຫຼ່ງຜະລິດພະລັງງານຈາກເຂື່ອນໄຟຟ້ານໍ້າຕົກ, ໄຟຟ້າແສງຕາເວັນ ແລະ ພະລັງງານລົມ 90% ຂອງການນໍາໃຊ້ໄຟຟ້າຂອງ ສປປ ລາວ ແມ່ນມາຈາກພະລັງງານສະອາດ ແລະ ຍັງສົ່ງພະລັງງານສະອາດ 80% ໄປຍັງບັນດາປະເທດໃກ້ຄຽງ ລວມທັງພາກພື້ນ ມີການເຊື່ອມໂຍງສາຍສົ່ງຈາກ ສປປ ລາວ ໄປປະເທດໄທ, ມາເລເຊຍ ແລະ ສິງກາໂປ; ການຈັດເວທີເສວະນາໃນຄັ້ງນີ້ເປັນໂອກາດອັນດີ ທີ່ ສປປ ລາວ ຈະໄດ້ມີການສົ່ງເສີມພະລັງງານສະອາດທີ່ເປັນຈຸດໃຈກາງໃນການກ້າວໄປສູ່ການຫັນປ່ຽນພະລັງງານໃນອະນາຄົດ, ປັດຈຸບັນ ບັນດາປະເທດໃນໂລກໃຫ້ຄວາມສຳຄັນກັບການເປັນມິດກັບສິ່ງແວດລ້ອມ ແລະ ການຫັນໄປສູ່ທາງເລືອກໃໝ່ກໍຄືພະລັງງານສະອາດເຊັ່ນ: ດ້້ານຄົມມະນາຄົມຂົນສົ່ງ, ດ້ານການໃຊ້ໄຟຟ້າອຸດສາຫະກຳ, ການໃຊ້ຊີວິດ ທຸກສິ່ງຢ່າງທີ່ປິ່ນອ້ອມໃນຊີວິດ ພວກເຮົາລ້ວນແຕ່ມຸ່ງສູ່ພະລັງງານສະອາດ ເປັນມິດກັບສິ່ງແວດລ້ອມ, ຄວາມພະຍາຍາມ ແລະ ເປົ້າໝາຍຈະເກີດຂຶ້ນ ແລະ ຈະບໍ່ສາມາດປະສົບຜົນສຳເລັດໄດ້ ຖ້າພວກເຮົາບໍ່ຮ່ວມມືກັນເລີ່ມຈາກຈຸດນ້ອຍໆ ກໍຄືການຮ່ວມມືກັບບັນດາປະເທດໃກ້ຄຽງຈົນເຖິງພາກພື້ນເຊັ່ນອາຊຽນຂອງພວກເຮົາ ທີ່ມີເປົ້າໝາຍດຽວກັນກໍຄືການບັນລຸເປົ້າໝາຍການພັດທະນາພະລັງງານອາຊຽນ ຫຼື ການເຊື່ອມໂຍງພະລັງງານອາຊຽນ; ການທີ່ຈະບັນລຸເປົ້າໝາຍໄດ້ ບັນດາປະເທດອາຊຽນຕ້ອງຮ່ວມແຮງຮ່ວມໃຈກັນເປັນໜຶ່ງດຽວ ແລະ ມີເປົ້າໝາຍດຽວກັນໃນການໄປສູ່ການພັດທະນາພະລັງງານອາຊຽນຮ່ວມກັນ, ສໍາລັບ ສປປ ລາວ ມີຄວາມມຸ່ງຫວັງຈະນຳໃຊ້ພະລັງງານສະອາດເຂົ້າໃນການພັດທະນາອຸດສາຫະກຳ, ອຸດສາຫະກຳປຸງແຕ່ງ, ການດໍາລົງຊີວິດ ຊຸກດັນພະລັງງານສະອາດໃນບັນດາອາຊຽນເພື່ອໃຫ້ບັນລຸເປົ້າໝາຍດຽວກັນຄືການໃຊ້ພະລັງງານສະອາດຮ່ວມກັນ.

ທ່ານ ສຸກວິສັນ ຄິນສະໝອນ ໄດ້ກ່າວຕື່ມວ່າ: ການນຳພາ ສປປ ລາວ ໃນກອງປະຊຸມ ເວທີປືກສາຫາລືດ້ານທຸລະກິດ AEBF - 24 ເປັນເວທີໜຶ່ງທີ່ພວກເຮົາໄດ້ເຊີນຊວນບັນດາຄູ່ຮ່ວມພັດທະນາພະລັງງານເຊັ່ນ: ສະຖາບັນການສຶກ, ສາສະດາຈານຈາກມະຫາວິທະໄລທີ່ມີຊື່ສຽງ, ບັນດາຊ່ຽວຊານ ແລະ ບັນດາຜູ້ປະກອບການດ້ານພະລັງງານ ມາປຶກສາຫາລື, ສ່ວນຜົນປະໂຫຍດ ຂອງ ສປປ ລາວ ທີ່ຈະໄດ້ຮັບໃນເວທີປຶກສາຫາລືດ້ານທຸລະກິດພະລັງງານ ຄັ້ງທີ 24 (AEBF – 24) ຄັ້ງນີ້, ພວກເຮົາໄດ້ແລກປ່ຽນນະໂຍບາຍ ແລະ ນະວັດຕະກຳໃໝ່ຈາກບັນດາຜູ້ຊ່ຽວຊານດ້ານຕ່າງໆ ຊຶ່ງເປັນປະໂຫຍດທີ່ສຸດ ທີ່ ສປປ ລາວ ໃນການຈະນຳເອົາບັນດານະໂຍບາຍ ແລະ ແຜນງານຕ່າງໆ ລວມທັງຄວາມຄິດເຫັນຂອງບັນດາຊ່ຽວຊານສາກົນລ້ວນແລ້ວແຕ່ຜູ້ທີ່ມີຊົງຄຸນນະວຸດໃນການໃຫ້ຄວາມຮູ້ແກ່ ສປປ ລາວ ໃນການວາງນະໂຍບາຍເຊື່ອມໂຍງ, ເຊື່ຶຶອມຈອດ ດ້ານພະລັງງານກັບອາຊຽນ ລວມທັງການຄ້າຂາຍພະລັງງານຂ້າມແດນ ແລະ ເປັນຜົນປະໂຫຍດຕໍ່ການປະກອບສ່ວນຕໍ່ແຜນງານ ຫຼື ແຜນຍຸດທະສາດດ້ານພະລັງງານໃນອະນາຄົດ ຊຶ່ງປັດຈຸບັນ ພວກເຮົາກຳລັງຢູ່ໃນທ້າຍສະໄໝ ໃນການຈັດຕັ້ງປະຕິບັດແຜນງານຂອງແຜນພັດທະນາດ້ານພະລັງງານ 5 ປີ ແລະ ກຳລັງຮ່າງແຜນພັດທະນາດ້ານພະລັງງານ 5 ປີ ໃນຕໍ່ໜ້າ ຊຶ່ງປັດຈຸບັນພວກເຮົາກໍໄດ້ຮັບຄໍາຄິດເຫັນ ແລະ ຊີ້ນຳຈາກຊ່ຽວຊານພາຍໃນ ແລະ ຕ່າງປະເທດ ເພື່ອພັດທະນາພະລັງງານຂອງ ສປປ ລາວ ໃຫ້ເຊື່ອມຈອດກັບປະເທດອາຊຽນ ແລະ ພາກພື້ນ ໃຫ້ ສປປ ລາວ ກາຍເປັນປະເທດເຊື່ອມຈອດດ້ານພະລັງງານກັບພາກພື້ນ ແລະ ສາກົນ.

ຄໍາເຫັນ

ຂ່າວວັດທະນະທຳ-ສັງຄົມ

ຜູ້​ໄດ້​ຮັບ​ຜົນ​ກະ​ທົບ​ຈາກ​ໄພ​ພິ​ບັດຢູ່​ເມືອງ​ໄຊ​ບູ​ລີໄດ້​ຮັບ​ການ​ຊ່ວຍ​ເຫຼືອ

ຜູ້​ໄດ້​ຮັບ​ຜົນ​ກະ​ທົບ​ຈາກ​ໄພ​ພິ​ບັດຢູ່​ເມືອງ​ໄຊ​ບູ​ລີໄດ້​ຮັບ​ການ​ຊ່ວຍ​ເຫຼືອ

ໂຄງການບ້ານຊ່ວຍເຫຼືອເດັກນ້ອຍເອັສໂອເອັສ (SOS) ລາວ ຮ່ວມກັບ ກົມສັງຄົມສົງເຄາະ ກະຊວງແຮງງານ ແລະ ສະຫວັດດີສັງຄົມ ແລະ ພະແນກແຮງງານ ແລະ ສະຫວັດດີສັງຄົມແຂວງ ພ້ອມດ້ວຍອໍານາດການປົກຄອງທອງຖີ່ນ​ທີ່ກ່ຽວຂ້ອງໄດ້ມອບເຂົ້າສານຈໍານວນ 57 ໂຕນ ເພື່ອຊ່ວຍເຫຼືອປະຊາຊົນທີ່ຖືກຜົນກະທົບຈາກໄພພິບັດທາງທຳມະຊາດ ໃນໄລຍະເດືອນກໍລະກົດ ຫາ ສິງຫາ ປີ 2026 ຜ່ານມາເຊິ່ງມີຄອບຄົວທີ່ໄດ້ຮັບການຊ່ວຍເຫຼືອທັງໝົດ 516 ຄອບຄົວ ໃນ 8 ບ້ານເປົ້າໝາຍ, ເມືອງໄຊບູລີ ແຂວງສະຫັວນນະເຂດ, ລວມມູນຄ່າການຊ່ວຍເຫຼືອ ຈໍານວນ 1,322,850,050 ກີບ
ອັດຕະປື ເຜີຍແຜ່ຄວາມຮູ້ວຽກງານຕະຫຼາດທຶນ ແລະ ການລົງທຶນໃນຫຼັກຊັບ

ອັດຕະປື ເຜີຍແຜ່ຄວາມຮູ້ວຽກງານຕະຫຼາດທຶນ ແລະ ການລົງທຶນໃນຫຼັກຊັບ

ສຳນັກງານຄະນະກຳມະການຄຸ້ມຄອງຫຼັກຊັບ (ສຄຄຊ) ຮ່ວມກັບ ສຳນັກງານປົກຄອງແຂວງອັດຕະປື ໄດ້ຈັດກອງປະຊຸມໂຄສະນາເຜີຍແຜ່ຄວາມຮູ້ກ່ຽວກັບວຽກງານຕະຫຼາດທຶນ, ໃນ​ວັນ​ທີ 17 ພະ​ຈິກ​ນີ້ ທີ່ ແຂວງ​ອັດ​ຕະ​ປື, ໂດຍເຂົ້າຮ່ວມເປັນປະທານຂອງ ທ່ານ ລິດຄຳ ໂຮມອິນຕາ ຫົວໜ້າຫ້ອງວ່າການແຂວງ, ມີທ່ານ ປາດຖະໜາ ແກ້ວປະເສີດ ຫົວໜ້າພະແນກຝຶກອົບຮົມ ແລະ ໂຄສະນາເຜີຍແຜ່ ສຄຄຊ, ພ້ອມດ້ວຍຕາງໜ້າພະແນກການ, ແໜງການ, ສາຂາທະນາຄານ ແລະ ພະນັກງານວິຊາການເຂົ້າຮ່ວມ.
ລັດຖະມົນຕີ​ກະຊວງ​ ຍທຂເຄື່ອນ​ໄຫວ​ເຮັດ​ວຽກ​ ຢູ່ ແຂວງ​ຈຳ​ປາ​ສັກ

ລັດຖະມົນຕີ​ກະຊວງ​ ຍທຂເຄື່ອນ​ໄຫວ​ເຮັດ​ວຽກ​ ຢູ່ ແຂວງ​ຈຳ​ປາ​ສັກ

ທ່ານ​ ອາລຸນໄຊ ສູນນະລາດ ກຳມະການສູນກາງພັກ​ ເລຂາຄະນະບໍລິຫານງານພັກແຂວງຈໍາປາສັກ​ ໄດ້ຕ້ອນຮັບ​ ທ່ານ​ ເຫຼັກໄຫຼ ສີວິໄລ​ ກໍາມະການ​ສູນກາງພັກ​ ລັດຖະມົນຕີ​ກະຊວງໂຍທາທິການ​ ແລະ​ ຂົນສົ່ງ​ (ຍທຂ)​ ເຂົ້າພົບປະຢ້ຽມຢາມໃນວັນທີ​ 16​ ພະຈິກ​ 2026​ທີ່​ ສໍານັກງານ​ແຂວງ.
ກອງທຶນແມ່ນໍ້າຂອງ-ແມ່ນໍ້າລ້ານຊ້າງ ຊ່ວຍໃຫ້ຄອບຄົວເປົ້າໝາຍມີລາຍຮັບເພີ່ມຂື້ນ 14%

ກອງທຶນແມ່ນໍ້າຂອງ-ແມ່ນໍ້າລ້ານຊ້າງ ຊ່ວຍໃຫ້ຄອບຄົວເປົ້າໝາຍມີລາຍຮັບເພີ່ມຂື້ນ 14%

ກອງ​ທຶນ​ພິ​ເສດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງຊ່ວຍ​ໃຫ້​ປະ​ຊາ​ຊົນ​ຄອບ​ຄົວ​ເປົ້າ​ໝາຍຢູ່ 2 ບ້ານ​ຂອງ​ເມືອງ​ປາກ​ອູແຂວງຫຼວງ​ພະ​ບາງມີ​ລາຍ​ຮັບ​ເພີ່ມ​ຂຶ້ນ 14% ເມື່ອ​ທຽບ​ກັບ​ກ່ອນ​ດຳ​ເນີນ​ໂຄງ​ການໂດຍ​ກິດ​ຈະ​ກຳຫຼັກເນັ້ນ​ໃສ່​ຊຸກ​ຍູ້ ສົ່ງ​ເສີມ​ໃຫ້​ປະ​ຊາ​ຊົນ​ຜະ​ລິດ​ກະ​ສິ​ກຳໂດຍ​ສະ​ເພາະ​ການ​ປູກ-ການ​ລ້ຽງ.
ໄຟຟ້າລາວ ສາຂາຄໍາມ່ວນ ປະດັບຫຼຽນກາລະນຶກ 50 ປີ ໃຫ້ພະນັກງານ

ໄຟຟ້າລາວ ສາຂາຄໍາມ່ວນ ປະດັບຫຼຽນກາລະນຶກ 50 ປີ ໃຫ້ພະນັກງານ

ບໍລິສັດລັດວິສາຫະກິດໄຟຟ້າລາວ ສາຂາແຂວງຄໍາມ່ວນ ຈັດພິທີປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ ໃຫ້ແກ່ສະມາຊິກພັກ ແລະ ພະນັກງານຈໍານວນ 144 ທ່ານ, ຍິງ 40 ທ່ານ ໃນວັນທີ 17 ພະຈິກ 2026 ໂດຍ​ການ​ເປັນ​ປະ​ທານ​ຂອງ ທ່ານ ສົມໃຈ ພານີຈັນ ຮອງເລຂາພັກແຂວງ ຜູ້ຊີ້ນໍາວຽກງານການເມືອງແນວຄິດ, ວຽກພັກ-ພະນັກງານ, ມີ ທ່ານ ບຸນປະສົງ ຈັນສະຫວັດ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກໃຕ້, ທ່ານ ບາຄໍາ ໄຊຍະຈັກ ຫົວໜ້າ ບໍລິສັດລັດວິສາຫະກິດໄຟຟ້າສາຂາຄໍາມ່ວນ ພ້ອມດ້ວຍແຂກຖືກເຊີນເຂົ້າຮ່ວມ.
ໄຄແຜ່ນຂອງກຸ່ມຜະລິດ ບ້ານບວມຫວານ ໄດ້​ຮັບ​ກາ​ໝາຍສີນຄ້າ ໜຶ່ງເມືອງ ໜຶ່ງພະລິດຕະພັນ‎

ໄຄແຜ່ນຂອງກຸ່ມຜະລິດ ບ້ານບວມຫວານ ໄດ້​ຮັບ​ກາ​ໝາຍສີນຄ້າ ໜຶ່ງເມືອງ ໜຶ່ງພະລິດຕະພັນ‎

ພິທີມອບປ້າຍກາໝາຍ ສິນ​ຄ້າໜຶ່ງເມືອງ ໜຶ່ງພະລິດຕະພັນ (ODOP) ໃຫ້ກຸ່ມຜະລິດໄຄແຜ່ນເມືອງວຽງຄຳແຂວງຫຼວງ​ພະ​ບາງໄດ້​ຈັດ​ຂຶ້ນ​ໃນ​ວັນ​ທີ 16 ພະ​ຈິກ​ຜ່ານ​ມາທີ່ ເມືອງວຽງ​ຄຳໂດຍເປັນປະທານຮ່ວມຂອງ ທ່ານ ຄຳສິງ ສຸດທິດາ ປະທານຄະນະກຳມະການປົກຄອງເມືອງ, ທ່ານ ສີພອນ ມິດໄມຕີ ຮອງຫົວໜ້າພະແນກອຸດສະກຳຫະກຳ ແລະ ການຄ້າແຂວງ, ທ່ານ ລີ ຊອງບອມ ຜູ້ອຳນວຍການ ອົງການ ວອນເດີສ ສາກົນ, ມີພາກ​ສ່ວນ​ທີ່ກ່ຽວຂ້ອງ ເຂົ້າຮ່ວມ.
ກອງບັນຊາການທະຫານເມືອງສະໜາມໄຊ ​ສຳ​ເລັດເກັບກ່ຽວຜົນຜະລິດເຂົ້ານາປີ

ກອງບັນຊາການທະຫານເມືອງສະໜາມໄຊ ​ສຳ​ເລັດເກັບກ່ຽວຜົນຜະລິດເຂົ້ານາປີ

ກອງບັນຊາການທະຫານເມືອງສະໜາມໄຊ ແຂວງອັດຕະປື ໄດ້ຈັດກຳລັງພະນັກງານ-ນັກຮົບອອກແຮງງານລວມ ເພື່ອເກັບກ່ຽວຜົນຜະລິດເຂົ້ານາປີ ປະຈຳປີ 2026 ຂອງກົມກອງ ພາຍໃຕ້ການຊີ້ ນຳ-ນຳພາຂອງຄະນະພັກ ແລະ ຄະນະບັນຊາກອງບັນຊາການທະຫານເມືອງ.
ບໍລິສັດ ພູເບ້ຍ ມາຍນິງ ບັນລຸການຢັ້ງຢືນການປະຕິບັດຕາມຫຼັກການຄຸ້ມຄອງສານໄຊຍະນາຍ ຢ່າງຄົບຖ້ວນອີກຄັ້ງ – ພະຈິກ 2026

ບໍລິສັດ ພູເບ້ຍ ມາຍນິງ ບັນລຸການຢັ້ງຢືນການປະຕິບັດຕາມຫຼັກການຄຸ້ມຄອງສານໄຊຍະນາຍ ຢ່າງຄົບຖ້ວນອີກຄັ້ງ – ພະຈິກ 2026

ບໍລິສັດ ພູເບ້ຍ ມາຍນິງ ມີຄວາມຍິນດີທີ່ຈະແຈ້ງໃຫ້ຊາບວ່າ ໂຄງການຂຸດຄົ້ນ-ປຸງແຕ່ງ ຄໍາ-ເງິນ ບ້ານຫ້ວຍຊາຍ ໄດ້ຮັບການຢັ້ງຢືນການປະຕິບັດຕາມຫຼັກການຄຸ້ມຄອງໄຊຍະນາຍໃນລະດັບສາກົນຢ່າງຄົບຖ້ວນອີກຄັ້ງ. ສະຖາບັນຄຸ້ມຄອງໄຊຍະນາຍໃນລະດັບສາກົນ (ICMI) ໄດ້ແຈ້ງການຢັ້ງຢືນດັ່ງກ່າວນີ້ໃນວັນທີ 7 ພະຈິກ 2026, ເຊິ່ງເປັນການຢັ້ງຢືນຄັ້ງທີ 6 ຂອງ ໂຄງການບ້ານຫ້ວຍຊາຍ ພາຍໃຕ້ຫຼັກການນີ້.
ເຜີຍແຜ່ເຊື່ອມຊຶມນິຕິກໍາກຳນົດພະນັກງານນໍາພາ-ຄຸ້ມຄອງຂັ້ນ ສຊປລ

ເຜີຍແຜ່ເຊື່ອມຊຶມນິຕິກໍາກຳນົດພະນັກງານນໍາພາ-ຄຸ້ມຄອງຂັ້ນ ສຊປລ

ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ໄດ້ຈັດກອງປະຊຸມເຜີຍແຜ່ເຊື່ອມຊຶມນິຕິກໍາກຳນົດພະນັກງານນໍາພາ-ຄຸ້ມຄອງຂັ້ນ ສຊປລ ຄຸ້ມຄອງ ຂຶ້ນໃນວັນທີ 16 ພະຈິກນີ້ທີ່ ສຊປລ ໂດຍການເປັນປະທານຂອງສະຫາຍ ທອງລີ ສີສຸລິດກຳມະການສູນກາງພັກເລຂາຄະນະບໍລິຫານງານສູນກາງ ສຊປລ, ມີຮອງເລຂາ, ມີສະຫາຍຄະນະພັກ, ເລຂາໜ່ວຍພັກ, ສະມາຊິກພັກ-ພະນັກງານ ເຂົ້າຮ່ວມ.
ລາຍງານຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກ

ລາຍງານຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກ

ກອງປະຊຸມການລົງຢ້ຽມຢາມ ແລະ ຕິດຕາມຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກພາຍໃຕ້ໂຄງການຄຸ້ມຄອງຍານພາຫະນະ ແລະ ການຂົນສົ່ງ ແບບຄົບວົງຈອນ ໄດ້ຈັດຂຶ້ນໃນວັນທີ 16 ພະຈິກນີ້ ທີ່ກົມຕຳຫຼວດຈະລາຈອນ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ (ປກສ) ໂດຍການເປັນປະທານຮ່ວມຂອງ ທ່ານ ລິດຕາ ຂັດທິຍະຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ (ຍທຂ), ທ່ານ ພົຕ ກອງສະຫວັດ ບຸນລ້ຽງ ຮອງລັດຖະມົນຕີ ກະຊວງ ປກສ, ທ່ານ ສຸລິວັດ ສຸວັນນະຈູມຄຳ ຮອງລັດຖະມົນຕີ ກະຊວງການເງິນ, ທ່ານ ແກ້ວວິສຸກ ໂສລະພິມ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ທ່ານ ນາງ ວິໄລວອນ ຈັນທະລາຕີ ຮອງປະທານຄະນະກຳມະການປົກຄອງ ນະຄອນຫຼວງວຽງຈັນ (ນວ),ມີບັນດາຫົວໜ້າກົມ-ຮອງກົມ, ຜູ້ອຳນວຍການບໍລິສັດລາວສະມາດທານສະຟອມເມຊັນດາຕ້າ ແລະ ເທັກໂນໂລຊີ ຈຳກັດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ເພີ່ມເຕີມ