ສປປ ລາວ ສົ່ງເສີມການພັດທະນາທີ່ສົ່ງຜົນບວກຕໍ່ທຳມະຊາດ

ທ່ານ ລິນຄໍາ ດວງສະຫວັນ ໄດ້ຍົກໃຫ້ເຫັນເຖິງສິ່ງທ້າທາຍຂອງການສ້າງຄວາມສົມດຸນລະຫວ່າງການ ເຕີບໂຕທາງດ້ານເສດຖະກິດ ກັບການປົກປັກຮັກສາສິ່ງແວດລ້ອມ ແລະ ຍົກໃຫ້ເຫັນເຖິງຜົນກະທົບທີ່ອາດຈະເກີດ ຂຶ້ນຕໍ່ຄວາມຫຼາກຫຼາຍຂອງຊີວະນາໆພັນ ແລະ ຊຸມຊົນອາໄສຢູ່ເຂດຊົນນະບົດຫາກປາສະຈາກເຄື່ອງມື ແລະ ກົນ ໄກທີ່ເໝາະສົມ ແລະ ໄດ້ເນັ້ນເຖິງຄວາມມຸ່ງໝັ້ນຂອງລັດຖະບານ ສປປ ລາວ, ພາຍໃຕ້ຍຸດທະສາດການເຕີບໂຕສີຂຽວໃນການນໍາເອົາແນວທາງປະຕິບັດທີ່ດີທີ່ສຸດຂອງສາກົນມາໃຊ້ ແລະ ເສີມສ້າງນິຕິກຳພາຍໃນປະເທດ ເພື່ອ ເປັນທິດຊີ້ນຳການພັດທະນາແບບຍືນຍົງ, ພາຍໃຕ້ທິດທາງນະໂຍບາຍຂອງລັດຖະບານຕໍ່ການເຕີບໂຕເສດຖະກິດສີຂຽວ, ຂໍ້ລິເລີ່ມທີ່ສຳຄັນແມ່ນການລົງທຶນ ແລະ ໂຄງການພັດທະນາຕ່າງໆທີ່ຈະບັນລຸເປົ້າໝາຍຜົນໄດ້ຮັບການ ທົດແທນຊີວະນາໆພັນເທົ່າເດີມ ແລະ ຖ້າຫາກມີຄວາມເປັນໄປໄດ້, ການເພີ່ມຊີວະນາໆພັນໂດຍນໍາໃຊ້ລຳດັບມາດ ຕະການຫຼຸດຜ່ອນຜົນກະທົບ. ການຜັນຂະຫຍາຍການປະຕິບັດນະໂຍບາຍນີ້ຈໍາເປັນຕ້ອງມີດຳລັດເພື່ອເປັນແນວທາງ ໃນການດຳເນີນການ.

ທ່ານນາງ ແຊນນີ ແຄັມເບວ ຫົວໜ້າຫ້ອງການ ADB ປະຈໍາ ສປປ ລາວ ໄດ້ໃຫ້ຮູ້ວ່າ: “ການບັນລຸຄວາມຫຼາກຫຼາຍທາງດ້ານຊີວະນາໆພັນບໍ່ແມ່ນຂໍ້ຈຳກັດ, ແຕ່ເປັນໂອກາດທີ່ຈະເພີ່ມທະວີຄວາມເຊື່ອໝັ້ນ ຂອງນັກລົງທຶນ, ເພີ່ມທະວີຜົນໄດ້ຮັບຂອງການພັດທະນາ ແລະ ຍົກສູງຖານະຂອງ ສປປ ລາວ ໃນການເປັນຜູ້ນໍາໃນພາກພື້ນດ້ານການລົງທຶນທີ່ສົ່ງຜົນບວກຕໍ່ທໍາມະຊາດ,” ທ່ານນາງ ແຊນນີ ແຄັມເບວ ຍັງໄດ້ໃຫ້ຮູ້ຕື່ມອີກວ່າ: “ADB ຍັງຄົງມຸ່ງໝັ້ນທີ່ຈະສະໜັບສະໜູນລັດຖະບານ ສປປ ລາວ ໃນການຜັນຂະຫຍາຍເປົ້າໝາຍນະໂຍບາຍໃຫ້ເປັນແນວທາງແກ້ໄຂທີ່ເປັນຮູບປະທຳໂດຍຮ່ວມມືຢ່າງໃກ້ຊິດກັບບັນ ດາຄູ່ຮ່ວມພັດທະນາ ແລະ ພາກສ່ວນເຮັດວຽກພັດທະນາທີ່ກ່ຽວຂ້ອງເພື່ອເພີ່ມທະວີຄວາມທົນທານຂອງປະເທດ ແລະ ປົດລັອກແກ່ການເຕີບໂຕຢ່າງທົ່ວເຖິງ ແລະ ຍືນຍົງ. ນອກຈາກນີ້, ສິ່ງສຳຄັນຄືບໍ່ພຽງແຕ່ຕ້ອງເບິ່ງຫາແນວທາງທີ່ຈະເຮັດໃຫ້ດີຂຶ້ນໃນອະນາຄົດເທົ່ານັ້ນ, ແຕ່ຍັງຕ້ອງ ແກ້ໄຂສິ່ງທ້າທາຍໃນປັດຈຸບັນຂອງໂຄງການທົົົດແທນຊີວະນາໆພັນເທົ່າເດີມ.”ການພັດທະນາຂອບວຽກການຊົດເຊີຍຄວາມຫຼາກຫຼາຍທາງດ້ານຊີວະນາໆພັນແຫ່ງຊາດແມ່ນໂອກາດທີ່ສໍາຄັນໃນການຫຼຸດຜ່ອນຄວາມສ່ຽງຂອງໂຄງການ ຕ່າງໆໂດຍການຮວບຮວມພັນທະທົດແທນ, ການກຳນົດເປົ້າໝາຍພື້ນທີ່ບຸລິມະສິດທີ່ສຳຄັນ ແລະ ການສ້າງ ຜົນໄດ້ ຮັບທີ່ສາມາດວັດແທກໄດ້ໃນດ້ານຄວາມຫຼາກຫຼາຍຂອງຊີວະນາໆພັນຜ່ານການປະຕິບັດງານສະເພາະດ້ານ. ແນວທາງປະຕິບັດນີ້ຈະໄດ້ຮັບການສະໜັບສະໜູນຈາກການຕິດຕາມກວດກາທີ່ເຂັ້ມງວດ ແລະ ການຄຸ້ມຄອງແບບ ປັບຕົວ ແລະ ໄດ້ຮັບການຢືນຢັນຄວາມມຸ່ງໝັ້ນເພື່ອສະໜັບສະໜູນຄວາມພະຍາຍາມເຫຼົ່ານີ້ພາຍໃຕ້ການຊີ້ນໍາຂອງ ລັດຖະບານ.

(ຂ່າວ-ພາບ: ສຳນານ)