ສານປະຊາຊົນສູງສຸດ(ສປສສ) ໄດ້ຈັດກອງປະຊຸມເຜີຍແຜ່ເອກະສານ ວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 69 ປີ (22 ມີນາ 1955-22 ມີນາ 2024); ວັນຄຽດແຄ້ນ ຂອງປະຊາຊົນລາວ ວັນລະນຶກນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 78 ປີ (21 ມີນາ 1946-21 ມີນາ 2024) ຂຶ້ນໃນວັນທີ 25 ມີນາ ຜ່ານມາທີ່ ສປສສ,ໃຫ້ກຽດປາຖະກະຖາໂດຍທ່ານ ຄູນ ຜາສຸກ ຄະນະປະຈຳ ຮອງປະທານສານປະຊາຊົນສູງສຸດ ຊຶ່ງມີພະນັກງານອ້ອມຂ້າງ ສປສສ ເຂົ້າຮ່ວມ.
ໃນພິທີດັ່ງກ່າວ, ທ່ານ ຄູນ ຜາສຸກ ໄດ້ຍົກໃຫ້ເຫັນເຖິງການຕໍ່ສູ້ຂອງປະຊາຊົນລາວບັນດາເຜົ່າຕ້ານກັບພວກລ່າເມືອງຂຶ້ນແບບເກົ່າ ນັບແຕ່ປີ 1930 ເປັນຕົ້ນມາ ເວົ້າລວມ, ເວົ້າສະເພາະແມ່ນບັ້ນຮົບປ້ອງກັນເມືອງທ່າແຂກໃນເດືອນມີນາ ປີ 1946 ຊຶ່ງນຳພາການຕໍ່ສູ້ໂດຍ ປະທານ ສຸພານຸວົງ.ພາຍຫຼັງພວກລ່າເມືອງຂຶ້ນແບບເກົ່າ ແລະ ລູກແລ້ງຕີນມືຂອງພວກເຂົາໄດ້ສ້າງໂທດກຳທີ່ບໍ່ມີວັນລືມໃຫ້ແກ່ປະຊາຊົນລາວ, ພວກເຂົາໄດ້ເຂັ່ນຂ້າປະຊາຊົນ, ຂ້າແມ່ມານດ້ວຍການເອົາກະບີ່ແທງທ້ອງ, ຈັບເອົາເດັກນ້ອຍຍັດໃສ່ກະເປົາຖິ້ມລົງນ້ຳຂອງ ແລະ ເອົາປືນກວາດຍິງໃສ່ຝູງຄົນແລ້ວໂຍນລົງນ້ຳຂອງເວລານັ້ນນ້ຳຂອງເຕັມໄປດ້ວຍເລືອດ ແລະ ຊາກສົບຂອງປະຊາຊົນຜູ້ບໍລິສຸດ ທັງແມ່ຍິງ ແລະ ເດັກນ້ອຍ ຈຳນວນ 3.000 ກ່ວາຄົນຖືກຂ້າຕາຍ ເຮືອນຊານບ້ານຊ່ອງຖືກທຳລາຍເປັນຈຳນວນຫຼວງຫຼາຍ ຄອບຄົວຜົວ-ເມຍ, ພໍ່-ແມ່-ລູກຖືກພັດພາກຈາກກັນ, ລູກກາຍເປັນລູກກຳພ້າ-ກຳພອຍ ຍ້ອນການກະທຳອັນໄຮ້ມະນຸດສະທຳ ແລະ ໂຫດຮ້າຍປ່າເຖື່ອນດັ່ງກ່າວນັ້ນ ສປປ ລາວ ຈຶ່ງຖືເອົາວັນທີ 21 ມີນາ ເປັນວັນຄຽດແຄ້ນຂອງ ປະຊາຊົນລາວ ຕໍ່ສັດຕູຜູ້ຮຸກຮານ ພ້ອມນີ້ ພັກ-ລັດ ຍັງໄດ້ກຳນົດເອົາວັນທີ 21 ມີນາ ເປັນວັນລະນຶກເຖິງນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ນັບແຕ່ປີ 2014 ເປັນຕົ້ນມາ.
ພ້ອມກັນນັ້ນ, ທ່ານ ຄູນ ຜາສຸກ ຍັງໄດ້ເລົ່າມູນເຊື້ອການກຳເນີດ ແລະ ການຂະຫຍາຍຕົວຂອງພັກປະຊາຊົນ ປະຕິວັດລາວ ຕະຫຼອດໄລຍະ 69 ປີ ທີ່ຜ່ານມາ ຊຶ່ງສະຫາຍໄດ້ຍົກໃຫ້ເຫັນການກຳເນີດ, ທາດແທ້ ແລະ ອຸດົມການຂອງພັກ ຜົນງານທີ່ຍາດມາໄດ້ໃນແຕ່ລະໄລຍະນຳພາປົດປ່ອຍປະເທດຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ ເຫັນໄດ້ວ່າ ສປປ ລາວ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ ເສດຖະກິດແຫ່ງຊາດມີການຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນລາວໄດ້ຮັບການປັບປຸງດີຂຶ້ນ.
(ຂ່າວ-ພາບ ສປສສ)
ໃນພິທີດັ່ງກ່າວ, ທ່ານ ຄູນ ຜາສຸກ ໄດ້ຍົກໃຫ້ເຫັນເຖິງການຕໍ່ສູ້ຂອງປະຊາຊົນລາວບັນດາເຜົ່າຕ້ານກັບພວກລ່າເມືອງຂຶ້ນແບບເກົ່າ ນັບແຕ່ປີ 1930 ເປັນຕົ້ນມາ ເວົ້າລວມ, ເວົ້າສະເພາະແມ່ນບັ້ນຮົບປ້ອງກັນເມືອງທ່າແຂກໃນເດືອນມີນາ ປີ 1946 ຊຶ່ງນຳພາການຕໍ່ສູ້ໂດຍ ປະທານ ສຸພານຸວົງ.ພາຍຫຼັງພວກລ່າເມືອງຂຶ້ນແບບເກົ່າ ແລະ ລູກແລ້ງຕີນມືຂອງພວກເຂົາໄດ້ສ້າງໂທດກຳທີ່ບໍ່ມີວັນລືມໃຫ້ແກ່ປະຊາຊົນລາວ, ພວກເຂົາໄດ້ເຂັ່ນຂ້າປະຊາຊົນ, ຂ້າແມ່ມານດ້ວຍການເອົາກະບີ່ແທງທ້ອງ, ຈັບເອົາເດັກນ້ອຍຍັດໃສ່ກະເປົາຖິ້ມລົງນ້ຳຂອງ ແລະ ເອົາປືນກວາດຍິງໃສ່ຝູງຄົນແລ້ວໂຍນລົງນ້ຳຂອງເວລານັ້ນນ້ຳຂອງເຕັມໄປດ້ວຍເລືອດ ແລະ ຊາກສົບຂອງປະຊາຊົນຜູ້ບໍລິສຸດ ທັງແມ່ຍິງ ແລະ ເດັກນ້ອຍ ຈຳນວນ 3.000 ກ່ວາຄົນຖືກຂ້າຕາຍ ເຮືອນຊານບ້ານຊ່ອງຖືກທຳລາຍເປັນຈຳນວນຫຼວງຫຼາຍ ຄອບຄົວຜົວ-ເມຍ, ພໍ່-ແມ່-ລູກຖືກພັດພາກຈາກກັນ, ລູກກາຍເປັນລູກກຳພ້າ-ກຳພອຍ ຍ້ອນການກະທຳອັນໄຮ້ມະນຸດສະທຳ ແລະ ໂຫດຮ້າຍປ່າເຖື່ອນດັ່ງກ່າວນັ້ນ ສປປ ລາວ ຈຶ່ງຖືເອົາວັນທີ 21 ມີນາ ເປັນວັນຄຽດແຄ້ນຂອງ ປະຊາຊົນລາວ ຕໍ່ສັດຕູຜູ້ຮຸກຮານ ພ້ອມນີ້ ພັກ-ລັດ ຍັງໄດ້ກຳນົດເອົາວັນທີ 21 ມີນາ ເປັນວັນລະນຶກເຖິງນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ນັບແຕ່ປີ 2014 ເປັນຕົ້ນມາ.
ພ້ອມກັນນັ້ນ, ທ່ານ ຄູນ ຜາສຸກ ຍັງໄດ້ເລົ່າມູນເຊື້ອການກຳເນີດ ແລະ ການຂະຫຍາຍຕົວຂອງພັກປະຊາຊົນ ປະຕິວັດລາວ ຕະຫຼອດໄລຍະ 69 ປີ ທີ່ຜ່ານມາ ຊຶ່ງສະຫາຍໄດ້ຍົກໃຫ້ເຫັນການກຳເນີດ, ທາດແທ້ ແລະ ອຸດົມການຂອງພັກ ຜົນງານທີ່ຍາດມາໄດ້ໃນແຕ່ລະໄລຍະນຳພາປົດປ່ອຍປະເທດຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ ເຫັນໄດ້ວ່າ ສປປ ລາວ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ ເສດຖະກິດແຫ່ງຊາດມີການຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນລາວໄດ້ຮັບການປັບປຸງດີຂຶ້ນ.
(ຂ່າວ-ພາບ ສປສສ)
ຄໍາເຫັນ