ຂ່າວສານຫວຽດນາມລາຍງານວ່າ: ລັດຖະບານຂອງບັນດາປະເທດພວມພັດທະນາໃນອາຊີ-ປາຊີຟິກ ແມ່ນຕ້ອງການແຫຼ່ງທຶນໃນໄລຍະຍາວຢ່າງຮີບດ່ວນດ້ວຍອັດຕາດອກເບ້ຍທີ່ເໝາະສົມ ໃນສະພາບທີ່ຫຼາຍປະເທດຖືກບັງຄັບໃຫ້ເລືອກເອົາການກູ້ຢືມເງິນທີ່ມີການຊຳລະໜີ້ສິນສູງ ແລະ ຄວາມຈຳເປັນໃນການລົງທຶນເຂົ້າໃນການສຶກສາ, ສາທາລະນະສຸກ ແລະ ການຊ່ວຍເຫຼືອ-ຄຸ້ມຄອງທາງສັງຄົມໃຫ້ປະຊາຊົນ.
ຂ່າວລະບຸວ່າ: ນີ້ແມ່ນການຕີລາຄາບົດລາຍງານຂອງຄະນະກຳມະການເສດຖະກິດ ແລະ ສັງຄົມ ອາຊີ - ປາຊີຟິກ (ESCAP) ໂດຍອົງການສະຫະປະຊາຊາດ.
ທ່ານ ອັນໂຕນີໂອ ກູເຕີເຣສ ເລຂາທິການໃຫຍ່ ສປຊ ໃຫ້ຮູ້ວ່າ: ບັນດາປະເທດພວມພັດທະນາຢູ່ອາຊີ - ປາຊີຟິກ ພວມປະເຊີນໜ້າກັບບັນດາຂໍ້ຈຳກັດດ້ານການເງິນ, ອັດຕາດອກເບ້ຍເງິນກູ້ທີ່ສູງຂຶ້ນໂດຍມີໄລຍະເວລາກູ້ຢືມສັ້ນລົງ ແລະ ພາລະໜີ້ສິນໜັກໜ່ວງ.
ອີງຕາມບົດລາຍງານຫຼ້າສຸດຂອງ ສປຊ, ທັດສະນະ ແລະ ວິທີການໃໝ່ສາມາດຊ່ວຍແກ້ໄຂບັນຫາຂ້າງເທິງໄດ້ເຊັ່ນ:ຜູ້ໃຫ້ທຶນຕ້ອງເບິ່ງຄວາມຈຳເປັນໃນການກູ້ຢືມຂອງບັນດາປະເທດທີ່ກໍາລັງພັດທະນາເໜືອຜົນປະໂຫຍດທາງດ້ານການເມືອງ. ສ່ວນບັນດາທະນາຄານພັດທະນາຫຼາຍຝ່າຍຕ້ອງປັບປຸງຄວາມສາມາດໃນການໃຫ້ກູ້ຢືມ, ລວມທັງການພິຈາລະນາໃຫ້ກູ້ຢືມເພີ່ມຕື່ມ.
ບົດລາຍງານຍັງຮຽກຮ້ອງໃຫ້ບັນດາອົງການຈັດອັນດັບສິນເຊື່ອ (ເຄຣດິດ) ມີວິໄສທັດຍາວນານ ແລະ ຮັບຮູ້ວ່າ ການລົງທຶນບໍລິການສາທາລະນະ ແມ່ນເພື່ອຮັບໃຊ້ປະຊາຊົນ ແລະ ການພັດທະນາໂດຍລວມຂອງຊຸມຊົນຈະຍົກສູງຄວາມເຊື່ອໝັ້ນທາງດ້ານການເງິນ.
ສຳລັບແຕ່ລະປະເທດ, ບົດລາຍງານສະເໜີໃຫ້ປະເທດຕ່າງໆຕ້ອງມີມາດຕະການທີ່ມີປະສິດທິຜົນກວ່າເກົ່າໃນການເຄື່ອນໄຫວເກັບງົບປະມານແຫ່ງລັດ, ຊຸກຍູ້ນະໂຍບາຍການຫັນເປັນດີຈີຕອນ ແລະ ການຄຸ້ມຄອງພາສີເພື່ອຊຸກຍູ້ໃຫ້ປະຊາຊົນເສຍພາສີອາກອນ, ພ້ອມກັນນັ້ນຍັງຕ້ອງພັດທະນາຕະຫຼາດທຶນໃຫ້ກາຍເປັນຊ່ອງທາງທຶນທີ່ສໍາຄັນສໍາລັບເສດຖະກິດ.
ບົດລາຍງານຊີ້ອອກວ່າ, ການເຕີບໂຕຂອງຜະລິດຕະພັນພາຍໃນປະເທດ (GDP) ໃນພາກພື້ນຄາດຄະເນວ່າຈະຄົງຕົວໃນລະດັບ 4,4% ໝົດປີ 2024 ແລະ 2025, ໃນຂະນະທີ່ທ່າອ່ຽງອັດຕາເງິນເຟີ້ ແລະ ອັດຕາດອກເບ້ຍຍັງຄົງຕົວຢູ່.
ຂ່າວລະບຸວ່າ: ນີ້ແມ່ນການຕີລາຄາບົດລາຍງານຂອງຄະນະກຳມະການເສດຖະກິດ ແລະ ສັງຄົມ ອາຊີ - ປາຊີຟິກ (ESCAP) ໂດຍອົງການສະຫະປະຊາຊາດ.
ທ່ານ ອັນໂຕນີໂອ ກູເຕີເຣສ ເລຂາທິການໃຫຍ່ ສປຊ ໃຫ້ຮູ້ວ່າ: ບັນດາປະເທດພວມພັດທະນາຢູ່ອາຊີ - ປາຊີຟິກ ພວມປະເຊີນໜ້າກັບບັນດາຂໍ້ຈຳກັດດ້ານການເງິນ, ອັດຕາດອກເບ້ຍເງິນກູ້ທີ່ສູງຂຶ້ນໂດຍມີໄລຍະເວລາກູ້ຢືມສັ້ນລົງ ແລະ ພາລະໜີ້ສິນໜັກໜ່ວງ.
ອີງຕາມບົດລາຍງານຫຼ້າສຸດຂອງ ສປຊ, ທັດສະນະ ແລະ ວິທີການໃໝ່ສາມາດຊ່ວຍແກ້ໄຂບັນຫາຂ້າງເທິງໄດ້ເຊັ່ນ:ຜູ້ໃຫ້ທຶນຕ້ອງເບິ່ງຄວາມຈຳເປັນໃນການກູ້ຢືມຂອງບັນດາປະເທດທີ່ກໍາລັງພັດທະນາເໜືອຜົນປະໂຫຍດທາງດ້ານການເມືອງ. ສ່ວນບັນດາທະນາຄານພັດທະນາຫຼາຍຝ່າຍຕ້ອງປັບປຸງຄວາມສາມາດໃນການໃຫ້ກູ້ຢືມ, ລວມທັງການພິຈາລະນາໃຫ້ກູ້ຢືມເພີ່ມຕື່ມ.
ບົດລາຍງານຍັງຮຽກຮ້ອງໃຫ້ບັນດາອົງການຈັດອັນດັບສິນເຊື່ອ (ເຄຣດິດ) ມີວິໄສທັດຍາວນານ ແລະ ຮັບຮູ້ວ່າ ການລົງທຶນບໍລິການສາທາລະນະ ແມ່ນເພື່ອຮັບໃຊ້ປະຊາຊົນ ແລະ ການພັດທະນາໂດຍລວມຂອງຊຸມຊົນຈະຍົກສູງຄວາມເຊື່ອໝັ້ນທາງດ້ານການເງິນ.
ສຳລັບແຕ່ລະປະເທດ, ບົດລາຍງານສະເໜີໃຫ້ປະເທດຕ່າງໆຕ້ອງມີມາດຕະການທີ່ມີປະສິດທິຜົນກວ່າເກົ່າໃນການເຄື່ອນໄຫວເກັບງົບປະມານແຫ່ງລັດ, ຊຸກຍູ້ນະໂຍບາຍການຫັນເປັນດີຈີຕອນ ແລະ ການຄຸ້ມຄອງພາສີເພື່ອຊຸກຍູ້ໃຫ້ປະຊາຊົນເສຍພາສີອາກອນ, ພ້ອມກັນນັ້ນຍັງຕ້ອງພັດທະນາຕະຫຼາດທຶນໃຫ້ກາຍເປັນຊ່ອງທາງທຶນທີ່ສໍາຄັນສໍາລັບເສດຖະກິດ.
ບົດລາຍງານຊີ້ອອກວ່າ, ການເຕີບໂຕຂອງຜະລິດຕະພັນພາຍໃນປະເທດ (GDP) ໃນພາກພື້ນຄາດຄະເນວ່າຈະຄົງຕົວໃນລະດັບ 4,4% ໝົດປີ 2024 ແລະ 2025, ໃນຂະນະທີ່ທ່າອ່ຽງອັດຕາເງິນເຟີ້ ແລະ ອັດຕາດອກເບ້ຍຍັງຄົງຕົວຢູ່.
ຄໍາເຫັນ