ສູນກາງສະຫະພັນແມ່ຍິງລາວ (ສສຍລ) ໄດ້ຈັດພິທີສະເຫຼີມສະຫຼອງວັນແມ່ຍິງສາກົນ ວັນທີ 8 ມີນາ ຄົບຮອບ 114 ປີ ພາຍໃຕ້ຫົວຂໍ້: ລົງທຶນໃນການພັດທະນາຄວາມກ້າວໜ້າຂອງແມ່ຍິງຂຶ້ນໃນວັນທີ 5 ມີນາ ນີ້ ທີ່ສູນຝຶກອົບຮົມ ແລະ ຮ່ວມມືສາກົນ (ICTC) ພາຍໃຕ້ການເປັນປະທານຂອງທ່ານ ນາງ ອາລີ ວົງໜໍ່ບຸນທໍາ ກໍາມະການສູນກາງພັກ ປະທານຄະນະບໍລິຫານງານ ສສຍລ ເປັນກຽດເຂົ້າຮ່ວມໂດຍ ທ່ານ ນາງ ນາລີ ສີສຸລິດ ພັນລະຍາປະທານປະເທດແຫ່ງ ສປປ ລາວ, ມີບັນດາພັນລະຍາການນໍາພັກ-ລັດ, ມີບັນດາຄະນະປະທານສູນກາງສະຫະພັນແມ່ຍິງລາວ,ປະທານ-ຮອງປະທານສະຫະພັນແມ່ຍິງບັນດາກະຊວງ-ອົງການ-ນະຄອນຫຼວງວຽງຈັນ ພ້ອມດ້ວຍສະມາຊິກ, ແມ່ຍິງ ຈາກກະຊວງ-ອົງການ, ຜູ້ຕາງໜ້າຈາກອົງການຈັດຕັ້ງສາກົນ ເຂົ້າຮ່ວມ.
ໃນພິທີ, ທ່ານ ນາງ ອາລີ ວົງໜໍ່ບຸນທໍາ ໄດ້ຫວນຄືນເຖິງຄວາມເປັນມາຂອງວັນແມ່ຍິງສາກົນໂດຍຫຍໍ້ຊຶ່ງກຳເນີດເກີດຂຶ້ນ ໃນທ່າມກາງທີ່ສະພາບເສດຖະກິດ ຂອງສັກດີນາແລະນາຍທຶນຂະຫຍາຍຕົວ.ແມ່ຍິງຖືກກົດຂີ່ຂູດຮີດຢ່າງໜັກໜ່ວງ, ເຮັດວຽກຫຼາຍຊົ່ວໂມງແຕ່ໄດ້ຮັບຄ່າຈ້າງແຮງງານລາຄາຖືກ,ເຮັດວຽກບໍ່ມີການຮັບປະກັນ, ບໍ່ມີລະບອບປົກປັກຮັກສາສຸຂະພາບຂອງແມ່ຍິງແລະເດັກນ້ອຍ. ຕໍ່ສະພາບດັ່ງກ່າວ,ກຳມະກອນແມ່ຍິງ ຈຶ່ງໄດ້ສາມັກຄີກັນລຸກຂຶ້ນຕໍ່ສູ້, ຈັດຕັ້ງໂຮມຊຸມນຸມປະທ້ວງແລະຄັດຄ້ານຕໍ່ການໃຫ້ຄ່າແຮງງານຕ່ຳ ແລະສະຖານທີ່ເຮັດວຽກບໍ່ຮັບປະກັນຕໍ່ສຸຂະພາບ.ໃນວັນທີ 8 ມີນາ 1908, ແມ່ຍິງໄດ້ເດີນຂະບວນຢູ່ເມືອງນິວຢອກເພື່ອທວງໃຫ້ນາຍທຶນຫຼຸດຜ່ອນຊົ່ວໂມງເຮັດວຽກ, ຢຸດເຊົາການຂູດຮີດແຮງງານເດັກ ແລະທວງໃຫ້ແມ່ຍິງ ມີສິດອອກສຽງເລືອກຕັ້ງແລະລົງຮັບສະໝັກເລືອກຕັ້ງ. ການເດີນຂະບວນປະທ້ວງດໍາເນີນໄປ ພາຍໃຕ້ຄໍາຂວັນ:ເຂົ້າຈີ່ແລະດອກກຸຫຼາບ. ເຂົ້າຈີ່ ໝາຍເຖິງເສດຖະກິດດີຂຶ້ນ, ດອກກຸຫຼາບໝາຍເຖິງຄຸນນະພາບຊີວິດທີ່ດີ.ປີ1910,ຂະບວນການຕໍ່ສູ້ຂອງແມ່ຍິງໄດ້ແຜ່ຂະຫຍາຍອອກໄປສູ່ທະວີບເອີຣົບແລະໃນປີນີ້ເອງກອງປະຊຸມສາກົນກ່ຽວກັບບັນຫາແມ່ຍິງຄັ້ງທຳອິດໄດ້ຈັດຂຶ້ນຢູ່ປະເທດດານມາກ ມີຜູ້ແທນ 100 ກວ່າຄົນ ຈາກ 17ປະເທດ,ກອງປະຊຸມໄດ້ຮັບຮອງ ແລະຕົກລົງເອົາວັນທີ 8 ມີນາ ຂອງທຸກປີເປັນວັນແມ່ຍິງສາກົນ. ວັນທີ 8 ມີນາຈຶ່ງເປັນເຫດການ-ການເມືອງທີ່ສຳຄັນ, ເປັນຂີດໝາຍແຫ່ງໄຊຊະນະພື້ນຖານຂອງຂະບວນການແມ່ຍິງສາກົນໃນການຕໍ່ສູ້ທວງເອົາສິດຜົນປະໂຫຍດອັນເປັນທໍາໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນຶກເຖິງການຕໍ່ສູ້ຂອງແມ່ຍິງເພື່ອປົດປ່ອຍຕົນເອງ ແລະທວງໃຫ້ມີສິດສະເໝີພາບປະຊາທິປະໄຕຄືກັນກັບຜູ້ຊາຍ. ທວງໃຫ້ແກ້ໄຂຊີວິດການເປັນຢູ່ພາຍໃຕ້ຄຳຂວັນ:ຜູ້ໜຶ່ງເຮັດວຽກມື້ລະ 8 ຊົ່ວໂມງ, ແມ່ຍິງ ແລະຜູ້ຊາຍເຮັດວຽກຄືກັນຕ້ອງໄດ້ຮັບເງິນເດືອນເທົ່າກັນ, ຕ້ອງມີລະບອບປ້ອງກັນສຸຂະພາບຂອງແມ່ຍິງ ແລະ ເດັກນ້ອຍ, ຕ້ານສົງຄາມຮຸກຮານ, ປົກປັກຮັກສາສັນຕິພາບຂອງໂລກ.ນັບແຕ່ນັ້ນມາວັນທີ 8 ມີນາຈຶ່ງໄດ້ຮັບການສະເຫຼີມສະຫຼອງ ຢູ່ໃນຫຼາຍປະເທດທົ່ວໂລກ.
ນີ້ສະແດງໃຫ້ເຫັນວ່າການສົ່ງເສີມແມ່ຍິງໃຫ້ມີບົດບາດໃນການນໍາພາ ແມ່ນສໍາຄັນຫຼາຍ ຕໍ່ການຊຸກຍູ້ຂະບວນການພັດທະນາໃນປະເທດ ກໍຄືທົ່ວໂລກ, ຖ້າຂາດການເຂົ້າຮ່ວມຂອງແມ່ຍິງ ຫຼືແມ່ຍິງ ຍັງບໍ່ມີບົດບາດນໍາພາ-ຕັດສິນບັນຫາ ຂະບວນການພັດທະນາກໍຈະບໍ່ສໍາເລັດໄດ້. ດັ່ງນັ້ນບັນຫາຂອງແມ່ຍິງ ຈຶ່ງຖືກກໍານົດໃນເປົ້າໝາຍສະຫັດສະວັດດ້ານການພັດທະນາ ຫຼື SDG ໃນເປົ້າໝາຍທີ 3: ສົ່ງເສີມບົດບາດຍິງ-ຊາຍ ແລະຄວາມກ້າວໜ້າຂອງແມ່ຍິງ ແລະເປົ້າໝາຍທີ 5: ປັບປຸງສຸຂະພາບຂອງແມ່.ຜ່ານພຶດຕິກໍາຕົວຈິງໄດ້ຊີ້ໃຫ້ເຫັນວ່າຕະຫຼອດໄລຍະຜ່ານມານັ້ນການເຄື່ອນໄຫວຂອງແມ່ຍິງ, ອົງການຈັດຕັ້ງສະຫະພັນແມ່ຍິງ ຍາມໃດກໍຕິດແໜ້ນກັບພາລະກິດຂອງຊາດ,ຂອງພັກ ໃນການປົກປັກຮັກສາ ແລະພັດທະນາປະເທດຊາດ.ຄະນະສະຫະພັນແມ່ຍິງໄດ້ເປັນເສນາທິການໃຫ້ຄະນະພັກທຸກຂັ້ນໃນການເປັນຕົວແທນແຫ່ງສິດ ແລະຜົນປະໂຫຍດອັນຊອບທໍາ ຂອງແມ່ຍິງລາວບັນດາເຜົ່າປຸກລະດົມພີ່ປ້ານ້າອາ ແລະເອື້ອຍນ້ອງແມ່ຍິງເດີນຕາມແນວທາງຂອງພັກ, ຫັນເອົາແນວທາງນະໂຍບາຍຂອງພັກມາເປັນແຜນພັດທະນາແມ່ຍິງໃນແຕ່ລະໄລຍະໃນປີ 2021-2025 ມີ 10 ແຜນງານ 65 ໂຄງການ ທັງໄດ້ນໍາພາຈັດຕັ້ງປະຕິບັດໃຫ້ເກີດດອກອອກຜົນເປັນຈິງ.ໃນໂອກາດນີ້ ກໍໄດ້ແນະນຳເຟສບຸກ ຂອງສູນໃຫ້ຄໍາປຶກສາ ແລະ ປົກປ້ອງແມ່ຍິງ-ເດັກນ້ອຍ.
ໃນພິທີ, ຜູ້ເຂົ້າຮ່ວມໄດ້ຮັບຊົມການສະແດງດົນຕີລາວສະໄໝ ວົງ The Pianist ພ້ອມນີ້ພາຍໃນງານ ກໍໄດ້ມີການວາງສະແດງຂາຍຜະລິດຕະພັນຂອງເອື້ອຍນ້ອງແມ່ຍິງເປັນຕົ້ນ: ກະເປົາ, ເຄື່ອງຫັດຖະກໍາຈັກສານ, ເສື້ອຜ້າຝ້າຍລາວ ແລະ ຜະລິດຕະພັນອື່ນໆ; ພ້ອມນີ້ກໍມີການໃຫ້ບໍລິການປຶກສາກວດສຸຂະພາບສາຍຕາໂດຍບໍ່ເສຍຄ່າ.
ຂ່າວ-ພາບ: ຍຸພິນທອ-ວັນເພັງ
ໃນພິທີ, ທ່ານ ນາງ ອາລີ ວົງໜໍ່ບຸນທໍາ ໄດ້ຫວນຄືນເຖິງຄວາມເປັນມາຂອງວັນແມ່ຍິງສາກົນໂດຍຫຍໍ້ຊຶ່ງກຳເນີດເກີດຂຶ້ນ ໃນທ່າມກາງທີ່ສະພາບເສດຖະກິດ ຂອງສັກດີນາແລະນາຍທຶນຂະຫຍາຍຕົວ.ແມ່ຍິງຖືກກົດຂີ່ຂູດຮີດຢ່າງໜັກໜ່ວງ, ເຮັດວຽກຫຼາຍຊົ່ວໂມງແຕ່ໄດ້ຮັບຄ່າຈ້າງແຮງງານລາຄາຖືກ,ເຮັດວຽກບໍ່ມີການຮັບປະກັນ, ບໍ່ມີລະບອບປົກປັກຮັກສາສຸຂະພາບຂອງແມ່ຍິງແລະເດັກນ້ອຍ. ຕໍ່ສະພາບດັ່ງກ່າວ,ກຳມະກອນແມ່ຍິງ ຈຶ່ງໄດ້ສາມັກຄີກັນລຸກຂຶ້ນຕໍ່ສູ້, ຈັດຕັ້ງໂຮມຊຸມນຸມປະທ້ວງແລະຄັດຄ້ານຕໍ່ການໃຫ້ຄ່າແຮງງານຕ່ຳ ແລະສະຖານທີ່ເຮັດວຽກບໍ່ຮັບປະກັນຕໍ່ສຸຂະພາບ.ໃນວັນທີ 8 ມີນາ 1908, ແມ່ຍິງໄດ້ເດີນຂະບວນຢູ່ເມືອງນິວຢອກເພື່ອທວງໃຫ້ນາຍທຶນຫຼຸດຜ່ອນຊົ່ວໂມງເຮັດວຽກ, ຢຸດເຊົາການຂູດຮີດແຮງງານເດັກ ແລະທວງໃຫ້ແມ່ຍິງ ມີສິດອອກສຽງເລືອກຕັ້ງແລະລົງຮັບສະໝັກເລືອກຕັ້ງ. ການເດີນຂະບວນປະທ້ວງດໍາເນີນໄປ ພາຍໃຕ້ຄໍາຂວັນ:ເຂົ້າຈີ່ແລະດອກກຸຫຼາບ. ເຂົ້າຈີ່ ໝາຍເຖິງເສດຖະກິດດີຂຶ້ນ, ດອກກຸຫຼາບໝາຍເຖິງຄຸນນະພາບຊີວິດທີ່ດີ.ປີ1910,ຂະບວນການຕໍ່ສູ້ຂອງແມ່ຍິງໄດ້ແຜ່ຂະຫຍາຍອອກໄປສູ່ທະວີບເອີຣົບແລະໃນປີນີ້ເອງກອງປະຊຸມສາກົນກ່ຽວກັບບັນຫາແມ່ຍິງຄັ້ງທຳອິດໄດ້ຈັດຂຶ້ນຢູ່ປະເທດດານມາກ ມີຜູ້ແທນ 100 ກວ່າຄົນ ຈາກ 17ປະເທດ,ກອງປະຊຸມໄດ້ຮັບຮອງ ແລະຕົກລົງເອົາວັນທີ 8 ມີນາ ຂອງທຸກປີເປັນວັນແມ່ຍິງສາກົນ. ວັນທີ 8 ມີນາຈຶ່ງເປັນເຫດການ-ການເມືອງທີ່ສຳຄັນ, ເປັນຂີດໝາຍແຫ່ງໄຊຊະນະພື້ນຖານຂອງຂະບວນການແມ່ຍິງສາກົນໃນການຕໍ່ສູ້ທວງເອົາສິດຜົນປະໂຫຍດອັນເປັນທໍາໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນຶກເຖິງການຕໍ່ສູ້ຂອງແມ່ຍິງເພື່ອປົດປ່ອຍຕົນເອງ ແລະທວງໃຫ້ມີສິດສະເໝີພາບປະຊາທິປະໄຕຄືກັນກັບຜູ້ຊາຍ. ທວງໃຫ້ແກ້ໄຂຊີວິດການເປັນຢູ່ພາຍໃຕ້ຄຳຂວັນ:ຜູ້ໜຶ່ງເຮັດວຽກມື້ລະ 8 ຊົ່ວໂມງ, ແມ່ຍິງ ແລະຜູ້ຊາຍເຮັດວຽກຄືກັນຕ້ອງໄດ້ຮັບເງິນເດືອນເທົ່າກັນ, ຕ້ອງມີລະບອບປ້ອງກັນສຸຂະພາບຂອງແມ່ຍິງ ແລະ ເດັກນ້ອຍ, ຕ້ານສົງຄາມຮຸກຮານ, ປົກປັກຮັກສາສັນຕິພາບຂອງໂລກ.ນັບແຕ່ນັ້ນມາວັນທີ 8 ມີນາຈຶ່ງໄດ້ຮັບການສະເຫຼີມສະຫຼອງ ຢູ່ໃນຫຼາຍປະເທດທົ່ວໂລກ.
ນີ້ສະແດງໃຫ້ເຫັນວ່າການສົ່ງເສີມແມ່ຍິງໃຫ້ມີບົດບາດໃນການນໍາພາ ແມ່ນສໍາຄັນຫຼາຍ ຕໍ່ການຊຸກຍູ້ຂະບວນການພັດທະນາໃນປະເທດ ກໍຄືທົ່ວໂລກ, ຖ້າຂາດການເຂົ້າຮ່ວມຂອງແມ່ຍິງ ຫຼືແມ່ຍິງ ຍັງບໍ່ມີບົດບາດນໍາພາ-ຕັດສິນບັນຫາ ຂະບວນການພັດທະນາກໍຈະບໍ່ສໍາເລັດໄດ້. ດັ່ງນັ້ນບັນຫາຂອງແມ່ຍິງ ຈຶ່ງຖືກກໍານົດໃນເປົ້າໝາຍສະຫັດສະວັດດ້ານການພັດທະນາ ຫຼື SDG ໃນເປົ້າໝາຍທີ 3: ສົ່ງເສີມບົດບາດຍິງ-ຊາຍ ແລະຄວາມກ້າວໜ້າຂອງແມ່ຍິງ ແລະເປົ້າໝາຍທີ 5: ປັບປຸງສຸຂະພາບຂອງແມ່.ຜ່ານພຶດຕິກໍາຕົວຈິງໄດ້ຊີ້ໃຫ້ເຫັນວ່າຕະຫຼອດໄລຍະຜ່ານມານັ້ນການເຄື່ອນໄຫວຂອງແມ່ຍິງ, ອົງການຈັດຕັ້ງສະຫະພັນແມ່ຍິງ ຍາມໃດກໍຕິດແໜ້ນກັບພາລະກິດຂອງຊາດ,ຂອງພັກ ໃນການປົກປັກຮັກສາ ແລະພັດທະນາປະເທດຊາດ.ຄະນະສະຫະພັນແມ່ຍິງໄດ້ເປັນເສນາທິການໃຫ້ຄະນະພັກທຸກຂັ້ນໃນການເປັນຕົວແທນແຫ່ງສິດ ແລະຜົນປະໂຫຍດອັນຊອບທໍາ ຂອງແມ່ຍິງລາວບັນດາເຜົ່າປຸກລະດົມພີ່ປ້ານ້າອາ ແລະເອື້ອຍນ້ອງແມ່ຍິງເດີນຕາມແນວທາງຂອງພັກ, ຫັນເອົາແນວທາງນະໂຍບາຍຂອງພັກມາເປັນແຜນພັດທະນາແມ່ຍິງໃນແຕ່ລະໄລຍະໃນປີ 2021-2025 ມີ 10 ແຜນງານ 65 ໂຄງການ ທັງໄດ້ນໍາພາຈັດຕັ້ງປະຕິບັດໃຫ້ເກີດດອກອອກຜົນເປັນຈິງ.ໃນໂອກາດນີ້ ກໍໄດ້ແນະນຳເຟສບຸກ ຂອງສູນໃຫ້ຄໍາປຶກສາ ແລະ ປົກປ້ອງແມ່ຍິງ-ເດັກນ້ອຍ.
ໃນພິທີ, ຜູ້ເຂົ້າຮ່ວມໄດ້ຮັບຊົມການສະແດງດົນຕີລາວສະໄໝ ວົງ The Pianist ພ້ອມນີ້ພາຍໃນງານ ກໍໄດ້ມີການວາງສະແດງຂາຍຜະລິດຕະພັນຂອງເອື້ອຍນ້ອງແມ່ຍິງເປັນຕົ້ນ: ກະເປົາ, ເຄື່ອງຫັດຖະກໍາຈັກສານ, ເສື້ອຜ້າຝ້າຍລາວ ແລະ ຜະລິດຕະພັນອື່ນໆ; ພ້ອມນີ້ກໍມີການໃຫ້ບໍລິການປຶກສາກວດສຸຂະພາບສາຍຕາໂດຍບໍ່ເສຍຄ່າ.
ຂ່າວ-ພາບ: ຍຸພິນທອ-ວັນເພັງ
ຄໍາເຫັນ