 |
ໂອກາດນີ້, ໄດ້ຮັບຟັງການລາຍງານສະພາບ ການນຳພາ ແລະ ປະຕິບັດວຽກງານຖະແຫຼງຂ່າວສື່ມວນຊົນ ຂອງຂະແໜງຖະແຫຼງຂ່າວ ແລະ ກອງວິຊາການ ສະຖານີວິທະຍຸ-ໂທລະພາບແຂວງ ໃນໄລຍະຜ່ານມາ, ຊຶ່ງພະນັກງານວິຊາການ ຂົງເຂດສື່ມວນຊົນແຂວງ ໄດ້ເຮັດໜ້າທີ່ເປັນກະບອກສຽງອັນແຫຼມຄົມ ໃຫ້ແກ່ອົງຄະນະພັກແຂວງ ໃນການໂຄສະນາເຜີຍແຜ່ແນວທາງນະໂຍບາຍຂອງພັກລະບຽບກົດໜາຍຂອງລັດ, ທັງຄຸ້ມຄອງ ແລະ ພັດທະນາສື່ມວນຊົນເປັນແຕ່ລະໄລຍະ, ປະກອບສ່ວນຢ່າງຕັ້ງໜ້າ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືແຂວງຫຼວງພະບາງ ໃຫ້ມີການພັດທະນາກ້າວຂຶ້ນຢ່າງບໍ່ຢຸດຢັ້ງ. ຈາກນັ້ນ, ຜູ້ເຂົ້າຮ່ວມໄດ້ມີການປະກອບຄຳເຫັນກ່ຽວກັບການຈັດຕັ້ງປະຕິບັດ ວຽກງານວິຊາສະເພາະໃນໄລຍະຜ່ານມາ ຍົກໃຫ້ເຫັນບັນດາຜົນງານທີ່ຍາດມາໄດ້ ລວມທັງບັນຫາຄົງຄ້າງທີ່ຈະຕ້ອງສືບຕໍ່ປັບປຸງ-ແກ້ໄຂໃນຕໍ່ໜ້າ.
ຕອນທ້າຍ, ທ່ານ ນາງ ວຽນວິໄລ ດີລະພັນ ໄດ້ຍ້ອງຍໍຊົມເຊີຍຕໍ່ຜົນງານທີ່ຄະນະນຳ ແລະພະນັກງານສື່ມວນຊົນ ທີ່ສາມາດເຮັດສໍາເລັດໜ້າທີ່ຂອງຕົນໃນການເປັນສື່ກາງ, ເປັນຂົວຕໍ່ໃຫ້ແກ່ພັກ-ລັດ ແລະ ປະຊາຊົນ ໄດ້ມີຄວາມສາມັກຄີເປັນເອກະພາບ ແລະ ປະຕິບັດແນວທາງຂອງພັກຕະຫຼອດມາ. ພ້ອມນີ້ ທ່ານໄດ້ເນັ້ນໃຫ້ສືບຕໍ່ເສີມຂະຫຍາຍມູນເຊື້ອອັນດີງາມ, ມີແນວຄິດອຸ່ນອ່ຽນ ທຸ່ນທ່ຽງ ເຊື່ອໜັ້ນຕໍ່ແນວທາງຂອງພັກ, ປະຕິບັດໜ້າທີ່ວຽກງານວິຊາສະເພາະ ໃຫ້ມີຜົນສຳເລັດສູງ ເປັນຕົ້ນ ການໂຄສະນາຮັບໃຊ້ໜ້າທີ່ການເມືອງໃຫ້ແກ່ ການກະກຽມດຳເນີນກອງປະຊຸມໃຫຍ່ ຂອງຜູ້ແທນອົງຄະນະພັກແຂວງຄັ້ງທີ 9 ທີ່ຈະໄຂຂຶ້ນໃນມໍ່ໆນີ້ ໃຫ້ເປັນຂະບວນຟົດຟື້ນກວ້າງຂວາງ, ພ້ອມກັນໂຄສະນາຕອບຕ້ານຂ່າວປອມ,ກົນອຸບາຍໃສ່ຮ້າຍປ້າຍສີລະບອບໃໝ່ ແລະ ການນຳພາຂອງພັກ, ເປັນເຈົ້າການພັດທະນາຕົນເອງດ້ວຍເງື່ອນໄຂ-ທ່າແຮງບົ່ມຊ້ອນ ແລະ ຄວາມຮູ້-ຄວາມສາມາດຂອງຕົນ ເຂົ້າໃນການປະຕິບັດໜ້າທີ່ວຽກງານສື່ມວນຊົນ ໃຫ້ມີໃບໜ້າໃໝ່ ແລະ ເກີດປະໂຫຍດສູງສຸດ ແກ່ສັງຄົມ, ພ້ອມກັນຜ່ານຜ່າບັນດາຂໍ້ຫຍຸ້ງຍາກ ເພື່ອເຮັດໃຫ້ວຽກງານສື່ມວນຊົນ ໄດ້ຮັບການພັດທະນາວອງໄວທັນເຫດການ.
(ແຂ່າວ: ແຂວງຫຼວງພະບາງ)
ຄໍາເຫັນ