ແລະ ຕ່າງປະເທດ, ເປັນກະບອກສຽງໂຄສະນາໃຫ້ແກ່ພັກ-ລັດ ກໍຄືໂຄສະນາແນວທາງນະໂຍບາຍຂອງພັກ-ລັດ ເພື່ອໃຫ້ມວນຊົນໄດ້ເຂົ້າໃຈຢ່າງເລິກເຊິ່ງພ້ອມທັງເປັນເຄື່ອງມືໃນການກະຕຸ້ນການພັດທະນາເສດຖະກິດ-ສັງຄົມຂອງປະເທດ.
ທ່ານ ເດຊານຸລາດ ແສນດວງເດດ ວ່າການແທນອະທິການບໍດີມະຫາວິທະຍາໄລແຫ່ງຊາດ (ມຊ) ໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້ວ່າ: ສື່ມວນຊົນມີຄວາມສຳຄັນຢ່າງຍິ່ງໃນການໂຄສະນາແນວທາງນະໂຍບາຍຂອງພັກ-ລັດ ບໍ່ວ່າໃນໄລຍະຜ່ານມາ ກໍຄືປັດຈຸບັນ, ຍິ່ງໃນຍຸກຂໍ້ມູນຂ່າວສານໄຮ້ພົມແດນ ສື່ມວນຊົນຍິ່ງຕ້ອງຍົກສູງບົດບາດຂອງຕົນ ພັດທະນາຄວາມຮູ້-ຄວາມສາມາດຢ່າງກວ້າງຂວາງຮອບດ້ານໃຫ້ທັນຍຸກ ທັນສະໄໝ ວ່ອງໄວ ຊັດເຈນ ຖືກຕ້ອງທັນເຫດການ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.
ທ່ານ ເດຊານຸລາດ ແສນດວງເດດ ກ່າວໃຫ້ຮູ້ອີກວ່າ: ໃນໄລຍະຜ່ານມາສື່ມວນຊົນໄດ້ອຸທິດຕົນເຂົ້າໃນພາລະກິດແຫ່ງການປະຕິວັດຊາດ ປະຊາທິປະໄຕ ມີຜົນສຳເລັດໃນຫຼາຍໆດ້ານ. ເວົ້າສະເພາະໃນຕໍ່ໜ້າຢາກໃຫ້ສື່ມວນຊົນເພີ່ມທະວີຄວາມເອົາໃຈໃສ່ໃນການໂຄສະນາຂໍ້ມູນຂ່າວສານໃຫ້ມີຄວາມຫຼາກຫຼາຍກວ່າເກົ່າ ໂດຍສະເພາະການປະຕິບັດຕົວຈິງເຊັ່ນ: ການນໍາສະເໜີບົດ-ຂ່າວວຽກດີຄົນເດັ່ນ, ຄອບຄົວຕົວແບບຂອງປະຊາຊົນບັນດາເຜົ່າເພື່ອໃຫ້ເປັນບົດຮຽນຕໍ່ສັງຄົມ,ເພີ່ມທະວີການວິເຄາະຂ່າວໃຫ້ເລິກເຊິ່ງກວ່າເກົ່າເພື່ອດຶງດູດຜູ້ບໍລິໂພກຂ່າວ ແນໃສ່ເຊີດຊູສະຕິຄວາມຕື່ນຕົວສູງຂອງສັງຄົມ ນໍ້າໃຈຟົດຟື້ນອອກແຮງງານ ປະດິດສ້າງຂອງປະຊາຊົນ ຫຼືກະຕຸ້ນໃຫ້ເກີດຄວາມຄິດ, ຢາກໃຫ້ວິເຄາະຫຼືຂຽນຕອບໂຕ້ບັນຫາຫາງສຽງສັງຄົມທີ່ເປັນຫາງສຽງດ້ານລົບ.ໃນໄລຍະຜ່ານມາເຖິງປັດຈຸ ບັນ ມຊ ໄດ້ມີຫຼັກສູດສື່ສານມວນຊົນຊຶ່ງໃນແຕ່ລະປີໄດ້ມີການພັດທະນາບຸກຄະລາກອນ ເພື່ອຕອບສະໜອງໃຫ້ແກ່ວຽກງານສື່ມວນຊົນກະຈາຍອອກສູ່ສັງຄົມເປັນຈຳນວນຫຼາຍ ເພື່ອປະກອບສ່ວນເຂົ້າໃນການພັດທະນາປະເທດຊາດ.
ຄໍາເຫັນ