ພິທີມອບໃບຍ້ອງຍໍ ແລະ ໂລທີລະນຶກໃຫ້ພະນັກງານ-ນັກຮົບ

ຕຳຫຼວດລາດຕະເວນທາງນ້ຳ ປະຈຳແຂວງບໍ່ແກ້ວ ໄດ້ຮັບການຍ້ອງຍໍ ແລະ ໂລທີລະນຶກ

15:19 18/12/2024

ໃນວັນທີ 17 ທັນວາຜ່ານມາ, ຢູ່ທີ່ສູນປະສານງານ ລາວ-ຈີນ ປະຈຳບ້ານມອມ ເມືອງຕົ້ນເຜີ້ງ ແຂວງບໍ່ແກ້ວ ໄດ້ຈັດພິທີມອບໃບຍ້ອງຍໍ ແລະ ໂລທີລະນຶກໃຫ້ພະນັກງານ-ນັກຮົບ ຕໍາຫຼວດລາດຕະເວນທາງນໍ້າ,

ຝ່າຍລາວນຳໂດຍ ສະຫາຍ ພັນໂທ ເຄນ ແກ້ວດາລາ ຄະນະບໍລິຫານງານພັກກອງບັນຊາການ ຮອງຫົວໜ້າຫ້ອງການເມືຶອງກອງບັນຊາການທະຫານແຂວງບໍ່ແກ້ວ, ຝ່າຍຈີນນຳໂດຍ ສະຫາຍ ພັນໂທ ຢຸຍຊຽງຈົງ ຫົວໜ້າສູນປະສານງານ ລາວ-ຈີນ ປະຈຳແຂວງບໍ່ແກ້ວ, ມີພະແນກການທີ່ກ່ຽວຂ້ອງ ຕະຫຼອດຮອດ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ສົມພອນ ພົງປະສິດ ຮອງຫົວໜ້າພະແນກນະໂຍບາຍ ກອງບັນຊາການທະຫານແຂວງບໍ່ແກ້ວ ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງ ວ່າດ້ວຍການມອບໃບຍ້ອງຍໍ ແລະ ໂລທີລະນຶກ ໃຫ້ເຈົ້າໜ້າທີ່ ແລະ ພາກສ່ວນວິຊາການ ທີ່ມີຜົນງານດີເດັ່ນໃນການປະຕິບັດໜ້າທີ່ວຽກງານການເຄື່ອນໄຫວຂອບເຂດຊາຍແດນຕາມລໍາແມ່ນໍ້າຂອງຕອນເໜືອໃຫ້ມີຄວາມສະຫງົບຕະຫຼອດມາ. ໄລຍະຜ່ານມາ ຄະນະທັງສອງຝ່າຍໄດ້ເອົາໃຈໃສ່ເຮັດໃຫ້ສະພາບລຽບຕາມລໍາແມ່ນໍ້າຂອງຕອນ
ເໜືອ, ຕາມຂອບເຂດຊາຍແດນ ລາວ-ຈີນ ມີຜົນສໍາເລັດຫຼາຍດ້ານ, ຊຶ່ງໄດ້ອໍານວຍຄວາມສະດວກໃຫ້ແກ່ການເດີນເຮືອ. ກອງບັນຊາການທະຫານແຂວງບໍ່ແກ້ວຕົກລົງ ມອບໃບຍ້ອງຍໍ ຈຳນວນ 1 ສະຫາຍ ແລະ ມອບໂລ່ທີ່ລະນຶກ ຈຳນວນ 25 ສະຫາຍຢ່າງສົມກຽດ. ເປັນກຽດຂຶ້ນມອບຂອງສະຫາຍ ພັນໂທ ເຄນ ແກ້ວດາລາ.
ໂອກາດນີ້, ສະຫາຍ ພັນໂທ ເຄນ ແກ້ວດາລາ ໄດ້ສະແດງຄວາມຂອບໃຈມາຍັງຫົວໜ້າສູນປະສານງານ ຕະຫຼອດຮອດພະນັກງານ-ນັກຮົບ ທີ່ປະຈຳສູນປະສານງານ ລາວ-ຈີນ ທີ່ໃຫ້ການຊ່ວຍເຫຼືອກອງບັນຊາການທະຫານແຂວງບໍ່ແກ້ວ ໃນການຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ, ການຄ້າຂາຍເຖື່ອນ, ບັນຫາຢາເສບຕິດ, ການຄ້າມະນຸດ ໂດຍສະເພາະແມ່ນການຮ່ວມມືລາດຕະເວນທາງນໍ້າຕາມລໍາແມ່ນໍ້າຂອງຕອນເໜືອ ເພື່ອເຮັດໃຫ້ສະພາບມີຄວາມສະຫງົບປອດໄພໂດຍພື້ນຖານ. ພ້ອມນີ້ຍັງຈະສືບຕໍ່ເສີມຂະຫຍາຍຄວາມສາມັກຄີລະຫວ່າງ ກອງບັນຊາການໃຫຍ່ຕໍາຫຼວດລາດຕະເວນທາງນໍ້າ ແຂວງຢູນນານ ສປ ຈີນ ກັບ ກອງບັນຊາການທະຫານແຂວງບໍ່ແກ້ວ ໃຫ້ນັບມື້ແໜ້ນແຟ້ນຍິ່ງໆຂຶ້ນ.
(ຂ່າວ: ວໍລະສິດ ພິດສະຫາຍ)

ຄໍາເຫັນ

ຂ່າວວັດທະນະທຳ-ສັງຄົມ

ພ້ອມກັນໄປໃຊ້ສິດເລືອກຕັ້ງ ສສຊ ແລະ ສສຂ ຢ່າງມີປະຊາທິປະໄຕ

20/02/2026 10:42

ໃນທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນ ລາວທັງຊາດ ພວມເອກອ້າງທະນົງໃຈ ແລະ ອອກແຮງຜັນຂະຫຍາຍຜົນສໍາເລັດອັນຈົບງາມຂອງ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ ນັ້ນ, ວັນທີ 22 ກຸມພາ 2026 ນີ້ ປະຊາຊົນລາວບັນດາເຜົ່າຜູ້ມີສິດເລືອກຕັ້ງທົ່ວປະເທດ ລວມທັງຜູ້ດຳລົງຊີວິດ ແລະ ປະຕິບັດໜ້າທີ່, ວຽກງານຢູ່ຕ່າງປະເທດ ຈໍານວນທັງໝົດ 4,764,384 ຄົນ ຍິງ 2,384,104 ຄົນ ໄດ້ພ້ອມກັນໄປໃຊ້ສິດປ່ອນບັດເລືອກຕັ້ງເອົາສະມາຊິກສະພາແຫ່ງຊາດ ຊຸດທີ X ຈໍານວນ 175 ທ່ານ ໃນນັ້ນ ຈໍານວນຜູ້ສະໝັກຮັບເລືອກຕັ້ງທັງໝົດ ຈຳນວນ 243 ທ່ານ ແລະ ເລືອກເອົາສະມາຊິກສະພາປະຊາຊົນຂັ້ນແຂວງ ຊຸດທີ V ຈໍານວນ 745 ທ່ານ ໃນນັ້ນ ຈໍານວນຜູ້ອອກສະໝັກຮັບເລືອກຕັ້ງ ຈໍານວນທັງໝົດ 1,041 ທ່ານ ເພື່ອເປັນຕົວແທນໃຫ້ແກ່ ສິດ ແລະ ຜົນປະໂຫຍດຂອງປະຊາຊົນລາວ 50 ຊົນເຜົ່າຢູ່ສະພາແຫ່ງຊາດ ທີ່ເປັນອົງການສູງສຸດ ແຫ່ງອໍານາດລັດ ແລະ ສະພາປະຊາຊົນຂັ້ນແຂວງໃນແຕ່ລະທ້ອງຖິ່ນ ດ້ວຍບັນຍາກາດອັນເບີກບານມ່ວນຊື່ນ, ຫ້າວຫັນ, ຟົດຟືນ, ເປັນຂະບວນການແຂງແຮງ ແລະ ສາມັກຄີເປັນປຶກແຜ່ນ ໃນທົ່ວປະເທດ.

ລົງຕິດຕາມວຽກງານກຽມການເລືອກຕັ້ງເມືອງສະໜາມໄຊ

20/02/2026 10:10

ວັນທີ 19 ກຸມພານີ້ ທີ່ຫ້ອງການປົກຄອງເມືອງສະໜາມໄຊ ແຂວງອັດຕະປື, ໄດ້ມີກອງປະຊຸມລາຍງານກ່ຽວກັບຜົນສໍາເລັດຂອງການເຄື່ອນໄຫວວຽກງານກະກຽມ ແລະ ດໍາເນີນການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V, ໂດຍການເປັນປະທານ ຂອງທ່ານ ຈັນທະວົງ ແສນອາມາດມົນຕີ ຮອງປະທານກໍາມາທິການຕ່າງປະເທດ ກໍາມະການອະນຸກໍາມະການເລຂານຸການຄະນະກໍາມະການເລືອກຕັ້ງລະດັບຊາດ.

2025 ສ່ວຍສາອາກອນແຂວງສາລະວັນຈັດເກັບລາຍຮັບໄດ້ 223.31 ຕື້ກີບ ລື່ນແຜນ 24,05%

20/02/2026 09:11

ໃນປີ 2025 ສ່ວຍສາອາກອນ ປະຈຳແຂວງສາລະວັນ ສາມາດເກັບລາຍຮັບໄດ້ທັງໝົດ 233.31 ຕື້ກີບເທົ່າກັບ 124.05%, ລື່ນແຜນການ 24,05% ທຽບໃສ່ໄລຍະດຽວກັນ ຂອງປີຜ່ານມາ ເພີ່ມຂຶ້ນ 45%.ໃນນັ້ນ, ຂັ້ນແຂວງ ຈັດເກັບໄດ້ 154.95 ຕື້ກີບເທົ່າກັບ 127.72% ແລະ ຂັ້ນເມືອງຈັດເກັບໄດ້ 78.36 ຕື້ກີບ ເທົ່າກັບ 117.38% ຂອງແຜນການປີ.

ກະຊວງຍຸຕິທຳ ປະກາດພະນັກງານອອກພັກການ-ຮັບອຸດໜູນບຳນານ

19/02/2026 14:18

ພິທີປະກາດພະນັກງານນຳພາ-ຄຸ້ມຄອງ ຂອງກະຊວງຍຸຕິທຳ ອອກພັກການ-ຮັບອຸດໜູນບຳນານ ໄດ້ຈັດຂຶ້ນໃນວັນທີ 19 ກຸມພານີ້ ທີ່ກະຊວງຍຸຕິທຳ ໂດຍການເປັນປະທານຂອງ ທ່ານ ໄພວີ ສີບົວລິພາ ລັດຖະມົນຕີກະຊວງຍຸຕິທຳ, ມີຜູ້ຕາງໜ້າຈາກຄະນະຈັດຕັ້ງສູນກາງພັກ, ບັນດາທ່ານຮອງລັດຖະມົນຕີ, ຫົວໜ້າກົມ, ຮອງກົມ ພ້ອມດ້ວຍພະນັກງານວິຊາການເຂົ້າຮ່ວມ.

ຢາກໃຫ້ຊ່ວຍເຫຼືອແມ່ຍິງ ແລະ ເດັກນ້ອຍມີຊີວິດການເປັນຢູ່ທີ່ດີຂຶ້ນ

19/02/2026 13:27

ທ່ານ ນາງ ພຸດດາວັນ ໄຊອານິນ ປະຊາຊົນຢູ່ບ້ານຈໍາປາວ ເມືອງສາມັກຄີໄຊ ແຂວງອັດຕະປືໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ໃນວັນທີ 18 ກຸມພານີ້ ທີ່ບ້ານຮົ່ມ ເມືອງສາມັກຄີໄຊ ແຂວງອັດຕະປື ວ່າ: ຂ້າພະເຈົ້າຮູ້ສຶກພາກພູມໃຈຫຼາຍ ທີ່ຈະໄດ້ປ່ອນບັດເລືອກຕັ້ງ ເອົາສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ໃນວັນທີ 22 ກຸມພາ 2026 ທີ່ຈະມາເຖິງນີ້. ຄວາມຄາດຫວັງນໍາ ສສຊ ແລະ ສສຂ ຄັ້ງນີ້ ແມ່ນຢາກໃຫ້ ຊ່ວຍເລື່ອງສິດສະເໝີພາບ ລະຫວ່າງຍິງ-ຊາຍ ໃຫ້ຫຼາຍຂຶ້ນ, ຊ່ວຍເຫຼືອແມ່ຍິງ ແລະ ເດັກນ້ອຍ ເວົ້າລວມ, ເວົ້າສະເພາະ ຊ່ວຍເຫຼືອເດັກນ້ອຍຜູ້ຍິງໃຫ້ໄດ້ຮັບການສຶກສາທີ່ດີ, ເຂົ້າເຖິງດ້ານສາທາລະນະສຸກ, ພັດທະນາຊີວິດການເປັນຢູ່ທີ່ດີຂຶ້ນ, ພັດທະນາເສັ້ນທາງເພື່ອການໄປ-ມາຫາສູ່ກັນສະດວກສະບາຍ ໂດຍລວມແລ້ວ ຢາກໃຫ້ ສສຊ ແລະ ສສຂ ຊຸດນີ້ ພັດທະນາເສດຖະກິດ-ສັງຄົມໃຫ້ໄປໃນທາງທີ່ດີຂຶ້ນຫຍັບເຂົ້າໃກ້ສາກົນໃຫ້ຫຼາຍຂຶ້ນ.

ມອບ-ຮັບໃບຢັ້ງຢືນໜ່ວຍພັກປອດໃສເຂັ້ມແຂງ, ໜັກແໜ້ນ ແລະ ຍ້ອງຍໍຜົນງານປະຈໍາປີ 2025

19/02/2026 13:26

ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດພິທິມອບ-ຮັບໃບຢັ້ງຢືນໜ່ວຍພັກປອດໃສເຂັ້ມແຂງ, ໜັກແໜ້ນ ແລະ ຍ້ອງຍໍຜົນງານ ຂອງອົງຄະນະພັກກະຊວງ ຮສສ ປະຈໍາປີ 2025 ຂຶ້ນໃນວັນທີ 19 ກຸມພານີ້ ທີ່ກະຊວງດັ່ງກ່າວ ໂດຍການເປັນປະທານ ແລະ ໃຫ້ກຽດມອບໃບຢັ້ງຢືນໃນຄັ້ງນີ້ຂອງສະຫາຍນາງ ແກ້ວ ຈັນທະວີໄຊ ຮອງເລຂາຄະນະພັກ ຮອງລັດຖະມົນຕີກະຊວງ ຮສສ, ສະຫາຍ ພົງໄຊສັກ ອິນຖາລາດ ຄະນະປະຈໍາພັກ ຮອງລັດຖະມົນຕີ ກະຊວງ ຮສສ, ມີບັນດາກໍາມະການຄະນະພັກກະຊວງ, ຄະນະພັກຮາກຖານ ແລະ ບັນດາໜ່ວຍພັກ, ພ້ອມດ້ວຍພະນັກງານ-ສະມາຊິກພັກ ເຂົ້າຮ່ວມ.

ຈົ່ງພ້ອມກັນເປັນເຈົ້າການໃນບັ້ນເລືອກຕັ້ງ ສສຊ ແລະ ສສຂ

19/02/2026 13:22

ໃນວັນທີ 22 ມີນາ 2026 ທີ່ຈະມາເຖິງນີ້ ຊຶ່ງເປັນເຫດການປະຫວັດສາດທີ່ມີຄວາມໝາຍສຳຄັນທີ່ສຸດໃນຊີວິດການເມືອງຂອງປະຊາຊົນລາວບັນດາເຜົ່າທົ່ວທັງຊາດ ລວມທັງພົນລະເມືອງລາວທີ່ດຳລົງຊີວິດ ແລະ ປະຕິບັດໜ້າທີ່ວຽກງານ ຢູ່ຕ່າງປະເທດ ຊຶ່ງເປັນຂີດໝາຍສຳຄັນຍິ່ງອີກຄັ້ງໜຶ່ງໃນການເສີມຂະຫຍາຍ ແລະ ປະຕິບັດສິດ ປະຊາທິປະໄຕຂອງປະຊາຊົນລາວບັນດາເຜົ່າໃນຖານະເປັນເຈົ້າຂອງອຳນາດລັດ ຂອງ ສາທາລະນະລັດ ປະຊາທິ ປະໄຕ ປະຊາຊົນລາວ

ທ່ານ ຈັນທະວົງ ແສນອາມາດມົນຕີ ຕິດຕາມວຽກງານຮອບດ້ານ ການເລືອກຕັ້ງຢູ່ແຂວງອັດຕະປື

19/02/2026 13:14

ທ່ານ ຈັນທະວົງ ແສນອາມາດມົນຕີ ຮອງປະທານກໍາມາທິການຕ່າງປະເທດ ສະພາແຫ່ງຊາດ ກໍາມະການອະນຸກໍາມະການເລຂານຸການ ຂອງຄະນະກໍາມະການເລືອກຕັ້ງລະດັບຊາດ ພ້ອມດ້ວຍຄະນະ ລົງເຄື່ອນໄຫວ ຕິດຕາມ, ກວດກາ ວຽກງານຮອບດ້ານ ບັນຍາກາດການເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາຂັ້ນແຂວງ (ສສຂ) ຊຸດທີV, ໃນວັນທີ 18 ກຸມພານີ້ ທີ່ບ້ານຮົ່ມ ເມືອງສາມັກຄີໄຊ ແຂວງອັດຕະປື.

ເຊກອງ ຈັດກິດຈະກຳຍ່າງເພື່ອສຸຂະພາບ ຕ້ອນຮັບບັ້ນເລືອກຕັ້ງ ສສຊ ແລະ ສສຂ

19/02/2026 11:18

ຕອນເຊົ້າວັນທີ 19 ກຸມພານີ້, ຄະນະກໍາມະການເລືອກຕັ້ງຂັ້ນແຂວງ, ອະນຸກາມະການໂຄສະນາ ແລະ ປຸກລະດົມຂະບວນການ ບັ້ນເລືອກຕັ້ງ ສສຊ ແລະ ສສຂ ໄດ້ຈັດກິດຈະກຳຍ່າງເພື່ອສຸຂະພາບ ພາຍໃຕ້ຄໍາຂວັນ “ຂະບວນຍ່າງເພື່ອຂໍ່ານັບຮັບຕ້ອນບັ້ນເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ທີ່ແຂວງເຊກອງ ” ຊຶ່ງນໍາພາໂດຍ ທ່ານ ບຸນຫລາຍ ບຸດທິ ເລຂາພັກແຂວງ ປະທານຄະນະກໍາມະການເລືອກຕັ້ງຂັ້ນແຂວງ, ມີບັນດາຄະນະປະຈໍາ, ກໍາມະການພັກແຂວງ, ຜູ້ສະໝັກເລືອກຕັ້ງ ສສຊ, ສສຂ, ພະນັກອາວຸໂສບໍານານ, ພະແນກການ, ອົງການທຽບເທົ່າ, ລັດວິສາຫະກິດ ພາຍໃນແຂວງເຂົ້າຮ່ວມ.

ວທ ເປີດຊຸດອົບຮົມວຽກງານກວດກາ

19/02/2026 11:16

ກະຊວງວັດທະນະທຳ ແລະ ການທ່ອງທ່ຽວ (ວທ) ໄດ້ເປີດຊຸດອົບຮົມວຽກງານກວດກາໃຫ້ຜູ້ຮັບຜິດຊອບເຮັດວຽກງານກວດກາ ຂຶ້ນໃນວັນທີ 19 ກຸມພານີ້ ທີ່ກະຊວງ ວທ, ໂດຍການເປັນປະທານ ແລະ ກ່າວເປີດຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງ ວທ, ບັນດາຮອງລັດຖະມົນຕີ, ຄູ-ອາຈານ ທີ່ມາຈາກຄະນະກວດກາສູນກາງພັກ, ອົງການກວດກາແຫ່ງລັດ ແລະ ພາກສ່ວນກ່ຽວຂ້ອງເຂົ້າຮ່ວມ.

ເພີ່ມເຕີມ