(ໃນໂອກາດວັນສ້າງຕັ້ງພັກກອມມູນິດ ຫວຽດນາມ ຄົບຮອບ 94 ປີ, 3/2/1930-3/2/2024)
ຮຽບຮຽງໂດຍ: ວິໄລສັກ
ພັກກອມມູນິດ ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອວັນທີ 3/2/1930 ແມ່ນບາດລ້ຽວປະຫວັດສາດອັນຍິ່ງໃຫຍ່ຂອງຊາດຫວຽດນາມ, ນຳການປະຕິວັດ ຫວຽດນາມ ຈາກໄຊຊະນະນີ້ ໄປສູ່ໄຊຊະນະອື່ນ. ໃນຂະບວນວິວັດ 94 ປີ ແຫ່ງການສ້າງຕັ້ງ ແລະ ພັດທະນາ, ພັກ ຍາມໃດ ກໍຖືເປັນສຳຄັນໃນວຽກງານກໍ່ສ້າງ ແລະ ປັບປຸງພັກ, ເປັນເອກະພາບໃນການສືບທອດ ແລະ ພັດທະນາແນວທາງ, ແຜນນະໂຍບາຍໃຫ້ເໝາະສົມກັບແຕ່ລະໄລຍະ. ພິເສດ ແມ່ນໃນໄລຍະອັນໃກ້ນີ້. ດ້ວຍການເພີ່ມເຕີມ, ສືບທອດ, ສ້າງແນວທາງກ່ຽວກັບວຽກງານກໍ່ສ້າງ, ປັບປຸງພັກ ໃຫ້ສົມບູນແບບ. ພັກກອມມູນິດ ຫວຽດນາມ ນັບມື້ຕັດສິນໃຈສ້າງການຫັນປ່ຽນໃໝ່ ຢ່າງຕັ້ງໜ້າ.
ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ III ຂອງພັກ ປີ 1960 ໄດ້ວາງອອກບັນດາໜ້າທີ່ກໍ່ສ້າງພັກ ຢູ່ໃນ 3 ເສົາຄ້ຳຄື: ແນວຄິດ, ການເມືອງ, ການຈັດຕັ້ງ. ໂຄງປະກອບນີ້, ໄດ້ມີການປ່ຽນແປງໃນປີ 2016, ກອງປະຊຸມໃຫຍ່ຄັ້ງທີ XII ຂອງ ພັກ ໄດ້ກຳນົດການກໍ່ສ້າງພັກ ກ່ຽວກັບຄຸນສົມບັດ ເປັນປັດໄຈພື້ນຖານ ໃນການກໍ່ສ້າງພັກ ເພື່ອຕອບສະໜອງຄວາມຮຽກຮ້ອງຕ້ອງການຂອງສະພາບການໃໝ່.
ການສ້າງແນວທາງກ່ຽວກັບວຽກງານກໍ່ສ້າງພັກ ໃຫ້ສົມບູນແບບ
ກ່ຽວກັບການເພີ່ມເຕີມປັດໄຈຄຸນສົມບັດ, ກອງປະຊຸມໃຫຍ່ຄັ້ງທີ XII ຂອງພັກກອມມູນິດ ຫວຽດນາມ ໄດ້ກຳນົດ ວຽກງານກໍ່ສ້າງພັກ ໂດຍຜ່ານ 4 ເສົາຄ້ຳຄື: ການເມືອງ, ແນວຄິດ, ການຈັດຕັ້ງ ແລະ ຄຸນສົມບັດ. ມາຮອດກອງປະຊຸມໃຫຍ່ຄັ້ງທີ XIII, ພັກກອມມູນິດ ຫວຽດນາມ ໄດ້ນຳວຽກງານພະນັກງານ ເປັນປັດໄຈສຳຄັນ, ພື້ນຖານໃນວຽກງານກໍ່ສ້າງພັກ.
ທ່ານ ຫງວຽນ ດຶກ ຮ່າ ຫົວໜ້າຄະນະຈັດຕັ້ງສູນກາງ ເນັ້ນໜັກວ່າ: ຄວາມຮຽກຮ້ອງຕ້ອງການທີ່ວາງອອກປັດຈຸບັນ ສຳລັບພະນັກງານ ແມ່ນຕ້ອງເປັນເຈົ້າການ, ມີຫົວຄິດປະດິດສ້າງ, ບໍ່ໃຫ້ຕົກທ່າຮັບ, ບໍ່ລໍຄອຍ. ບົນພື້ນຖານບົດບາດໜ້າທີ່ຂອງຕົນ ຕ້ອງຮູ້ວ່າຕົນເອງ ຕ້ອງເຮັດຫຍັງ, ເຮັດຄືແນວໃດ?, ສິ່ງສຳຄັນທີ່ສຸດ ປັດຈຸບັນ ແມ່ນຕ້ອງເລີ່ມມາຈາກເປົ້າໝາຍ, ຈາກຄວາມມຸ່ງມາດປາຖະໜາຂອງປະຊາຊົນ. ດັ່ງທີ່, ສະຫາຍ ຫງວຽນ ຝູຈ້ອງ ເລຂາທິການໃຫຍ່ ພັດດອມມູນິດ ຫວຽດນາມ ໄດ້ຕັກເຕືອນມາຫຼາຍຄັ້ງຄື: ຕ້ອງເພື່ອປະເທດຊາດ, ເພື່ອປະຊາຊົນ ແລະ ເພື່ອສ່ວນລວມ.
ນັບແຕ່ກ້າວເຂົ້າສູ່ກິດຈະການປ່ຽນແປງໃໝ່ ໃນປີ 1986, ພັກກອມມູນິດ ຫວຽດນາມ ໄດ້ປະກາດໃຊ້ຫຼາຍມະຕິກ່ຽວກັບການກໍ່ສ້າງ, ປັບປຸງພັກ. ສະເພາະ 10 ປີມໍ່ໆມານີ້, ກອງປະຊຸມຄັ້ງທີ 4 ຄະນະບໍລິຫານງານສູນກາງ ລ້ວນແຕ່ປະກາດໃຊ້ບັນດາມະຕິ, ບົດສະຫຼຸບ, ຂໍ້ກຳນົດສຳຄັນ, ເຄັ່ງຄັດ ກ່ຽວກັບວຽກງານກໍ່ສ້າງປັບປຸງພັກ.
ໃນການສືບທອດ, ເພີ່ມເຕີມ, ພັດທະນາຫຼາຍເນື້ອໃນສຳຄັນບັນດາມະຕິຂອງສູນກາງກ່ອນໜ້ານີ້ີ, ມະຕິກອງປະຊຸມໃຫຍ່ຄັ້ງທີ XIII ໄດ້ກ່າວເຖິງຫຼາຍເນື້ອໃນໃໝ່, ພົ້ນເດັ່ນ ແມ່ນທັດສະນະຖືເອົາ “ວຽກງານປ້ອງກັນ, ຕ້ານການສໍ້ລາດບັງຫຼວງ, ການຟຸມເຟືອຍ ແມ່ນໜ້າທີ່ສຳຄັນພິເສດ ແລະ ເດັດດ່ຽວ; ຢຶດໝັ້ນການຕໍ່ສູ້ປ້ອງກັນ, ຕ້ານການສໍ້ລາດບັງຫຼວງ, ການຟຸມເຟືອຍ, ດ້ວຍຄວາມຕັດສິນໃຈດ້ານການເມືອງສູງກວ່າເກົ່າ, ມີການກະທຳຢ່າງແຂງແຮງກວ່າເກົ່າ, ແທດຈິງກວ່າເກົ່າ, ມີປະສິດທິຜົນກວ່າເກົ່າ” ເພື່ອເພີ່ມທະວີການກໍ່ສ້າງ ແລະ ປັບປຸງພັກ; ກໍ່ສ້າງ ແລະ ປັບປຸງລະບົບການເມືອງ; ກໍ່ສ້າງ ແລະ ປັບປຸງ ກຸ່ມກ້ອນມະຫາສາມັກຄີທົ່ວປວງຊົນທັງຊາດ ໃຫ້ເປັນປຶກແຜ່ນໜາແໜ້ນ.
ປັດໄຈຫຼັກແຫຼ່ງ, ສ້າງກຳລັງໜູນຊຸກຍູ້ທົ່ວລະບົບ
ໂດຍປະຕິບັດວຽກງານກໍ່ສ້າງ, ປັບປຸງພັກ ໃຫ້ດີ ແມ່ນປັດໄຈຫຼັກແຫຼ່ງ, ສ້າງກຳລັງໜູນຊຸກຍູ້ການກໍ່ສ້າງລະບົບການເມືອງ. ກົງກັນຂ້າມ, ການກໍ່ສ້າງລະບົບການເມືອງ ໃຫ້ປອດໃສ, ໝັ້ນຄົງເຂັ້ມແຂງ, ເຄື່ອນໄຫວ ຢ່າງມີປະສິດທິພາບ, ປະສິດທິຜົນ ຈະສ້າງພື້ນຖານອັນໜັກແໜ້ນ ໃນການປັບປຸງບົດບາດນຳພາຂອງພັກ ສຳລັບລະບົບການເມືອງ ແລະ ທົ່ວສັງຄົມ. ສະນັ້ນ, ກອງປະຊຸມສູນກາງພັກເທື່ອທີ 4 ສະໄໝທີ XIII ສືບຕໍ່ປະກາດໃຊ້ບົດສະຫຼຸບກ່ຽວກັບວຽກງານກໍ່ສ້າງ, ປັບປຸງພັກ ແລະ ລະບົບການເມືອງ. ໃນນັ້ນ, ຢັ້ງຢືນເປົ້າໝາຍ ຊຸກຍູ້ວຽກງານກໍ່ສ້າງ, ປັບປຸງພັກ ແລະ ລະບົບການເມືອງ ເພື່ອແນໃສ່ຍົກສູງກຳລັງຄວາມສາມາດການນຳພາ, ກຳອຳນາດ, ກຳລັງຕໍ່ສູ້ຂອງພັກ. ບັນຫາຫຼັກແຫຼ່ງຂອງວຽກງານກໍ່ສ້າງພັກ ແມ່ນຍົກສູງລະດັບການນຳພາຂອງພັກ ກຳອຳນາດໃນເງື່ອນໄຂສືບຕໍ່ກໍ່ສ້າງ ແລະ ປັບປຸງລັດ ແຫ່ງອຳນາດກົດໝາຍ ສັງຄົມນິຍົມ ຫວຽດນາມ ໃຫ້ສົມບູນແບບ.
ທ່ານ ເລມິງທົງ ກຳມະການສະພາທິດສະດີສູນກາງ ເນັ້ນໜັກວ່າ: ໃນລັດແຫ່ງອຳນາດກົດໝາຍ, ພັກຕ້ອງປະຕິບັດ 5 ກຳ. ໜຶ່ງ, ແມ່ນກຳອຳນາດເພື່ອປະຊາຊົນ. ສອງ, ແມ່ນກຳອຳນາດຕາມກົດໝາຍ. ສາມ, ພັກກຳອຳນາດປະຊາທິປະໄຕ. ສີ່, ພັກກຳອຳນາດວິທະຍາສາດ. ຫ້າ, ພັກກຳອຳນາດຢ່າງສັດຊື່ບໍລິສຸດ, ເຫັນແກ່ສ່ວນລວມ ບໍ່ເຫັນແກ່ສ່ວນຕົວ.
ເດັດດ່ຽວຕໍ່ສູ້ຕ້ານລັດທິສ່ວນຕົວ, ສະກັດກັ້ນ, ຍູ້ຖອຍ, ແກ້ໄຂຢ່າງເຂັ້ມງວດ ກໍລະນີພະນັກງານ, ສະມາຊິກພັກ ເສື່ອມທາດຂາດຄຸນ ດ້ານແນວຄິດ, ຄຸນສົມບັດ, ແບບແຜນການດຳລົງຊີວິດ, ປະກົດການຫັນປ່ຽນຕົນເອງ, ຜັນແປຕົນເອງ; ສົມທົບຢ່າງແໜ້ນແຟ້ນ, ກົມກຽວ ລະຫວ່າງ ການກໍ່ສ້າງ ແລະ ການຕ້ານ. ການກໍ່ສ້າງ ແມ່ນໜ້າທີ່ພື້ນຖານ, ຍຸດທະສາດ, ຍາວນານ. ຕ້ານ ແມ່ນໜ້າທີ່ສຳຄັນ, ຮີບດ່ວນ, ເປັນປະຈຳ ໃນວຽກງານກໍ່ສ້າງພັກ ປັດຈຸບັນ ຢູ່ ຫວຽດນາມ. ເປົ້າໝາຍ ແມ່ນແນໃສ່ສ້າງບາດກ້າວພັດທະນາໃໝ່ຂອງພັກ ກ່ຽວກັບສະຕິປັນຍາ, ຄຸນທາດການເມືອງ, ຄຸນສົມບັດ, ສີວິໄລຢ່າງແທ້ຈິງ ນັບມື້ສະໜິດຕິດພັນຢ່າງແໜ້ນແຟ້ນກັບປະຊາຊົນ, ນັບມື້ໄດ້ຮັບຄວາມເຊື່ອໝັ້ນຈາກປະຊາຊົນ, ມີອິດທິພົນຊື່ສຽງ ແລະ ກຳລັງຄວາມສາມາດການນຳພາ ຢ່າງຄົບຖ້ວນ ໃນການປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ ແລະ ພາລະກິດສ້າງສາ ແລະ ປົກປັກຮັກສາປະເທດຊາດຢ່າງມີໄຊ.
ຮຽບຮຽງໂດຍ: ວິໄລສັກ
ພັກກອມມູນິດ ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອວັນທີ 3/2/1930 ແມ່ນບາດລ້ຽວປະຫວັດສາດອັນຍິ່ງໃຫຍ່ຂອງຊາດຫວຽດນາມ, ນຳການປະຕິວັດ ຫວຽດນາມ ຈາກໄຊຊະນະນີ້ ໄປສູ່ໄຊຊະນະອື່ນ. ໃນຂະບວນວິວັດ 94 ປີ ແຫ່ງການສ້າງຕັ້ງ ແລະ ພັດທະນາ, ພັກ ຍາມໃດ ກໍຖືເປັນສຳຄັນໃນວຽກງານກໍ່ສ້າງ ແລະ ປັບປຸງພັກ, ເປັນເອກະພາບໃນການສືບທອດ ແລະ ພັດທະນາແນວທາງ, ແຜນນະໂຍບາຍໃຫ້ເໝາະສົມກັບແຕ່ລະໄລຍະ. ພິເສດ ແມ່ນໃນໄລຍະອັນໃກ້ນີ້. ດ້ວຍການເພີ່ມເຕີມ, ສືບທອດ, ສ້າງແນວທາງກ່ຽວກັບວຽກງານກໍ່ສ້າງ, ປັບປຸງພັກ ໃຫ້ສົມບູນແບບ. ພັກກອມມູນິດ ຫວຽດນາມ ນັບມື້ຕັດສິນໃຈສ້າງການຫັນປ່ຽນໃໝ່ ຢ່າງຕັ້ງໜ້າ.
ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ III ຂອງພັກ ປີ 1960 ໄດ້ວາງອອກບັນດາໜ້າທີ່ກໍ່ສ້າງພັກ ຢູ່ໃນ 3 ເສົາຄ້ຳຄື: ແນວຄິດ, ການເມືອງ, ການຈັດຕັ້ງ. ໂຄງປະກອບນີ້, ໄດ້ມີການປ່ຽນແປງໃນປີ 2016, ກອງປະຊຸມໃຫຍ່ຄັ້ງທີ XII ຂອງ ພັກ ໄດ້ກຳນົດການກໍ່ສ້າງພັກ ກ່ຽວກັບຄຸນສົມບັດ ເປັນປັດໄຈພື້ນຖານ ໃນການກໍ່ສ້າງພັກ ເພື່ອຕອບສະໜອງຄວາມຮຽກຮ້ອງຕ້ອງການຂອງສະພາບການໃໝ່.
ການສ້າງແນວທາງກ່ຽວກັບວຽກງານກໍ່ສ້າງພັກ ໃຫ້ສົມບູນແບບ
ກ່ຽວກັບການເພີ່ມເຕີມປັດໄຈຄຸນສົມບັດ, ກອງປະຊຸມໃຫຍ່ຄັ້ງທີ XII ຂອງພັກກອມມູນິດ ຫວຽດນາມ ໄດ້ກຳນົດ ວຽກງານກໍ່ສ້າງພັກ ໂດຍຜ່ານ 4 ເສົາຄ້ຳຄື: ການເມືອງ, ແນວຄິດ, ການຈັດຕັ້ງ ແລະ ຄຸນສົມບັດ. ມາຮອດກອງປະຊຸມໃຫຍ່ຄັ້ງທີ XIII, ພັກກອມມູນິດ ຫວຽດນາມ ໄດ້ນຳວຽກງານພະນັກງານ ເປັນປັດໄຈສຳຄັນ, ພື້ນຖານໃນວຽກງານກໍ່ສ້າງພັກ.
ທ່ານ ຫງວຽນ ດຶກ ຮ່າ ຫົວໜ້າຄະນະຈັດຕັ້ງສູນກາງ ເນັ້ນໜັກວ່າ: ຄວາມຮຽກຮ້ອງຕ້ອງການທີ່ວາງອອກປັດຈຸບັນ ສຳລັບພະນັກງານ ແມ່ນຕ້ອງເປັນເຈົ້າການ, ມີຫົວຄິດປະດິດສ້າງ, ບໍ່ໃຫ້ຕົກທ່າຮັບ, ບໍ່ລໍຄອຍ. ບົນພື້ນຖານບົດບາດໜ້າທີ່ຂອງຕົນ ຕ້ອງຮູ້ວ່າຕົນເອງ ຕ້ອງເຮັດຫຍັງ, ເຮັດຄືແນວໃດ?, ສິ່ງສຳຄັນທີ່ສຸດ ປັດຈຸບັນ ແມ່ນຕ້ອງເລີ່ມມາຈາກເປົ້າໝາຍ, ຈາກຄວາມມຸ່ງມາດປາຖະໜາຂອງປະຊາຊົນ. ດັ່ງທີ່, ສະຫາຍ ຫງວຽນ ຝູຈ້ອງ ເລຂາທິການໃຫຍ່ ພັດດອມມູນິດ ຫວຽດນາມ ໄດ້ຕັກເຕືອນມາຫຼາຍຄັ້ງຄື: ຕ້ອງເພື່ອປະເທດຊາດ, ເພື່ອປະຊາຊົນ ແລະ ເພື່ອສ່ວນລວມ.
ນັບແຕ່ກ້າວເຂົ້າສູ່ກິດຈະການປ່ຽນແປງໃໝ່ ໃນປີ 1986, ພັກກອມມູນິດ ຫວຽດນາມ ໄດ້ປະກາດໃຊ້ຫຼາຍມະຕິກ່ຽວກັບການກໍ່ສ້າງ, ປັບປຸງພັກ. ສະເພາະ 10 ປີມໍ່ໆມານີ້, ກອງປະຊຸມຄັ້ງທີ 4 ຄະນະບໍລິຫານງານສູນກາງ ລ້ວນແຕ່ປະກາດໃຊ້ບັນດາມະຕິ, ບົດສະຫຼຸບ, ຂໍ້ກຳນົດສຳຄັນ, ເຄັ່ງຄັດ ກ່ຽວກັບວຽກງານກໍ່ສ້າງປັບປຸງພັກ.
ໃນການສືບທອດ, ເພີ່ມເຕີມ, ພັດທະນາຫຼາຍເນື້ອໃນສຳຄັນບັນດາມະຕິຂອງສູນກາງກ່ອນໜ້ານີ້ີ, ມະຕິກອງປະຊຸມໃຫຍ່ຄັ້ງທີ XIII ໄດ້ກ່າວເຖິງຫຼາຍເນື້ອໃນໃໝ່, ພົ້ນເດັ່ນ ແມ່ນທັດສະນະຖືເອົາ “ວຽກງານປ້ອງກັນ, ຕ້ານການສໍ້ລາດບັງຫຼວງ, ການຟຸມເຟືອຍ ແມ່ນໜ້າທີ່ສຳຄັນພິເສດ ແລະ ເດັດດ່ຽວ; ຢຶດໝັ້ນການຕໍ່ສູ້ປ້ອງກັນ, ຕ້ານການສໍ້ລາດບັງຫຼວງ, ການຟຸມເຟືອຍ, ດ້ວຍຄວາມຕັດສິນໃຈດ້ານການເມືອງສູງກວ່າເກົ່າ, ມີການກະທຳຢ່າງແຂງແຮງກວ່າເກົ່າ, ແທດຈິງກວ່າເກົ່າ, ມີປະສິດທິຜົນກວ່າເກົ່າ” ເພື່ອເພີ່ມທະວີການກໍ່ສ້າງ ແລະ ປັບປຸງພັກ; ກໍ່ສ້າງ ແລະ ປັບປຸງລະບົບການເມືອງ; ກໍ່ສ້າງ ແລະ ປັບປຸງ ກຸ່ມກ້ອນມະຫາສາມັກຄີທົ່ວປວງຊົນທັງຊາດ ໃຫ້ເປັນປຶກແຜ່ນໜາແໜ້ນ.
ປັດໄຈຫຼັກແຫຼ່ງ, ສ້າງກຳລັງໜູນຊຸກຍູ້ທົ່ວລະບົບ
ໂດຍປະຕິບັດວຽກງານກໍ່ສ້າງ, ປັບປຸງພັກ ໃຫ້ດີ ແມ່ນປັດໄຈຫຼັກແຫຼ່ງ, ສ້າງກຳລັງໜູນຊຸກຍູ້ການກໍ່ສ້າງລະບົບການເມືອງ. ກົງກັນຂ້າມ, ການກໍ່ສ້າງລະບົບການເມືອງ ໃຫ້ປອດໃສ, ໝັ້ນຄົງເຂັ້ມແຂງ, ເຄື່ອນໄຫວ ຢ່າງມີປະສິດທິພາບ, ປະສິດທິຜົນ ຈະສ້າງພື້ນຖານອັນໜັກແໜ້ນ ໃນການປັບປຸງບົດບາດນຳພາຂອງພັກ ສຳລັບລະບົບການເມືອງ ແລະ ທົ່ວສັງຄົມ. ສະນັ້ນ, ກອງປະຊຸມສູນກາງພັກເທື່ອທີ 4 ສະໄໝທີ XIII ສືບຕໍ່ປະກາດໃຊ້ບົດສະຫຼຸບກ່ຽວກັບວຽກງານກໍ່ສ້າງ, ປັບປຸງພັກ ແລະ ລະບົບການເມືອງ. ໃນນັ້ນ, ຢັ້ງຢືນເປົ້າໝາຍ ຊຸກຍູ້ວຽກງານກໍ່ສ້າງ, ປັບປຸງພັກ ແລະ ລະບົບການເມືອງ ເພື່ອແນໃສ່ຍົກສູງກຳລັງຄວາມສາມາດການນຳພາ, ກຳອຳນາດ, ກຳລັງຕໍ່ສູ້ຂອງພັກ. ບັນຫາຫຼັກແຫຼ່ງຂອງວຽກງານກໍ່ສ້າງພັກ ແມ່ນຍົກສູງລະດັບການນຳພາຂອງພັກ ກຳອຳນາດໃນເງື່ອນໄຂສືບຕໍ່ກໍ່ສ້າງ ແລະ ປັບປຸງລັດ ແຫ່ງອຳນາດກົດໝາຍ ສັງຄົມນິຍົມ ຫວຽດນາມ ໃຫ້ສົມບູນແບບ.
ທ່ານ ເລມິງທົງ ກຳມະການສະພາທິດສະດີສູນກາງ ເນັ້ນໜັກວ່າ: ໃນລັດແຫ່ງອຳນາດກົດໝາຍ, ພັກຕ້ອງປະຕິບັດ 5 ກຳ. ໜຶ່ງ, ແມ່ນກຳອຳນາດເພື່ອປະຊາຊົນ. ສອງ, ແມ່ນກຳອຳນາດຕາມກົດໝາຍ. ສາມ, ພັກກຳອຳນາດປະຊາທິປະໄຕ. ສີ່, ພັກກຳອຳນາດວິທະຍາສາດ. ຫ້າ, ພັກກຳອຳນາດຢ່າງສັດຊື່ບໍລິສຸດ, ເຫັນແກ່ສ່ວນລວມ ບໍ່ເຫັນແກ່ສ່ວນຕົວ.
ເດັດດ່ຽວຕໍ່ສູ້ຕ້ານລັດທິສ່ວນຕົວ, ສະກັດກັ້ນ, ຍູ້ຖອຍ, ແກ້ໄຂຢ່າງເຂັ້ມງວດ ກໍລະນີພະນັກງານ, ສະມາຊິກພັກ ເສື່ອມທາດຂາດຄຸນ ດ້ານແນວຄິດ, ຄຸນສົມບັດ, ແບບແຜນການດຳລົງຊີວິດ, ປະກົດການຫັນປ່ຽນຕົນເອງ, ຜັນແປຕົນເອງ; ສົມທົບຢ່າງແໜ້ນແຟ້ນ, ກົມກຽວ ລະຫວ່າງ ການກໍ່ສ້າງ ແລະ ການຕ້ານ. ການກໍ່ສ້າງ ແມ່ນໜ້າທີ່ພື້ນຖານ, ຍຸດທະສາດ, ຍາວນານ. ຕ້ານ ແມ່ນໜ້າທີ່ສຳຄັນ, ຮີບດ່ວນ, ເປັນປະຈຳ ໃນວຽກງານກໍ່ສ້າງພັກ ປັດຈຸບັນ ຢູ່ ຫວຽດນາມ. ເປົ້າໝາຍ ແມ່ນແນໃສ່ສ້າງບາດກ້າວພັດທະນາໃໝ່ຂອງພັກ ກ່ຽວກັບສະຕິປັນຍາ, ຄຸນທາດການເມືອງ, ຄຸນສົມບັດ, ສີວິໄລຢ່າງແທ້ຈິງ ນັບມື້ສະໜິດຕິດພັນຢ່າງແໜ້ນແຟ້ນກັບປະຊາຊົນ, ນັບມື້ໄດ້ຮັບຄວາມເຊື່ອໝັ້ນຈາກປະຊາຊົນ, ມີອິດທິພົນຊື່ສຽງ ແລະ ກຳລັງຄວາມສາມາດການນຳພາ ຢ່າງຄົບຖ້ວນ ໃນການປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ ແລະ ພາລະກິດສ້າງສາ ແລະ ປົກປັກຮັກສາປະເທດຊາດຢ່າງມີໄຊ.
ຄໍາເຫັນ