ທ່າແຮງພະລັງງານແສງຕາເວັນຂອງອິນເດຍຄາດວ່າຈະສູງເຖິງ 748 ກິກກະວັດ

ຂ່າວຕ່າງປະເທດລາຍງານ ເມື່ອທ້າຍອາທິດຜ່ານມາ, ທ່ານ ອາ ເຄ ຊິງ ລັດຖະມົນຕີຂອງລັດຖະບານກາງດ້ານພະລັງງານໃໝ່, ພະລັງງານໝູນວຽນ ແລະ ໄຟຟ້າ ໄດ້ເປີດເຜີຍຂໍ້ມູນໂດຍຄາດຄະເນວ່າ:ທ່າແຮງພະລັງງານແສງຕາເວັນຂອງປະເທດຈະສູງເຖິງ 748 ກິກກະວັດ.
    ການຄາດຄະເນນີ້ຈັດໂດຍສະຖາບັນພະລັງງານແສງຕາເວັນແຫ່ງຊາດ ໂດຍອ້າງອີງຂໍ້ມູນຈາກ Waste Land Atlas of India 2010. ທ່ານ ຊິງ ກ່າວວ່າ: ນັບເຖິງທ້າຍປີທີ່ຜ່ານມາ ມີນິຄົມອຸດສາຫະກຳພະລັງງານແສງຕາເວັນ 51 ແຫ່ງທີ່ມີການຜະລິດ37.740 ເມກະວັດ ຖືກອະນຸມັດຢ່າງເປັນທາງການໃນ 12 ລັດຂອງອິນເດຍ ນັບຕັ້ງແຕ່ແນະນຳໂຄງການໃນເດືອນທັນວາ 2014. ທ່ານ ຊິງ ກ່າວຕື່ມວ່າ: ປັດຈຸບັນ, ໂຄງການພະລັງງານແສງຕາເວັນທີ່ມີກຳລັງການຜະລິດ10.504 ເມກະວັດ ເປີດດຳເນີນການໃນນິຄົມອຸດສາຫະກຳພະລັງງານແສງຕາເວັນ 20 ແຫ່ງ.
    ທັງນີ້,ທ່ານ ຊິງ ກ່າວອີກວ່າ: ລັດຖະບານອິນເດຍໄດ້ຕັ້ງເປົ້າໝາຍບັນລຸກຳລັງການຜະລິດຕິດຕັ້ງ 500 ກິກກະວັດຈາກແຫຼ່ງເຊື້ອໄຟທີ່ບໍ່ແມ່ນຟອສຊິວພາຍໃນປີ 2030.