ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 7 ກຸມພາ ຜ່ານມາ, ທ່ານ ເສດຖາ ທະວີສິນ ນາຍົກລັດຖະມົນຕີ ໄທແລະ ທ່ານ ຮຸນ ມາເນັດ ນາຍົກລັດຖະມົນຕີ ກຳປູເຈຍ ໄດ້ເຫັນດີເປັນເອກະພາບ ຍົກລະດັບການພົວພັນ ໄທ - ກຳປູເຈຍ ຂຶ້ນເປັນຄູ່ຮ່ວມມືຍຸດທະສາດ, ໃນໂອກາດທີ່ ທ່ານ ຮຸນ ມາເນັດ ນາຍົກລັດຖະມົນຕີ ກຳປູເຈຍຢ້ຽມຢາມໄທ ຢ່າງເປັນທາງການ.
ຂ່າວລະບຸວ່າ: ກ່າວຄຳເຫັນ ໃນການຖະແຫຼ່ງຂ່າວຮ່ວມ ຢູ່ນະຄອນຫຼວງບາງກອກ (ໄທ), ທ່ານ ເສດຖາ ທະວີສິນ ເນັ້ນໜັກກ່ຽວກັບການຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ ຈະເປີດສັງກາດໃໝ່ແຫ່ງການຮ່ວມມືລະຫວ່າງສອງປະເທດ ໃນທຸກຂັ້ນ, ຕົ້ນຕໍແມ່ນ ດ້ານການເມືອງ - ການຕ່າງປະເທດ, ປ້ອງກັນຊາດ - ປ້ອງກັນຄວາມສະຫງົບ, ເສດຖະກິດ - ການຄ້າ ແລະ ການທ່ອງທ່ຽວ. ທ່ານ ເສດຖາ ທະວີສິນ ໃຫ້ຮູ້ວ່າ: ກຳປູເຈຍ ຈະຊ່ວຍເຫຼືອໄທ ເປີດສະຖານກົງສູນໃຫຍ່ແຫ່ງໃໝ່ ຢູ່ແຂວງຊຽມຣຽບ, ໃນຂະນະດຽວກັນ ໄທ ກໍຈະຊ່ວຍສ້າງເງື່ອນໄຂສະດວກໃຫ້ ກຳປູເຈຍ ເປີດສະຖານກົງສູນໃຫຍ່ແຫ່ງໃໝ່ ຢູ່ແຂວງສົງຂຣາ ພາຍໃນປີນີ້.
ພາຍຫຼັງການພົບປະເຈລະຈາ, ທ່ານ ເສດຖາ ທະວີສິນ ແລະ ທ່ານ ຮຸນ ມາເນັດ ໄດ້ເປັນສັກຂີິພິຍານ ໃນພິທີເຊັນຂໍ້ຕົກລົງ ວ່າດ້ວຍການຮ່ວມມື ຈຳນວນ 5 ສະບັບ, ໃນນັ້ນມີບົດບັນທຶກຊ່ວຍຈຳວ່າດ້ວຍການຮ່ວມມືໃນຂົງເຂດຫຼຸດຜ່ອນຄວາມເສຍຫາຍຍ້ອນໄພພິບັດທາງທຳມະຊາດ ແລະ ການຮັບມືໃນກໍລະນີສຸກເສີນ; ຮ່ວມມືດ້ານການຂົນສົ່ງສິນຄ້າຜ່ານແດນ; ຮ່ວມມືດ້ານການສຶກສາຮ່ຳຮຽນ, ວິທະຍາສາດ ແລະ ເຕັກໂນໂລຊີ.
ຂ່າວລະບຸວ່າ: ກ່າວຄຳເຫັນ ໃນການຖະແຫຼ່ງຂ່າວຮ່ວມ ຢູ່ນະຄອນຫຼວງບາງກອກ (ໄທ), ທ່ານ ເສດຖາ ທະວີສິນ ເນັ້ນໜັກກ່ຽວກັບການຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ ຈະເປີດສັງກາດໃໝ່ແຫ່ງການຮ່ວມມືລະຫວ່າງສອງປະເທດ ໃນທຸກຂັ້ນ, ຕົ້ນຕໍແມ່ນ ດ້ານການເມືອງ - ການຕ່າງປະເທດ, ປ້ອງກັນຊາດ - ປ້ອງກັນຄວາມສະຫງົບ, ເສດຖະກິດ - ການຄ້າ ແລະ ການທ່ອງທ່ຽວ. ທ່ານ ເສດຖາ ທະວີສິນ ໃຫ້ຮູ້ວ່າ: ກຳປູເຈຍ ຈະຊ່ວຍເຫຼືອໄທ ເປີດສະຖານກົງສູນໃຫຍ່ແຫ່ງໃໝ່ ຢູ່ແຂວງຊຽມຣຽບ, ໃນຂະນະດຽວກັນ ໄທ ກໍຈະຊ່ວຍສ້າງເງື່ອນໄຂສະດວກໃຫ້ ກຳປູເຈຍ ເປີດສະຖານກົງສູນໃຫຍ່ແຫ່ງໃໝ່ ຢູ່ແຂວງສົງຂຣາ ພາຍໃນປີນີ້.
ພາຍຫຼັງການພົບປະເຈລະຈາ, ທ່ານ ເສດຖາ ທະວີສິນ ແລະ ທ່ານ ຮຸນ ມາເນັດ ໄດ້ເປັນສັກຂີິພິຍານ ໃນພິທີເຊັນຂໍ້ຕົກລົງ ວ່າດ້ວຍການຮ່ວມມື ຈຳນວນ 5 ສະບັບ, ໃນນັ້ນມີບົດບັນທຶກຊ່ວຍຈຳວ່າດ້ວຍການຮ່ວມມືໃນຂົງເຂດຫຼຸດຜ່ອນຄວາມເສຍຫາຍຍ້ອນໄພພິບັດທາງທຳມະຊາດ ແລະ ການຮັບມືໃນກໍລະນີສຸກເສີນ; ຮ່ວມມືດ້ານການຂົນສົ່ງສິນຄ້າຜ່ານແດນ; ຮ່ວມມືດ້ານການສຶກສາຮ່ຳຮຽນ, ວິທະຍາສາດ ແລະ ເຕັກໂນໂລຊີ.
ຄໍາເຫັນ