ທ່ານ ໂດໂນ ທຣໍາ ສັ່ງໃຫ້ເລັ່ງພັດທະນາ AI ໃນລະບົບການສຶກສາ - ຝຶກອົບຮົມແຮງງານ

12:29 25/04/2025

ຂ່າວຕ່າງປະເທດລາຍງານ ໃນວັນທີ 24 ເມສາ ຜ່ານມາວ່າ: ທ່ານ ໂດໂນ ທຣໍາ ປະທານາທິບໍດີ ສະຫະລັດ ອາເມຣິກາລົງນາມໃນຄໍາສັ່ງບໍລິຫານເພື່ອສົ່ງເສີມການສຶກສາແລະການຝຶກອົບຮົມແຮງງານດ້ານປັນຍາປະດິດ (AI) ຊຶ່ງເປັນເຕັກໂນໂລຊີທີ່ກຳລັງພັດທະນາຢ່າງໄວວາແລະ ຖືເປັນໜຶ່ງໃນບຸລິມະສິດສູງສຸດຂອງລັດຖະບານສະຫະລັດ ອາເມຣິກາ ຊຸດນີ້.

ທ່ານ ທຣໍາ ໄດ້ສະໜັບສະໜູນຄວາມພະຍາຍາມດ້ານAI ຂອງສະຫະລັດ ອາເມຣິກາ ທ່າມກາງການແຂ່ງຂັນທົ່ວໂລກເພື່ອຄອບຄອງພື້ນທີ່ດັ່ງກ່າວ. ທ່ານກ່າວຕື່ມວ່າ: "AI ແມ່ນເສັ້ນທາງສູ່ອະນາຄົດຂອງພວກເຮົາ," ແລະຊີ້ໃຫ້ເຫັນວ່າເຕັກໂນໂລຊີທີ່ພົ້ນເດັ່ນຂຶ້ນນີ້ໄດ້ດຶງດູດການລົງທຶນຫຼາຍຕື້ໂດລາ.

ການລົງນາມດັ່ງກ່າວ ແມ່ນໜຶ່ງໃນບັນດາການເຄື່ອນໄຫວຂອງຝ່າຍບໍລິຫານ ທີ່ທ່ານ ທຣໍາ ໄດ້ອະນຸມັດໃນວັນທີ 23ເມສາ ຜ່ານມາ. ໃນຂະນະທີ່ທ່ານພະຍາຍາມປະຕິຮູບລະບົບການສຶກສາຊັ້ນສູງຂອງປະເທດ. ໂດຍກະຊວງສຶກສາທິການຕ້ອງໃຫ້ຄວາມສຳຄັນໃນການນຳໃຊ້ AI ໃນໂຄງການໃຫ້ທຶນສຳລັບການຝຶກອົບຮົມຄູແລະຮຽກຮ້ອງໃຫ້ມູນນິທິວິທະຍາສາດແຫ່ງຊາດ(National Science Foundation)ສຸມໃສ່ການຄົ້ນຄວ້າກ່ຽວກັບການນໍາໃຊ້ AI ໃນຂະແໜງການສຶກສາ. ທ່ານຍັງໄດ້ຮຽກຮ້ອງໃຫ້ກະຊວງແຮງງານເພີ່ມທະວີການມີສ່ວນຮ່ວມໃນໂຄງການຝຶກງານທີ່ກ່ຽວຂ້ອງກັບ AI ແລະສົ່ງເສີມການຮັບຮອງ AI.

ບົດລາຍງານລະບຸວ່າ: ກະຊວງຕ່າງໆຈະເຮັດວຽກຮ່ວມກັນເພື່ອສ້າງໂອກາດໃຫ້ນັກຮຽນມັດທະຍົມປາຍໄດ້ເຂົ້າຮຽນໃນຫຼັກສູດ ແລະໄດ້ຮັບໃບຢັ້ງຢືນ AI ດ້ວຍ.

ນອກຈາກນີ້, ທ່ານ ທຣໍາ ຍັງໄດ້ຍ້ອງຍໍການການລົງທຶນຫຼາຍຮ້ອຍຕື້ໂດລາ ຈາກບໍລິສັດຕ່າງໆ, ລວມທັງບັນດາບໍລິສັດທີ່ມີຊື່ສຽງເຊັ່ນ: SoftBank Group Corp., OpenAI ແລະ Oracle Corp ທີ່ຊ່ວຍສ້າງສູນຂໍ້ມູນ, ໂຮງງານຜະລິດຊິບແລະໂຄງສ້າງພື້ນຖານອື່ນໆເພື່ອຮອງຮັບ AI.

ຄໍາເຫັນ

ຂ່າວຕ່າງປະເທດ

ຈຳນວນຜູ້ຕິດເຊື້ອອີໂບລາໃນກົງໂກ ເພີ່ມຂຶ້ນ 782 ຄົນ ແລະ ເສຍຊີວິດ 181 ຄົນ

16/06/2026 14:45

ຂ່າວຕ່າງປະເທດລາຍງານ ໃນວັນທີ 16 ມິຖຸນານີ້ວ່າ: ການລະບາດຂອງພະຍາດອີໂບລາໃນປະເທດກົງໂກຍັງຄົງໜ້າເປັນຫ່ວງ, ຫຼັງຈາກເຈົ້າໜ້າທີ່ໄດ້ຢືນຢັນກໍລະນີຕິດເຊື້ອ 782 ຄົນ ແລະ ເສຍຊີວິດ 181 ຄົນ ພາຍໃນເວລາພຽງ 1ເດືອນຫຼັງຈາກລັດຖະບານປະກາດການລະບາດຢ່າງເປັນທາງການ.

ມາເລເຊຍ ຄາດຄະເນວ່າ ແອວນີໂຢ ຈະເຮັດໃຫ້ເກີດໄພແຫ້ງແລ້ງ ແລະ ຝົນຕົກຫຼຸດລົງ

16/06/2026 14:35

ຂ່າວຕ່າງປະເທດລາຍງານ ໃນວັນທີ 15 ມິຖຸນາ ຜ່ານມາວ່າ: ທ່ານ ມູຮຳມັດ ຮິຊາມ ມູຮຳມັດ ອານິບ ຜູ້ອຳນວຍການໃຫຍ່ກົມອຸຕຸນິຍົມວິທະຍາຂອງມາເລເຊຍ ເປີດເຜີຍວ່າ: ປະກົດການແອວນີໂຢ (El Niño) ຈະເຮັດໃຫ້ເກີດສະພາບໄພແຫ້ງແລ້ງເປັນເວລາຍາວນານ ແລະ ປະລິມານນ້ຳຝົນຈະຫຼຸດລົງຢ່າງຕໍ່ເນື່ອງຈົນຮອດຕົ້ນປີ 2027.

ຜະລິດຕະພັນວິທະຍາສາດເຕັກໂນໂລຊີຈີນ ດຶງດູດນັກທຸລະກິດອາຊີຕາເວັນອອກສ່ຽງໃຕ້ ແລະ ອາຊີໃຕ້

16/06/2026 14:31

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 15 ມິຖຸນາ ຜ່ານມາວ່າ: ໃນງານວາງສະແດງສິນຄ້າຈີນ-ອາຊີໃຕ້ຄັ້ງທີ 10 ທີ່ພວມຈັດຂຶ້ນຢູ່ນະຄອນຄຸນໝິງ ແຂວງຢຸນນານ ຈີນ, ເຕັກໂນໂລຊີໃໝ່ ແລະ ຜະລິດຕະພັນ ໃໝ່ຕ່າງໆຂອງວິສາຫະກິດຈີນ ເຊັ່ນ: ຫຸ່ນຍົນມະນຸດເຮັດຄວາມສະອາດຝາອາຄານ, ເຮືອບິນບໍ່ມີຄົນຂັບລາດຕະເວນອັດຕະໂນມັດ, ຫ້ອງພັກທັນສະໄໝແບບສາມາດເຄື່ອນທີ່ ແລະ ອື່ນໆ ໄດ້ດຶງດູດສາຍຕາຂອງນັກທຸລະກິດຈາກບັນດາປະເທດອາຊີໃຕ້ ແລະ ອາຊີຕາເວັນອອກສຽງໃຕ້, ມີຫຼາຍຄົນໄດ້ເຂົ້າໄປຢ້ຽມຊົມ ແລະ ປຶກສາຫາລືກ່ຽວກັບການຮ່ວມມືກັນ.

ການຢືນຢັນບັນລຸສັນຍາ ລະຫວ່າງອາເມຣິກາ ແລະ ອີຣານ ເຮັດໃຫ້ລາຄານ້ຳມັນຫຼຸດລົງ

16/06/2026 14:27

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 15 ມິຖຸນາ ຜ່ານມາວ່າ: ຍ້ອນວ່າ ສະຫະລັດ ອາເມຣິກາ ແລະ ອີຣານ ຢືນຢັນວ່າໄດ້ບັນລຸສັນຍາ ແລະ ຄາດວ່າຊ່ອງແຄບຮໍມຸສ ຈະເປີດຄືນໃໝ່ໃນໄວໆນີ້, ໃນວັນທີ 14 ມິຖຸນາ ຜ່ານມາ, ລາຄານ້ຳມັນດິບສາກົນທີ່ສັ່ງຊື້ລ່ວງໜ້າໄດ້ຫຼຸດລົງຢ່າງຫຼວງຫຼາຍ ພາຍຫຼັງໄດ້ເລີ່ມການຊື້-ຂາຍໃນອາທິດ ໃໝ່.

ທຸກນະໂຍບາຍສຶກສາຕ້ອງວັດແທກດ້ວຍຄວາມກ້າວໜ້າ ແລະ ອະນາຄົດຂອງນັກຮຽນ

16/06/2026 14:26

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 15 ມິຖຸນາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ປະທານປະເທດ ໄດ້ເປັນປະທານການເຮັດວຽກກັບຂະແໜງການສຶກສາ - ບຳລຸງສ້າງ ແລະ ບັນດາອົງການທີ່ກ່ຽວຂ້ອງກັບວຽກງານກະກຽມສົກຮຽນໃໝ່ 2026 – 2027 ແລະ ໝາກຜົນຂອງການປະຕິບັດມະຕິເລກທີ 71 ສະບັບອອກໃນວັນທີ 22 ສິງຫາ 2025 ຂອງກົມການເມືອງກ່ຽວກັບການບຸກທະລຸພັດທະນາການສຶກສາບຳລຸງສ້າງ.

ບໍ່ຄິດເພື່ອຕົນເອງ ແລະ ບໍ່ເຮັດໃຫ້ປະຊາຊົນຜິດຫວັງ

16/06/2026 14:16

ລາຍງານວ່າ: ປີ 1983, ທ່ານ ສີຈິ້ນຜິງ ເລຂາຄະນະພັກເມືອງເຈິ້ງຕີ້ງ ແຂວງເຫີເປີຍ ໃນເວລານັ້ນ, ໄດ້ຕັ້ງໂຕະຢູ່ຕາມຖະໜົນເປັນການຊົ່ວຄາວ ເພື່ອຮັບຟັງຄຳຄິດເຫັນຂອງປະຊາຊົນ.

5 ເດືອນຕົ້ນປີ ການຄ້າລະຫວ່າງກວາງຊີກັບອາຊຽນສືບຕໍ່ດີຂຶ້ນ

15/06/2026 14:36

ວິທະຍຸໂທລະພາບສູນກາງຈີນລາຍງານວ່າ: ຫວ່າງມໍ່ໆນີ້, ດ່ານພາສີນະຄອນໜານນີງຂອງຈີນໃຫ້ຮູ້ວ່າ, ໃນ 5 ເດືອນຕົ້ນປີນີ້, ມູນຄ່າການຄ້າຂາເຂົ້າ-ຂາອອກຂອງເຂດປົກຄອງຕົນເອງເຜົ່າຈ້ວງກວາງຊີ ໄດ້ບັນລຸ 347.77 ຕື້ຢວນ, ເພີ່ມຂຶ້ນ 7.2% ເມື່ອທຽບໃສ່ໄລຍະດຽວກັນຂອງປີກາຍນີ້, ໃນນັ້ນ, ມູນຄ່າຂາເຂົ້າ-ຂາອອກກັບອາຊຽນບັນລຸ 175.5 ຕື້ຢວນ, ເພີ່ມຂຶ້ນ 1.1%. ໂດຍມີຈຸດພິເສດຕ່າງໆ ເຊັ່ນ: ມູນຄ່າການຄ້າຂາເຂົ້າ-ຂາອອກລະຫວ່າງເຂດກວາງຊີຈີນກັບອາຊຽນ ກໍຄືການນຳເຂົ້າສິນຄ້າທີ່ກ່ຽວຂ້ອງກັບປັນຍາປະດິດເພີ່ມຂຶ້ນຢ່າງວ່ອງໄວ ແລະ ອື່ນໆ.

ເສດຖະກິດຂອງ ສ ເກົາຫຼີ ສືບຕໍ່ຟື້ນຕົວ

15/06/2026 14:35

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ບົດລາຍງານປະຈຳເດືອນຈາກກະຊວງເສດຖະກິດ ແລະ ການເງິນຂອງ ສ ເກົາຫຼີ ຫຼື "Green Book" ລະບຸວ່າ, ເສດຖະກິດ ສ ເກົາຫຼີຍັງສືບຕໍ່ຟື້ນຕົວ, ໂດຍໄດ້ຮັບແຮງຂັບເຄື່ອນຈາກການສົ່ງອອກທີ່ເຂັ້ມແຂງ ປະກອບກັບຄວາມເຊື່ອໝັ້ນຂອງຜູ້ບໍລິໂພກ ແລະ ພາກທຸລະກິດທີ່ດີຂຶ້ນ, ເຖິງວ່າຄວາມບໍ່ແນ່ນອນໃນຕາເວັນອອກກາງຈະສ້າງຄວາມສ່ຽງຕໍ່ຊີວິດການເປັນຢູ່ຂອງປະຊາຊົນເຊັ່ນ: ອັດຕາເງິນເຟີ້ ແລະ ການຊະລໍຕົວຂອງຕະຫຼາດແຮງງານ.

ເມັກຊິກ ຄາດວ່າຈະຕ້ອນຮັບນັກທ່ອງທ່ຽວ10 ລ້ານຄົນ ໃນການແຂ່ງຂັນເຕະບານໂລກ

15/06/2026 14:29

ຂ່າວຕ່າງປະເທດລາຍງານ ໃນວັນທີ 13 ມິຖຸນາ ຜ່ານມາວ່າ: ທ່ານ ໂຈເຊຟີນາ ໂຣດຣິເກສ ຊາໂມຣາລັດຖະມົນຕີກະຊວງທ່ອງທ່ຽວຂອງເມັກຊິກ ຄາດຄະເນວ່າເມັກຊິກຈະຕ້ອນຮັບນັກທ່ອງທ່ຽວເພີ່ມຂຶ້ນປະມານ 10 ລ້ານຄົນໃນລະຫວ່າງການແຂ່ງຂັນເຕະບານໂລກ ຫຼື FIFA World Cup 2026 ຊຶ່ງໄດ້ເລີ່ມຕົ້ນໃນວັນ11 ມິຖຸນາ ຜ່ານມາ. ໂດຍຄາດວ່ານັກທ່ອງທ່ຽວປະມານ 3 ລ້ານຄົນຈະໄປຢ້ຽມຢາມເມືອງເຈົ້າພາບສາມແຫ່ງຂອງເມັກຊິກຄື: ນະຄອນຫຼວງເມັກຊິກຊິຕີ, ເມືອງກວາດາລາຮາຣາແລະ ເມືອງມອນເຕີເຣ.

ງານວາງສະແດງສິນຄ້າຈີນ - ອາຊີໃຕ້ ຄັ້ງທີ 10 ມີຜູ້ເຂົ້າຮ່ວມຫຼາຍກວ່າ 60 ປະເທດ

12/06/2026 13:39

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 11 ມິຖຸນາ ຜ່ານມາ, ງານວາງສະແດງສິນຄ້າຈີນ-ອາຊີໃຕ້ ຄັ້ງທີ 10 ໄດ້ເປີດຂຶ້ນຢູ່ ນະຄອນຄຸນມິງ ແຂວງຢຸນນານຈີນ. ງານຄັ້ງນີ້ໄດ້ດຶງດູດຜູ້ເຂົ້າຮ່ວມຈາກຫຼາຍກວ່າ 60 ປະເທດ, ເຂດແຄວ້ນ ແລະ ອົງການຈັດຕັ້ງສາກົນ, ທັງຂະໜາດການຈັດງານ ແລະ ລະດັບສາກົນ ລ້ວນແຕ່ໄດ້ສ້າງສະຖິຕິສູງສຸດໃໝ່, ກວມເອົາທຸກປະເທດໃນອາຊີໃຕ້, ມີວິສາຫະກິດຈາກປະເທດໃນອາຊີໃຕ້ປະມານ 560 ແຫ່ງເຂົ້າຮ່ວມວາງສະແດງ, ພ້ອມທັງຮວມເອົາວິສາຫະກິດຊັ້ນນຳເກືອບ 100 ແຫ່ງ ທັງພາຍໃນ ແລະ ຕ່າງປະເທດ ແລະ ຜູ້ຊື້ຫຼາຍກວ່າ 1,500 ຄົນ.

ເພີ່ມເຕີມ