ພ້ອມດ້ວຄະນະ ເຄື່ອນໄຫວຢ້ຽມຢາມປະຊາຊົນທີ່ຖືກຜົນກະທົບຈາກໄພນໍ້າຖ້ວມທີ່ແຂວງຫຼວງນໍ້າທາ ໃຫ້ການຕ້ອນຮັບໂດຍທ່ານ ວຽງສະຫວັດ ສີພັນດອນ ເລຂາພັກແຂວງເຈົ້າແຂວງຫຼວງນໍ້າທາ ພ້ອມດ້ວຍຄະນະ.
ການເຄື່ອນໄຫວຢ້ຽມຢາມຄັ້ງນີ້ແມ່ນໄດ້ມອບເຄື່ອງອຸປະໂພກ, ບໍລິໂພກ ແລະ ເງິນສົດ ຈຳນວນ 600 ລ້ານກີບ ລວມມູນຄ່າທັງໝົດ 820 ລ້ານກີບ, ນອກນີ້ຍັງມີຢາປິ່ນປົວພະຍາດຈຳນວນໜຶ່ງ ມອບໃຫ້ແກ່ຄອບຄົວທີ່ຖືກນໍ້າຖ້ວມ ຕາງໜ້າຮັບໂດຍ ທ່ານ ວຽງສະຫວັດ ສີພັນດອນ ເພື່ອນຳໄປມອບຕໍ່ໃຫ້ຜູ້ປະສົບໄພໃນຄັ້ງນີ້, ພ້ອມນີ້ກໍໄດ້ລົງຢ້ຽມຢາມປະຊາຊົນຢູ່ເຂດທີ່ໄດ້ຮັບຜົນກະທົບໜັກຄື: ບ້ານດອນໃໝ່, ບ້ານປ່າສັກ, ບ້ານປຸ່ງ, ບ້ານດອນຄູນ, ບ້ານນາເຕີຍ ແລະ ບ້ານນໍ້າແດງ ເມືອງຫຼວງນໍ້າທາ ພ້ອມສະແດງຄວາມເປັນຫ່ວງເປັນໃຍ ຕໍ່ປະຊາຊົນບັນດາເຜົ່າທີ່ຖືກຜົນກະທົບຈາກໄພນໍ້າຖ້ວມໃນລະຫວ່າງວັນທີ 9-11 ກັນຍາ 2024ຊຶ່ງໄດ້ສ້າງຜົນເສຍຫາຍເປັນວົງກວ້າງເບື້ອງຕົ້ນກວມເອົາ 3 ເມືອງ, ປະຊາຊົນໄດ້ຮັບຜົນກະທົບຫຼາຍ ກວ່າ 40.255 ຄົນ, ເຮືອນຖືກພັດໄຫຼນໍ້າຫຼາຍກວ່າ 115 ຫຼັງຄາເຮືອນ, ປະຊາຊົນຂາດທີ່ຢູ່ອາໄສ, ຊັບສິນເສຍຫາຍ (ບໍ່ເຫຼືອຫຍັງ) ຫຼາຍກວ່າ 2.765 ຄົນ ແລະ ມີຄົນເສຍຊີວິດ 2 ຄົນ, ໃນນີ້: ເມືອງຫຼວງນໍ້າທາ (ເທດສະບານແຂວງ) ໜັກໜ່ວງກວ່າໝູ່: ມີ 46 ບ້ານ, 4.231 ຄອບຄົວ, 3.519 ຫຼັງຄາເຮືອນ, 18.859 ຄົນ; ເມືອງສິງ: ມີ 7 ບ້ານ, 261 ຄອບຄົວ; ເມືອງນາແລ: ມີ 14 ບ້ານ, 1.751 ຄອບຄົວ, 7.188 ຄົນ.
ການມອບເຄື່ອງຊ່ວຍເຫຼືອຄັ້ງນີ້ ແມ່ນໄດ້ສະແດງເຖິງຄວາມເປັນຫ່ວງເປັນໃຍ ທີ່ມີຕໍ່ປະຊາຊົນລາວບັນດາເຜົ່າ ກໍຄືຄອບຄົວຜູ້ທີ່ຖືກຜົນກະທົບຈາກໄພນໍ້າຖ້ວມ ທັງເປັນການບັນເທົາທຸກໃນຍາມທີ່ພົບຄວາມລໍາບາກ ແລະ ໄດ້ສະແດງເຖິງຄວາມມີນໍ້າໃຈ, ຄວາມສາມັກຄີເອື້ອເຟື້ອເຜື່ອແຜ່ ຊ່ວຍເຫຼືອຊຶ່ງກັນ ແລະ ກັນ ຂອງຄົນລາວທີ່ມີຕໍ່ກັນ.
(ຂ່າວ-ພາບ: ກວດກາສູນກາງ)
ຄໍາເຫັນ