ທ່ານ ພັທ ພູມີວັນ ສີສຸວັນ ຫົວໜ້າພະແນກຕຳຫຼວດ ປກສ ເມືອງໄດ້ລາຍງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຢ່ເມືອງປາກກະດິງໄລຍະສືບຕໍ່ ປີ 2024-2025. ຜ່ານການຈັດຕັ້ງປະຕິບັດໂຄງການຕ້ານການແຜ່ລະບາດຂອງຢາເສບຕິດຢູ່ 47 ບ້ານ ທົ່ວເມືອງປາກກະດິງ ມີເປົ້າໝາຍເຂົ້າຮ່ວມໂຄງການ 166 ຄົນ ຍິງ 4 ຄົນ. ໃນນັ້ນ, ມີເປົ້າໝາຍເສບ 151 ຄົນຍິງ 2 ຄົນ, ເປົ້າໝາຍຂາຍ 15 ຄົນ ຍິງ 2 ຄົນ. ໃນໄລຍະຜ່ານມາ ມີຄະດີເກີດຂຶ້ນທັງໝົດ 17 ເລື່ອງ, ມີຜູ້ຖືກຫາ 22 ຄົນ ຍິງ 1 ຄົນ, ຢຶດຂອງກາງ ຢາບ້າໄດ້ທັງໝົດ 1,364 ເມັດ, ຄໍລະເຈັນ 1 ຊອງ, ສາມາດກັກຕົວຜູ້ມົ້ວສູມສານເສບຕິດ; ຢາບ້າໄດ້ 49 ຄົນ ຍິງ 4 ຄົນ, ມົ້ວສູມນ້ຳກະທ່ອມ-ກາເຟ ແລະ ຄໍລາເຈນ ໄດ້ 23 ຄົນ ຍິງ 6 ຄົນ. ຈາກນັ້ນ, ທ່ານ ພັທ ດວງພອນ ພິສາຍພັນ ຫົວໜ້າພະແນກສຳມະໂນຄົວ ແລະ ກໍ່ສ້າງຮາກຖານ ໄດ້ລາຍງານການເກັບກູ້ອາວຸດເຖື່ອນຢູ່ພາຍໃນເມືອງປາກກະດິງ. ໄລຍະສືບຕໍ່ 2024-2025 ສາມາດເກັບກູ້ໄດ້ປືນແກັບໄດ້ 5 ກະບອກ, ໝໍ້ຊ໋ອດປາ 7 ໜ່ວຍ ແລະ ຈັກສະຕີນ 4 ໜ່ວຍ.
ທ່ານ ພັອ ຄຳແພງ ນຳພາວັນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ ປກສ ເມືອງ ຍາດມາໄດ້ໃນໄລຍະຜ່ານມາ ແລະ ຊີ້ນຳໃຫ້ ປກສ ເມືອງເລັ່ງໃສ່ຂະບວນການສ້າງຄອບຄົວ ແລະ ບ້ານປອດຢາເສບຕິດ, ຄຽງຄູ່ກັບການສ້າງຄອບຄົວ ແລະ ບ້ານປ້ອງກັນຄວາມສະຫງົບດີ. ພ້ອມດຽວກັນນີ້ ກໍໄດ້ມອບເງີນຈຳນວນໜຶ່ງໃຫ້ກອງບັນຊາການ ປກສ ເມືອງປາກກະດິງ.
(ຂ່າວ: ແສງທອງ)
ຄໍາເຫັນ