ທະນາຄານໂລກ ປັບຫຼຸດໂຕເລກການຄາດຄະເນການເຕີບໂຕເສດຖະກິດໂລກ

12:38 11/06/2025

ຂ່າວສານຊີອາໄອລາຍງານວ່າ: ໃນວັນທີ 10 ມິຖຸນາ ຜ່ານມານີ້, ທະນາຄານໂລກ ໄດ້ເຜີຍແຜ່ບົດລາຍງານ “ວິໄສທັດກ່ຽວກັບເສດຖະກິດໂລກ” ສະບັບຫຼ້າສຸດ ໂດຍໄດ້ປັບຫຼຸດໂຕເລກການຄາດຄະເນຕໍ່ການເຕີບໂຕຂອງເສດຖະກິດໂລກປີ 2025 ໃຫ້ຢູ່ໃນລະດັບ 2.3% ຈາກທີ່ຄາດຄະເນໄວ້ 2.7% ໃນເດືອນມັງກອນ ຜ່ານມາ.

ທະນາຄານໂລກແຈ້ງໃຫ້ຮູ້ວ່າ: ການເຕີບໂຕຂອງເສດຖະກິດໂລກພວມຊ້າລົງເນື່ອງຈາກກໍາແພງການຄ້າ ແລະ ສະພາບແວດລ້ອມດ້ານນະໂຍບາຍທີ່ບໍ່ແນ່ນອນ. ເມື່ອທຽບໃສ່ສະພາບເສດຖະກິດໃນ 6 ເດືອນກ່ອນໜ້ານີ້ທີ່ມີຄວາມເປັນໄປໄດ້ທີ່ຈະຫຼຸດລົງຢ່າງໝັ້ນທ່ຽງແລ້ວ, ເສດຖະກິດໂລກໃນປັດຈຸບັນພວມຕົກຢູ່ໃນສະພາບຄວາມຜັນຜວນອີກເທື່ອໜຶ່ງ.

ພ້ອມນີ້, ບົດລາຍງານຂອງທະນາຄານໂລກຍັງຄາດຄະເນວ່າ: ຈັງຫວະການເຕີບໂຕຂອງການຄ້າໂລກໃນປີນີ້ຈະຢູ່ໃນລະດັບ 1.8%, ຫຼຸດລົງ 1.3% ເມື່ອທຽບໃສ່ການຄາດຄະເນໃນເດືອນມັງກອນຜ່ານມາ. ຂະນະທີ່ຈັງຫວະການເຕີບໂຕຂອງການຄ້າໂລກໃນປີໜ້າຈະຢູ່ໃນລະດັບ 2.4%, ຫຼຸດລົງ 0.8% ເມື່ອທຽບໃສ່ການຄາດຄະເນໃນເດືອນມັງກອນ ຜ່ານມາ.

ຄໍາເຫັນ

ຂ່າວຕ່າງປະເທດ

ອິນເດຍ ເຕືອນໄພຄື້ນຄວາມຮ້ອນລະດັບສີແດງ

12/06/2025 12:48

ຂ່າວຕ່າງປະເທດລາຍງານ ໃນວັນທີ 12 ມິຖຸນາ ນີ້ວ່າ: ອິນເດຍ ປະກາດເຕືອນໄພລະດັບ “ສີແດງ” ເພື່ອຮັບມືກັບຄື້ນຄວາມຮ້ອນຮຸ່ນແຮງ ແລະ ດັດສະນີຄວາມຮ້ອນສູງເຖິງ 51.9 ອົງສາ, ໃນຂະນະດຽວກັນຄຸນນະພາບອາກາດຢູ່ໃນລະດັບ “ບໍ່ດີ” ດັດຊະນີຄຸນນະພາບອາກາດ ຢູ່ທີ່ 245 ຊຶ່ງສູງເກີນມາດຕະຖານ ແລະ ສົ່ງຜົນກະທົບຕໍ່ສຸຂະພາບຂອງປະຊາຊົນ.

ອິນໂດເນເຊຍ ວາງຄາດໝາຍລຶບລ້າງຄວາມທຸກຍາກ ສຳເລັດພາຍໃນປີ 2026

12/06/2025 12:47

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທ່ານ ອັດມັດ ມໍລານີ ເຈົ້າໜ້າທີ່ພິເສດຂອງລັດຖະມົນຕີປະສານງານການສ້າງຄວາມເຂັ້ມແຂງຊຸມຊົນຂອງອິນໂດເນເຊຍ ກ່າວວ່າ: ລັດຖະບານອິນໂດເນເຊຍ ເຊື່ອໝັ້ນວ່າຄວາມພະຍາຍາມຫຼຸດຜ່ອນຄວາມທຸກຍາກຈະປະສົບຜົນສໍາເລັດ ແລະ ຈໍານວນປະຊາກອນທີ່ທຸກຍາກຈະຖືກລຶບລ້າງຊ້າສຸດພາຍໃນປີ 2026.

BOJ ເລັ່ງພັດທະນາລະບົບຊໍາລະເງິນດີຈີຕອນ

12/06/2025 12:46

ຂ່າວຕ່າງປະເທດລາຍງານ ໃນວັນທີ 11 ມິຖຸນາ ຜ່ານມາວ່າ: ເຖິງວ່າ ຍີ່ປຸ່ນ ຍັງມີການນຳໃຊ້ທະນະບັດໃນລະດັບສູງ, ແຕ່ ທະນາຄານກາງຍີ່ປຸ່ນ (BOJ) ຄາດຄະເນວ່າທ່າອ່ຽງການນຳໃຊ້ທະນະບັດອາດຈະຫຼຸດລົງຢ່າງຫຼວງຫຼາຍໃນອະນາຄົດ ເນື່ອງຈາກການຂະຫຍາຍຕົວຂອງ ດີຈີຕອນ ຢ່າງວ່ອງໄວ ຊຶ່ງການປ່ຽນແປງນີ້ໄດ້ກະຕຸ້ນໃຫ້ BOJ ເລັ່ງການວາງແຜນ ແລະ ການພັດທະນາລະບົບການຊຳລະເງິນທີ່ທັນສະໄໝ ແລະ ພ້ອມຮອງຮັບສະພາບສັງຄົມໃໝ່.

ມີຫຼາຍກວ່າ 30.000 ຄົນ ສະເໝີຊື່ເຂົ້າຮ່ວມງານວາງສະແດງເສດຖະກິດການຄ້າຈີນ-ອາຟຣິກາຄັ້ງທີ 4

12/06/2025 12:37

ຂ່າວສານຊີອາໄອລາຍງານ ໃນວັນທີ 12 ມິຖຸນາ ຜ່ານມາວ່າ: ງານວາງສະແດງເສດຖະກິດການຄ້າລະຫວ່າງຈີນ-ອາຟຣິກາ ຄັ້ງທີ 4 ໄດ້ຈັດຂຶ້ນຢູ່ນະຄອນສາງຊ່າ ແຂວງຫູໜານ ຂອງຈີນ ໃນລະຫວ່າງວັນທີ 12-15 ມິຖຸນານີ້. ປັດຈຸບັນ ມີຫຼາຍກວ່າ 30.000 ຄົນ ຈາກ 53 ປະເທດໃນອາຟຣິກາ, 11 ອົງການຈັດຕັ້ງສາກົນ, 4.700 ກວ່າວິສາຫະກິດ ພ້ອມດ້ວຍສະມາຄົມການຄ້າ, ສະຖາບັນການເງິນ ແລະ ອື່ນໆ ຂອງຈີນ ແລະ ອາຟຣິກາ ໄດ້ສະເໝີຊື່ເຂົ້າຮ່ວມງານວາງສະແດງຄັ້ງນີ້ແລ້ວ.

ຫວຽດນາມ ໃຫ້ຄຳໝັ້ນສັນຍາປົກປັກຮັກສາມະຫາສະໝຸດ ແລະ ລະບົບຊີວະພາບທະເລ

12/06/2025 12:33

ວິທະຍຸກະຈາຍສຽງຫວຽດນາມລາຍງານວ່າ: ໃນຂອບເຂດກອງປະຊຸມມະຫາສະໝຸດສະຫະປະຊາຊາດ ຄັ້ງທີ 3 ທີ່ຈັດຂຶ້ນຢູ່ ປະເທດຝຣັ່ງ, ໃນວັນທີ 11 ມິຖຸນາ ຜ່ານມາ ທ່ານ ບຸຍແທັງເຊີນ ຮອງນາຍົກລັດຖະມົນຕີ ລັດຖະມົນຕີການຕ່າງປະເທດ ຫວຽດນາມ ໄດ້ເປັນປະທານວາລະປະຊຸມກ່ຽວກັບການຄຸ້ມຄອງອາຊີບການປະມົງແບບຍືນຍົງ; ໃນນັ້ນ, ຫວຽດນາມ ໃຫ້ຄຳໝັ້ນສັນຍາຈະພັດທະນາອາຊີບຫາປາແບບຍືນຍົງ, ສືບຕໍ່ຜັນຂະຫຍາຍບັນດາລາຍການໜູນຊ່ວຍຊາວປະມົງ, ເພີ່ມທະວີການຄຸ້ມຄອງອາຊີບຫາປາ ແລະ ຕ້ານການຫາປາຢ່າງຜິດກົດໝາຍ, ບໍ່ລາຍງານ ແລະ ບໍ່ເຮັດຕາມຂໍ້ກຳນົດ (IUU).

ບໍລິສັດ Gotion, Inc ຜູ້ນຳລະດັບໂລກໃນດ້ານເຕັກໂນໂລຊີແບັດເຕີຣີ ແລະ ການແກ້ໄຂດ້ານພະລັງງານ

12/06/2025 11:42

ບໍລິສັດ Gotion, Inc. ຫຼື ເປັນທີ່ຮູ້ຈັກກັນໃນນາມ Gotion High-tech ເປັນຜູ້ນຳລະດັບໂລກໃນດ້ານເຕັກໂນໂລຊີແບັດເຕີຣີ ແລະ ການແກ້ໄຂດ້ານພະລັງງານທົດແທນ. ບໍລິສັດ Gotion, Inc ເປັນຊ່ຽວຊານໃນການຄົ້ນຄວ້າ, ພັດທະນາ ແລະ ການຜະລິດແບັດເຕີຣີ lithium-ion, ສຳລັບ ລົດໄຟຟ້າ (EVs) ໂດຍສະເພາະລະບົບການເກັບພະລັງງານ (ESS) ແລະ ການນຳໃຊ້ເຕັກໂນໂລຊີຂັ້ນສູງອື່ນໆ.

ການອະນຸລັກຮັກສາພູຂຽວນ້ຳໃສຄື “ສິ່ງສຳຄັນຂອງຊາດ”

12/06/2025 10:15

ຕົ້ນປີ 2025 ນີ້, ຄຳສັ່ງເກືອດຫ້າມທີ່ກ່ຽວຂ້ອງກັບສາຍພູສິນຫຼິ້ງ ສະບັບໜຶ່ງໄດ້ຮັບການຍ້ອງຍໍຊົມເຊີຍຈາກຊາວເນັດຈີນຫຼາຍຈົນນັບບໍ່ຖ້ວນ ຊຶ່ງຄຳສັ່ງດັ່ງກ່າວໄດ້ລະບຸວ່າ: ນັບແຕ່ມື້ເກີດຜົນບັງຄັບໃຊ້ເປັນຕົ້ນໄປ, ຢຸດຕິການຈັດກິດຈະກຳຂ້າມຜ່ານ ແລະ ປີນພູຢູ່ເຂດສະຫງວນທຳມະຊາດສາຍພູສິນຫຼິ້ງໃນທັນທີ.

ຊາວນູແວນເຊລັງ ເຂົ້າສູ່ຕະຫຼາດແຮງງານໄວຂຶ້ນ ແລະ ບຳນານຊ້າລົງ

11/06/2025 12:40

ຂ່າວຕ່າງປະເທດລາຍງານ ໃນວັນທີ 10 ມິຖຸນາ ຜ່ານມາວ່າ: ສຳນັກງານສະຖິຕິແຫ່ງຊາດນູແວນເຊລັງ ໄດ້ເປີດເຜີຍບົດລາຍງານການສຳຫຼວດສໍາມະໂນຄົວສະບັບຫຼ້າສຸດ ຊຶ່ງລະບຸວ່າ: ໄວໜຸ່ມນູແວນເຊລັງ ກໍາລັງເຂົ້າສູ່ຕະຫຼາດແຮງງານຫຼາຍຂຶ້ນ, ໃນຂະນະທີ່ຜູ້ອາຍຸສູງສືບຕໍ່ເຮັດວຽກຫຼາຍຂຶ້ນ.

ມູນຄ່າການຄ້າຈີນ-ອາຊຽນ ໃນ 5 ເດືອນທຳອິດຂອງປີ 2025 ບັນລຸຫຼາຍກວ່າ 3,000 ຕື້ຢວນ

11/06/2025 12:37

ຂ່າວສານຊີອາໄອລາຍງານ ໃນວັນທີ 11 ມິຖຸນາ ນີ້ວ່າ: ໂຕເລກສະຖິຕິທີ່ອົງການພາສີຈີນປະກາດໃນວັນທີ 9 ມິຖຸນາ ຜ່ານມາ ສະແດງໃຫ້ເຫັນວ່າໃນ 5 ເດືອນທຳອິດຂອງປີ 2025, ຍອດມູນຄ່າການຄ້າຂາເຂົ້າ-ຂາອອກສິນຄ້າຈີນບັນລຸເຖິງ 17,940 ຕື້ຢວນ, ເພີ່ມຂຶ້ນ 2.5% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ຍອດມູນຄ່າການສົ່ງອອກສິນຄ້າມີເຖິງ 10,670 ຕື້ຢວນ, ເພີ່ມຂຶ້ນ 7.2% ແລະ ການນຳເຂົ້າສິນຄ້າ 7,270 ຕື້ຢວນ, ຫຼຸດລົງ 3.8%.

ຫວຽດນາມ - ຝຣັ່ງ ເພີ່ມທະວີການຮ່ວມມືໃນຫຼາຍດ້ານ

11/06/2025 12:35

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 9 ມິຖຸນາ ຜ່ານມາ, ທ່ານ ຟ້າມມິງຈິງ ນາຍົກລັດ ຖະມົນຕີ ຫວຽດນາມ ໄດ້ມີການພົບປະກັບ ທ່ານ ມານູເອວ ມາຄຣົງ ປະທານາທິບໍດີຝຣັ່ງ, ເນື່ອງໃນໂອກາດເຂົ້າຮ່ວມກອງປະຊຸມສຸດຍອດກ່ຽວກັບມະຫາສະໝຸດຂອງ ສປຊ ຄັ້ງທີ 3 (UNOC 3) ຢູ່ເມືອງ Nice ປະເທດຝຣັ່ງ.

ເພີ່ມເຕີມ